കൊച്ചി: പോസ്റ്റല് ബാലറ്റ് പ്രതിസന്ധിയില് ഇടപെട്ട് ഹൈക്കോടതി. പോസ്റ്റല് വോട്ട് ചെയ്യാനാവാത്തവര്ക്ക് വോട്ട് ചെയ്യാന് സൗകര്യം നല്കുമോ എന്നും ഇതിനായി ഒരു പ്രത്യേക ദിവസം സൗകര്യം നല്കാനാകുമോ എന്നും കോടതി ചോദിച്ചു. ഇതില് തെരഞ്ഞെടുപ്പ് കമ്മീഷന് ചൊവ്വാഴ്ച മറുപടി അറിയിക്കണമെന്ന് ഹൈക്കോടതി നിര്ദേശിച്ചു.
പോസ്റ്റല് ബാലറ്റ് ലഭ്യമായില്ലെന്ന് ചൂണ്ടിക്കാണിച്ച് മൂന്നു ഹര്ജികളാണ് കോടതിയില് എത്തിയത്. സ്ട്രോങ് റൂം അടക്കം പൂട്ടിയ സാഹചര്യത്തില് വോട്ട് ചെയ്യാന് ഇനിയൊരു അവസരം നല്കാനാവില്ലെന്ന് തെരഞ്ഞെടുപ്പ് കമ്മീഷന് നേരത്തെ മറുപടി നല്കിയിരുന്നു.
എന്നാല് റൂള് 27 പ്രകാരം മെയ് 4ന് വോട്ടെണ്ണല് ദിവസം വരെ വോട്ട് ചെയ്യാനുള്ള സാധ്യതയുണ്ട്. അതുകൊണ്ട് പോസ്റ്റല് ബാലറ്റ് അനുവദിക്കണം എന്ന ആവശ്യമാണ് ഹര്ജിക്കാര് മുന്നോട്ടു വച്ചത്. ഈ ഘട്ടത്തിലാണ് കോടതി ഇനിയൊരു അവസരം നല്കാന് ആകുമോ എന്ന് തെരഞ്ഞെടുപ്പ് കമ്മീഷനോട് ചോദിച്ചിരിക്കുന്നത്.
തെരഞ്ഞെടുപ്പ് കമ്മിഷന് ഇക്കാര്യത്തില് ചൊവ്വാഴ്ച മറുപടി അറിയിക്കണമെന്നും കോടതി നിര്ദേശിച്ചു. അതേസമയം, 20000 ഓളം പോളിംഗ് ഉദ്യോഗസ്ഥര്ക്ക് വോട്ട് ചെയ്യാന് സാധിച്ചിട്ടില്ല എന്നാണ് കണക്കുകള്.
Deepika
E-paper LOGIN
LOGIN
