തൃശൂർ: ഇന്ത്യൻ കോ-ഓപ്പറേറ്റീവ് ക്രെഡിറ്റ് സൊസൈറ്റി ലിമിറ്റഡിന്റെ (ഐസിസിഎസ്എൽ) കണ്വൻഷൻ സെന്റർ വർക്കലയിൽ ചെയർമാൻ ഡോ. സോജൻ വി. അവിരാച്ചൻ ഉദ്ഘാടനം ചെയ്തു.
പൂജ്യത്തിൽനിന്നാണു സൊസൈറ്റി ഇന്നു കാണുന്ന നിലയിലെത്തിയതെന്നും രാപകൽ ഒപ്പംനിന്നവർക്കുള്ള സമ്മാനമാണിതെന്നും അദ്ദേഹം പറഞ്ഞു. ഐസിസിഎസ്എല്ലിനൊപ്പം നിന്നവരുടെ ജീവിതനിലവാരം ഉയർത്താൻ കഴിഞ്ഞതിൽ അഭിമാനമുണ്ട്. നൂതന ബാങ്കിംഗ് സംവിധാനം നടപ്പാക്കുകയാണ് ഇനിയുള്ള ലക്ഷ്യം.
ആധുനിക സോഫ്റ്റ്വേർ ഒരുമാസത്തിനുള്ളിൽ പൂർത്തിയാക്കും. സഹകാരികൾക്കു സംശയനിവാരണത്തിനു ടോൾഫ്രീ നന്പർ നിലവിൽ വരും. എല്ലാ സഹകാരികൾക്കുമുള്ള ഹെൽത്ത് പോളിസിയും ചെയർമാൻ പ്രഖ്യാപിച്ചു.
മികച്ച പ്രകടനം കാഴ്ചവച്ച ഐസിസിഎസ്എൽ ബ്രാഞ്ചുകൾക്കും ജീവനക്കാർക്കുമുള്ള ട്രോഫിയും സർട്ടിഫിക്കറ്റുകളും വിതരണം ചെയ്തു.
ദേശീയപാത-66ൽനിന്നു വർക്കല ബീച്ചിലേക്കും ശിവഗിരി മഠത്തിലേക്കുമുള്ള വഴിയിൽ വടശേരിക്കോണത്താണ് ഐസിസിഎസ് കണ്വൻഷൻ സെന്റർ. 2000 സീറ്റുകളുള്ള മെയിൻ ഹാൾ, 650 സീറ്റുകളുടെ മിനി ഹാൾ, ഡൈനിംഗ് ഹാൾ, നാല് എസി സ്യൂട്ട് റൂമുകൾ, ബ്രൈഡൽ സ്യൂട്ട് എന്നിവയാണു പ്രത്യേകതകൾ. രണ്ടു ഹാളിലും ആധുനിക ഓഡിയോ- വിഷ്വൽ സംവിധാനങ്ങളും പ്രഫഷണൽ സൗണ്ട് എൻജിനിയറിംഗും ഡിസൈനർ ലൈറ്റിംഗും 24 മണിക്കൂർ ജനറേറ്റർ സൗകര്യവുമുണ്ട്. 350 കാറുകൾക്കും 250 ഇരുചക്രവാഹനങ്ങൾക്കുമുള്ള വാലെറ്റ് പാർക്കിംഗ് സേവനവും ഒരുക്കി. സഹകാരികളുടെ ബുക്കിംഗിനു പ്രത്യേക ഇളവുണ്ടാകും.
വിവാഹങ്ങൾ, കോണ്ഫറൻസുകൾ, സെമിനാറുകൾ, കോർപറേറ്റ് ഇവന്റുകൾ, സെയിൽസ് പ്രമോഷൻ, വാഹന എക്സപോ, ട്രേഡ് ഫെയറുകൾ, പ്രോഡക്ട് ലോഞ്ചിംഗ്, എക്സിബിഷൻ, മെഡിക്കൽ കോണ്ഫറൻസ്, ലൈവ് എന്റർടെയ്മെന്റ് ഷോ എന്നിവയ്ക്ക് ഉതകുന്നവിധത്തിലാണ് ഐസിസിഎസ് കണ്വൻഷൻ സെന്റർ.
ചടങ്ങിൽ ഐസിസിഎസ്എൽ മാനേജിംഗ് ഡയറക്ടർ ആർ. വെങ്കിട്ടരമണ, സിഇഒ മീനു ജോണ്, ജനറൽ മാനേജർ നിഥിൻ കുമാർ ഝാ, ഡപ്യൂട്ടി ജനറൽ മാനേജർമാരായ പി.സി. ജോണി, വി. മോഹൻകുമാർ, സീനിയർ അഡ്വൈസറി ഓഫീസർമാരായ എ.സി. ജോസ്, കെ. ഹരിദാസ്, ശ്രീനിവാസ ഹെഗ്ഡെ, എ.വി. കമൽനാഥൻ എന്നിവർ പ്രസംഗിച്ചു.
Deepika
E-paper LOGIN
LOGIN
