മഞ്ചേരി: വീടുകളില് മോഷണം നടത്തിയ കേസില് ഒരാള് അറസ്റ്റില്. തേഞ്ഞിപ്പലം സ്വദേശി കിഴക്കേക്കോട്ടായി പാലക്കാട്ടുവീട്ടില് സൈനുദ്ദീനെയാണ് മഞ്ചേരി പൊലിസ് അറസ്റ്റ് ചെയ്തത്.
സംസ്ഥാനത്തെ വിവിധ ജില്ലകളിലായി നൂറില്പരം കേസുകളില് പ്രതിയാണ് ഇയാളെന്ന് പൊലിസ് പറഞ്ഞു. മഞ്ചേരി നഗരത്തില് വീട് വാടകയ്ക്ക് എടുത്ത് താമസിക്കുന്ന പ്രതി ആളില്ലാത്ത വീടുകളാണ് കവര്ച്ച നടത്താനായി തിരഞ്ഞെടുത്തത്. കവര്ച്ച നടത്തിയ വീടുകളിലെല്ലാം തെളിവുകള് നശിപ്പിച്ചുകൊണ്ടായിരുന്നു മോഷണം.സിസിടിവികള് പരിശോധിച്ചും സമാന രീതിയില് മോഷണം നടത്തിയിരുന്നവരുടെ വിവരങ്ങള് ശേഖരിച്ചുമാണ് പ്രതിയെ കണ്ടെത്തിയത്. ഓരോ ജില്ലകളിലും കവര്ച്ച നടത്തുകയും തുടര്ന്ന് മറ്റു ജില്ലകളിലേക്ക് പോയി ആഡംബര ജീവിതം നയിക്കുന്നതുമാണ് പ്രതിയുടെ രീതി.
മഞ്ചേരി സ്റ്റേഷന് ഇന്സ്പെക്ടര് ടി.ജി. ദിലീപിന്റെ നേതൃത്വത്തില് സബ് ഇന്സ്പെക്ടര് ശിശിര ശശികുമാറാണ് പ്രതിയെ അറസ്റ്റ് ചെയ്തത്. ക്രൈം സ്ക്വാഡ് അംഗങ്ങളായ ഉബൈദുള്ള, സാലിം എന്നിവരും മഞ്ചേരി സ്റ്റേഷനിലെ ധനേഷ്, ബിജു, മുജീബ് എന്നിവരുടെയും സൈബര് സെല്ലിന്റെയും നേതൃത്വത്തിലായിരുന്നു അന്വേഷണം.