എരുമേലി: ബാങ്കിന്റെ പടിക്കെട്ടിൽനിന്ന് ലഭിച്ച പണം നിറഞ്ഞ പൊതി ബാങ്കിൽ ഏൽപ്പിച്ച് മാതൃകയായി സുസ്മീര. എരുമേലി സർവീസ് സഹകരണ ബാങ്കിൽ പാർട്ട് ടൈം ജീവനക്കാരിയും ജീവകാരുണ്യ പ്രവർത്തകയുമായ എരുമേലി സ്വദേശി സുസ്മീരയ്ക്കാണ് പണം ലഭിച്ചത്.
കഴിഞ്ഞ ദിവസം പണം പിൻവലിച്ചു മടങ്ങിയ ആളിന്റെ പണമടങ്ങിയ പൊതിയാണ് നഷ്ടപ്പെട്ടത്. തുടർന്ന് ബാങ്ക് അധികൃതർ ഉടമയെ കണ്ടെത്തി പണം കൈമാറി. സുസ്മീരയുടെ സത്യസന്ധതയെ ആദരിച്ച് ബാങ്ക് അഡ്മിനിസ്ട്രേറ്റർ സഖറിയ ഡൊമിനിക് ചെമ്പകത്തുങ്കൽ പൊന്നാട അണിയിച്ചു. ചടങ്ങിൽ ബാങ്ക് ജീവനക്കാരും അനുമോദനങ്ങൾ അറിയിച്ചു.