4

കാ​സ​ര്‍​ഗോ​ഡ്: പ്രാ​യ​പൂ​ര്‍​ത്തി​യാ​കാ​ത്ത​വ​ര്‍ വാ​ഹ​ന​ങ്ങ​ളോ​ടി​ച്ച് അ​പ​ക​ട​ങ്ങ​ളു​ണ്ടാ​ക്കു​ന്ന​ത് പ​തി​വാ​യ​തോ​ടെ അ​തു ത​ട​യാ​ന്‍ ജി​ല്ല​യി​ലെ​ല്ലാ​യി​ട​ത്തും പോ​ലീ​സ് പ്ര​ത്യേ​ക ശ്ര​ദ്ധ​യും ജാ​ഗ്ര​ത​യും പു​ല​ര്‍​ത്തു​ന്നു​ണ്ട്. എ​ന്നാ​ല്‍ ജാ​ഗ്ര​ത കൂ​ടി​പ്പോ​യാ​ലും പൊ​ല്ലാ​പ്പാ​വു​മെ​ന്ന് ക​ഴി​ഞ്ഞ​ ദി​വ​സം തെ​ളി​ഞ്ഞു.

ക​ഴി​ഞ്ഞ ഞാ​യ​റാ​ഴ്ച വൈ​കി​ട്ട് ചെ​ര്‍​ക്ക​ള-​ബേ​ര്‍​ക്ക റോ​ഡി​ലൂ​ടെ പോ​വു​ക​യാ​യി​രു​ന്ന വി​ദ്യാ​ന​ഗ​ര്‍ പോ​ലീ​സി​ന്‍റെ പ​ട്രോ​ളിം​ഗ് സം​ഘ​മാ​ണ് റോ​ഡ​രി​കി​ല്‍ നി​ര്‍​ത്തി​യി​ട്ട സ്‌​കൂ​ട്ട​റി​ലി​രു​ന്ന് ദി​വാ​സ്വ​പ്നം കാ​ണു​ന്ന ഒ​രു പ​ത്താം​ക്ലാ​സു​കാ​ര​നെ ക​ണ്ട​ത്.

ക​ണ്ട​പാ​ടേ ചാ​ടി​വീ​ണ് കു​ട്ടി​യെ സ്‌​കൂ​ട്ട​റു​ൾ​പ്പെ​ടെ ക​സ്റ്റ​ഡി​യി​ലെ​ടു​ത്തു. സം​ഭ​വം ക​ണ്ട് അ​ടു​ത്തു​ള്ള ക​ട​യി​ല്‍​നി​ന്ന് ഒ​രു പെ​ണ്‍​കു​ട്ടി ഓ​ടി​വ​ന്നു. സ്‌​കൂ​ട്ട​ര്‍ ത​ന്‍റേ​താ​ണെ​ന്നും പ​ത്താം​ക്ലാ​സു​കാ​ര​ന്‍ ത​ന്‍റെ അ​നു​ജ​നാ​ണെ​ന്നും പ​റ​ഞ്ഞു.

മാ​ജി​ദ ത​സ്രീ​ന്‍ എ​ന്നാ​ണ് ത​ന്‍റെ പേ​രെ​ന്നും ത​നി​ക്ക് 19 വ​യ​സു​ണ്ടെ​ന്നും ആ​ര്‍​സി​യും ലൈ​സ​ന്‍​സു​മു​ണ്ടെ​ന്നും താ​നാ​ണ് സ്‌​കൂ​ട്ട​ര്‍ ഓ​ടി​ച്ചി​രു​ന്ന​തെ​ന്നും വി​ശ​ദീ​ക​രി​ച്ചു.

പ​ക്ഷേ ഒ​ന്നും കേ​ള്‍​ക്കാ​തെ പോ​ലീ​സ് വ​ണ്ടി​യും കൊ​ണ്ടു​പോ​യി. പ്രാ​യ​പൂ​ര്‍​ത്തി​യാ​കാ​ത്ത കു​ട്ടി​ക്ക് സ്‌​കൂ​ട്ട​ര്‍ ഓ​ടി​ക്കാ​ന്‍ ന​ല്‍​കി​യ​തി​ന് മാ​ജി​ദ​യ്‌​ക്കെ​തി​രേ കേ​സു​മെ​ടു​ത്തു.

പ​ക്ഷേ മാ​ജി​ദ വെ​റു​തെ​യി​രു​ന്നി​ല്ല. സ​മീ​പ​ത്തെ ക​ട​ക​ളി​ല്‍ നി​ന്നു​ള്ള സി​സി​ടി​വി ദൃ​ശ്യ​ങ്ങ​ളു​ള്‍​പ്പെ​ടെ ശേ​ഖ​രി​ച്ചു. അ​നു​ജ​നെ പി​ന്നി​ലി​രു​ത്തി മാ​ജി​ദ സ്‌​കൂ​ട്ട​ര്‍ ഓ​ടി​ച്ചു​വ​രു​ന്ന​തും വ​ണ്ടി നി​ര്‍​ത്തി ര​ണ്ടു​പേ​രും ക​ട​യി​ല്‍ ക​യ​റു​ന്ന​തും പി​ന്നീ​ട് അ​നു​ജ​ന്‍ തി​രി​ച്ചു​വ​ന്ന് സ്‌​കൂ​ട്ട​റി​ലി​രി​ക്കു​ന്ന​തു​മെ​ല്ലാം ആ ​ദൃ​ശ്യ​ങ്ങ​ളി​ലു​ണ്ടാ​യി​രു​ന്നു.

സ്‌​കൂ​ട്ട​റി​ല്‍ ഇ​രു​ന്ന​ത​ല്ലാ​തെ കു​ട്ടി ഒ​രി​ക്ക​ലും വ​ണ്ടി സ്റ്റാ​ര്‍​ട്ട് ചെ​യ്തി​ട്ടി​ല്ലെ​ന്നും ദൃ​ശ്യ​ങ്ങ​ളി​ല്‍​നി​ന്ന് വ്യ​ക്ത​മാ​യി​രു​ന്നു. ഈ ​ദൃ​ശ്യ​ങ്ങ​ളെ​ല്ലാം വ​ച്ച് മാ​ജി​ദ ജി​ല്ലാ പോ​ലീ​സ് മേ​ധാ​വി ബി.​വി.​വി​ജ​യ് ഭാ​ര​ത് റെ​ഡ്ഡി​ക്ക് പ​രാ​തി ന​ല്‍​കി.

ഇ​തോ​ടെ വി​ദ്യാ​ന​ഗ​ര്‍ പോ​ലീ​സ് വെ​ട്ടി​ലാ​യി. വ​ണ്ടി​യി​ല്‍ ഒ​രു കു​ട്ടി വെ​റു​തേ ഇ​രു​ന്നാ​ലും കേ​സെ​ടു​ക്കാ​ന്‍ ക​ഴി​യു​മോ എ​ന്ന ചോ​ദ്യ​ത്തി​നു മു​ന്നി​ല്‍ വി​യ​ര്‍​ത്തു. പൊ​ല്ലാ​പ്പി​ല്‍ നി​ന്ന് ത​ല​യൂ​രാ​ന്‍ ഇ​നി​യെ​ന്ത് വ​ഴി​യെ​ന്ന് ചി​ന്തി​ച്ച് വ​ണ്ടി​യു​ടെ ബു​ക്കും പേ​പ്പ​റു​മെ​ല്ലാം പ​രി​ശോ​ധി​ച്ച​പ്പോ​ഴാ​ണ് വ​ണ്ടി​ക്ക് ഇ​ന്‍​ഷ്വ​റ​ന്‍​സി​ല്ലെ​ന്ന് മ​ന​സി​ലാ​യ​ത്.

ഉ​ട​ന്‍​ത​ന്നെ ആ ​വ​കു​പ്പു മാ​ത്രം ചേ​ര്‍​ത്ത് മാ​ജി​ദ​യ്‌​ക്കെ​തി​രേ പെ​റ്റി കേ​സെ​ടു​ത്തു. കു​ട്ടി​ക്ക് വാ​ഹ​ന​മോ​ടി​ക്കാ​ന്‍ ന​ല്‍​കി​യെ​ന്ന കേ​സ് ഒ​ഴി​വാ​ക്കി വാ​ഹ​നം തി​രി​കെ വി​ട്ടു​ന​ല്‍​കു​ക​യാ​യി​രു​ന്നു.