4

പ​ത്ത​നം​തി​ട്ട: സൈ​ബ​ര്‍ ത​ട്ടി​പ്പി​ലൂ​ടെ കി​ട​ങ്ങ​ന്നൂ​ർ സ്വ​ദേ​ശി​യിൽ‍ നി​ന്ന് 45 ല​ക്ഷം ത​ട്ടാ​നു​ള്ള ശ്ര​മം ബാ​ങ്ക് അ​ധി​കൃ​ത​രു​ടെ ഇ​ട​പെ​ട​ലി​ൽ പാ​ളി. കി​ട​ങ്ങ​ന്നൂ​ർ ഫെ​ഡ​റ​ൽ ബാ​ങ്ക് അ​ധി​കൃ​ത​രു​ടെ ഇ​ട​പെ​ട​ലി​ലാ​ണ്​ വെ​ർ​ച്വ​ൽ അ​റ​സ്റ്റി​ലാ​ക്കി തു​ക ത​ട്ടാ​നു​ള്ള നീ​ക്കം പൊ​ളി​ഞ്ഞ​ത്​. സം​ശ​യം തോ​ന്നി ബാ​ങ്ക്​ ഉ​ദ്യോ​ഗ​സ്ഥ​ർ ന​ൽ​കി​യ വി​വ​ര​മ​നു​സ​രി​ച്ച്​ രം​ഗ​ത്തെ​ത്തി​യ അ​റ​ന്മു​ള പോ​ലീ​സി​ന്‍റെ ഇ​ട​പ​ട​ലും നി​ർ​ണാ​യ​ക​മാ​യി.

മ​ക​നെ കേ​സി​ൽ കു​ടു​ക്കാ​തി​രി​ക്കാ​ൻ പ​ണം ന​ൽ​ക​ണ​മെ​ന്നാ​യി​രു​ന്നു ത​ട്ടി​പ്പ്​ സം​ഘ​ത്തി​ന്‍റെ ആ​വ​ശ്യം. പ​ണം ന​ൽ​കി കേ​സി​ൽ​നി​ന്ന്​ ഒ​ഴി​വാ​യി​ല്ലെ​ങ്കി​ൽ മ​ക​ന്​ ജ​യി​ലി​ൽ​നി​ന്ന്​ പു​റ​ത്തി​റ​ക്കാ​ൻ ക​ഴി​യി​ല്ലെ​ന്നും ഇ​വ​ർ ഭീ​ഷ​ണി​പ്പെ​ടു​ത്തി. ഇ​തി​നാ​യി ബാ​ങ്കി​ലു​ള്ള മു​ഴു​വ​ൻ തു​ക​യും ത​ങ്ങ​ൾ ന​ൽ​കു​ന്ന അ​ക്കൗ​ണ്ടി​ലേ​ക്ക്​ ട്രാ​ൻ​സ്​​ഫ​ർ ചെ​യ്യ​ണ​മെ​ന്നും കം​പ്യൂ​ട്ട​റി​ന്​ മു​ന്നി​ൽ​നി​ന്ന്​ മാ​റ​രു​തെ​ന്നും നി​ർ​ദേ​ശി​ച്ചു. ഇ​തി​ൽ ഭ​യ​പ്പെ​ട്ട ഇദ്ദേഹം സം​ഘ​ത്തി​ന്‍റെ നി​ർ​ദേ​ശ​മ​നു​സ​രി​ച്ചാ​ണ്​ 48 മ​ണി​ക്കൂ​റോ​ളം പ്ര​വ​ർ​ത്തി​ച്ച​ത്​.

ത​ട്ടി​പ്പു​കാ​ർ പ​റ​ഞ്ഞ​ത​നു​സ​രി​ച്ച്​ ക​ഴി​ഞ്ഞ​ദി​വ​സം കി​ട​ങ്ങ​ന്നൂ​ർ ഫെ​ഡ​റ​ൽ ബാ​ങ്കി​ലെ​ത്തി​യ ഇ​യാ​ൾ, സ്ഥി​ര നി​ക്ഷേ​പം പി​ന്‍വ​ലി​ച്ച് മ​റ്റൊ​രു അ​ക്കൗ​ണ്ടി​ലേ​ക്ക് ഇ​ട്ട്​ ന​ൽ​ക​ണ​മെ​ന്ന്​ ആ​വ​ശ്യ​പ്പെ​ട്ടു. 45 ല​ക്ഷ​മാ​യി​രു​ന്നു ഇ​യാ​ളു​ടെ പേ​രി​ൽ ബാ​ങ്കി​ലു​ണ്ടാ​യി​രു​ന്ന സ്ഥി​ര നി​ക്ഷേ​പം. മ​ക​ന്‍റെ അ​ക്കൗ​ണ്ടി​ലേ​ക്ക്​ പ​ണം ട്രാ​ൻ​സ്ഫ​ർ ചെ​യ്യ​ണ​മെ​ന്നാ​ണ്​ പ​റ​ഞ്ഞ​തെ​ങ്കി​ലും ഇ​യാ​ൾ ന​ല്‍കി​യ അ​ക്കൗ​ണ്ട് വി​വ​ര​ങ്ങ​ളി​ല്‍ ഉ​ദ്യോ​ഗ​സ്ഥ​ർ​ക്ക് സം​ശ​യം തോ​ന്നി.

മും​ബൈ​യി​ലു​ള്ള ഒ​രു സ്വ​കാ​ര്യ​സ്ഥാ​പ​ന​ത്തി​ന്‍റെ അ​ക്കൗ​ണ്ടാ​യി​രു​ന്നു ഇ​ത്​. ഇ​തോ​ടെ ഇ​ത്ര​യും തു​ക ബാ​ങ്കി​ൽ ഇ​ല്ലാ​ത്ത​തി​നാ​ൽ പി​ൻ​വ​ലി​ക്കാ​നി​ല്ലെ​ന്നു​ പ​റ​ഞ്ഞ്​ ഉ​ദ്യോ​ഗ​സ്​​ഥ​ർ മ​ട​ക്കി അ​ട​ച്ചു. പി​ന്നീ​ട്​ ബാ​ങ്ക്​ ഉ​ദ്യോ​ഗ​സ്ഥ​ർ വീ​ട്ടി​ലെ​ത്തി ഇ​യാ​ളു​ടെ ഭാ​ര്യ​യു​മാ​യി സം​സാ​രി​ക്കു​ക​യും പ​ണം പി​ൻ​വ​ലി​ക്കാ​നു​ള്ള നീ​ക്കം അ​റി​യി​ക്കു​ക​യും ചെ​യ്തു.

ബാ​ങ്കി​ൽ​നി​ന്ന്​ ത​ന്നെ ആ​റ​ന്മു​ള പോ​ലീ​സി​നും വി​വ​രം കൈ​മാ​റി. തു​ട​ർ​ന്ന്​ പോ​ലീ​സ് ഇ​ട​പെ​ട​ലു​ണ്ടാ​യി. സം​ഭ​വ​ത്തി​ൽ സൈ​ബ​ർ സെ​ൽ അ​ന്വേ​ഷ​ണം തു​ട​ങ്ങി. ക​ഴി​ഞ്ഞ​ദി​വ​സം തി​രു​വ​ല്ല​യി​ലും വെ​ർ​ച്വ​ൽ അ​റ​സ്റ്റി​ലൂ​ടെ പ​ണം ത​ട്ടാ​ൻ ശ്ര​മം ന​ട​ന്നി​രു​ന്നു. ബാ​ങ്ക് അ​ധി​കൃ​ത​രാ​ണ് അ​വി​ടെ​യും ര​ക്ഷ​ക​രാ​യ​ത്.