4

കേ​ര​ള രാ​ഷ്‌​ട്രീ​യം ച​ർ​ച്ച ചെ​യ്യ​പ്പെ​ടു​ന്ന പ്ര​ധാ​ന വി​ഷ​യ​ങ്ങ​ളു​ടെ കേന്ദ്രബിന്ദുവായി പ​ത്ത​നം​തി​ട്ട മാ​റി​യി​ട്ടു നാ​ളു​ക​ളാ​യി. ശ​ബ​രി​മ​ല സ്വ​ർ​ണ​ക്കൊ​ള്ള ഇ​പ്പോ​ഴും പ​ച്ച​പി​ടി​ച്ചു നി​ൽ​ക്കു​ക​യാ​ണ്. നി​യ​മ​സ​ഭാ തെ​ര​ഞ്ഞെ​ടു​പ്പി​ന് അ​ധി​ക​നാ​ൾ ഇ​ല്ലെ​ന്നി​രി​ക്കേ ശ​ബ​രി​മ​ല യു​വ​തീപ്ര​വേ​ശ​ന വി​ഷ​യ​വും ഇ​പ്പോ​ൾ ച​ർ​ച്ച​ക​ളി​ലേ​ക്കു വ​രു​ന്നു. ശ​ബ​രി​മ​ല ഉ​ൾ​പ്പെ​ടു​ന്ന പ​ത്ത​നം​തി​ട്ട ജി​ല്ല എ​ന്താ​യാ​ലും ഈ ​വി​ഷ​യ​ങ്ങ​ളെ​ല്ലാം പൊ​തു​ച​ർ​ച്ച​ക​ളി​ലേ​ക്ക് ത​ള്ളി​വി​ടും.

രാ​ഹു​ൽ മാ​ങ്കൂ​ട്ട​ത്തി​ലി​ന്‍റെ സ്വ​ന്തം നാ​ടെ​ന്ന നി​ല​യി​ൽ ആ ​വി​വാ​ദ​ത്തി​നും പ​ത്ത​നം​തി​ട്ട ബ​ന്ധം വേ​ണ്ടു​വോ​ള​മു​ണ്ട്. മ​ല​യോ​ര​വും അ​പ്പ​ർ​കു​ട്ട​നാ​ടും ഉ​ൾ​പ്പെ​ടു​ന്ന ജി​ല്ല​യി​ൽ കാ​ർ​ഷി​ക പ്ര​ശ്ന​ങ്ങ​ള​ട​ക്കം ച​ർ​ച്ച ചെ​യ്യ​പ്പെ​ടും. വി​ക​സ​ന​രം​ഗ​ത്ത് ക​ഴി​ഞ്ഞ പ​ത്തു​വ​ർ​ഷ​ത്തി​നി​ടെ ഉ​ണ്ടാ​യ നേ​ട്ട​ങ്ങ​ൾ ഭ​ര​ണ​പ​ക്ഷ​ത്തി​ന് എ​ടു​ത്തു​കാ​ട്ടാ​നു​ണ്ടാ​കും. എ​ന്നാ​ൽ, ഇ​വ​യെ പ്ര​തി​രോ​ധി​ച്ച് പ്ര​തി​പ​ക്ഷ​വും രം​ഗ​ത്തി​റ​ങ്ങി​ക്ക​ഴി​ഞ്ഞു.

അ​ട​ച്ചു​പൂ​ട്ട​പ്പെ​ട്ട വീ​ടു​ക​ളും, വാ​ർ​ധ​ക്യ​ത്തി​ൽ ഒ​റ്റ​പ്പെ​ട്ടു ക​ഴി​യു​ന്ന അ​ച്ഛ​ന​മ്മ​മാ​രും കേ​ര​ള​ത്തി​ൽ ഏ​റ്റ​വും കൂ​ടു​ത​ലു​ള്ള ജി​ല്ല കൂ​ടി​യാ​ണ് പ​ത്ത​നം​തി​ട്ട. യൂ​റോ​പ്യ​ൻ രാ​ജ്യ​ങ്ങ​ളി​ലേ​ക്കു​ള്ള കു​ടി​യേ​റ്റ​ത്തി​ന്‍റെ കാ​ര്യ​ത്തി​ൽ പ​ത്ത​നം​തി​ട്ട മു​ന്നി​ലാ​ണ്. ഏ​റ്റ​വു​മൊ​ടു​വി​ൽ ന​ട​ന്ന സെ​ൻ​സ​സി​ൽ ജ​ന​ന​നി​ര​ക്ക് മൈ​ന​സ് രേ​ഖ​പ്പെ​ടു​ത്തി​യ​തും പ​ത്ത​നം​തി​ട്ട​യി​ലാ​ണ്. ഓ​രോ വോ​ട്ട​ർ​പ​ട്ടി​ക​യി​ലും പ​ത്ത​നം​തി​ട്ട​യി​ൽ വോ​ട്ട​ർ​മാ​രു​ടെ എ​ണ്ണം കു​റ​യു​ക​യാ​ണ്.

തീ​വ്ര വോ​ട്ട​ർ​പ​ട്ടി​ക പ​രി​ഷ്ക​ര​ണ ന​ട​പ​ടി​ക​ൾ പൂ​ർ​ത്തീ​ക​രി​ച്ച​പ്പോ​ഴും ഒ​രു ല​ക്ഷ​ത്തോ​ളം വോ​ട്ട​ർ​മാ​രു​ടെ കു​റ​വു​ണ്ടാ​യേ​ക്കും. 10,47,976 വോ​ട്ട​ർ​മാ​രി​ൽ​നി​ന്ന് 9,49,632 ആ​യി​ട്ടാ​ണ് കു​റ​വു​ള്ള​ത്. ഇ​തി​ൽ​ത​ന്നെ ഹി​യ​റിം​ഗ് അ​ട​ക്കം പൂ​ർ​ത്തീ​ക​രി​ച്ച് അ​ന്തി​മ പ​ട്ടി​ക വ​രു​ന്പോ​ൾ പി​ന്നെ​യും കു​റ​വു​ണ്ടാ​കാം.

പോ​ളിം​ഗ് ശ​ത​മാ​ന​ത്തി​ലും ഓ​രോ തെ​ര​ഞ്ഞെ​ടു​പ്പ് ക​ഴി​യു​ന്പോ​ഴും കു​റ​വാ​ണ് ക​ണ്ടു​വ​രു​ന്ന​ത്. 70 ശ​ത​മാ​നം പോ​ളിം​ഗ് പോ​ലും ക​ഴി​ഞ്ഞ തെ​ര​ഞ്ഞെ​ടു​പ്പു​ക​ളി​ൽ ഉ​ണ്ടാ​യി​ല്ല. മ​രി​ച്ചു​പോ​യ​വ​രെ​യും സ്ഥ​ല​ത്തി​ല്ലാ​ത്ത​വ​രെ​യും ഒ​ഴി​വാ​ക്കി പ​ട്ടി​ക പ​രി​ഷ്ക​രി​ക്കു​ന്പോൾ പോ​ളിം​ഗ് ശ​ത​മാ​നം ഇ​നി ഉ​യ​ർ​ന്നേ​ക്കാം.

2009ൽ ​മ​ണ്ഡ​ല പു​ന​ർ​വി​ഭ​ജ​നം ന​ട​ന്ന​പ്പോ​ൾ പ​ത്ത​നം​തി​ട്ട​യി​ലെ ര​ണ്ട് മ​ണ്ഡ​ല​ങ്ങ​ൾ പൂ​ർ​ണ​മാ​യും ഒ​രെ​ണ്ണം ഭാ​ഗി​ക​മാ​യും ഇ​ല്ലാ​താ​യി. മു​ന്പ് എ​ട്ട് എം​എ​ൽ​എ​മാ​ർ ജി​ല്ല​യി​ൽ ഉ​ണ്ടാ​യി​രു​ന്നെ​ങ്കി​ൽ ഇ​ന്നി​പ്പോ​ൾ അ​ഞ്ചാ​യി.
മ​ണ്ഡ​ല വി​ഭ​ജ​ന​ത്തി​നു മു​ന്പ് യു​ഡി​എ​ഫ് കോ​ട്ട​യെ​ന്നു വി​ശേ​ഷ​ണ​മു​ണ്ടാ​യി​രു​ന്ന പ​ത്ത​നം​തി​ട്ട 2011 മു​ത​ൽ ചു​വ​ടു​മാ​റ്റി​ത്തു​ട​ങ്ങി. 2021ലെ ​തെ​ര​ഞ്ഞെ​ടു​പ്പി​ലാ​ക​ട്ടെ ജി​ല്ല​യി​ലെ അ​ഞ്ച് നി​യ​മ​സ​ഭാ മ​ണ്ഡ​ല​ങ്ങ​ളി​ലും വി​ജ​യി​ച്ച് എ​ൽ​എ​ഫ് ച​രി​ത്ര​നേ​ട്ട​മു​ണ്ടാ​ക്കി. എ​ന്നാ​ൽ, 2024 ലോ​ക്സ​ഭാ തെ​ര​ഞ്ഞെ​ടു​പ്പി​ലും ഇ​ക്ക​ഴി​ഞ്ഞ ത​ദ്ദേ​ശ സ്ഥാ​പ​ന തെ​ര​ഞ്ഞെ​ടു​പ്പി​ലും യു​ഡി​എ​ഫി​നാ​യി​രു​ന്നു വി​ജ​യം. പ​ത്ത​നം​തി​ട്ട​യി​ൽ തി​രി​ച്ചു​വ​ര​വി​നു ക​ള​മൊ​രു​ങ്ങി​യെ​ന്നാ​ണ് യു​ഡി​എ​ഫ് നേ​താ​ക്ക​ളു​ടെ അ​വ​കാ​ശ​വാ​ദം.

അതേസമയം, 2016, 2021 നി​യ​മ​സ​ഭാ തെ​ര​ഞ്ഞെ​ടു​പ്പു ഫ​ലം ആ​വ​ർ​ത്തി​ക്കു​മെ​ന്നു ത​ന്നെ​യാ​ണ് എ​ൽ​ഡി​എ​ഫ് പ്ര​തീ​ക്ഷ. കോ​ന്നി​യും ആ​റ​ന്മു​ള​യും എ​ൻ​ഡി​എ‍യു​ടെ സാ​ധ്യ​താപ​ട്ടി​ക​യി​ലു​ള്ള​താ​ണ്. തി​രു​വ​ല്ല​യ്ക്ക് ഇ​ത്ത​വ​ണ പ്ര​ത്യേ​ക ശ്ര​ദ്ധ​യും ന​ൽ​കു​ന്നു. ക​ഴി​ഞ്ഞ തെ​ര​ഞ്ഞെ​ടു​പ്പു​ക​ളി​ൽ എ​ൻ​ഡി​എ നേ​ടി​യ വോ​ട്ടു​ക​ൾ ഏ​റെ ബാ​ധി​ച്ച​ത് യു​ഡി​എ​ഫി​നെ ആ​യി​രു​ന്നു.

സി​റ്റിം​ഗ് എം​എ​ൽ​എ​മാ​ർ മ​ത്സ​രി​ച്ചേ​ക്കും

ടേം ​നോ​ക്കാ​തെ സി​റ്റിം​ഗ് എം​എ​ൽ​എ​മാ​രെ മ​ത്സ​രി​പ്പി​ക്കാ​ൻ എ​ൽ​ഡി​എ​ഫി​ലെ ഘ​ട​ക​ക​ക്ഷി​കൾ തീ​രു​മാ​നി​ച്ചാ​ൽ പ​ത്ത​നം​തി​ട്ട​യി​ൽ നി​ല​വി​ലെ അ​ഞ്ചു പേ​ർ​ക്കും ന​റു​ക്കു വീ​ഴാ​നാ​ണ് സാ​ധ്യ​ത. ആ​റ​ന്മു​ള​യി​ലെ എം​എ​ൽ​എ കൂ​ടി​യാ​യ മ​ന്ത്രി വീ​ണാ ജോ​ർ​ജ് ര​ണ്ട് ടേം ​പൂ​ർ​ത്തീ​ക​രി​ച്ചു. ര​ണ്ട് ടേം ​ക​ഴി​ഞ്ഞ​വ​രെ 2021ൽ ​സി​പി​എം മാ​റ്റി​നി​ർ​ത്തി​യി​രു​ന്നു. കോ​ന്നി എം​എ​ൽ​എ കെ.​യു. ജ​നീ​ഷ് കു​മാ​റും (സി​പി​എം) ര​ണ്ടു​ത​വ​ണ തെ​ര​ഞ്ഞെ​ടു​ക്ക​പ്പെ​ട്ടി​ട്ടു​ണ്ട്. എ​ന്നാ​ൽ, ആ​ദ്യവി​ജ​യം ഉ​പ​തെ​ര​ഞ്ഞെ​ടു​പ്പി​ലൂ​ടെ​യാ​യ​തി​നാ​ൽ ര​ണ്ട് ടേം ​എ​ന്ന​ത് ജ​നീ​ഷി​നു ബാ​ധ​മാ​കി​ല്ല. വി​ജ​യ​സാ​ധ്യ​തകൂ​ടി പ​രി​ഗ​ണി​ച്ച് ര​ണ്ടു​പേ​രെ​യും സി​പി​എം മ​ത്സ​ര​രം​ഗ​ത്ത് നി​ല​നി​ർ​ത്തു​മെ​ന്നാ​ണ് ക​രു​തു​ന്ന​ത്.

സി​പി​ഐ പ്ര​തി​നി​ധി അ​ടൂ​ർ എം​എ​ൽ​എ​യും ഡെ​പ്യൂ​ട്ടി സ്പീ​ക്ക​റു​മാ​യ ചി​റ്റ​യം ഗോ​പ​കു​മാ​ർ 2011 മു​ത​ൽ എം​എ​ൽ​എ​യാ​ണ്. മൂ​ന്ന് ടേം ​പൂ​ർ​ത്തീ​ക​രി​ച്ച ചി​റ്റ​യം ഗോ​പ​കു​മാ​ർ സി​പി​ഐ പ​ത്ത​നം​തി​ട്ട ജി​ല്ലാ സെ​ക്ര​ട്ട​റി​യു​മാ​ണ്. സം​ഘ​ട​ന ചു​മ​ത​ല​യി​ലേ​ക്ക് മാ​റി​യ​തി​നാ​ൽ ചി​റ്റ​യം ഗോ​പ​കു​മാ​ർ ഒ​ഴി​വാ​കു​മെ​ന്ന് സൂ​ച​ന​യു​ണ്ട്. എ​ന്നാ​ൽ വി​ജ​യ​സാ​ധ്യ​ത ക​ണ​ക്കി​ലെ​ടു​ത്ത് ചി​റ്റ​യ​ത്തത്ത​ന്നെ വീ​ണ്ടും അ​ടൂ​രി​ൽ രം​ഗ​ത്തി​റ​ക്കാ​നും ഒ​രു​വി​ഭാ​ഗം ശ്ര​മി​ക്കു​ന്നു​ണ്ട്.

സോ​ഷ്യ​ലി​സ്റ്റ് ജ​ന​താ​ദ​ൾ സം​സ്ഥാ​ന പ്ര​സി​ഡ​ന്‍റ് മാ​ത്യു ടി. ​തോ​മ​സ് 2006 മു​ത​ൽ പ്ര​തി​നി​ധീ​ക​രി​ക്കു​ന്ന തി​രു​വ​ല്ല മ​ണ്ഡ​ല​ത്തി​ൽ ഇ​ത്ത​വ​ണ​യും അ​ദ്ദേ​ഹം ത​ന്നെ​യാ​കും എ​ൽ​ഡി​എ​ഫ് സ്ഥാ​നാ​ർ​ഥി. കേ​ര​ള കോ​ൺ​ഗ്ര​സ് എ​മ്മി​ല പ്ര​മോ​ദ് നാ​രാ​യ​ൺ റാ​ന്നി മ​ണ്ഡ​ല​ത്തി​ൽ ര​ണ്ടാം ഊ​ഴ​ത്തി​നു​ള്ള ത​യാ​റെ​ടു​പ്പി​ലാ​ണ്.

2021ൽ ​എ​ൽ​ഡി​എ​ഫ് ത​രം​ഗം

2021ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ൽ യു​ഡി​എ​ഫി​നു​ണ്ടാ​യ​ത് അ​പ്ര​തീ​ക്ഷി​ത പ​രാ​ജ​യ​മാ​യി​രു​ന്നു. ഒ​രു സീ​റ്റു പോ​ലും ല​ഭി​ച്ചി​ല്ല. യു​ഡി​എ​ഫി​ൽ നാ​ലി​ട​ത്ത് കോ​ൺ​ഗ്ര​സും ഒ​രി​ട​ത്ത് കേ​ര​ള കോ​ൺ​ഗ്ര​സു​മാ​ണ് മ​ത്സ​രി​ച്ച​ത്.

2016ൽ ​നേ​ടി​യ​തി​നേ​ക്കാ​ൾ വ​ൻ​ നേ​ട്ട​മാ​ണ് പ​ല​യി​ട​ത്തും എ​ൽ​ഡി​എ​ഫി​നു​ണ്ടാ​യ​ത്. ആ​റ​ന്മു​ള​യി​ൽ സി​പി​എ​മ്മി​ലെ വീ​ണാ ജോ​ർ​ജ് കോ​ൺ​ഗ്ര​സി​ലെ കെ. ​ശി​വ​ദാ​സ​ൻ നാ​യ​രെ തോ​ല്പി​ച്ച​ത് 20,748 വോ​ട്ടി​ന്‍റെ ഭൂ​രി​പ​ക്ഷ​ത്തി​ലാ​ണ്. തി​രു​വ​ല്ല​യി​ൽ ജ​ന​താ​ദ​ളി​ലെ മാ​ത്യു ടി. ​തോ​മ​സ്, കേ​ര​ള കോ​ൺ​ഗ്ര​സി​ലെ കു​ഞ്ഞു​കോ​ശി പോ​ളി​നെ 11,421 വോ​ട്ടി​നു തോ​ല്പി​ച്ചു. കോ​ന്നി​യി​ൽ സി​പി​എ​മ്മി​ലെ കെ.​യു. ജ​നീ​ഷ് കു​മാ​റി​ന്‍റെ ഭൂ​രി​പ​ക്ഷം 8508 വോ​ട്ടാ​യി​രു​ന്നു. കോ​ൺ​ഗ്ര​സി​ലെ റോ​ബി​ൻ പീ​റ്റ​റാ​യി​രു​ന്നു എ​തി​രാ​ളി. അ​ടൂ​രി​ൽ സി​പി​ഐ​യി​ലെ ചി​റ്റ​യം ഗോ​പ​കു​മാ​ർ കോ​ൺ​ഗ്ര​സി​ലെ എം.​ജി. ക​ണ്ണ​നെ​തി​രേ 2919 വോ​ട്ടി​ന്‍റെ ലീ​ഡ് നേ​ടി. റാ​ന്നി​യി​ൽ കേ​ര​ള കോ​ൺ​ഗ്ര​സി​ലെ പ്ര​മോ​ദ് നാ​രാ​യ​ൺ കോ​ൺ​ഗ്ര​സി​ലെ റി​ങ്കു ചെ​റി​യാ​നെ തോ​ൽപ്പിച്ച​ത് 1285 വോ​ട്ടു​ക​ൾ​ക്കാ​ണ്.

2016ൽ ​കോ​ന്നി ഒ​ഴി​കെ​യു​ള്ള നാ​ല് സീ​റ്റു​ക​ളി​ലും എ​ൽ​ഡി​എ​ഫാ​ണ് ജ​യി​ച്ച​ത്. 2019 ലോ​ക്സ​ഭാ തെ​ര​ഞ്ഞെ​ടു​പ്പി​ൽ ആ​റ്റി​ങ്ങ​ലി​ൽ​നി​ന്ന് കോ​ന്നി എം​എ​ൽ​എ അ​ടൂ​ർ പ്ര​കാ​ശ് വി​ജ​യി​ച്ച​തോ​ട കോ​ന്നി​യി​ൽ ഉ​പ​തെ​ര​ഞ്ഞെ​ടു​പ്പ് വേ​ണ്ടി​വ​ന്നു. ഉ​പ​തെ​ര​ഞ്ഞെ​ടു​പ്പി​ലൂ​ടെ കോ​ന്നി​യും എ​ൽ​ഡി​എ​ഫ് സ്വ​ന്ത​മാ​ക്കി.

ലോ​ക്സ​ഭാ തെ​ര​ഞ്ഞെ​ടു​പ്പി​ൽ യു​ഡി​എ​ഫ് തി​രി​ച്ച​ടി​ച്ചു

2024 ലോ​ക്സ​ഭാ തെ​ര​ഞ്ഞെ​ടു​പ്പി​ൽ ജി​ല്ല​യി​ൽ ഉ​ൾ​പ്പെ​ടു​ന്ന അ​സം​ബ്ലി മ​ണ്ഡ​ല​ങ്ങ​ളി​ൽ എ​ല്ലാം യു​ഡി​എ​ഫ് സ്ഥാ​നാ​ർ​ഥി ആ​ന്‍റോ ആ​ന്‍റ​ണി​ക്കാ​യി​രു​ന്നു ലീ​ഡ്. എ​ൽ​ഡി​എ​ഫ് എം​എ​ൽ​എ​മാ​രു​ടെ പി​ൻ​ബ​ല​ത്തി​ൽകൂ​ടി മ​ത്സ​രി​ക്കാ​നി​റ​ങ്ങി​യ സി​പി​എം കേ​ന്ദ്ര ക​മ്മി​റ്റി​യം​ഗം കൂ​ടി​യാ​യ ഡോ. ​തോ​മ​സ് ഐ​സ​ക്കി​ന് എ​ല്ലാ​യി​ട​ത്തും കാ​ലി​ട​റി. തി​രു​വ​ല്ല - 11,530, റാ​ന്നി - 9597, ആ​റ​ന്മു​ള - 14,687, കോ​ന്നി - 2579, അ​ടൂ​ർ - 2266 എ​ന്നി​ങ്ങ​നെ​യാ​യി​രു​ന്നു യു​ഡി​എ​ഫ് ലീ​ഡ്.

2021ൽ ​എ​ൽ​ഡി​എ​ഫ് സ്ഥാ​നാ​ർ​ഥി​ക​ൾ നേ​ടി​യ വ​ൻ ഭൂ​രി​പ​ക്ഷം അ​ട്ടി​മ​റി​ച്ചാ​ണ് യു​ഡി​എ​ഫ് ലീ​ഡി​ലേ​ക്ക് എ​ത്തി​യ​ത്. എ​ന്നാ​ൽ, 2019ലെ ​തെ​ര​ഞ്ഞെ​ടു​പ്പി​ലും യു​ഡി​എ​ഫ് ലോ​ക്സ​ഭാ മ​ണ്ഡ​ല​ങ്ങ​ളി​ൽ ലീ​ഡ് നേ​ടി​യി​രു​ന്നു​വെ​ങ്കി​ലും പി​ന്നീ​ടു വ​ന്ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ എ​ൽ​ഡി​എ​ഫി​നു വി​ജ​യി​ക്കാ​നാ​യ​ത് നേ​ട്ട​മാ​യി എ​ടു​ത്തുകാ​ട്ടു​ന്നു​മു​ണ്ട്. ലോ​ക്സ​ഭാ തെ​ര​ഞ്ഞെ​ടു​പ്പി​ൽ ച​ർ​ച്ച ചെ​യ്യ​പ്പെ​ടു​ന്ന​തും കേ​ന്ദ്ര​ത്തി​ൽ കോ​ൺ​ഗ്ര​സി​നു​ള്ള സാ​ധ്യ​ത​യു​മൊ​ക്കെ ക​ണ​ക്കി​ലെ​ടു​ത്ത് ജ​നം വോ​ട്ട് ചെ​യ്യു​ന്ന രീ​തി​യാ​ണെ​ന്നാ​ണ് എ​ൽ​ഡി​എ​ഫ് നേ​താ​ക്ക​ൾ ചൂ​ണ്ടി​ക്കാ​ട്ടു​ന്ന​ത്. ത​ല​മു​തി​ർ​ന്ന നേ​താ​വി​നെ രം​ഗ​ത്തി​റ​ക്കി ഇ​ത്ത​വ പ​ത്ത​നം​തി​ട്ട​യെ ഒ​പ്പം നി​ർ​ത്താ​നാ​യി ന​ട​ത്തി​യ നീ​ക്ക​ങ്ങ​ളി​ലു​ണ്ടാ​യ പാ​ളി​ച്ച​യും എ​ൽ​ഡി​എ​ഫ് വി​ശ​ദ​മാ​യി ച​ർ​ച്ച ചെ​യ്ത​താ​ണ്.

ത​ദ്ദേ​ശ​വും തി​രി​കെപ്പിടി​ച്ചു 

കേ​ര​ളം മു​ഴു​വ​ൻ ചു​വന്ന​പ്പോ​ഴും യു​ഡി​എ​ഫി​നൊ​പ്പം നി​ലകൊണ്ട പ​ത്ത​നം​തി​ട്ട​യി​ൽ 2020ലെ ​ത​ദ്ദേ​ശ തെ​ര​ഞ്ഞെ​ടു​പ്പു ഫ​ലം അ​പ്ര​തീ​ക്ഷി​ത​മാ​യി​രു​ന്നു. അ​ന്നു​ണ്ടാ​യ പ​രാ​ജ​യ​ത്തെ ക​വ​ച്ചു​വ​യ്ക്കു​ന്ന നേ​ട്ടം ഇ​ത്ത​വ​ണ യു​ഡി​എ​ഫി​നു​ണ്ടാ​യി. ജി​ല്ലാ പ​ഞ്ചാ​യ​ത്തി​ലും മൂ​ന്ന് ന​ഗ​ര​സ​ഭ​ക​ളി​ലും എ​ട്ട് ബ്ലോ​ക്ക് പ​ഞ്ചാ​യ​ത്തു​ക​ളി​ലും 34 ഗ്രാ​മ​പ​ഞ്ചാ​യ​ത്തു​ക​ളി​ലും ഭ​ര​ണ​ത്തി​ലെ​ത്താ​നാ​യി. എ​ൽ​ഡി​എ​ഫ് കോ​ട്ട​യെ​ന്നു ക​രു​തി​യി​രു​ന്ന പ​ഞ്ചാ​യ​ത്തു​ക​ളി​ൽ പോ​ലും യു​ഡി​എ​ഫ് വെ​ന്നി​ക്കൊ​ടി പാ​റി​ച്ചു. 2010നു​ശേ​ഷം ഇ​ത്ത​ര​ത്തി​ലൊ​രു വി​ജ​യം യു​ഡി​എ​ഫി​ന് ആ​ദ്യ​മാ​യാ​ണ്. നി​യ​മ​സ​ഭാ മ​ണ്ഡ​ല​ങ്ങ​ളു​ടെ ക​ണ​ക്കി​ലും എ​ല്ലാ​യി​ട​ത്തും യു​ഡി​എ​ഫി​നുത​ന്നെ​യാ​ണ് ലീ​ഡ്. അ​ടൂ​ർ, കോ​ന്നി ഒ​ഴി​കെ​യു​ള്ള മ​ണ്ഡ​ല​ങ്ങ​ളി​ൽ മെ​ച്ച​പ്പെ​ട്ട ലീ​ഡാ​ണ് യു​ഡി​എ​ഫി​നു​ള്ള​ത്.