13

നെ​ടു​ങ്ക​ണ്ടം: നൂ​റു​ക​ണ​ക്കി​നു കു​ടും​ബം​ഗ​ങ്ങ​ൾ​ക്കു ഭീ​ഷ​ണി​യാ​യി ഏ​തു സ​മ​യ​ത്തും നി​ലം​പൊ​ത്താ​വു​ന്ന സ്ഥി​തി​യി​ലുള്ള പൊ​ന്നാ​മ​ല​യി​ലെ കൂ​റ്റ​ന്‍ പാ​റ നീ​ക്കം ചെ​യ്യാ​ൻ ജി​ല്ലാ ഭ​ര​ണ​കൂ​ടം ഇ​ട​പെ​ട്ടു. പാ​റ പൊ​ട്ടി​ച്ചുനീ​ക്കാ​നും അ​പ​ക​ട​ഭീ​ഷ​ണി നേ​രി​ടു​ന്ന കു​ടും​ബ​ങ്ങ​ളെ മാ​റ്റി​പ്പാ​ര്‍​പ്പി​ക്കാ​നും ജി​ല്ലാ ക​ള​ക്ട​ര്‍ ഉ​ത്ത​ര​വി​ട്ടു. ഇതു സം​ബ​ന്ധി​ച്ച് ഉ​ടു​മ്പ​ന്‍​ചോ​ല ത​ഹ​സീല്‍​ദാ​ര്‍ ജി​ല്ലാ ക​ള​ക്ട​ര്‍​ക്ക് ക​ത്ത് ന​ല്‍​കി​യി​രു​ന്നു. അ​പ​ക​ട​സ്ഥി​തി ഇ​ല്ലാ​താക്കാ​നു​ള്ള ന​ട​പ​ടി​ക​ള്‍ അ​ടി​യ​ന്ത​ര​മാ​യി സ്വീ​ക​രി​ക്കാ​ന്‍ ഉ​ടു​മ്പ​ന്‍​ചോ​ല ത​ഹ​സീ​ല്‍​ദാ​രോ​ടും പ​ഞ്ചാ​യ​ത്ത് സെ​ക്ര​ട്ട​റി​യോ​ടും ജി​ല്ലാ ക​ള​ക്ട​ര്‍ ആ​വ​ശ്യ​പ്പെ​ട്ടു. പ്ര​വ​ര്‍​ത്ത​നം ഏ​കോ​പി​പ്പി​ക്കാ​ന്‍ ദേ​വി​കു​ളം സ​ബ് ക​ള​ക്ട​റെ ചു​മ​ത​ല​പ്പെ​ടു​ത്തി​.അ​ടു​ത്ത ദി​വ​സം​ത​ന്നെ പാ​റ പൂ​ര്‍​ണ​മാ​യും പൊ​ട്ടി​ച്ചു​നീ​ക്കും.

നെ​ടു​ങ്ക​ണ്ടം പ​ഞ്ചാ​യ​ത്ത് ഒ​ന്നാം വാ​ര്‍​ഡ് പൊ​ന്നാ​മ​ല പു​ത്ത​ന​ങ്ങാ​ടി​യി​ലാ​ണ് നൂ​റോ​ളം കു​ടും​ബ​ങ്ങ​ള്‍​ക്ക് ഭീ​ഷ​ണി​യായി വ​ലി​യ പാ​റ അ​ട​ര്‍​ന്നു​മാ​റി അ​പ​ക​ടാ​വ​സ്ഥ​യി​ലു​ള്ള​ത്. അ​ട​ര്‍​ന്നുമാ​റി​യ പാ​റ ഒ​രു മ​ര​ക്കു​റ്റി​യി​ല്‍ ത​ട​ഞ്ഞു​നി​ല്‍​ക്കു​ക​യാ​ണ്. പാ​റ സ്ഥി​തി ചെ​യ്യു​ന്ന​തി​ന് താ​ഴ്ഭാ​ഗ​ത്താ​യി കാ​രി​ത്തോ​ട് വ​രെ നൂ​റു​ക​ണ​ക്കി​ന് കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്. ഇ​വി​ടെനി​ന്നു പാ​റ തെ​ന്നി നീ​ങ്ങി​യാ​ല്‍ വ​ലി​യ ദു​ര​ന്ത​മാ​യി​രി​ക്കും സം​ഭ​വി​ക്കു​ക. അ​പ​ക​ടാ​വ​സ്ഥ ബോ​ധ്യ​പ്പെ​ട്ട​തി​നെ​ത്തു​ട​ര്‍​ന്ന് വാ​ര്‍​ഡ് മെ​ംബര്‍ തോ​മ​സ് തെ​ക്കേ​ല്‍ വി​ല്ലേ​ജ് ഓ​ഫീ​സി​ലും താ​ലൂ​ക്ക് ഓ​ഫീ​സി​ലും വി​വ​രം ധ​രി​പ്പി​ക്കു​ക​യും ഇ​ത​നു​സ​രി​ച്ച് അ​ധി​കൃ​ത​ര്‍ സ്ഥ​ല​ത്തെ​ത്തി പ​രി​ശോ​ധ​ന​ ന​ട​ത്തു​ക​യും ചെ​യ്തി​രു​ന്നു. മെംബറു​ടെ നേ​തൃ​ത്വ​ത്തി​ല്‍ പാ​റ​യു​ടെ തൊ​ട്ടു​താ​ഴെ​യാ​യി താ​മ​സി​ക്കു​ന്ന മൂ​ന്ന് കു​ടും​ബ​ങ്ങ​ളെ മാ​റ്റി​പ്പാ​ര്‍​പ്പിച്ചു. ഇതു സംബന്ധിച്ച വാ​ര്‍​ത്ത ഇ​ന്ന​ലെ ദീ​പി​ക പ്ര​സി​ദ്ധീ​ക​രി​ച്ചി​രു​ന്നു.