കൊച്ചി: ചെറിയ പ്രായത്തില്ത്തന്നെ ആയിരം പുസ്തകം വായിച്ച് റിക്കാര്ഡിട്ട കുട്ടിക്കു നല്കിയ ഉറപ്പ് നിറവേറ്റി ലുലു ഗ്രൂപ്പ് ചെയര്മാന് എം.എ. യൂസഫലി.
തിരുവനന്തപുരം മലയിന്കീഴ് സ്വദേശിനിയും വിളവൂര്ക്കല് ജിഎച്ച്എസ്എസിലെ ആറാം ക്ലാസ് വിദ്യാര്ഥിനിയുമായ വരദയ്ക്ക് പുസ്തകങ്ങള് എത്തിച്ചുനല്കിയാണ് യൂസഫലി വാഗ്ദാനം നിറവേറ്റിയത്.
കൊച്ചിയിലെ ഒരു പൊതുപരിപാടിയില് എം.എ. യൂസഫലി എത്തിയപ്പോഴാണു തന്റെ ലൈബ്രറിയിലേക്ക് പുസ്തകങ്ങള് തരുമോയെന്ന ആവശ്യം വരദ പങ്കുവച്ചത്. ചെറു പ്രായത്തില്ത്തന്നെ ആയിരം പുസ്തകങ്ങള് വായിച്ചുതീര്ത്ത കാര്യം കേട്ടപ്പോള് യൂസഫലിക്കും കൗതുകമായി. കൊച്ചുമിടുക്കിയുടെ ഈ ആഗ്രഹം സാധിച്ചുനല്കുമെന്ന് യൂസഫലി ഉറപ്പും നല്കി.
പിന്നാലെയാണ് യൂസഫലിയുടെ ക്രിസ്മസ് സമ്മാനമെന്നോണം പുസ്തകങ്ങളുമായി മലയിന്കീഴിലെ വരദയുടെ വീട്ടിലേക്ക് ലുലു ഗ്രൂപ്പ് പ്രതിനിധികള് എത്തിയത്. ലുലു ഗ്രൂപ്പ് ഇന്ത്യ മീഡിയ ഹെഡ് എന്.ബി. സ്വരാജും ലുലു ഗ്രൂപ്പ് പ്രതിനിധി നൗഫല് കരീമും ചേര്ന്ന് വരദയ്ക്ക് പുസ്തകങ്ങള് കൈമാറി.
അസൗകര്യങ്ങള് നിറഞ്ഞ തന്റെ കുഞ്ഞു ലൈബ്രറിയില് എം.എ. യൂസഫലി സമ്മാനിച്ച മുഴുവന് പുസ്കതങ്ങളും വയ്ക്കുവാന് സാധിച്ചില്ല. കുറച്ചുകൂടി വിശാലമായ ലൈബ്രറി നിര്മിക്കണമെന്നാണു തന്റെ ആഗ്രഹമെന്ന് വരദ പറഞ്ഞു.
Deepika
E-paper LOGIN
LOGIN
