മുട്ടില്: ഡബ്ല്യുഎംഒ കോളജ് കാമ്പസിനെ ലഹരിമുക്തമായി ചലച്ചിത്രതാരം അബു സലിം പ്രഖ്യാപിച്ചു. എക്സൈസ് വകുപ്പ്, ജില്ലാ വിമുക്തി മിഷന്, കോളജ് വിദ്യാഭ്യാസ വകുപ്പ്, കോളജ് തണ്ടര് ക്ലബ് എന്നിവ സംയുക്തമായി സംഘടിപ്പിച്ച പരിപാടിയിലായിരുന്നു പ്രഖ്യാപനം.
കോളജ് കവാടത്തിന് സമീപം സ്ഥാപിച്ച ലഹരിമുക്ത കാമ്പസ് ബോര്ഡ് അബു സലിം അനാച്ഛാദനം ചെയ്തു. അദ്ദേഹത്തെ "ഡ്രഗ് ഫ്രീ കാമ്പസ് ബ്രാന്ഡ് അംബാസഡര്' ആയി തെരഞ്ഞെടുത്തു. ഇതോടനുബന്ധിച്ചു നടന്ന യോഗം ഡെപ്യൂട്ടി എക്സൈസ് കമ്മിഷണര് പി.കെ. സതീഷ്കുമാര് ഉദ്ഘാടനം ചെയ്തു. പ്രിന്സിപ്പല് ഡോ. സി.പി. ഹേമലത അധ്യക്ഷത വഹിച്ചു.
അസിസ്റ്റന്റ് എക്സൈസ് കമ്മിഷണറും വിമുക്തി മിഷന് ജില്ലാ മാനേജരുമായ സജിത് ചന്ദ്രന് ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. എന്എംഎസ്എം ഗവ. കോളജ് പ്രിന്സിപ്പല് ഡോ. സുബിന് ജോസഫ്, ലഹരിവിരുദ്ധ ഫോറം കോ ഓര്ഡിനേറ്റര് കെ.എ. അബ്ബാസ്, ഫാ. എന്.ബി. ജിന്സ്, എന്. ശിഖ, വിമുക്തി മിഷന് ജില്ലാ കോ-ഓര്ഡിനേറ്റര് എന്.സി. സജിത്കുമാര്, മുഹമ്മദ് ഫസലുദ്ദീന് എന്നിവര് പ്രസംഗിച്ചു. വിദ്യാര്ഥികള് ലഹരിവിരുദ്ധ ഫ്ളാഷ്മോബ് അവതരിപ്പിച്ചു.
Deepika
E-paper LOGIN
LOGIN
