കീവ്: ഇറാന്റെ മിസൈൽ-ഡ്രോൺ ആക്രമണങ്ങളുടെ പശ്ചാത്തലത്തിൽ യുക്രെയ്ൻ പ്രസിഡന്റ് വ്ളോഡിമിർ സെലൻസ്കി യുഎഇ ഭരണാധികാരി ഷെയ്ഖ് മുഹമ്മദ് ബിൻ സായിദ് അൽ നഹ്യാൻ, ഖത്തർ അമീർ ഷെയ്ഖ് തമീം ബിൻ ഹമദ് അൽ താനി എന്നിവരുമായി ചർച്ച നടത്തി. ഇറാന്റെ ആക്രമണങ്ങളെ പ്രതിരോധിക്കുന്നതിൽ സഹകരിക്കാമെന്ന് അദ്ദേഹം അറിയിച്ചു.
കഴിഞ്ഞ നാല് വർഷമായി റഷ്യൻ ആക്രമണങ്ങളെ നേരിട്ട് ഡ്രോണുകളെയും മിസൈലുകളെയും തകർക്കുന്നതിൽ യുക്രെയ്ൻ നേടിയ വലിയ പരിചയസമ്പത്ത് പശ്ചിമേഷ്യയിൽ പങ്കുവയ്ക്കാമെന്നാണ് സെലെൻസ്കി വാഗ്ദാനം ചെയ്തത്.