4

കാ​ബൂ​ൾ: അ​ഫ്ഗാ​നി​സ്ഥാ​നി​ലെ നി​യ​മ​വ്യ​വ​സ്ഥ​യെ അ​ടി​മു​ടിമാ​റ്റി താ​ലി​ബാ​ൻ ഭ​ര​ണ​കൂ​ടം പു​തി​യ ക്രി​മി​ന​ൽ ന​ട​പ​ടി​ക്ര​മം പു​റ​ത്തി​റ​ക്കി. താ​ലി​ബാ​ൻ പ​ര​മോ​ന്ന​ത നേ​താ​വ് ഹി​ബ​ത്തു​ള്ള അ​ഖു​ന്ദ്‌​സദ ഒ​പ്പി​ട്ട പു​തി​യ നി​യ​മം, ജ​ന​ങ്ങ​ളെ നാ​ലു വിഭാഗങ്ങളായി തി​രി​ക്കു​ക​യും ഓ​രോ വി​ഭാ​ഗ​ത്തി​നും വ്യ​ത്യ​സ്ത ശി​ക്ഷ​ക​ൾ നി​ശ്ച​യി​ക്കു​ക​യും ചെ​യ്യു​ന്നു. ഇ​തോ​ടെ അഫ്ഗാനിൽ പൗരവകാശവും സ​മ​ത്വവും ഇല്ലാതാകുകയാണ്.

സാ​മൂ​ഹി​ക വി​ഭ​ജ​നം

പു​തി​യ നി​യ​മപ്ര​കാ​രം അ​ഫ്ഗാ​ൻ സ​മൂ​ഹ​ത്തെ നാ​ലാ​യി ത​രം​തി​രി​ച്ചി​രി​ക്കു​ന്നു:

മ​ത​പ​ണ്ഡി​ത​ർ (ഉ​ല​മ/​മു​ല്ല​മാ​ർ)- ഇ​വ​ർ കു​റ്റം ചെ​യ്താ​ൽ "ഉ​പ​ദേ​ശം' ന​ൽ​കി വി​ട്ട​യ​ക്കും. ഇ​വ​ർ​ക്കു നി​യ​മ​ത്തി​നു മു​ന്നി​ൽ പൂ​ർണ പ​രി​ര​ക്ഷ​. എത്ര വലിയ കുറ്റമാണെങ്കിലും ഇവർ ശിക്ഷാ നടപടികൾക്ക് അതീതരാണ്.

ഉ​ന്ന​ത കു​ല​ജാ​ത​ർ (അ​ഷ്‌​റ​ഫ്)- ഇ​വ​ർ​ക്കു കോ​ട​തി​യി​ൽ ഹാ​ജ​രാ​കാ​ൻ സ​മ്മ​ൻ​സ് ന​ൽ​കു​ക​യും തു​ട​ർ​ന്ന് ഉ​പ​ദേ​ശി​ക്കു​ക​യും ചെ​യ്യും.

മ​ധ്യ​വ​ർ​ഗം- ഇ​വ​ർ ചെ​യ്യു​ന്ന കു​റ്റ​ങ്ങ​ൾ​ക്കു ത​ട​വു​ശി​ക്ഷ ല​ഭി​ക്കും.

താ​ഴ്ന്ന വി​ഭാ​ഗം- പാ​വ​പ്പെ​ട്ട​വ​രും പാ​ർ​ശ്വ​വത്ക​രി​ക്ക​പ്പെ​ട്ട​വ​രു​മാ​യ ഈ ​വി​ഭാ​ഗ​ത്തി​നു ത​ട​വു​ശി​ക്ഷ​യ്ക്കു പു​റ​മെ അ​തി​ക്രൂ​ര​മാ​യ ശാ​രീ​രി​ക ശി​ക്ഷ​ക​ളും (ചാ​ട്ട​വാ​റ​ടി ഉ​ൾ​പ്പെ​ടെ) ല​ഭി​ക്കും.

തിരിച്ചുവരുന്നു അ​ടി​മ​ത്തം

അ​ന്താ​രാഷ്‌ട്ര തലത്തിൽ ക​ർ​ശ​ന​മാ​യി നി​രോ​ധി​ച്ചി​ട്ടു​ള്ള "അ​ടി​മ​ത്തം' പു​തി​യ നി​യ​മ​സം​ഹി​ത​യി​ൽ ഉൾപ്പെടുത്തിയിരിക്കുന്നു എ​ന്ന​ത് ഞെ​ട്ടി​ക്കു​ന്ന വ​സ്തു​ത​യാ​ണ്. നി​യ​മ​ത്തി​ലെ വി​വി​ധ വ​കു​പ്പു​ക​ളി​ൽ "സ്വ​ത​ന്ത്ര മ​നു​ഷ്യ​ർ' എ​ന്നും "അ​ടി​മ​ക​ൾ' എ​ന്നും വേ​ർ​തി​രി​ച്ചു കാ​ണി​ച്ചി​ട്ടു​ണ്ട്. ഇ​ത് ആ​ധു​നി​ക ലോ​ക​ത്ത് അ​ടി​മ​ത്ത​ത്തെ നി​യ​മ​വി​ധേ​യ​മാ​ക്കു​ന്ന​തിനു തു​ല്യ​മാ​ണെ​ന്ന് മ​നു​ഷ്യാ​വ​കാ​ശ സം​ഘ​ട​ന​കൾ ചൂണ്ടിക്കാണിക്കുന്നു.

കോടതി പേരിനു മാത്രം

പു​തി​യ നി​യ​മ​പ്ര​കാ​രം പ്ര​തി​ക​ൾ​ക്ക് അ​ഭി​ഭാ​ഷ​ക​നെ വ​യ്ക്കാ​ൻ അ​വ​കാ​ശ​മി​ല്ല. കു​റ്റ​സ​മ്മ​ത​മൊ​ഴി​ക​ളും സാ​ക്ഷി​മൊ​ഴി​ക​ളും മാ​ത്ര​മാ​ണു ശി​ക്ഷാ​വി​ധി​ക്ക് ആ​ധാ​രം. സ്വ​ത​ന്ത്ര​മാ​യ അ​ന്വേ​ഷ​ണ​മോ തെ​ളി​വെ​ടു​പ്പോ പു​തി​യ നി​യ​മ​ത്തി​ൽ നി​ർ​ബ​ന്ധ​മ​ല്ല. ഡാ​ൻ​സ് ചെ​യ്യു​ന്ന​തും സംഗീതം കേൾക്കുന്നതുമെല്ലാം കൊടിയ കുറ്റമായി പ്രഖ്യാപിച്ചിട്ടുണ്ട്.

ഇ​തൊ​രു നീ​തി​ന്യാ​യ വ്യ​വ​സ്ഥ​യ​ല്ല, മ​റി​ച്ച് അ​ധി​കാ​ര​ത്തി​ലു​ള്ള​വ​ർ​ക്ക് ആ​നു​കൂ​ല്യ​ങ്ങ​ൾ ന​ൽ​കു​ന്ന വി​വേ​ച​ന​പ​ര​മാ​യ നി​യ​മ​മാ​ണ്. മ​ത​നേ​താ​ക്ക​ൾ നി​യ​മ​ത്തി​നു മു​ക​ളി​ലാ​ണെ​ന്ന് പ്ര​ഖ്യാ​പി​ക്കു​ന്ന​തി​ലൂ​ടെ സാ​ധാ​ര​ണ​ക്കാ​രു​ടെ ജീ​വി​തം താ​ലി​ബാ​ൻ അ​പ​ക​ട​ത്തി​ലാ​ക്കി​യി​രി​ക്കു​ക​യാ​ണെന്ന് മ​നു​ഷ്യാ​വ​കാ​ശ സം​ഘ​ട​നകൾ ചൂണ്ടിക്കാണിക്കുന്നു.

നി​യ​മം ഉ​ട​ൻ പി​ൻ​വ​ലി​ക്ക​ണ​മെ​ന്നും അ​ന്താ​രാഷ്‌ട്ര സ​മൂ​ഹം ഇ​ട​പെ​ട​ണ​മെ​ന്നു​മാ​ണ് മ​നു​ഷ്യാ​വ​കാ​ശ പ്ര​വ​ർ​ത്ത​ക​രു​ടെ ആ​വ​ശ്യം. നീ​തി എ​ന്ന​ത് എ​ല്ലാ​വ​ർ​ക്കും തു​ല്യ​മാ​യി ല​ഭി​ക്കേ​ണ്ട ഒ​ന്നാ​ണെ​ന്ന ആ​ഗോ​ള ത​ത്വം അ​ഫ്ഗാ​നി​സ്ഥാ​നി​ൽ ഇ​തോ​ടെ പൂ​ർ​ണ​മാ​യും ഇ​ല്ലാ​താ​യി​രി​ക്കു​ക​യാ​ണ്.