തളിപ്പറമ്പ്: എംഡിഎംഎയുമായി യുവാവും യുവതിയുമടക്കം രണ്ടുപേര് തളിപ്പറമ്പ് എക്സൈസിന്റെ പിടിയില്. പട്ടുവം കുന്നരു സ്വദേശി മുജീബ് റഹ്മാന് (33), കര്ണാടക കോടേഗര സ്വദേശിനി മൈനാസ് മുഷ്കാന് (23) എന്നിവരാണ് പിടിയിലായത്. എംഡിഎംഎ വിതരണ ശൃംഖലയിലെ പ്രധാന കണ്ണികളാണ് ഇവര്. ജോയിന്റ് എക്സൈസ് കമ്മീഷണര് സ്ക്വാഡ് അംഗം പി.വി. ശ്രീകുമാര് നല്കിയ രഹസ്യ വിവരത്തി ന്റെ അടിസ്ഥാനത്തില് തളിപ്പറമ്പ് എക്സൈസ് റേഞ്ച് ഇന്സ്പെക്ടര് ജെ. ജോസഫിന്റെ നേതൃത്വ ത്തില് നടത്തിയ പരിശോധനയില് 2.1 ഗ്രാം എംഡിഎംഎയും ഇവരിൽ നിന്ന് കണ്ടെടുത്തു.
അസി. എക്സൈസ് ഇന്സ്പെക്ടര് ഗ്രേഡ് അസീസ്, വി.വി. ബിജു, പ്രിവന്റീവ് ഓഫീസര് ഗ്രേഡ് ഉല്ലാസ് ജോസ്, ടി.വി. വിജിത്ത്, സിവില് എക്സൈസ് ഓഫീസര് എം. കലേഷ്, വനിത സിവില് എക്സൈസ് ഓഫീസര് എന്. സുജിത, സിവില് എക്സൈസ് ഓഫീസര് ഡ്രൈവര് എം. പ്രകാശന് എന്നിവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.
തളിപ്പറമ്പ്: വീട്ടിൽ സൂക്ഷിച്ച എംഡിഎംഎയുമായി യുവാവിനെ തളിപ്പറന്പ് പോലീസും ഡാൻസാഫ് ടീമും അറസ്റ്റ് ചെയ്തു. സലാമത്ത് നഗറിലെ സി. മുഹമ്മദ് ദില്ഷാദാണ് (31) അറസ്റ്റിലായത്. ഇയാളിൽ നിന്ന് 88 ഗ്രാം എംഡിഎംഎ പിടിച്ചെടുത്തു. വീട്ടിൽ മയക്കുമരുന്ന് ശേഖരിച്ച് വില്പന നടത്തുന്നുണ്ടെന്ന രഹസ്യ വിവരത്തെ തുടർന്ന് പ്രതിയെ കുറച്ചു ദിവസങ്ങളായി ഡാൻസാഫ് ടീം നിരീക്ഷിച്ചു വരികയായിരുന്നു.
എംഡിഎംഎ തൂക്കുന്നതിനുള്ള മെഷീനും 2,26,000 രൂപയും പിടിച്ചെടുത്തു. തളിപ്പറമ്പ് എസ്ഐ കെ.എസ്. നിധിൻ, ഗ്രേഡ് എസ്ഐ സി.പി. സജിമോന്, സീനിയര് സിപിഒ വിജേഷ്, സിപിഒ സബിത, ഡാന്സാഫ് ടീമിലെ ഗ്രേഡ് എസ്ഐ പി.ആർ. ജിജിമോന്, സീനിയര് സിപിഒമാരായ ടി. നിഷാന്ത്, കെ. വിജേഷ് എന്നിവരുള്പ്പെട്ട സംഘമാണ് പ്രതിയെ അറസ്റ്റ് ചെയ്തത്
Deepika
E-paper LOGIN
LOGIN
