Tue, 17 November 2026
Facebook X Instagram Youtube
Deepika
Deepika
E-Paper
ad

ADVERTISEMENT

Filter By Tag : Ground Stop

America

യുഎസിൽ FAA ഗ്രൗ​ണ്ട് സ്റ്റോ​പ്പ് പി​ൻ​വ​ലി​ച്ചു; 5,000 വി​മാ​ന​ങ്ങ​ൾ റദ്ദാക്കി, അനവധി സ​ർ​വീ​സു​ക​ൾ വൈ​കി

 

ഷി​ക്കാ​ഗോ: വ്യോ​മ​ഗ​താ​ഗ​ത നി​യ​ന്ത്ര​ണ കേ​ന്ദ്ര​ങ്ങ​ളു​ടെ ആ​ശ​യ​വി​നി​മ​യ സം​വി​ധാ​ന​ത്തി​ൽ ത​ക​രാ​ർ ക​ണ്ടെ​ത്തി​യ​തി​നെ തു​ട​ർ​ന്ന് അ​മേ​രി​ക്ക​യി​ലു​ട​നീ​ളം ഏ​ർ​പ്പെ​ടു​ത്തി​യ ഗ്രൗ​ണ്ട് സ്റ്റോ​പ്പ് ഫെ​ഡ​റ​ൽ ഏ​വി​യേ​ഷ​ൻ അ​ഡ്മി​നി​സ്ട്രേ​ഷ​ൻ (FAA) വെ​ള്ളി​യാ​ഴ്ച രാ​ത്രി പി​ൻ​വ​ലി​ച്ചു.

ഏ​ക​ദേ​ശം നാ​ലു​മ​ണി​ക്കൂ​ർ നീ​ണ്ട നി​യ​ന്ത്ര​ണ​ത്തി​നു​ശേ​ഷം വി​മാ​ന​ങ്ങ​ൾ​ക്ക് വീ​ണ്ടും പു​റ​പ്പെ​ടാ​ൻ അ​നു​മ​തി ല​ഭി​ച്ചെ​ങ്കി​ലും സ​ർ​വീ​സു​ക​ൾ ഉ​ട​ൻ സാ​ധാ​ര​ണ നി​ല​യി​ലാ​യി​ല്ല. ഷി​ക്കാ​ഗോ സ​മ​യം രാ​ത്രി ഏ​ഴു​മ​ണി വ​രെ​യു​ള്ള ഫ്ലൈ​റ്റ്അ​വെ​യ​ർ ക​ണ​ക്കു​പ്ര​കാ​രം അ​ന്നേ​ദി​വ​സം യു​എ​സി​ൽ ഏ​ക​ദേ​ശം 5,000 വി​മാ​ന​ങ്ങ​ൾ റ​ദ്ദാ​ക്കുകയും പ​തി​നാ​യി​ര​ത്തി​ല​ധി​കം സ​ർ​വീ​സു​ക​ൾ വൈ​കുകയും ചെയ്തു.  ഇ​തി​ലെ എ​ല്ലാ റ​ദ്ദാ​ക്ക​ലു​ക​ളും വൈ​ക​ലു​ക​ളും ഗ്രൗ​ണ്ട് സ്റ്റോ​പ്പ് മൂ​ല​മാ​ണെ​ന്ന് പ്ര​ത്യേ​കം സ്ഥി​രീ​ക​രി​ച്ചി​ട്ടി​ല്ല.

ഷി​ക്കാ​ഗോ​യി​ലെ ഒ’​ഹെ​യ​ർ, മി​ഡ്‌​വേ വി​മാ​ന​ത്താ​വ​ള​ങ്ങ​ൾ​ക്ക് ഉ​ച്ച​യ്ക്ക് 2.10ഓ​ടെ​യാ​ണ് പ്രാ​ദേ​ശി​ക ഗ്രൗ​ണ്ട് സ്റ്റോ​പ്പ് ഏ​ർ​പ്പെ​ടു​ത്തി​യ​ത്. ഉ​പ​ക​ര​ണ​ത്ത​ക​രാ​റാ​ണ് ആ​ദ്യ അ​റി​യി​പ്പി​ൽ ചൂ​ണ്ടി​ക്കാ​ട്ടി​യ​ത്. പി​ന്നാ​ലെ രാ​ജ്യ​ത്തെ വി​വി​ധ മേ​ഖ​ല​ക​ളി​ൽ വി​മാ​ന​ങ്ങ​ളു​ടെ യാ​ത്രാ​മാ​ർ​ഗം നി​യ​ന്ത്രി​ക്കു​ന്ന എ​യ​ർ റൂ​ട്ട് ട്രാ​ഫി​ക് ക​ൺ​ട്രോ​ൾ സെന്‍റ​റു​ക​ളി​ലെ ആ​ശ​യ​വി​നി​മ​യ പ്ര​ശ്നം പു​റ​ത്തു​വ​ന്ന​തോ​ടെ FAA രാ​ജ്യ​വ്യാ​പ​ക​മാ​യി പു​റ​പ്പെ​ട​ലു​ക​ൾ നി​ർ​ത്തി​വ​ച്ചു.

ഗ്രൗ​ണ്ട് സ്റ്റോ​പ്പ് എ​ന്ന​ത് വി​മാ​ന​ത്താ​വ​ള​ങ്ങ​ൾ അ​ട​ച്ചു​വെ​ന്നോ ആ​കാ​ശ​ത്തു​ണ്ടാ​യി​രു​ന്ന എ​ല്ലാ വി​മാ​ന​ങ്ങ​ളോ​ടും ഉ​ട​ൻ ഇ​റ​ങ്ങാ​ൻ ആ​വ​ശ്യ​പ്പെ​ട്ടെ​ന്നോ അ​ർ​ഥ​മ​ല്ല. നി​ല​ത്തു​ണ്ടാ​യി​രു​ന്ന വി​മാ​ന​ങ്ങ​ളു​ടെ പു​റ​പ്പെ​ട​ലാ​ണ് പ്ര​ധാ​ന​മാ​യും ത​ട​ഞ്ഞ​ത്. ഇ​തി​ന​കം പ​റ​ന്നു​യ​ർ​ന്ന വി​മാ​ന​ങ്ങ​ളു​മാ​യി ആ​ശ​യ​വി​നി​മ​യം തു​ട​രാ​നാ​യെ​ന്നും അ​വ​യ്ക്ക് സു​ര​ക്ഷി​ത​മാ​യി ഇ​റ​ങ്ങാ​ൻ ക​ഴി​ഞ്ഞെ​ന്നും അ​ധി​കൃ​ത​ർ അ​റി​യി​ച്ചു. യു​എ​സി​ലേ​ക്കു വ​ന്നു​കൊ​ണ്ടി​രു​ന്ന രാ​ജ്യാ​ന്ത​ര വി​മാ​ന​ങ്ങ​ളു​ടെ കാ​ര്യ​ത്തി​ൽ ഓ​രോ സ​ർ​വീ​സും പ്ര​ത്യേ​കം പ​രി​ഗ​ണി​ച്ചു.

അ​തേ​സ​മ​യം, നൂ​റു​ക​ണ​ക്കി​ന് വി​മാ​ന​ങ്ങ​ളു​ടെ യാ​ത്രാ​മാ​ർ​ഗം മാ​റ്റേ​ണ്ടി​വ​ന്നു. വ്യോ​മ​യാ​ന ഡേ​റ്റാ സ്ഥാ​പ​ന​മാ​യ സി​റി​യ​ത്തി​ന്‍റെ ക​ണ​ക്കു​പ്ര​കാ​രം, ഷി​ക്കാ​ഗോ സ​മ​യം വൈ​കി​ട്ട് 6.05 വ​രെ കു​റ​ഞ്ഞ​ത് 827 വി​മാ​ന​ങ്ങ​ൾ നി​ശ്ച​യി​ച്ച ല​ക്ഷ്യ​സ്ഥാ​ന​ത്ത് എ​ത്തി​യി​ല്ല. ഇ​തി​ൽ 670 എ​ണ്ണം പു​റ​പ്പെ​ട്ട വി​മാ​ന​ത്താ​വ​ള​ത്തി​ലേ​ക്കു​ത​ന്നെ മ​ട​ങ്ങി. 157 എ​ണ്ണം മ​റ്റു വി​മാ​ന​ത്താ​വ​ള​ങ്ങ​ളി​ലേ​ക്ക് തി​രി​ച്ചു​വി​ട്ടു.

വാ​ഷി​ങ്ട​ൺ ഡ​ല്ല​സ്, ലോ​സ് ആ​ഞ്ച​ല​സ്, സി​ൻ​സി​നാ​റ്റി–​നോ​ർ​ത്തേ​ൺ കെ​ന്റ​ക്കി, നാ​ഷ്‌​വി​ൽ എ​ന്നി​വ തി​രി​ച്ചു​വി​ട്ട വി​മാ​ന​ങ്ങ​ൾ എ​ത്തി​യ പ്ര​ധാ​ന കേ​ന്ദ്ര​ങ്ങ​ളി​ൽ ഉ​ൾ​പ്പെ​ട്ടു. ഇ​തോ​ടെ അ​ടു​ത്ത സ​ർ​വീ​സ് ന​ട​ത്തേ​ണ്ട വി​മാ​ന​ങ്ങ​ളും ജീ​വ​ന​ക്കാ​രും നി​ശ്ച​യി​ച്ച സ്ഥ​ല​ങ്ങ​ളി​ൽ എ​ത്താ​താ​യി. നി​യ​ന്ത്ര​ണം നീ​ക്കി​യ ശേ​ഷ​വും വൈ​ക​ലു​ക​ൾ തു​ട​ർ​ന്ന​തി​ന്‍റെ പ്ര​ധാ​ന കാ​ര​ണ​ങ്ങ​ളി​ലൊ​ന്ന് ഇ​താ​ണ്.

ഷി​ക്കാ​ഗോ​യി​ൽ വൈ​കി​ട്ട് അ​ഞ്ചു​മ​ണി​വ​രെ​യു​ള്ള ക​ണ​ക്കി​ൽ ഒ’​ഹെ​യ​റി​ൽ 208 സ​ർ​വീ​സു​ക​ൾ റ​ദ്ദാ​യി. ശ​രാ​ശ​രി വൈ​ക​ൽ 85 മി​നി​റ്റാ​യി​രു​ന്നു. മി​ഡ്‌​വേ​യി​ൽ അ​ഞ്ചു സ​ർ​വീ​സു​ക​ൾ റ​ദ്ദാ​യെ​ങ്കി​ലും ശ​രാ​ശ​രി വൈ​ക​ൽ 101 മി​നി​റ്റി​ലെ​ത്തി. യാ​ത്ര​ക്കാ​രി​ൽ ചി​ല​ർ സു​ര​ക്ഷാ പ​രി​ശോ​ധ​ന ക​ഴി​ഞ്ഞ് വി​മാ​ന​വി​വ​ര ബോ​ർ​ഡു​ക​ൾ നോ​ക്കി​യ​പ്പോ​ഴാ​ണ് വ്യാ​പ​ക​മാ​യ ത​ട​സം അ​റി​ഞ്ഞ​ത്.

ടെ​ക്സ​സി​ലെ ഡാ​ളസ്–​ഫോ​ർ​ട്ട് വ​ർ​ത്ത് വി​മാ​ന​ത്താ​വ​ള​ത്തി​ൽ വെ​ള്ളി​യാ​ഴ്ച രാ​ത്രി​യി​ലെ റി​പ്പോ​ർ​ട്ട​നു​സ​രി​ച്ച് 526 സ​ർ​വീ​സു​ക​ൾ റ​ദ്ദാ​യി, 591 എ​ണ്ണം വൈ​കി. ഡാ​ള​സ് ല​വ് ഫീ​ൽ​ഡി​ൽ 43 സ​ർ​വീ​സു​ക​ൾ റ​ദ്ദാ​വു​ക​യും 178 എ​ണ്ണം വൈ​കു​ക​യും ചെ​യ്തു.

പ​ഴ​യ റൗ​ട്ട​റു​ക​ളും സ്വി​ച്ചു​ക​ളും ഉ​ൾ​പ്പെ​ടു​ന്ന ആ​ശ​യ​വി​നി​മ​യ ശൃം​ഖ​ല​യ്ക്ക് കൈ​കാ​ര്യം ചെ​യ്യാ​നാ​കു​ന്ന​തി​ല​ധി​കം ഡേ​റ്റ എ​ത്തി​യ​താ​ണ് ത​ക​രാ​റി​ലേ​ക്ക് ന​യി​ച്ച​തെ​ന്നാ​ണ് ഗ​താ​ഗ​ത സെ​ക്ര​ട്ട​റി ഷോ​ൺ ഡ​ഫി​യു​ടെ പ്രാ​ഥ​മി​ക വി​ശ​ദീ​ക​ര​ണം. സൈ​ബ​ർ ആ​ക്ര​മ​ണ​ത്തി​ന്‍റെ സൂ​ച​ന ഇ​തു​വ​രെ ല​ഭി​ച്ചി​ട്ടി​ല്ലെ​ന്ന് ആ​ഭ്യ​ന്ത​ര സു​ര​ക്ഷാ സെ​ക്ര​ട്ട​റി മാ​ർ​ക്ക്‌​വെ​യ്ൻ മു​ള്ളി​ൻ പ​റ​ഞ്ഞു. എ​ന്നാ​ൽ ത​ക​രാ​റി​ന്‍റെ മൂ​ല​കാ​ര​ണം സം​ബ​ന്ധി​ച്ച അ​ന്വേ​ഷ​ണം തു​ട​രു​ക​യാ​ണ്.

ഗ്രൗ​ണ്ട് സ്റ്റോ​പ്പ് പി​ൻ​വ​ലി​ച്ചെ​ന്ന അ​റി​യി​പ്പ് റ​ദ്ദാ​യ സ​ർ​വീ​സു​ക​ൾ സ്വ​യ​മേ​വ പു​നഃ​സ്ഥാ​പി​ക്കു​മെ​ന്ന ഉ​റ​പ്പ​ല്ല. യാ​ത്ര​ക്കാ​ർ വി​മാ​ന​ത്താ​വ​ള​ത്തി​ലേ​ക്കു പു​റ​പ്പെ​ടും​മു​മ്പ് സ്വ​ന്തം എ​യ​ർ​ലൈ​നി​ൽ നി​ന്ന് സ​ർ​വീ​സി​ന്‍റെ നി​ല​യും പു​തു​ക്കി​യ പു​റ​പ്പെ​ട​ൽ സ​മ​യ​വും ഉ​റ​പ്പാ​ക്ക​ണം. ക​ണ​ക്ഷ​ൻ വി​മാ​ന​മു​ള്ള​വ​ർ തു​ട​ർ​യാ​ത്ര​യു​ടെ നി​ല​യും പ​രി​ശോ​ധി​ക്ക​ണം. ചി​ല എ​യ​ർ​ലൈ​നു​ക​ൾ ഫീ​സ് ഈ​ടാ​ക്കാ​തെ യാ​ത്ര മാ​റ്റാ​ൻ ഇ​ള​വ് പ്ര​ഖ്യാ​പി​ച്ചി​ട്ടു​ണ്ട്.

Latest News

Corehub Up