നാദാപുരം: വടകര സംസ്ഥാന പാതയിൽ പുറമേരി സർവീസ് സഹകരണ ബാങ്കിനു സമീപത്തെ യൂപ്പർ ലൈറ്റ് ഇലക്ട്രിക്കൽ ഷോറൂം, മസായി മൾട്ടി ബ്രാൻഡ് ഇലക്ട്രിക്കൽ സ്കൂട്ടർ ഷോറൂം എന്നീ കടകള് തീപിടിത്തത്തില് കത്തി നശിച്ചു.
ഇന്നലെ ഉച്ചയ്ക്കു രണ്ടേമുക്കാലോടെയാണു സ്കൂട്ടർ ഷോറൂമിൽ ബാറ്ററി പൊട്ടി തെറിച്ചാണു കെട്ടിടത്തിനുള്ളിൽ തീപടർന്നത്. നിമിഷങ്ങൾക്കകം ഇരു നില കെട്ടിടത്തിലെ എട്ട് മുറികളും തീ വിഴുങ്ങി. മൂന്നു മണിക്കൂറിലെറെ നീണ്ട രക്ഷാപ്രവർത്തനത്തിലൂടെ തീ അണച്ചപ്പോഴേക്കും രണ്ട് കടകളും ചാരമായി മാറി.
യൂപ്പർ ലൈറ്റ് ഇലക്ട്രിക്കൽ ഷോറൂമിന്റെ ഗോഡൗൺ ഈ കെട്ടിടത്തിലാണു പ്രവർത്തിച്ചിരുന്നത്. സംഭവ സമയം രണ്ടു കടകളിലുമായി നാലു ജീവനക്കാർ ഉണ്ടായിരുന്നു. തീ പടർന്നതോടെ ജീവനക്കാർ പുറത്തേക്ക് ഓടി രക്ഷപ്പെടുകയായിരുന്നു. ഇലക്ട്രിക് ഉപകരണങ്ങളുടെ വൻശേഖരം അഗ്നിക്കിരയായി.
വിലാതപുരം സ്വദേശി ആർ.കെ. റഫീഖിന്റെ ഉടമസ്ഥതയിലുള്ളതാണു സ്ഥാപനം. നാലു കോടിയിലേറെ രൂപയുടെ നാശനഷ്ടം ഉണ്ടായി. വയനാട് സ്വദേശികളായ എബി, ബിനു , ജെറിൻ എന്നിവരുടെ ഉടസ്ഥതയിലുള്ളതാണു സ്കൂട്ടർ ഷോറൂം.
Deepika
E-paper LOGIN
LOGIN
