Deepika
ADVERTISEMENT
CAREER DEEPIKA
തിരുവനന്തപുരം: റീജണൽ കാൻസർ സെന്‍ററിൽ റെസിഡന്‍റ് സ്റ്റാഫ് നഴ്സ് ഒഴിവിലേക്ക് ഓൺലൈനായി അപേക്ഷ ക്ഷണിച്ചു. അവസാന തീയതി 19. വെബ്സൈറ്റ്: www.rcctvm.gov.in.
Education
തിരുവനന്തപുരം: സർക്കാർ / എയ്ഡഡ് സ്‌കൂളുകളിലെ ഒന്നുമുതൽ എട്ടു വരെ ക്ലാസുകളിൽ പഠിക്കുന്ന ഒബിസി വിഭാഗം വിദ്യാർഥികൾക്ക് സ്കോളർഷിപ്പ് അനുവദിക്കുന്ന ‘കെടാവിളക്ക്’ സ്‌കോളർഷിപ്പിന്‍റെ അവസാന തീയതി ഒക്ടോബർ 15 വരെ നീട്ടി.
സ്‌കൂളിൽനിന്നും www.egrantz.kerala.gov.in എന്ന പോർട്ടലിലൂടെ ഡാറ്റ എൻട്രി നടപടി പൂർത്തിയാക്കാം. വിവരങ്ങൾക്കു പിന്നാക്കവിഭാഗ വികസന വകുപ്പിന്‍റെ മേഖലാ ഓഫിസുകളിൽ ബന്ധപ്പെടണം.
Education
തിരുവനന്തപുരം: സാമ്പത്തികമായി പിന്നാക്കം നിൽക്കുന്ന മുന്നാക്ക സമുദായങ്ങളിലെ വിദ്യാർഥികൾക്കായി കേരള സംസ്ഥാന മുന്നാക്ക സമുദായ ക്ഷേമ കോർപറേഷൻ നടപ്പാക്കുന്ന വിദ്യാസമുന്നതി മെരിറ്റ് സ്‌കോളർഷിപ്പിന് അപേക്ഷിക്കാം.
ഹൈസ്‌കൂൾ, ഹയർ സെക്കൻഡറി, ഡിപ്ലോമ/ സർട്ടിഫിക്കറ്റ് കോഴ്സുകൾ, ബിരുദം, ബിരുദാനന്തര ബിരുദം, സിഎ, സിഎംഎ, സിഎസ്, ദേശീയ നിലവാരമുള്ള സ്ഥാപനങ്ങളിലെ ബിരുദ-ബിരുദാനന്തര പഠനം, പിഎച്ച്ഡി ഗവേഷണം തുടങ്ങിയ വിഭാഗങ്ങളിലാണ് സ്കോളർഷിപ്പ് ലഭിക്കുക.
അപേക്ഷകൾ ഒക്ടോബർ എട്ട് മുതൽ ഓൺലൈനായി സമർപ്പിക്കാം. അപേക്ഷിക്കാനുള്ള അവസാന തീയതി നവംബർ ഏഴ്. വിവരങ്ങൾക്ക്: www. kswcfc.org.
Education
തിരുവനന്തപുരം: കേരള ചരിത്ര ഗവേഷണ കൗൺസിലിന്‍റെ ‘ഓൺലൈൻ ഡിജിറ്റൽ ആർക്കൈവ് ’ പദ്ധതിയിലേക്ക് ഇന്‍റേൺഷിപ്പിന് അപേക്ഷ ക്ഷണിച്ചു.
ചരിത്രം, മലയാളം വിഷയങ്ങളിൽ ബിരുദം / ബിരുദാനന്തര ബിരുദമാണ് യോഗ്യത.
വിശദമായ ബയോഡാറ്റ സഹിതം [email protected] ഇമെയിൽ വിലാസത്തിൽ അഞ്ചിനകം അപേക്ഷിക്കണം. ‘Application for Internship - Online Digital Archive Project’ എന്ന് ഇ-മെയിലിന്‍റെ സബ്ജക്റ്റിൽ രേഖപ്പെടുത്തണം.
DCL (Deepika Children’s League)
കാലടി മേഖലയിലെ വിദ്യാർത്ഥി നേതാക്കൾക്ക് വേണ്ടി ഏകദിന നേതൃത്വ പരിശീലന ശില്പശാല സംഘടിപ്പിക്കുന്നു നാളെ രാവിലെ ഒൻപതു മുതൽ വൈകുന്നേരം 3.30 വരെ കാഞ്ഞൂർ സെന്‍റ് ജോസഫ് ഹൈസ്കൂളിൽ ആയിരിക്കും ശില്പശാല നടക്കുന്നത്.
മേഖലയിലെ ഒൻപതു സ്കൂളുകളിൽ നിന്ന് എട്ട്, ഒൻപത്, പത്ത് ക്ലാസുകളിൽ പഠിക്കുന്ന കുട്ടികളായിരിക്കും ശില്പശാലയിൽ പങ്കെടുക്കുന്നത്.പി.ജെ തോമസ്, ജയ്നി സാം രാജ്, പി.എ. ദേവസി, ജി.യു. വർഗീസ് എന്നിവർ ക്ലാസുകൾ നയിക്കും.
കാലടി മേഖല പ്രസിഡന്റ് പൗളി വർഗീസ്, വൈസ് പ്രസിഡന്റ് പോളി കാടപ്പറമ്പിൽ, മേഖല ഓർഗനൈസർ മാരായ ബേബി പള്ളിപ്പാട്ട്, സില്‍വി വർഗീസ്, ലാലു ഉറുമീസ്, ശാഖാ ഡയറക്ടർമാരായ ഡോ. ലക്ഷ്മി എസ്. മേനോൻ, സ്മിതാ വർഗീസ് എന്നിവർ പരിപാടികൾക്ക് നേതൃത്വം നൽകും.
Education
തിരുവനന്തപുരം: സംസ്ഥാനത്തെ പോസ്റ്റ്-മെട്രിക് കോഴ്സുകളിൽ പഠനം നടത്തുന്ന ഒഇസി- എസ്ടി വിഭാഗത്തിൽപ്പെട്ട വിദ്യാർഥികൾക്ക് പിന്നാക്ക വിഭാഗ വികസന വകുപ്പ് മുഖേന നടപ്പാക്കി വരുന്ന പോസ്റ്റ്മെട്രിക് വിദ്യാഭ്യാസാനുകൂല്യത്തിന് അപേക്ഷിക്കാം.
നിലവിൽ ഒഇസി വിഭാഗങ്ങൾക്ക് വിദ്യാഭ്യാസാനുകൂല്യം അനുവദിക്കുന്നതിനുള്ള മാനദണ്ഡങ്ങൾ ഒഇസി-എസ്ടി വിഭാഗങ്ങൾക്കും ബാധകമാണ്.
https:// egrantz. kerala.gov.in/ ലൂടെ ഡിസംബർ 31നകം അപേക്ഷിക്കണം. വിവരങ്ങൾക്ക്: 0471 2727379.
Education
തിരുവനന്തപുരം: സർക്കാർ സ്കൂൾ/ സർക്കാർ എയ്ഡഡ് സ്കൂളുകളിൽ ഒന്നാം ക്ലാസ് മുതൽ എട്ടാം ക്ലാസ് വരെയുള്ള ന്യൂനപക്ഷ വിദ്യാർഥികൾക്കായി (മുസ്‌ലിം, ക്രിസ്ത്യൻ (എല്ലാ വിഭാഗക്കാർക്കും), സിഖ്, ബുദ്ധ, ജൈന, പാഴ്‌സി) ജനസംഖ്യാനുപാതികമായി 2026-27 സാമ്പത്തിക വർഷം മാർഗദീപം സ്കോളർഷിപ്പ് അപേക്ഷ സമർപ്പിക്കുന്നതിനുള്ള തീയതി 15നു വൈകുന്നേരം അഞ്ചുവരെ നീട്ടി.
സ്ഥാപനങ്ങൾ വെരിഫിക്കേഷൻ ചെയ്യേണ്ട അവസാന തീയതി ഒക്ടോബർ 19 രാത്രി 11 വരെ. വിവരങ്ങൾക്ക്: www.margadeepam. kerala. gov.in, 0471-2300524.
Kerala
കൊല്ലം: വലിയ തീരദേശവും കായലുകളുമൊക്കെയുള്ള കേരളത്തിന് ബ്ലൂ ഇക്കോണമിയില്‍ വലിയ സാധ്യതയുണ്ടെന്നും മത്സ്യോത്പാദനം, സംസ്‌കരണം, പാക്കേജിംഗ്, ബ്രാന്‍ഡിംഗ്, കയറ്റുമതി തുടങ്ങിയ മേഖലകളില്‍ സഹകരണരംഗത്തിന്‍റെ സാധ്യതകള്‍ പ്രയോജനപ്പെടുത്തണമെന്നും കേന്ദ്ര ആഭ്യന്തര, സഹകരണ മന്ത്രി അമിത് ഷാ.
നാഷണല്‍ കോഓപ്പറേറ്റീവ് കണ്‍സ്യൂമേഴ്‌സ് ഫെഡറേഷന്‍ (എന്‍സിസിഎഫ്) സഹകരണത്തിലൂടെ സമൃദ്ധി എന്ന സന്ദേശവുമായി കൊല്ലം പവിത്രം കണ്‍വന്‍ഷന്‍ സെന്‍ററില്‍ സംഘടിപ്പിച്ച വനിതാ ശക്തീകരണത്തിന് ദിശ പകരുന്ന വിവിധ പദ്ധതികളുടെ ഉദ്ഘാടനം നിര്‍വഹിച്ചു പ്രസംഗിക്കുകയായിരുന്നു അദ്ദേഹം.
രാജ്യത്തിന് സ്വാതന്ത്ര്യം കിട്ടുന്നതിന് മുമ്പുതന്നെ വ്യവസ്ഥാപിതമായ സഹകരണ പ്രസ്ഥാനങ്ങള്‍ പ്രവര്‍ത്തിച്ചിരുന്ന പ്രദേശങ്ങളാണ് തിരുവിതാംകൂറും കൊച്ചിയും മലബാറും. 23000ത്തിലധികം സഹകരണപ്രസ്ഥാനങ്ങള്‍ നല്ല നിലയില്‍ പ്രവൃത്തിക്കുന്ന സംസ്ഥാനമാണ് കേരളം. സഹകരണമേഖലയുടെ ഉന്നമനത്തിന് എല്ലാവിധ സഹകരണങ്ങളും നല്‍കാന്‍ കേന്ദ്രം തയാറാണെന്നും കേരളത്തിന്‍റെ സഹകരണമന്ത്രി ഡല്‍ഹിയിലെത്തി ഈ വിഷയത്തില്‍ ചര്‍ച്ച നടത്തണമെന്നും അമിത് ഷാ പറഞ്ഞു.
സഹകരണമേഖലയിലൂടെയുള്ള വിത്ത് വിതരണം, സ്‌കൂള്‍ കുട്ടികള്‍ക്കുള്ള നാഫെഡ് കല്യാണ്‍ സ്‌കോളര്‍ഷിപ്പ് വിതരണം, വനിതം ഷീ മാര്‍ട്ട് ഉദ്ഘാടനം, ഭാരത് ആട്ട, അരി എന്നിവയുടെ വിതരണോദ്ഘാടനം എന്നിവ കേരളത്തില്‍ വന്ന് നിര്‍വഹിക്കാന്‍ കഴിഞ്ഞതില്‍ സന്തോഷമുണ്ടെന്നും മന്ത്രി പറഞ്ഞു.
കേന്ദ്രത്തിലെ ഏറ്റവും സുപ്രധാനമായ ഒരു സഹകരണപ്രസ്ഥാനം നമ്മുടെ സംസ്ഥാനത്തിന്‍റെ വികസനത്തിന് കൈകോര്‍ക്കുന്നതില്‍ വലിയ സന്തോഷമുണ്ടെന്ന് സഹകരണ മന്ത്രി എം. ലിജു പറഞ്ഞു.
ഡിജിറ്റല്‍ സംവിധാനങ്ങളിലേക്കുള്ള മാറ്റം, സുതാര്യത, പ്രഫഷണല്‍ നേതൃത്വം എന്നിവയാണ് കേരളത്തിന്‍റെ സഹകരണമേഖലയ്ക്ക് ഇനി ആവശ്യമെന്നും കേരളത്തിന്‍റെ സഹകരണമേഖലയെ പുതിയ ഉയരങ്ങളിലെത്തിക്കാന്‍ കേന്ദ്രത്തിന്‍റെ എല്ലാ പിന്തുണയും അഭ്യര്‍ഥിക്കുന്നതായും മന്ത്രി പറഞ്ഞു.
പെട്രോളിയം, പ്രകൃതിവാതക സഹമന്ത്രി സുരേഷ് ഗോപി വിശിഷ്ടാതിഥിയായി. സഹകരണ മേഖലയില്‍ ശക്തമായ മുന്നേറ്റമുണ്ടാക്കുന്നതിനുള്ള ഇടപെടലുകളാണ് കേന്ദ്ര സര്‍ക്കാര്‍ നടത്തിക്കൊണ്ടിരിക്കുന്നതെന്ന് മന്ത്രി പറഞ്ഞു.
മന്ത്രി പി.സി. വിഷ്ണുനാഥ്, എന്‍.കെ. പ്രേമചന്ദ്രന്‍ എംപി, രാജീവ് ചന്ദ്രശേഖര്‍ എംഎല്‍എ, എന്‍സിസിഎഫ് ചെയര്‍മാന്‍ വിശാല്‍ സിംഗ്, മാനേജിംഗ് ഡയറക്ടര്‍ ആനി ജോസഫ് ചന്ദ്ര എന്നിവര്‍ ചടങ്ങില്‍ പങ്കെടുത്തു.
Education
തിരുവനന്തപുരം: ബിഎസ്‌സി നഴ്സിംഗ്, അലൈഡ് ഹെൽത്ത് ആന്ഡ് കെയർ ഡിഗ്രി കോഴ്സുകൾക്ക് പുതിയതായി പ്രവേശനത്തിന് ഉൾപ്പെടുത്തിയ കോളജുകളിലേക്കും ഓൺലൈൻ സ്‌പെഷ്യൽ അലോട്ട്മെന്റ് 28ന് നടത്തും.
www. lbscentre.kerala.gov.in ൽ പ്രസിദ്ധീകരിച്ച റാങ്ക് ലിസ്റ്റിൽ ഉൾപ്പെട്ട അപേക്ഷകർക്ക് ഓൺലൈനായി കോഴ്സ്/ കോളജ് ഓപ്ഷനുകൾ സമർപ്പിക്കുന്നതിനുള്ള സമയം 27 വരെ നീട്ടി.
മുൻ അലോട്ട്‌മെന്‍റുകൾ വഴി ഏതെങ്കിലും കോളജുകളിൽ പ്രവേശനം നേടിയവർക്ക് അലോട്ട്‌മെന്‍റിൽ പങ്കെടുക്കുന്നതിന് നിരാക്ഷേപപത്രം ആവശ്യമാണ്. വിവരങ്ങൾക്ക്: 0471-2560361, 362, 363, 364, www.lbscentre. kerala.gov.in
Education
തിരുവനന്തപുരം: കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എഡ്യൂക്കേഷൻ (കൈറ്റ്) നടപ്പാക്കുന്ന കേരളത്തിലെ ഏറ്റവും വലിയ ഓൺലൈൻ പരിശീലന പദ്ധതിയായ ‘കൂൾ’ (KITEs Open Online Learning) പരിശീലനത്തിന്‍റെ ഇരുപത്തി മൂന്നാം ബാച്ചിന്‍റെ സ്‌കിൽടെസ്റ്റ് ഫലം പ്രഖ്യാപിച്ചു.
ഈ ബാച്ചിൽ പങ്കെടുത്ത 2,624 അധ്യാപകരിൽ 2,322പേർ (88.49 ശതമാനം) കോഴ്സ് വിജയിച്ചു. വിവിധ ബാച്ചുകളിലായി 62,164 അധ്യാപകർ ഇതുവരെ കോഴ്സ് വിജയകരമായി പൂർത്തിയാക്കി. പരീക്ഷാ ഫലം www.kite.kerala.gov.in ൽ ലഭ്യമാണ്.
Kerala
കൊച്ചി: പൊതുവിദ്യാലയങ്ങളിലെ കുട്ടികളുടെ പഠനപുരോഗതിയും സ്‌കൂളുകളുടെ അക്കാദമിക പ്രവര്‍ത്തനങ്ങളും ഡിജിറ്റല്‍ സംവിധാനത്തിലൂടെ നിരീക്ഷിക്കുന്നതിനായി ‘താരാപഥം’ പദ്ധതിയുമായി പൊതുവിദ്യാഭ്യാസ വകുപ്പ്. സംസ്ഥാന സര്‍ക്കാരിന്‍റെ നൂറുദിന കര്‍മപദ്ധതിയുടെ ഭാഗമായാണു പദ്ധതി നടപ്പാക്കുന്നത്.
കൈറ്റ് മുഖേന നടപ്പാക്കുന്ന പദ്ധതിയില്‍ സമ്പൂര്‍ണ ഓണ്‍ലൈന്‍ സ്‌കൂള്‍ മാനേജ്മെന്റ് സിസ്റ്റം, സമഗ്ര ഡിജിറ്റല്‍ വിഭവ പോര്‍ട്ടല്‍, വിദ്യാര്‍ഥികളുടെ മെന്‍ററിംഗ് വിവരങ്ങള്‍ രേഖപ്പെടുത്തുന്ന സഹിതം പോര്‍ട്ടല്‍ എന്നിവ ഏകോപിപ്പിക്കും. നിര്‍മിതബുദ്ധി (എഐ) സാങ്കേതികവിദ്യയും സൈബര്‍ സുരക്ഷാ പ്രോട്ടോകോളും പദ്ധതിയുടെ ഭാഗമാണ്.
സമ്പൂര്‍ണ എസ്എസ്ഒ സംവിധാനത്തിലൂടെ ഒറ്റ ലോഗിനില്‍ പ്രധാന ഓണ്‍ലൈന്‍ ആപ്ലിക്കേഷനുകളിലേക്കു പ്രവേശിക്കാം. സിബിഎസ്ഇ, ഐസിഎസ്ഇ, കേന്ദ്രീയ വിദ്യാലയങ്ങള്‍, അംഗീകൃത അണ്‍ എയ്ഡഡ് സ്‌കൂളുകള്‍ എന്നിവയുടെ വിവരങ്ങളും സമ്പൂര്‍ണയില്‍ ഉള്‍പ്പെടുത്തും.
വിദ്യാര്‍ഥികളുടെ ഹാജര്‍, പഠനനിലവാരം, പരീക്ഷാ സ്‌കോറുകള്‍, പാഠ്യാനുബന്ധ പ്രവര്‍ത്തനങ്ങള്‍ എന്നിവ രേഖപ്പെടുത്തുന്നതിനുള്ള സംവിധാനവും ഒരുക്കും.
ഒന്നാം ക്ലാസ് മുതല്‍ 12-ാം ക്ലാസ് വരെയുള്ള കുട്ടികളുടെ വിവരങ്ങള്‍ ഉള്‍പ്പെടുത്തി സമ്പൂര്‍ണ പ്ലസ് പരിഷ്‌കരിച്ചു. സമഗ്ര പ്ലസ് പോര്‍ട്ടലില്‍ ഡിജിറ്റല്‍ പഠനവിഭവങ്ങള്‍ക്കും ഒന്നാം ക്ലാസ് മുതല്‍ പത്താം ക്ലാസ് വരെയുള്ള ടീച്ചിംഗ് മാന്വലുകള്‍ക്കും പുറമെ അധ്യാപകരുടെ പഠനാസൂത്രണം, പ്രഥമാധ്യാപകരുടെ ക്ലാസ് നിരീക്ഷണം, വിദ്യാഭ്യാസ ഓഫിസര്‍മാരുടെ പരിശോധന, എസ്ആര്‍ജി തീരുമാനങ്ങള്‍ എന്നിവ രേഖപ്പെടുത്താനും കഴിയും.
Kerala
കണ്ണൂര്‍: പാർട്ടിക്ക് അണികൾ നല്കിയ തിരുത്തലാണ് പി.ജയരാജനെ സംസ്ഥാന സെക്രട്ടേറിയറ്റിലേക്കു കൈപിടിച്ചു കയറ്റുന്നത്. സംസ്ഥാന കമ്മിറ്റിയിലെ മുതിര്‍ന്ന അംഗങ്ങളിലൊരാളായ ജയരാജനെ കഴിഞ്ഞ സമ്മേളനകാലത്ത് സെക്രട്ടേറിയറ്റിലേക്കു പരിഗണിക്കാതിരുന്നത് നീതികേടായി വിലയിരുത്തപ്പെട്ടിരുന്നു.
അണികള്‍ക്കിടയില്‍ പ്രതിഷേധം പുകഞ്ഞപ്പോഴും നേതൃത്വം അതൊന്നും കണക്കിലെടുത്തിരുന്നില്ല. അടുത്ത സമ്മേളനകാലത്ത് 75 വയസ് പിന്നിടുന്ന ജയരാജന് സംസ്ഥാന സമിതിയില്‍നിന്ന് ഇനിയൊരു ഉയർച്ചയില്ലെന്ന് കരുതിയിടത്തുനിന്നാണ് അസാധാരണ നീക്കത്തിലൂടെ ഇപ്പോൾ സെക്രട്ടേറിയറ്റിൽ ഉൾപ്പെടുത്തിയത്. ഇത് തീർച്ചയായും നേതൃത്വത്തിന് അണികൾ നൽകിയ തിരുത്തലാണ്.
വ്യക്തികള്‍ക്ക് ചുറ്റുമല്ല, പാര്‍ട്ടിയിലാണ് ആളുകളെ അണിനിരത്തേണ്ടതെന്നു കഴിഞ്ഞ സമ്മേളനത്തിൽ സംസ്ഥാന സെക്രട്ടറി പ്രവര്‍ത്തനറിപ്പോര്‍ട്ടില്‍ ചൂണ്ടിക്കാട്ടിയപ്പോൾത്തന്നെ ജയരാജന്‍റെ സ്ഥാനം സംസ്ഥാന കമ്മിറ്റിയിൽത്തന്നെ ഒതുങ്ങുമെന്നു വ്യക്തമായിരുന്നു. പി. ജയരാജന്‍റെ ത്യാഗമോ പ്രവര്‍ത്തനപാരമ്പര്യമോ പാർട്ടി പരിഗണിക്കുന്നില്ലെന്ന് അണികൾ വിമർശനമുയർത്തി.
പല വിവാദങ്ങളിലും ഉൾപ്പെടുന്നതു മറയാക്കി സംസ്ഥാന നേതൃത്വം ജയരാജന്‍റെ വഴിയടയ്ക്കുന്പോഴും വിവാദങ്ങളുടെ വഴിയിലായിരുന്ന ചിലരെ നേതൃത്വം കൈവിടാതിരുന്നതും വലിയ ചര്‍ച്ചയായിരുന്നു. ജയരാജന്മാരിലെ സീനിയോറിറ്റി പരിഗണിച്ചാല്‍ മൂന്നാം സ്ഥാനത്തുള്ള എം.വി. ജയരാജന് സംസ്ഥാന സെക്രട്ടേറിയറ്റിലെത്തിയതും കഴിഞ്ഞ സമ്മേളനകാലത്തെ പ്രധാന രാഷ്ട്രീയ ചർച്ചയായി.
കണ്ണൂരിലെ സിപിഎമ്മിന്‍റെ അനിഷേധ്യ നേതാക്കളിലൊരാളാണ് ജയരാജന്. അതുകൊണ്ടുതന്നെ പാര്‍ട്ടിയുള്‍പ്പെട്ട പല രാഷ്ട്രീയ സംഘര്‍ഷങ്ങളിലും വിവാദങ്ങളിലും ജയരാജന്‍റെ പേരുമുണ്ടായിരുന്നു.1972 ലാണ് ജയരാജന് സിപിഎം അംഗമാകുന്നത്. 10 വർഷം കൂത്തുപറമ്പ് ഏരിയാ സെക്രട്ടറിയായിരുന്നു. പിന്നീട് കണ്ണൂര്‍ ജില്ലാ സെക്രട്ടേറിയറ്റിലെത്തി. 1998ല് സംസ്ഥാന സമിതി അംഗമായി. 2010 ഡിസംബറിലാണ് കണ്ണൂര്‍ ജില്ലാ സെക്രട്ടറിയായത്. 2019ല് വടകര ലോക്സഭാ മണ്ഡലത്തില്‍നിന്നു മത്സരിക്കുന്നതിന് മുന്നോടിയായാണ് സ്ഥാനത്തുനിന്നു മാറ്റിയത്.
വടകര മണ്ഡലത്തില്‍ പരാജയപ്പെട്ടെങ്കിലും ജയരാജന് ജില്ലാ സെക്രട്ടറി സ്ഥാനത്തേക്കു മടങ്ങിയെത്തിയില്ല. തുടർന്ന് ഏഴു കൊല്ലത്തിനിടെ പാര്‍ട്ടിയുടെ മറ്റൊരു ചുമതലയിലും ജയരാജനുണ്ടായിരുന്നില്ല. അണികളിൽ ജയരാജനുള്ള സ്വാധീനം ഒരുവിഭാഗം നേതാക്കളിൽ അതൃപ്തിയുളവാക്കിയെന്നും ഇതിന്‍റെ ഭാഗമായിട്ടാണ് ഒതുക്കലെന്നും ആക്ഷേപമുയർന്നു.
2021ല് ഖാദി ബോര്‍ഡ് ചെയര്‍മാന്‍സ്ഥാനം മാത്രമാണു പാര്‍ട്ടി ജയരാജന് നല്‍കിയിരുന്നത്. അധികാരത്തില്‍ മൂന്നാമൂഴം കരുതിയിരുന്ന പാര്‍ട്ടിക്ക് ഇക്കുറി കനത്ത തിരിച്ചടി നേരിട്ടതോടെ ജയരാജന് നേതൃസ്ഥാനത്തെത്തണമെന്ന മുറവിളി ശക്തമായിരുന്നു.
Kerala
കോഴിക്കോട്: സിപിഎമ്മിന്‍റെ കോഴിക്കോട്ട് നടക്കുന്ന വിപുലീകൃത സംസ്ഥാന കമ്മിറ്റിയിൽ പിണറായി വിജയനെ ലക്ഷ്യംവച്ച് രൂക്ഷവിമർശനം. വിജയത്തിനു കാരണഭൂതരായവർ പരാജയത്തിന്‍റെ ഉത്തരവാദിത്വംകൂടി ഏറ്റെടുക്കണമെന്നാണു വിമർശനം ഉയർന്നത്.
അടവ് നയത്തിൽ പരാജയം
നിയമസഭാ തെരഞ്ഞെടുപ്പിലെ തോൽവി അപ്രതീക്ഷിതമല്ലെന്നും 2021നു ശേഷം എല്ലാ തെരഞ്ഞെടുപ്പുകളിലും തോറ്റപ്പോൾ പൾസ് മനസിലാക്കി അടവ് രൂപപ്പെടുത്തുന്നതിൽ സംസ്ഥാന നേതൃത്വം പരാജയപ്പെട്ടെന്നും വിമർശനം ഉയർന്നു. യോഗത്തിൽ അവതരിപ്പിച്ച തിരുത്തല്‍രേഖയിലെ ഉള്ളടക്കം പാര്‍ട്ടിയുടെ നഷ്ടപ്പെട്ട വിശ്വാസം വീണ്ടെടുക്കാൻ പര്യാപ്തമല്ലെന്നും വിമർശനമുണ്ടായി.
വെള്ളാപ്പള്ളിയോടു മൃദുസമീപനം
വെള്ളാപ്പള്ളി നടേശനോടു സ്വീകരിച്ച സമീപനത്തിൽ നേതൃത്വത്തിനെതിരേ പ്രതിനിധികൾ അതിരൂക്ഷ വിമർശനമാണു നേരത്തേ ഉയർത്തിയത്.
വെള്ളാപ്പള്ളിയെ ചുമന്നത് പാർട്ടിക്കു നാണക്കേടായി എന്നും ഒരുവിഭാഗം അഭിപ്രായപ്പെട്ടു. എംഎൽഎയെ എന്തിനു സെക്രട്ടറിയാക്കി എന്നായിരുന്നു തിരുവനന്തപുരത്ത് വി. ജോയിയെ ജില്ലാ സെക്രട്ടറിയാക്കി നിലനിർത്തിയതിനെതിരേ പ്രതിനിധികൾ ഉയർത്തിയ ചോദ്യം.
പാർട്ടിയെ നയിക്കാൻ വേറെയാരും ഇല്ലേ എന്നും ചോദ്യമുണ്ടായി. മറ്റെവിടെയും ജനപ്രതിനിധിയായി ഇരിക്കുന്ന ആരും ജില്ലാ സെക്രട്ടറി പദവിയിൽ തുടരുന്നില്ല. അവിടെ മാത്രം എന്താണ് ഇളവെന്നും പ്രതിനിധികൾ ചോദിച്ചു.
തളിപ്പറന്പ് തോൽവി
തളിപ്പറമ്പിലെയും പയ്യന്നൂരിലെയും തോൽവി പാർട്ടി ഒരേ നിലയിൽ തന്നെ കാണുമ്പോഴും വിപുലീകൃത സംസ്ഥാന കമ്മിറ്റി ചർച്ച ചെയ്യുന്ന രേഖയിൽ തളിപ്പറമ്പിലെ തോൽവി ഇല്ലായെന്നതും വിമർശനത്തിന് വഴിവച്ചു. പയ്യന്നൂരിലെ തോൽവി മാത്രമാണ് ഉൾപ്പെടുത്തിയിട്ടുള്ളത്. പയ്യന്നൂരിലെയും തളിപ്പറമ്പിലെയും തോൽവിയിൽ നേതൃത്വത്തിനു വീഴ്ച പറ്റിയെന്നാണു പാർട്ടി കണ്ടെത്തിയിരുന്നത്. സംസ്ഥാന കമ്മിറ്റിയും കേന്ദ്രകമ്മിറ്റിയും തയാറാക്കിയ റിപ്പോർട്ടിൽ അക്കാര്യം ഉൾപ്പെടുത്തിയിരുന്നു.
"വിമർശനത്തിൽ അദ്ഭുതമില്ല''
അതേസമയം പണം സമ്പാദിക്കാനുള്ള വഴിയായി ചിലര്‍ പാര്‍ട്ടി പ്രവര്‍ത്തനത്തെ മാറ്റുന്നുവെന്നും ഇതുവഴി സാദാ പ്രവര്‍ത്തകര്‍ക്കു പാര്‍ട്ടി പ്രവര്‍ത്തനത്തിനിറങ്ങാന്‍ മടുപ്പ് വരുന്നതായും പ്രതിനിധികള്‍ ചൂണ്ടിക്കാട്ടി.
ഇന്നലെ ഉച്ചയ്ക്കു നടത്തിയ വാര്‍ത്താസമ്മേളനത്തില്‍ പൊതുചര്‍ച്ചയില്‍ ശക്തമായ വിമര്‍ശനമുയര്‍ന്ന കാര്യം പാര്‍ട്ടി സംസ്ഥാന സെക്രട്ടറി എം.വി. ഗോവിന്ദന്‍ സമ്മതിച്ചു. വിമര്‍ശനത്തില്‍ എന്താണ് അദ്ഭുതമെന്നായിരുന്നു ഗോവിന്ദന്‍റെ ചോദ്യം. ഇന്നലെ രാത്രി എട്ടു വരെയായിരുന്നു പൊതു ചര്‍ച്ച. അതിനുശേഷം സംസ്ഥാന സെക്രട്ടേറിയറ്റ് യോഗം ചേര്‍ന്നു.
Education
തിരുവനന്തപുരം: എട്ടാം ക്ലാസ് വിദ്യാർഥികൾക്കുള്ള 2026-27 അധ്യയന വർഷത്തെ നാഷണൽ മീൻസ് കം മെറിറ്റ് സ്കോളർഷിപ്പ് പരീക്ഷാ വിജ്ഞാപനം http://pareekshabhavan.kerala.gov.in ൽ പ്രസിദ്ധീകരിച്ചു. http://nmmse.kerala.gov.in ലൂടെ 30നകം അപേക്ഷിക്കണം.
Education
തിരുവനന്തപുരം: മാറ്റിവച്ച സ്റ്റേറ്റ് എലിജിബിലിറ്റി പരീക്ഷ (സെറ്റ്) 20ന് നടത്തും. പുതിയ തീയതിയിലെ അഡ്മിറ്റ് കാർഡ് www.lbscentre.kerala.gov.in ൽ നിന്നും ഡൗൺലോഡ് ചെയ്യാം. വിവരങ്ങൾക്ക്: www. lbscentre.kerala.gov.in.
Kerala
കോഴിക്കോട്: പിണറായി വിജയനും മകള്‍ വീണയ്ക്കും മരുമകന്‍ മുഹമ്മദ് റിയാസിനും എതിരേ ഉയര്‍ന്ന മാസപ്പടി ആരോപണങ്ങളും ഇഡിയുടെ കണ്ടെത്തലുകളും സിപിഎമ്മിനെ പിടിച്ചുകുലുക്കിയെങ്കിലും ഈ വിഷയവുമായി ബന്ധപ്പെട്ട് പാര്‍ട്ടിയില്‍ നേതൃമാറ്റം എന്ന അജന്‍ഡയേ ഇല്ലെന്നു സംസ്ഥാന സെക്രട്ടറി എം.വി. ഗോവിന്ദന്‍.
ഒന്നേകാല്‍ മണിക്കൂര്‍ നീണ്ട ഉദ്ഘാടന പ്രസംഗത്തിലാകട്ടെ ഇഡിയെ പരാമര്‍ശിക്കാതെ ജനറല്‍ സെക്രട്ടറി എം.എ. ബേബിയും.
പിണറായിക്കും കുടുംബത്തിനുമെതിരായ ഇഡി നീക്കം പാര്‍ട്ടിക്കെതിരായ നീക്കമെന്ന നിലപാടിലൂന്നിയാണ് സിപിഎം വിപുലീകൃത സംസ്ഥാന കമ്മിറ്റിയിലെ ചര്‍ച്ചകള്‍ പുരോഗമിക്കുന്നത്.
Education
തിരുവനന്തപുരം: പരീക്ഷാ ഭവൻ നടത്തിവരുന്ന എസ്എസ്എൽസി പരീക്ഷ സർട്ടിഫിക്കറ്റ് (2011 മുതൽ 2026 വരെ), ടിഎച്ച്എസ്എൽസി (എച്ച്ഐ), എസ്എസ്എൽസി (എച്ച്ഐ) പരീക്ഷകളുടെ സർട്ടിഫിക്കറ്റ് (2019 മുതൽ 2026 വരെ), എഎച്ച്എസ്എൽസി പരീക്ഷാ സർട്ടിഫിക്കറ്റ് (2020 മുതൽ 2026 വരെ), ടിഎച്ച്എസ്എൽസി പരീക്ഷാ സർട്ടിഫിക്കറ്റ് (2018 മുതൽ 2026 വരെ), ഇക്വലൻസി പരീക്ഷ 2017 മുതൽ 2024 വരെയുള്ള വർഷങ്ങളിലെ മാർക്ക് ഷീറ്റുകളും കെ-ടെറ്റ് പരീക്ഷ 2012 മുതൽ ജൂൺ 2025 വരെയുള്ള വർഷങ്ങളിലെ സർട്ടിഫിക്കറ്റുകളും ഡിജിലോക്കറിൽ ലഭ്യമാണ്.
Kerala
തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി അതിരൂക്ഷമായി തുടരുന്ന സാഹചര്യത്തിൽ പ്രശ്നത്തിൽ നേരിട്ട് ഇടപെട്ട് മുഖ്യമന്ത്രി വി.ഡി. സതീശൻ. പ്രതിസന്ധിക്ക് പരിഹാരം കാണുന്നതിനായി മുഖ്യമന്ത്രിയുടെ നേതൃത്വത്തിൽ ഉന്നതതല യോഗം ചേർന്നു.
ചീഫ് സെക്രട്ടറി ബിശ്വനാഥ് സിൻഹ, കെഎസ്ഇബി സിഎംഡി എം.ജി. രാജമാണിക്യം എന്നിവർ യോഗത്തിൽ പങ്കെടുത്തു. സ്ഥലത്തില്ലാത്തതിനാൽ യോഗത്തിൽ വൈദ്യുതിമന്ത്രി പങ്കെടുത്തിരുന്നില്ല.
വൈദ്യുതി തടസവും പ്രതിസന്ധിയും എത്രയും പെട്ടെന്ന് പരിഹരിക്കുന്നതിന് സ്വീകരിക്കേണ്ട അടിയന്തര നടപടികളെക്കുറിച്ച് ഉദ്യോഗസ്ഥർക്ക് മുഖ്യമന്ത്രി കൃത്യമായ നിർദേശങ്ങൾ നൽകി. നിലവിലെ പ്രതിസന്ധി മറികടക്കുന്നതിനാണ് സർക്കാർ പ്രഥമ പരിഗണന നൽകുന്നതെന്നും അദ്ദേഹം വ്യക്തമാക്കി. യോഗത്തിലെ വിവരങ്ങൾ മുഖ്യമന്ത്രി പിന്നീട് എക്സ് പോസ്റ്റിലൂടെ അറിയിച്ചു.
Education
തിരുവനന്തപുരം: ന്യൂനപക്ഷ വിഭാഗങ്ങളിൽപ്പെട്ട നഴ്സിംഗ് ഡിപ്ലോമ, പാരാമെഡിക്കൽ ഡിപ്ലോമ കോഴ്സുകൾ പഠിക്കുന്ന വിദ്യാർഥികൾക്കുള്ള ‘മദർ തെരേസ സ്കോളർഷിപ്പ് പദ്ധതി’ക്ക് 2026-27 സാന്പത്തിക വർഷത്തേക്ക് 68 ലക്ഷം രൂപയുടെ ഭരണാനുമതി നൽകി. സംസ്ഥാന ന്യൂനപക്ഷ ക്ഷേമ വകുപ്പിന്‍റെ ഉത്തരവിലാണ് തീരുമാനം.
ന്യൂനപക്ഷ സമുദായങ്ങളിൽ നിന്നുള്ള വിദ്യാർഥികൾക്കുള്ള സ്കോളർഷിപ്പ് പദ്ധതികൾക്കായി 1047 ലക്ഷം രൂപയാണ് വകയിരുത്തിയിട്ടുള്ളത്. ഇതിൽ നിന്നാണ് നഴ്സിംഗ് ഡിപ്ലോമ, പാരാമെഡിക്കൽ ഡിപ്ലോമ കോഴ്സുകളിൽ പഠിക്കുന്ന വിദ്യാർഥികൾക്കായുള്ള മദർ തെരേസ സ്കോളർഷിപ്പ് പദ്ധതിക്ക് 68 ലക്ഷം അനുവദിച്ചത്. ഒരു വിദ്യാർഥിക്ക് പ്രതിവർഷം 15,000 രൂപയാണ് സ്കോളർഷിപ്പ് തുക.
ആകെ 453 വിദ്യാർഥികൾക്കാണ് സ്കോളർഷിപ്പ് അനുവദിക്കുന്നത്. 453 വിദ്യാർഥികൾക്ക് 15,000 രൂപ വീതം നൽകാനായി 67.95ലക്ഷം രൂപ ആവശ്യമാണ്. ഭരണനിർവഹണ ചെലവുകൾക്കുള്ള തുക കൂടി ഉൾപ്പെടുത്തിയാണ് തുക അനുവദിച്ചത്.
Education
തിരുവനന്തപുരം: റീജണൽ കാൻസർ സെന്‍റർ, ഒരു വർഷത്തെ പോസ്റ്റ് ബേസിക് ഡിപ്ലോമ ഇൻ ഓങ്കോളജി നഴ്സിംഗ് കോഴ്സിലേക്ക് അപേക്ഷ ക്ഷണിച്ചു.
ഓൺലൈൻ അപേക്ഷകൾ സ്വീകരിക്കുന്ന അവസാന തീയതി ഒക്ടോബർ മൂന്ന് വൈകുന്നേരം അഞ്ചുരെ. അപേക്ഷയുടെ പ്രിന്‍റൗട്ട് തപാൽ വഴി അഡിഷണൽ ഡയറക്ടർ (അക്കാദമിക്)ന് ലഭിക്കേണ്ട അവസാന തീയതി ഒക്ടോബർ ഒന്പതിനു വൈകുന്നേരം നാലുവരെ. വിവരങ്ങൾക്ക്: www.rcctvm.gov.in.
NRI
വലേറ്റ: മാൾട്ടയിലെ ഇന്ത്യൻ ഓവർസീസ് കോൺഗ്രസ് (OICC) നേതൃത്വത്തിൽ സംഘടിപ്പിച്ച ഓണാഘോഷം വർണാഭമായ പരിപാടികളോടെ സമാപിച്ചു. ഒഐസിസി മാൾട്ടയുടെ നേതൃത്വത്തിൽ മാൾട്ടയിൽ സംഘടിപ്പിക്കുന്ന രണ്ടാമത്തെ ഓണാഘോഷം കൂടിയായിരുന്നു ഇത്.
മാൾട്ടയിലെ സാമൂഹിക, സാംസ്കാരിക, രാഷ്ട്രീയ മേഖലകളിലെ പ്രമുഖർ, വിവിധ സഭകളിൽ നിന്നുള്ള വൈദിക ശ്രേഷ്ഠർ, Community Police പ്രതിനിധികൾ, OICC തുടങ്ങി നിരവധി പ്രമുഖർ പരിപാടിയിൽ പങ്കെടുത്തു.
Hon. Dr. Malcolm Paul Agius Galea, Minister for Arts, Culture and National Heritage ചടങ്ങിൽ മുഖ്യാതിഥിയായിരുന്നു. ഒഐസിസി മാൾട്ട പ്രസിഡന്റ് അധ്യക്ഷത വഹിച്ച ചടങ്ങിൽ സെന്‍റർ സോൺ പ്രസിഡന്റ് ബിജോ ജോൺ സ്വാഗതം ആശംസിച്ചു.
Community Police പ്രതിനിധി Johnathan, Jacobite Church ലെ Rev. Fr. Jinu, indian Orthodox Church ലെ Rev. Fr. George Mathew, Overseas Congress പ്രതിനിധി Binder Singh എന്നിവർ ആശംസകൾ നേർന്നു.
OICC Malta General Secretary Sibin T. Varghese, Treasurer Rosh Babu, Secretary Dalia Das, Tom Jacob, Stijo Mathew, OICCയുടെ National, Regional തലങ്ങളിലെ ഭാരവാഹികൾ എന്നിവരും പരിപാടിക്ക് നേതൃത്വം നൽകി.
ഒഐസിസി മാൾട്ടയുടെ നേതൃത്വത്തിൽ നടപ്പിലാക്കുന്ന വിവിധ സാമൂഹിക സേവന പ്രവർത്തനങ്ങളെയും സംഘടനയുടെ പ്രവർത്തനങ്ങളെയും ചടങ്ങിൽ നേതാക്കൾ അനുസ്മരിച്ചു.
ചടങ്ങിന്‍റെ ഭാഗമായി ഒഐസിസി മാൾട്ടയുടെ സ്നേഹോപഹാരങ്ങൾ വിശിഷ്ടാതിഥികൾക്ക് കൈമാറി. ഓണപ്പെരുമ വിളിച്ചോതുന്ന ഓണസദ്യ, തിരുവാതിര, കുട്ടികളുടെ വിവിധ കലാപരിപാടികൾ, വിവിധ ഓണം ഗെയിമുകൾ എന്നിവ ആഘോഷത്തിന് മാറ്റുകൂട്ടി.
മാൾട്ടയിലെ Rockstar Band Malta അവതരിപ്പിച്ച ഗാനസന്ധ്യയും ആഘോഷത്തിന്‍റെ പ്രധാന ആകർഷണമായി. ഏകദേശം 200-ഓളം ആളുകൾ പങ്കെടുത്ത ഓണാഘോഷം ഒഐസിസി മാൾട്ടയുടെ നേതൃത്വത്തിൽ വൻ വിജയമായി മാറി.
പ്രവാസി സമൂഹത്തിന്‍റെ ഐക്യവും സൗഹൃദവും ഊട്ടിയുറപ്പിക്കുന്നതിൽ ഇത്തരം കൂട്ടായ്മകൾക്ക് വലിയ പങ്കുണ്ടെന്നും സംഘാടകർ അറിയിച്ചു.
Education
തിരുവനന്തപുരം: സർക്കാർ സ്കൂൾ/സർക്കാർ എയ്ഡഡ് സ്കൂളുകളിൽ ഒന്നാം ക്ലാസ് മുതൽ എട്ടാം ക്ലാസ് വരെ പഠിക്കുന്ന ന്യൂനപക്ഷ വിദ്യാർഥികൾക്കായി മാർഗദീപം സ്കോളർഷിപ്പ് അനുവദിക്കുന്നതിനായി അപേക്ഷ ക്ഷണിച്ചു.
കേരളത്തിൽ പഠിക്കുന്ന സ്ഥിര താമസക്കാരായ ന്യൂനപക്ഷ മതവിഭാഗത്തിൽപ്പെട്ട വിദ്യാർഥികൾക്കാണ് സ്കോളർഷിപ്പ് നൽകുന്നത്. കുടുംബവാർഷിക വരുമാനം 2,50,000 രൂപ കവിയാൻ പാടില്ല. അപേക്ഷാ ഫോം www.marg adeepam. kerala.gov.in ൽ നിന്ന് ഡൗൺലോഡ് ചെയ്യണം.
അപേക്ഷ സ്വീകരിക്കുന്ന അവസാന തീയതി സെപ്റ്റംബർ 30. ഫോൺ: 0471- 2300524.
Education
തിരുവനന്തപുരം: സംസ്ഥാനത്തെ സർക്കാർ/സ്വാശ്രയ കോളജുകളിലെ 2026-27 വർഷത്തെ ബിഎസ്‌സി നഴ്സിംഗ് & അലൈഡ് ഹെൽത്ത് സയൻസ് കോഴ്സുകളിലേക്ക് അപേക്ഷിച്ച് www.lbscentre.kerala.gov.inൽ പ്രസിദ്ധീകരിച്ചിട്ടുള്ള റാങ്ക് ലിസ്റ്റിൽ ഉൾപ്പെട്ടവർ ഏഴിനു വൈകുന്നേരം അഞ്ചിനകം ഓപ്ഷൻ നൽകണം.
വിവരങ്ങൾക്ക്: 04712560361, 362, 363, 364.
Kerala
കൊച്ചി: സംസ്ഥാനത്തെ നാലായിരത്തോളം റേഷന്‍ കടകള്‍ അടച്ചുപൂട്ടല്‍ ഭീഷണിയില്‍. 45 ക്വിന്‍റല്‍ സാധനങ്ങള്‍ വില്‍ക്കാന്‍ കഴിയാത്തതോടെയാണിത്. 45 ക്വിന്‍റല്‍ വില്‍പന നടത്തിയാലേ 21,000 രൂപ ലഭിക്കൂവെന്നിരിക്കേ 10,000 രൂപമുതല്‍ 15,000 രൂപവരെ ലഭിക്കുന്നവരാണ് നിലവില്‍ ദുരിതത്തിലായിരിക്കുന്നത്.
പത്തു ക്വിന്‍റല്‍ വില്‍ക്കുന്നവര്‍ക്ക് 11,700 രൂപയാണു ലഭിക്കുക. 15 ക്വിന്‍റല്‍ വില്‍ക്കുന്നവര്‍ക്ക് 13,050 രൂപയും. സംസ്ഥാനത്താകെ 13,848 റേഷന്‍ കടകളാണ് നിലവിലുള്ളത്. പ്രതിസന്ധിയിലായിട്ടുള്ളവയില്‍ ആയിരത്തോളം കടകള്‍ തീര്‍ത്തും സാന്പത്തിക ബാധ്യതയിലാണ് മുന്നോട്ടുനീങ്ങുന്നത്.
കഴിഞ്ഞ സര്‍ക്കാരിന്‍റെ കാലത്ത് റേഷന്‍വ്യാപാരികളുടെ പ്രശ്‌നം പഠിക്കാന്‍ മൂന്നംഗ കമ്മീഷനെ നിയോഗിച്ചിരുന്നു. ഈ കമ്മീഷന്‍ വ്യാപാരികളുടെ മിനിമം വേതനം 22,500 ആക്കണമെന്ന് ശിപാര്‍ശ ചെയ്തിരുന്നു. ഭക്ഷ്യവകുപ്പ് ഇതംഗീകരിച്ചെങ്കിലും ധനവകുപ്പ് ഇതില്‍ 1,500 രൂപ വെട്ടിച്ചുരുക്കുകയായിരുന്നു.
വേതന പാക്കേജ് കാലോചിതമായി ഉടന്‍ പരിഷ്‌കരിക്കണമെന്നാണ് വ്യാപാരികളുടെ പ്രധാന ആവശ്യം. ഇതോടൊപ്പം സെയില്‍സ്മാന്‍റെ ശമ്പളവും കട വാടകയും സര്‍ക്കാര്‍ നല്‍കണമെന്നും ഇവര്‍ ആവശ്യപ്പെടുന്നു.
Education
പാലാ: പാലാ സിവില്‍ സര്‍വീസ് ഇന്‍സ്റ്റിറ്റ്യൂട്ടില്‍ മലയാളം, സോഷ്യോളജി, പൊളിറ്റിക്കല്‍ സയന്‍സ് ഓപ്ഷണല്‍ ക്ലാസുകള്‍ അഞ്ചിന് ആരംഭിക്കും. വെളളി, ശനി, ഞായര്‍ ദിവസങ്ങളിലായി ക്ലാസുകള്‍ നടക്കും.ഡിസംബറില്‍ അവസാനിക്കുന്ന ഓപ്ഷണല്‍ കോഴ്‌സില്‍ എഴുത്തുപരിശീലനവും ഉള്‍പ്പെടുത്തിയിട്ടുണ്ട്.
കോളജ് വിദ്യാര്‍ഥികള്‍ക്കായി ശനിയാഴ്ചകളില്‍ നടക്കുന്ന സിവില്‍ സര്‍വീസ് ആഡ് ഓണ്‍ കോഴ്‌സിന് പ്രവേശനം തുടരുന്നു. ഹയര്‍ സെക്കന്‍ഡറി വിദ്യാര്‍ഥികള്‍ക്കായി രണ്ടാം ശനിയാഴ്ചകളില്‍ നടക്കുന്ന സിവില്‍ സര്‍വീസ് ഫൗണ്ടേഷന്‍ കോഴ്സ് 12ന് ആരംഭിക്കും. പ്രവേശനം ഓണ്‍ലൈനായും നേടാം. വിവരങ്ങള്‍ക്ക് 9539381100
Kerala
പത്തനംതിട്ട: സംസ്ഥാനത്തെ പരിസ്ഥിതി ദുർബല മേഖല പരിധിയെ സംബന്ധിച്ച സർക്കാർ നിലപാട് വ്യക്തമാണെന്നും ഇക്കാര്യത്തിൽ ആശങ്കകൾക്ക് അടിസ്ഥാനമില്ലെന്നും റവന്യുമന്ത്രി എ.പി. അനിൽ കുമാർ. പത്തനംതിട്ടയിൽ മാധ്യമ പ്രവർത്തകരോടു സംസാരിക്കുകയായിരുന്നു അദ്ദേഹം.
ഇഎസ്എ പരിധി 98 വില്ലേജുകളിലെ 8590 ചതുരശ്ര കിലോമീറ്ററായി കുറയ്ക്കാനാണ് സർക്കാർ തീരുമാനിച്ചിരിക്കുന്നത്. ഇതുമായി ബന്ധപ്പെട്ടു മുഖ്യമന്ത്രിയടക്കം വിശദമായ ചർച്ച നടത്തിയിട്ടുണ്ടെന്നും ജനവാസ മേഖലകൾ ഇഎസ്എയിൽ നിന്നും പൂർണമായി ഒഴിവാക്കുന്നതിനാവശ്യമായ എല്ലാ നടപടികളും സ്വീകരിക്കുമെന്നും മന്ത്രി പറഞ്ഞു.
സംസ്ഥാനത്തു ഡിജിറ്റൽ സർവേയുമായി ബന്ധപ്പെട്ടുയർന്നിരിക്കുന്ന പരാതികൾ സമയബന്ധിതമായി പരിഹരിക്കാനുള്ള നടപടികൾ സ്വീകരിച്ചിട്ടുണ്ട്. സർക്കാരിന്‍റെ 100 ദിന കർമപരിപാടികളിലുൾപ്പെടെ 52000 പരാതികൾ തീർപ്പാക്കി. 48000 പരാതികൾക്ക് ഒക്ടോബർ പത്തിനകം പരിഹാരം ഉണ്ടാക്കും.
പ്രളയബാധിതർക്കുള്ള നഷ്ടപരിഹാരം നാളെയോടെ നൽകിത്തുടങ്ങുമെന്നും മന്ത്രി അറിയിച്ചു. വെള്ളം കയറിയ കുടുംബങ്ങൾക്കും വ്യാപാര സ്ഥാപനങ്ങൾക്കും 10000 രൂപ വീതമുള്ള സാന്പത്തിക സഹായമാണ് സർക്കാർ പ്രഖ്യാപിച്ചിട്ടുള്ളത്.
അർഹരായവരെ കണ്ടെത്തുന്നതിനുള്ള നടപടിക്രമങ്ങൾ പൂർത്തീകരിച്ചുവരികയാണ്. നാശനഷ്ടങ്ങളുടെ കണക്കെടുപ്പ് പൂർത്തിയായ കുടുംബങ്ങൾക്കും വ്യാപാര സ്ഥാപനങ്ങൾക്കുമുള്ള സഹായം നാളെ മുതൽ വിതരണം ചെയ്യാനാണ് നിർദേശിച്ചിരിക്കുന്നത്. ധനസഹായം പരമാവധി വേഗത്തിലും സുതാര്യമായും ചെയ്യുകയാണ് സർക്കാർ ലക്ഷ്യമെന്നും മന്ത്രി പറഞ്ഞു.
Education
തിരുവനന്തപുരം: 2025-26 അധ്യയന വർഷത്തെ ആസ്പയർ സ്‌കോളർഷിപ്പിന് അർഹരായ വിദ്യാർഥികളിൽ ഒന്നാം ഗഡു ലഭിച്ച വിദ്യാർഥികൾ അവസാന ഗഡു സ്കോളർഷിപ്പ് തുക ലഭിക്കുന്നതിനായി പ്രൊജക്റ്റ് കംപ്ലീഷൻ സർട്ടിഫിക്കറ്റും റിപ്പോർട്ടും 19നു വൈകുന്നേരം അഞ്ചിനു മുൻപ് കോളജ് വിദ്യാഭ്യാസ ആസ്ഥാന കാര്യാലത്തിലെ സ്കോളർഷിപ്പ് വിഭാഗത്തിൽ തപാൽ വഴിയോ, നേരിട്ടോ ലഭ്യമാക്കണം. ഇതിനു ശേഷം ലഭിക്കുന്ന അപേക്ഷകൾ പരിഗണിക്കില്ല. വിവരങ്ങൾക്ക്: 9446096580.
Education
തിരുവനന്തപുരം: ബിരുദ, ബിരുദാനന്തര ബിരുദ കോഴ്സുകൾക്ക് പഠിക്കുന്ന ഒഇസി/ ഒബിസി (എച്ച്) വിഭാഗങ്ങളിൽ ഉൾപ്പെട്ട വിദ്യാർഥികൾക്ക് ഒഇസി പോസ്റ്റ് മെട്രിക് വിദ്യാഭ്യാസാനുകൂല്യ പദ്ധതിയിലേക്ക് അപേക്ഷിക്കാം.
അപേക്ഷകൾ www.egrantz.kerala.gov.in മുഖേന നവംബർ 30നകം ഓൺലൈനായി സമർപ്പിക്കണം. വിവരങ്ങൾക്ക്: കൊല്ലം - 0474 2914417, എറണാകുളം– 0484 2983130, പാലക്കാട് - 0492 2222335, കോഴിക്കോട് - 0495 2377786.
Education
തിരുവനന്തപുരം: 2026-ലെ എംഫാം കോഴ്സുകളിലേയ്ക്കുള്ള ഒന്നാംഘട്ട കേന്ദ്രീകൃത അലോട്ട്മെന്റ് ആരംഭിച്ചു. വിദ്യാർഥികൾക്ക് www.cee.kerala.gov.in ൽ ഓപ്ഷനുകൾ നൽകാം.
‘M.Pharm 2026-Candidate Portal’ലിങ്ക് ക്ലിക്ക് ചെയ്ത് അപേക്ഷാ നമ്പരും, പാസ്‌വേഡും നൽകി ഹോം പേജിൽ പ്രവേശിച്ചതിനു ശേഷം ‘Option Registration’ മെനു ക്ലിക്ക് ചെയ്ത് ആറിനു വൈകുന്നേരം അഞ്ചുവരെ ഓപ്ഷനുകൾ രജിസ്റ്റർ ചെയ്യാം. ഫോൺ: 0471-2332120, 2338487.
Education
തിരുവനന്തപുരം: സംസ്ഥാന പരിസ്ഥിതി കാലാവസ്ഥാ വ്യതിയാന ഡയറക്ടറേറ്റിന്‍റെ വിദ്യാപോഷിണി ഫെലോഷിപ്പിനായി ബിരുദാനന്തരബിരുദ വിദ്യാർഥികളിൽ നിന്നും അപേക്ഷ ക്ഷണിച്ചു.
അപേക്ഷകളും അനുബന്ധ രേഖകളും ഡയറക്ടർ പരിസ്ഥിതി കാലാവസ്ഥ വ്യതിയാന ഡയറക്ടറേറ്റ്, കെഎസ്ആർടിസി ബസ് ടെർമിനൽ (നാലാം നില), തിരുവനന്തപുരം- 695001, ഫോൺ: 0471 2326264 (ഓഫീസ്) വിലാസത്തിൽ സമർപ്പിക്കണം. വിവരങ്ങൾക്ക്: www. envt.kerala.gov.in, environ [email protected].
Education
തിരുവനന്തപുരം: സംസ്ഥാനത്തെ സർക്കാർ/സ്വാശ്രയ നഴ്സിംഗ് കോളജുകളിലേക്ക് 2026-27 വർഷത്തെ പോസ്റ്റ് ബേസിക് ബിഎസ്‌സി നഴ്സിംഗ് ഡിഗ്രി കോഴ്സ് പ്രവേശനത്തിന് അപേക്ഷിച്ചവരുടെ പ്രാഥമിക പരിശോധനയ്ക്കുശേഷമുള്ള സ്വീകാര്യമായ വ്യക്തിഗത അക്കാദമിക വിവരങ്ങൾ www.lbscentre.kerala.gov.in ൽ പ്രസിദ്ധീകരിച്ചു.
ആവശ്യപ്പെട്ടിട്ടുള്ള രേഖകൾ സമർപ്പിക്കുന്നതിനുള്ള തീയതി എട്ടിനു വൈകുന്നേരം അഞ്ചുവരെയാണ്. ആവശ്യപ്പെട്ടിട്ടുള്ള രേഖകൾ അപ്‌ലോഡ് ചെയ്യാത്തവരുടെ ക്ലെയിം/ അപേക്ഷ നിരസിക്കപ്പെടും. വിവരങ്ങൾക്ക്: 0471-2560361, 362, 363, 364.
Kerala
കോഴിക്കോട് (കൈതപ്പൊയില്‍): യുവതികള്‍ കാലഘട്ടത്തിന്‍റെ ശക്തി ആണെന്നും അവര്‍ നേതൃസ്ഥാനങ്ങളിലേക്കു കടന്നുവരണമെന്നും താമരശേരി ബിഷപ് മാര്‍ റെമിജിയോസ് ഇഞ്ചനാനിയില്‍. കെസിവൈഎം സംസ്ഥാന സമിതിയുടെ വനിതാ ക്യാന്പ് ഉദ്ഘാടനം ചെയ്ത് സംസാരിക്കുകയായിരുന്നു ബിഷപ്.
കെസിവൈഎം, എസ്എംവൈഎം താമരശേരി രൂപതയുടെ ആതിഥേയത്വത്തിലാണ് ക്യാന്പ് സംഘടിപ്പിച്ചത്. കെസിവൈഎം സംസ്ഥാന വൈസ് പ്രസിഡന്റ് ആഗി മരിയ ജോസഫ് അധ്യക്ഷത വഹിച്ചു.
കെസിവൈഎം സംസ്ഥാന സെക്രട്ടറിമാരായ സെഞ്ചു ജേക്കബ്, ധന്യ മോഹന്‍രാജ്, രൂപത വൈസ് പ്രസിഡന്റ് ബില്‍ഹ മാത്യു, രൂപത അനിമേറ്റര്‍ സിസ്റ്റര്‍ റോസീന്‍ എസ്എബിഎസ്, രൂപത പ്രസിഡന്റ് ആല്‍ബിന്‍ ജോസ്, രൂപത ഡയറക്ടര്‍ ഫാ. ജ്യോതിസ് ചെറുശേരില്‍, സെക്രട്ടറി ആന്‍സില്‍ തോമസ്, സംസ്ഥാന സെനറ്റ് അംഗം അലോണ ജോണ്‍സണ്‍, എസ്എംവൈഎം കൗണ്‍സിലര്‍ അഞ്ജലി ജോയി എന്നിവര്‍ നേതൃത്വം നല്‍കി.
Education
തിരുവനന്തപുരം: കേരള സർക്കാർ അംഗീകരിച്ച പ്രോസ്പെക്ടസ് പ്രകാരം 2026 അധ്യയന വർഷത്തെ മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ കോഴ്‌സിന് അപേക്ഷിക്കാം.
അപേക്ഷാഫീസ് പൊതുവിഭാഗത്തിനു 1200 രൂപയും പട്ടികജാതി/പട്ടികവർഗ വിഭാഗത്തിന് 600 രൂപയുമാണ്. അപേക്ഷകർക്ക് സെപ്റ്റംബർ 15 വരെ ഓൺലൈനായോ വെബ്സൈറ്റ് വഴി ഡൗൺലോഡ് ചെയ്ത ചെല്ലാൻ ഉപയോഗിച്ച് ഫെഡറൽ ബാങ്കിന്‍റെ ഏതെങ്കിലും ശാഖ വഴിയോ അപേക്ഷാഫീസ് ഒടുക്കാം. www.lbscentre.kerala.gov.in ൽ രജിസ്റ്റർ ചെയ്യാം.
അക്കാദമിക യോഗ്യതാ പരീക്ഷയുടെ മൊത്തം മാർക്കിന്‍റെ അടിസ്ഥാനത്തിൽ തയാറാക്കുന്ന റാങ്ക് ലിസ്റ്റിന്‍റെ അടിസ്ഥാനത്തിലുള്ള ഒരു കേന്ദ്രീകൃത അലോട്ട്‌മെന്‍റിലൂടെയാണു കോഴ്സിലേക്കുള്ള പ്രവേശനം. കൂടുതൽ വിവരങ്ങൾക്ക്: 0471 2560361, 362, 363,
District News
വല്ലക്കുന്ന്: സെന്‍റ്് അല്‍ഫോന്‍സാ ദേവാലയത്തിലെ കുടുംബസമ്മേളന കേന്ദ്രസമിതിയുടെ ആഭിമുഖ്യത്തില്‍ നേതൃത്വ പരിശീലന ക്യാമ്പ് സംഘടിപ്പിച്ചു. വികാരി ഫാ. ഷിബു നെല്ലിശേരി ഉദ്ഘാടനം ചെയ്തു. കുടുംബസമ്മേളന കേന്ദ്രസമിതി പ്രസിഡന്‍റ്് കെ.ജെ. ജോണ്‍സണ്‍ കോക്കാട്ട് അധ്യക്ഷത വഹിച്ചു.
കൈക്കാരന്‍ കെ.കെ. സജി കോക്കാട്ട്, കേന്ദ്രസമിതി ട്രഷറര്‍ അഡ്വ.എം.എ. കൊച്ചാപ്പു മരത്തമ്പിള്ളി, വൈസ് പ്രസിഡന്‍റ്് എം.വി. റോയ് മരത്തമ്പിള്ളി എന്നിവര്‍ പ്രസംഗിച്ചു.
NRI
കേംബ്രിഡ്ജ്: ലണ്ടനിലെ ഇന്ത്യന്‍ ഹൈക്കമ്മീഷന്‍ കേംബ്രിഡ്ജിലെ ആര്‍ബറി കമ്മ്യൂണിറ്റി സെന്‍ററില്‍ സംഘടിപ്പിച്ച നഗരത്തിലെ ആദ്യത്തെ സമ്പൂര്‍ണ കോണ്‍സുലര്‍ ക്യാമ്പില്‍ മലയാളികളും മറ്റ് ഇന്ത്യക്കാരുമുള്‍പ്പെടെ അഞ്ഞൂറോളം പേര്‍ പങ്കെടുത്തു.
സൗത്ത് കേംബ്രിഡ്ജ്ഷെയര്‍ ഡിസ്ട്രിക്റ്റ് കൗണ്‍സിലറും മലയാളിയുമായ ജിയോ സെബാസ്റ്റ്യന്‍റെ ആശയമായിരുന്നു ഈ ക്യാമ്പ്. പാസ്പോര്‍ട്ട് പുതുക്കുന്നതിനും വീസ നടപടികള്‍ക്കും മറ്റ് കോണ്‍സുലര്‍ ആവശ്യങ്ങള്‍ക്കുമായി ലിവര്‍പൂള്‍, മാഞ്ചസ്റ്റര്‍ തുടങ്ങിയ സ്ഥലങ്ങളില്‍ നിന്ന് പോലും ആളുകള്‍ ഇവിടെയെത്തി.
ഇതോടെ ഇത്തരം ആവശ്യങ്ങള്‍ക്കായി ലണ്ടനിലേക്ക് നടത്തേണ്ടി വന്നിരുന്ന യാത്ര ഒഴിവാക്കാനായി. നിരവധി ബ്രിട്ടീഷ് പൗരന്മാരും ഇന്ത്യന്‍ ടൂറിസ്റ്റ് വീസയ്ക്ക് അപേക്ഷിക്കാന്‍ ഈ ക്യാമ്പ് പ്രയോജനപ്പെടുത്തി.
ലിവര്‍പൂളില്‍ നിന്നും മാഞ്ചസ്റ്ററില്‍ നിന്നും ഉള്‍പ്പെടെ 500 പേര്‍ ഈ ക്യാമ്പില്‍ പങ്കെടുത്തത് ഇത്തരം സേവനങ്ങള്‍ ഇവിടെ എത്രത്തോളം ആവശ്യമായിരുന്നു എന്ന് കാണിക്കുന്നുവെന്ന് കൗണ്‍സിലര്‍ ജിയോ സെബാസ്റ്റ്യന്‍ പറഞ്ഞു.
Education
തിരുവനന്തപുരം: വയനാട് ഗവ. മെഡിക്കൽ കോളജിൽ കീം-2026 എംബിബിഎസിന് അലോട്ട്മെന്റ് ലഭിച്ചവർ 31, സെപ്റ്റംബർ 1, 2 തീയതികളിൽ രാവിലെ 10 മുതൽ ഉച്ചക്ക് ഒന്നുവരെ രക്ഷിതാൾക്കൊപ്പം അസൽ രേഖകൾ സഹിതം മെഡിക്കൽ കോളജ് ഓഫീസിൽ എത്തിച്ചേരണം.
മേൽ സൂചിപ്പിച്ച ദിവസങ്ങളിൽ എത്തിച്ചേരാൻ സാധിക്കാത്തവർ സെപ്റ്റംബർ അഞ്ച് ഉച്ചയ്ക്ക് ഒരുമണിക്കുള്ളിൽ കോളജിൽ റിപ്പോർട്ട് ചെയ്യണം. വിശദവിവരങ്ങൾക്ക്: https://www.gmcwyd.in, 0493-5299424.
Education
തിരുവനന്തപുരം: ഡിഎൻബി പോസ്റ്റ് ഡിപ്ലോമ പ്രവേശനത്തിന് ഓൺലൈൻ അപേക്ഷകൾ സമർപ്പിക്കേണ്ട അവസാന തീയതി 29നു രാവിലെ 11 വരെ നീട്ടി. വിവരങ്ങൾക്ക്: www.cee.kerala.gov.in. ഫോൺ: 0471-2332120.
Leader Page
ഏതൊരു ദീർഘവീക്ഷണമുള്ള നേതൃത്വവും ചരിത്രത്തിൽ അടയാളപ്പെടുത്തപ്പെടുന്നത് കാലത്തിന്‍റെ വെല്ലുവിളികളെ നേരിട്ടുകൊണ്ടും സമൂഹത്തിന്‍റെ നന്മയ്ക്കായി സ്വയം സമർപ്പിച്ചുകൊണ്ടുമാണ്. ശ്ലൈഹിക ശുശ്രൂഷയിൽ ഇരുപത്തിയഞ്ച് വർഷങ്ങൾ പിന്നിടുന്ന കർദിനാൾ മാർ ബസേലിയോസ് ക്ലീമിസ് കാതോലിക്ക ബാവാ തിരുമേനിയുടെ കാൽ നൂറ്റാണ്ടു കാലത്തെ പൊതുപ്രവർത്തനവും നേതൃപാടവവും കേരളീയ പൊതുസമൂഹത്തിലും ആഗോളതലത്തിലും ഒരുപോലെ മാതൃകാപരമാണ്.
ശക്തമായ ദൈവാശ്രയബോധവും കഠിനാധ്വാനവും ബന്ധങ്ങൾ കാത്തുസൂക്ഷിക്കാനുള്ള സവിശേഷ കഴിവും യുക്തിസഹമായി കാര്യങ്ങളെ വിലയിരുത്താനുള്ള പാടവവും പിതാവിന്‍റെ വലിയ സവിശേഷതകളാണ്. സഭയുടെ അതിരുകൾക്കപ്പുറം പൊതുസമൂഹത്തിന്‍റെ നന്മയും പുരോഗതിയും ലക്ഷ്യമാക്കി പ്രവർത്തിക്കുന്ന പിതാവിന്‍റെ ജീവിതം ദേശത്തിനു വലിയ അനുഗ്രഹമാണ്.
►വിദ്യാഭ്യാസരംഗത്തെ വിപ്ലവകരമായ മുന്നേറ്റങ്ങളും ദീർഘവീക്ഷണവും
ആത്മീയം, ആരോഗ്യം, വിദ്യാഭ്യാസം എന്നീ മൂന്ന് പ്രധാന മേഖലകളെ സമഗ്രമായി ഏകോപിപ്പിക്കുന്നതിൽ അഭിവന്ദ്യ പിതാവ് പ്രത്യേക ശ്രദ്ധ പുലർത്തിയിട്ടുണ്ട്. ദൈവജനത്തിന്‍റെ ബൗദ്ധികവും മാനുഷികവുമായ സാധ്യതകളെ വർധിപ്പിക്കാനും അവയെ പൊതുസമൂഹത്തിന്‍റെ നന്മയ്ക്കായി ഉപയോഗപ്പെടുത്താനും പിതാവ് നിരന്തരം പരിശ്രമിച്ചു.
മാർ ഈവാനിയോസ് കോളജ് ഉൾപ്പെടെ പതിനെട്ടോളം കലാലയങ്ങൾ ഉൾക്കൊള്ളുന്ന കാമ്പസിനെ "മാർ ഈവാനിയോസ് വിദ്യാനഗർ' എന്ന് നാമകരണം ചെയ്‌തത്‌ പിതാവിന്‍റെ ദീർഘവീക്ഷണത്തിന്‍റെ അടയാളമാണ്. കാലോചിതമായ നവീകരണങ്ങളിലൂടെയും അത്യാധുനിക കെട്ടിടങ്ങളുടെയും ഗവേഷണകേന്ദ്രങ്ങളുടെയും നിർമാണത്തിലൂടെയും ഈ വിദ്യാഭ്യാസ സമുച്ചയത്തെ അദ്ദേഹം ലോകനിലവാരത്തിലേക്ക് ഉയർത്തി.
2012ൽ മാർ ഗ്രിഗോറിയോസ് ലോ കോളജിന് തുടക്കം കുറിച്ചു. 2014ൽ പാറശാല ഭദ്രാസനത്തിൽ നെല്ലിക്കാട് മദർ തെരേസ കോളജും സാന്തോം ആർട്‌സ് ആൻഡ് സയൻസ് കോളജും സ്ഥാപിക്കുന്നതിനും പിതാവ് നേതൃത്വം നൽകി.
നാലാഞ്ചിറ മാർ ഈവാനിയോസ് വിദ്യാനഗറിൽ സ്ഥിതിചെയ്യുന്ന ലോകനിലവാരത്തിലുള്ള ബിസിനസ് കേന്ദ്രവും നെറ്റ്‌വർക്കിംഗ് ഹബ്ബുമായ "ബി-ഹബ്' കേരളത്തിലെ ഏറ്റവും വലിയ കോ-വർക്കിംഗ്, ലേണിംഗ്, നെറ്റ്‌വർക്കിംഗ് പ്ലാറ്റ്ഫോമായി വളർന്നത് സ്റ്റാർട്ടപ്പുകൾക്കും നവീകരണാശയങ്ങൾക്കും പിതാവ് നൽകിയ ഊന്നലിന്‍റെ ഫലമാണ്.
►ആതുരസേവനരംഗത്തെ മാതൃകാപരമായ കാൽവയ്പുകൾ
സാമൂഹിക സേവനരംഗത്ത്, വിശിഷ്യാ ആരോഗ്യമേഖലയിൽ പിതാവ് നൽകിയ സംഭാവനകൾ എടുത്തുപറയേണ്ടതാണ്. പിരപ്പൻകോട് പരിമിതമായ ആതുരശുശ്രൂഷകൾ മാത്രമുണ്ടായിരുന്ന കേന്ദ്രത്തെ സമഗ്രമായ "സെന്‍റ് ജോൺസ് മെഡിക്കൽ വില്ലേജ്' ആക്കി മാറ്റാൻ പിതാവിനു കഴിഞ്ഞു.
ഗ്രാമീണ ജനങ്ങൾക്കും പാർശ്വവത്കരിക്കപ്പെട്ടവർക്കും ഗുണനിലവാരമുള്ളതും ചെലവുകുറഞ്ഞതുമായ വൈദ്യസേവനങ്ങൾ ലഭ്യമാക്കുക എന്ന ലക്ഷ്യത്തോടെ 2011ൽ കമ്യൂണിറ്റി ഹോസ്പിറ്റൽ സ്ഥാപിച്ചു.
ഡയാലിസിസ് കെയർ, ദേശീയ കുഷ്‌ഠരോഗ നിർമാർജന പദ്ധതി (NLEP), പെയിൻ & പാലിയേറ്റീവ് കെയർ, സെന്‍റർ ഫോർ മെന്‍റൽ ഹെൽത്ത് ആൻഡ് ഡി-അഡിക്‌ഷൻ, എയ്ഡ്സ് റീഹാബിലിറ്റേഷൻ സെന്‍റർ തുടങ്ങിയ വിവിധ സേവനങ്ങളിലൂടെ സമൂഹത്തിന് സമഗ്രമായ ആരോഗ്യപരിചരണം ഉറപ്പാക്കി. 2024ൽ കാരമൂട് പ്രദേശത്ത് മറ്റൊരു സെന്‍റ് ജോൺസ് കമ്യൂണിറ്റി ഹോസ്‌പിറ്റൽകൂടി ആരംഭിച്ചുകൊണ്ട് ഈ സേവനങ്ങൾ കൂടുതൽ ജനങ്ങളിലേക്ക് എത്തിച്ചു.
►കാരുണ്യ പ്രവർത്തനങ്ങളും സാമൂഹിക പ്രതിബദ്ധതയും
തന്‍റെ ജീവിതത്തിലെ എല്ലാ നാഴികക്കല്ലുകളും സമൂഹത്തിലെ ഏറ്റവും ദുർബലരായവർക്ക് കരുത്തു പകരുന്ന മുഹൂർത്തങ്ങളാക്കി മാറ്റാൻ പിതാവ് ശ്രദ്ധിക്കാറുണ്ട്. സഭയുടെയോ മതത്തിന്‍റെയോ അതിരുകൾ നോക്കാതെയാണ് ഇത്തരം പദ്ധതികൾ നടപ്പിലാക്കിയത്. സമൂഹത്തിലെ ദരിദ്രരും പാർശ്വവത്കരിക്കപ്പെട്ടവരുമായ ജനവിഭാഗങ്ങൾക്കായി സമർപ്പിതമാണ് അദ്ദേഹത്തിന്‍റെ ജീവിതം. തന്‍റെ നാമഹേതുക തിരുനാളിനോടനുബന്ധിച്ച് 2008 മുതൽ വിവിധ ജീവകാരുണ്യ പദ്ധതികളാണ് അദ്ദേഹം നടപ്പിലാക്കിവരുന്നത്. 2008ൽ കാട്ടാക്കടയിൽ ബേ‌ത്‌ലഹേം ബോയ്സ് ഹോമും 2009ൽ നാലാഞ്ചിറയിൽ ആർച്ച്ബിഷപ് മാർ ഗ്രിഗോറിയോസ് സ്നേഹവീടും ആരംഭിച്ചു.
2010ൽ ചീക്കനാലിൽ ആശ്വാസഭവൻ സ്പെഷൽ സ്‌കൂളും അതിന്‍റെ പ്രവർത്തനങ്ങളും വിപുലീകരിച്ചു. തുടർന്ന് 2011ൽ പിരപ്പൻകോട് സെന്‍റ് ജോൺസ് കമ്യൂണിറ്റി ഹോസ്പ‌ിറ്റലും 2012ൽ അവിടെ സൗജന്യ ഡയാലിസിസ് യൂണിറ്റും യാഥാർഥ്യമാക്കി. 2013ൽ അമ്പതോളം ഹിന്ദു-മുസ്‌ലിം സഹോദരങ്ങൾക്ക് ഭവനം നിർമിച്ചു നൽകിയ അദ്ദേഹം, 2014ൽ പട്ടത്ത് പാവപ്പെട്ട രോഗികൾക്കായുള്ള "സാന്ത്വനം' പരിചരണ ഭവനവും, 2015ൽ പിരപ്പൻകോട് ആർച്ച്ബിഷപ് ബനഡിക്‌ട് മാർ ഗ്രിഗോറിയോസ് കാൻസർ കെയറും സ്ഥാപിച്ചു.
വിരമിച്ച വൈദികർക്കായി 2016ൽ പിരപ്പൻകോട് "സായൂജ്യം' ഭവനത്തിന്‍റെ നിർമാണത്തിനും 2018ൽ തിരുവനന്തപുരം ജില്ലയിലെ ഓഖി ദുരന്ത പുനരധിവാസ പ്രവർത്തനങ്ങൾക്കും 2019ൽ കേരളത്തിലെ പ്രളയ ദുരിതാശ്വാസ പ്രവർത്തനങ്ങൾക്കും നാമഹേതുക തിരുനാളിന്‍റെ കാരുണ്യ ഫണ്ട് ഉപയോഗപ്പെടുത്തി.
2020ൽ അഞ്ചലിൽ നിരാലംബരായ സ്ത്രീകൾക്കും വിധവകൾക്കുമായി "അമ്മ വീട്' നിർമിച്ചു നൽകി. തുടർന്ന് 2021ൽ മാർത്താണ്ഡം രൂപതയിലെയും 2024ൽ പുത്തൂർ രൂപതയിലെയും ജീവകാരുണ്യ പദ്ധതികൾക്ക് അദ്ദേഹം പിന്തുണയേകി. കൂടാതെ 2022ൽ ഛത്തീസ്‌ഗഡിലെ ബിലാസ്‌പുരിൽ വിദ്യാഭ്യാസ വികസന പ്രവർത്തനങ്ങൾക്കും 2023ൽ ഭവനരഹിതരായ കുടുംബങ്ങൾക്ക് ഭവന സഹായത്തിനും അദ്ദേഹം നേതൃത്വം നൽകി. 2025ൽ പട്ടത്ത് രോഗികളുടെ പരിചരണത്തിനായി "സാന്ത്വനം' ഭവനത്തിന്‍റെ പുതിയ ബ്ലോക്കിന്‍റെ നിർമാണം പൂർത്തിയാക്കി. ഓഖി ദുരന്തം, പ്രളയം തുടങ്ങിയ പ്രകൃതിക്ഷോഭ കാലങ്ങളിൽ ദുരിതബാധിതരെ സഹായിക്കുന്നതിൽ അദ്ദേഹം മാതൃകാപരമായ പങ്കുവഹിച്ചു.
ഇതിനുപുറമേ, "സ്നേഹപൂർവം ഒരു വീട്' പദ്ധതിയിലൂടെ ഭവനരഹിതരായ 2336 കുടുംബങ്ങൾക്ക് വീട് നിർമിക്കാൻ സാമ്പത്തിക സഹായം നൽകുകയും പട്ടം കത്തീഡ്രൽ അങ്കണത്തിൽ സാധാരണക്കാർക്കായി "സ്നേഹവിരുന്നുശാല' ആരംഭിക്കുകയും ചെയ്തു. സമൂഹത്തിലെ ഭവനരഹിതർക്കും രോഗികൾക്കും പാർശ്വവത്കരിക്കപ്പെട്ടവർക്കും അദ്ദേഹം നൽകിയ സ്നേഹവും കരുണയും അതുല്യമാണ്.
തന്‍റെ മെത്രാഭിഷേകത്തിന്‍റെ രജതജൂബിലി ആഘോഷവും പാവപ്പെട്ടവരോടുള്ള കരുതലിന്‍റെ അവസരമാക്കി മാറ്റിക്കൊണ്ട്, സാമ്പത്തികമായി പിന്നാക്കം നിൽക്കുന്ന 25 കുട്ടികൾക്ക് പഠനസഹായം നൽകുന്ന പുതിയ പദ്ധതിയും ഈ വർഷം ആരംഭിക്കുന്നുണ്ട്.
അഭിവന്ദ്യ പിതാവിന്‍റെ സമൂഹത്തിലെ ഇത്തരം ക്രിയാത്മകമായ ഇടപെടലുകളെയും മഹത്തായ സംഭാവനകളെയും മാനിച്ച് നിരവധി പുരസ്‌കാരങ്ങൾ നൽകി സമൂഹം ഇതിനോടകം അദ്ദേഹത്തെ ആദരിച്ചിട്ടുണ്ട്.
Education
തിരുവനന്തപുരം: കെ-ടെറ്റ് ഫെബ്രുവരി 2026 കാറ്റഗറി I, II, III, IV പരീക്ഷകളുടെ താത്കാലിക ഉത്തര സൂചികകൾ www.pareekshabhavan.kerala.gov.in, https://ktet.kerala.gov.in വെബ്സൈറ്റുകളിൽ പ്രസിദ്ധീകരിച്ചു.
Education
തിരുവനന്തപുരം: സ്കോൾ - കേരള മുഖേന 2026-28 ബാച്ചിലേക്കുള്ള ഹയർസെക്കൻഡറി കോഴ്സുകളുടെ ഒന്നാം വർഷ പ്രവേശന തീയതി നീട്ടി. പിഴയില്ലാതെ 31 വരെയും അറുപത് രൂപ പിഴയോടെ സെപ്റ്റംബർ 11 വരെയും ഫീസടച്ച് രജിസ്റ്റർ ചെയ്യാം.
ഓൺലൈനായി ഇതിനോടകം രജിസ്റ്റർ ചെയ്ത വിദ്യാർഥികൾ അപേക്ഷയുടെ പ്രിന്‍റൗട്ടും, അനുബന്ധ രേഖകളും രണ്ട് ദിവസത്തിനകം ജില്ലാ ഓഫീസുകളിൽ നേരിട്ടോ തപാൽ മാർഗമോ എത്തിക്കണം.
അന്വേഷണങ്ങൾക്ക്: 0471 2342950, 2342271, 2342369. ഇമെയിൽ: [email protected], വെബ്സൈറ്റ്: www.scolekerala.org.
Education
തിരുവനന്തപുരം: 2025-27 അധ്യയന വർഷത്തെ ഡിഎൽഎഡ് ജനറൽ കോഴ്സിന്‍റെ രണ്ടാം സെമസ്റ്റർ റെഗുലർ & സപ്ലിമെന്‍ററി പരീക്ഷകൾ സെപ്റ്റംബർ 19, 22, 23 തീയതികളിൽ നടക്കും.
പരീക്ഷാ വിജ്ഞാപനം https:// par eekshabhavan.kerala.gov.in ൽ ലഭ്യമാണ്.
Education
തിരുവനന്തപുരം: സെൻട്രൽ പോളിടെക്‌നിക് കോളജിനു കീഴിൽ പ്രവർത്തിക്കുന്ന വൊക്കേഷണൽ ട്രെയിനിംഗ് സെന്‍ററിൽ ഒരു വർഷം ദൈർഘ്യമുള്ള കെജിടിഇ പ്രിന്‍റിംഗ് (പ്രീ പ്രസ് ഓപ്പറേഷൻ, പ്രസ് വർക്ക്, പോസ്റ്റ് പ്രസ് ഓപ്പറേഷൻ ആൻഡ് ഫിനിഷിംഗ്) റെഗുലർ ആൻഡ് ഈവനിംഗ് കോഴ്സ് പ്രവേശനത്തിനായി അപേക്ഷ ക്ഷണിച്ചു.
അപേക്ഷാഫോമും വിശദമായ പ്രോസ്പെക്ടസും www.polyadmission.org യിൽ ലഭ്യമാണ്. പൂരിപ്പിച്ച അപേക്ഷാ ഫോം സ്വയം സാക്ഷ്യപ്പെടുത്തിയ നിർദിഷ് ട സർട്ടിഫിക്കറ്റുകളുടെ അസൽ പകർപ്പുകൾ, അപേക്ഷാ ഫീസ് എന്നിവ സഹിതം 19നു വൈകുന്നേരം നാലിനു മുമ്പായി സെൻട്രൽ പോളിടെക്‌നിക് ഓഫീസിൽ സമർപ്പിക്കണം.
കൂടുതൽ വിവരങ്ങൾക്ക്: 0471 2360391.
Education
തിരുവനന്തപുരം: നാലാഞ്ചിറ മാര്‍ ബസേലിയോസ് കോളജ് ഓഫ് എന്‍ജിനിയറിംഗ് ആന്ഡ് ടെക്നോളജിയില്‍ എം ടെക്കിന് വിവിധ ബ്രാഞ്ചുകളില്‍ എസ്‌സി /എസ്ടി വിഭാഗങ്ങള്‍ക്കായി റിസര്‍വ് ചെയ്തിട്ടുള്ള സീറ്റുകളിലേക്ക് ഉള്‍പ്പെടെ ഒഴിവുകള്‍ ഉണ്ട്.
അര്‍ഹതയുള്ള വിദ്യാര്‍ഥികള്‍ക്ക് അസല്‍ രേഖകള്‍ സഹിതം 13, 14 തീയതികളില്‍ കോളജ് ഓഫീസില്‍ നേരിട്ട് ഹാജരായി അഡ്മിഷന്‍ നേടാം. ബന്ധപ്പെടാനുള്ള ഫോണ്‍ നമ്പര്‍ : 94424 08881
വിവിധ ബിടെക് പ്രോഗ്രാമുകളില്‍ പ്രതീക്ഷിക്കുന്ന ഒഴിവുകളിലേക്ക് സ്പോട്ട് അഡ്മിഷന്‍ എടുക്കുവാന്‍ താല്പര്യമുള്ളവര്‍ 14ന് രാവിലെ 11ന് അസ്സല്‍ രേഖകള്‍ സഹിതം ഹാജരാകണം. ഫോണ്‍ : 04712545868, 9447405869.
Education
ഇന്ത്യ ഗവണ്‍മെന്‍റിന്‍റെ ടെക്‌സ്‌റ്റൈല്‍ മന്ത്രാലയത്തിന്‍റെ നിയന്ത്രണത്തിലുള്ള സ്ഥാപനമായ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് കാര്‍പെറ്റ് ടെക്നോളജി ബിടെക് - കാര്‍പെറ്റ് & ടെക്‌സ്‌റ്റൈല്‍ ടെക്നോളജി കോഴ്സിലേക്കുള്ള പ്രവേശനത്തിന് അപേക്ഷ ക്ഷണിച്ചു.
കോഴ്‌സിന് നാഷണല്‍ ബോര്‍ഡ് ഓഫ് അക്രഡിറ്റേഷന്‍റെ (NBA) അക്രഡിറ്റേഷനും നാഷണല്‍ അക്രഡിറ്റേഷന്‍ ബോര്‍ഡ് ഫോര്‍ ടെസ്റ്റിംഗ് ആന്ഡ് കാലിബ്രേഷന്‍ ലബോറട്ടറീസിന്‍റെ (NABL) അംഗീകാരവും ഉണ്ട്. ബിടെക് - കാര്‍പെറ്റ് & ടെക്‌സ്‌റ്റൈല്‍ ടെക്നോളജി പ്രോഗ്രാം വിജയകരമായി പൂര്‍ത്തിയാക്കുന്നവര്‍ക്ക് കാര്‍പെറ്റ്, ടെക്‌സ്‌റ്റൈല്‍, അനുബന്ധ വ്യവസായ മേഖലകളില്‍ മികച്ച തൊഴിലവസരങ്ങള്‍ ലഭ്യമാണ്.
യോഗ്യത
a. അപേക്ഷകര്‍ 10+2 (ക്ലാസ് XII) പരീക്ഷയിലോ, ഏതെങ്കിലും സ്റ്റേറ്റ് ബോര്‍ഡ്, സെന്‍ട്രല്‍ ബോര്‍ഡ് അല്ലെങ്കില്‍ മറ്റേതെങ്കിലും ബോര്‍ഡ് നടത്തുന്ന തത്തുല്യമായ പരീക്ഷയിലോ കുറഞ്ഞത് 45% മാര്‍ക്കോടെ വിജയിച്ചിരിക്കണം. കണക്ക്, ഭൗതികശാസ്ത്രം എന്നിവ നിര്‍ബന്ധിത വിഷയങ്ങളായും ബയോടെക്‌നോളജി, ബയോളജി, വൊക്കേഷണല്‍ സബ്‌ജെക്ട് എന്നിവയില്‍ കുറഞ്ഞത് ഒന്നെങ്കിലും ഒരു ഐച്ഛിക വിഷയമായും പഠിച്ചിരിക്കണം / മൂന്ന് വര്‍ഷത്തെ ഒരു ഡിപ്ലോമ പരീക്ഷ കുറഞ്ഞത് 45% മാര്‍ക്കോടെ പാസായിരിക്കണം. എസ് സി, എസ്ടി വിഭാഗത്തില്‍പ്പെട്ട അപേക്ഷകര്‍ക്ക് മാര്‍ക്കില്‍ 5 ശതമാനം ഇളവിന് അര്‍ഹതയുണ്ട്.
b. ജെഇഇ മെയിനില്‍ സാധുതയുള്ള സ്‌കോര്‍.
സിലബസ്
എന്‍ജിനിയറിംഗ് കെമിസ്ട്രി, എന്‍ജിനിയറിംഗ് മാത്തമാറ്റിക്‌സ്, ഫണ്ടമെന്‍റല്‍സ് ഓഫ് ഇലക്‌ട്രിക്കല്‍ എന്‍ജിനിയറിംഗ്, ഫണ്ടമെന്‍റല്‍സ് ഓഫ് ഇലക്‌ട്രോണിക്‌സ് എന്‍ജിനിയറിംഗ്, ഫണ്ടമെന്‍റല്‍സ് ഓഫ് മെക്കാനിക്കല്‍ എന്‍ജിനിയറിംഗ്, എന്‍വയേൺമെന്‍റ് ആന്ഡ് ഇക്കോളജി , എന്‍ജിനിയറിംഗ് ഗ്രാഫിക്‌സ് & ഡിസൈന്‍, ഫാബ്രിക് ടെക്നോളജി, ടെക്‌സ്‌റ്റൈല്‍ ഫൈബര്‍സ്, യാണ്‍ ടെക്നോളജി, ഫാബ്രിക് ടെക്നോളജി, കെമിക്കല്‍ പ്രോസസിംഗ് ഓഫ് ടെക്‌സ്‌റ്റൈല്‍സ്, ടെക്‌സ്‌റ്റൈല്‍ ടെസ്റ്റിംഗ്, കാര്‍പെറ്റ് മാനുഫാക്ചര്‍, ടെക്‌സ്‌റ്റൈല്‍ ഡിസൈന്‍, ഹോം ടെക്‌സ്‌റ്റൈല്‍ ടെക്നോളജി, കാര്‍പെറ്റ് & ടെക്‌സ്‌റ്റൈല്‍ ടെക്നോളജി.
പ്രവേശനം
JOSA / CSAB (ജോയിന്‍റ് സീറ്റ് അലോക്കേഷന്‍ അതോറിറ്റി / സെന്‍ട്രല്‍ സീറ്റ് അലോക്കേഷന്‍ ബോര്‍ഡ്) വഴിയായിരിക്കും പ്രവേശനം. വിശദാംശങ്ങള്‍ക്കും അഡ്മിഷന്‍ ഷെഡ്യൂളിനുമായി അപേക്ഷകര്‍ https://josaa. nic.in/ അല്ലെങ്കില്‍ https:// csab.nic.in/ സന്ദര്‍ശിക്കേണ്ടതാണ്.
കൂടുതല്‍ വിവരങ്ങള്‍ക്ക്
ടെലിഫോണ്‍: +91-9451951595
ഇ-മെയില്‍: [email protected]
വെബ്സൈറ്റ്: https://www.iict.ac.in
ലിങ്ക്: https://www.iict.ac.in/Admission2026-27.htm
Education
തിരുവനന്തപുരം: പാലക്കാട് മലമ്പുഴ ഐടിഐയിൽ നടന്ന കാമ്പസ് പ്ലേസ്മെന്‍റിലൂടെ 380 പേർക്ക് യുഎഇയിൽ തൊഴിൽ ലഭിച്ചു.
2026 ജൂൺ, ജൂലൈ, ഓഗസ്റ്റ് മാസങ്ങളിലായി നടത്തിയ മൂന്നു ഘട്ട കാമ്പസ് റിക്രൂട്ട്‌മെന്‍റിലൂടെയാണ് 30ലധികം സ്വകാര്യ കമ്പനികളിലേക്കു പരിശീലനം പൂർത്തിയാക്കിയ 380 പേർക്ക് നിയമനം ലഭിച്ചത്.
2024-26 അധ്യയന വർഷത്തിൽ പരിശീലനം പൂർത്തിയാക്കിയ 680ൽ 380 പേർക്കാണ് വിദേശ തൊഴിൽ ലഭിച്ചത്. ശോഭ അഡ്വാൻസ്ഡ് മാനുഫാക്ചറിംഗ് കമ്പനിയിലേക്ക് 68 പേർക്ക് ഓഫർ ലെറ്റർ നൽകി.
തൊഴിൽസാധ്യത വർധിപ്പിക്കുന്നതിനായി കൂടുതൽ കമ്പനികളെ ഉൾപ്പെടുത്തി കാമ്പസ് പ്ലേസ്മെന്‍റ് ഡ്രൈവുകൾ തുടർന്നും സംഘടിപ്പിക്കുമെന്ന് ഐടിഐ അധികൃതർ അറിയിച്ചു.
Education
ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റ് (IIM) ഇൻഡോർ, ‘എക്‌സിക്യൂട്ടീവ് പ്രോഗ്രാം ഇൻ ഹെൽത്ത്കെയർ മാനേജ്മെന്റ്’ കോഴ്സിലേക്കുള്ള പ്രവേശനത്തിന് അപേക്ഷ ക്ഷണിച്ചു.
നിലവിലെ ജോലിയിൽ തുടർന്നുകൊണ്ടുതന്നെ മാനേജ്മെന്റ്, നേതൃത്വ പാടവം എന്നിവ മെച്ചപ്പെടുത്താനാഗ്രഹിക്കുന്ന ആരോഗ്യമേഖലയിലും അനുബന്ധ മേഖലകളിലും പ്രവർത്തിക്കുന്ന പ്രഫഷണലുകൾക്കു വേണ്ടിയുള്ളതാണ് ഒരു വർഷത്തെ ഈ പ്രോഗ്രാം. ‘ഡയറക്ട്-ടു-ഡിവൈസ്’ (Direct-to-Device) ലേണിംഗ് പ്ലാറ്റ്‌ഫോമിലൂടെയുള്ള തത്സമയ ഓൺലൈൻ ക്ലാസുകളായാണ് കോഴ്സ്.
ആരോഗ്യപരിപാലന രംഗത്തെ വിദഗ്ധർക്ക് തങ്ങളുടെ സാങ്കേതികവും ക്ലിനിക്കലുമായ അറിവുകൾക്കൊപ്പം ആരോഗ്യപരിപാലന മാനേജ്‌മെന്‍റിനെക്കുറിച്ചുള്ള ധാരണയും മെച്ചപ്പെടുത്താൻ സഹായിക്കുന്ന തരത്തിലാണ് കോഴ്സ് രൂപകല്പന ചെയ്തിരിക്കുന്നത്.
യോഗ്യതാ മാനദണ്ഡം
ഏതെങ്കിലും വിഷയത്തിൽ കുറഞ്ഞത് 50 % മൊത്തം മാർക്കോടെയുള്ള ഡിപ്ലോമ അല്ലെങ്കിൽ ബിരുദം നേടിയ ആരോഗ്യപരിപാലന, അനുബന്ധ ആരോഗ്യ മേഖലകളുമായി ബന്ധപ്പെട്ട് പ്രവർത്തിക്കുന്ന മൂന്നു വർഷത്തെ പ്രവൃത്തിപരിചയമുള്ള പ്രഫഷണലുകൾ അല്ലെങ്കിൽ സംരംഭകർ.
പ്രോഗ്രാം സിലബസ്
ഫിനാൻസ് ആൻഡ് അക്കൗണ്ടിംഗ് ഇൻ ഹെൽത്ത്കെയർ, സ്ട്രാറ്റജി ആൻഡ് എന്‍റർപ്രെനർഷിപ്, ബിസിനസ് എത്തിക്സ് ഇൻ ഹെൽത്ത്കെയർ, മാനേജിംഗ് ബിഹേവിയർ ഇൻ ഹെൽത്ത്കെയർ, ഹെൽത്ത്കെയർ മാനേജ്‌മന്‍റ്, ഇഷ്യൂസ് ഇൻ ഹെൽത്ത്കെയർ, ഓപ്പറേഷൻ എക്സല്ലെൻസ്, ഡാറ്റ അനലിറ്റിക്സ് & സിമുലേഷൻസ്.
അധ്യാപനരീതി
പ്രഭാഷണങ്ങൾ, ചർച്ചകൾ, പ്രോജക്റ്റ് പ്രവർത്തനങ്ങൾ, ടേം പേപ്പറുകൾ, അസൈൻമെന്‍റുകൾ എന്നിവയുടെ ഉചിതമായ ഒരു സംയോജനമായിരിക്കും അധ്യാപനരീതി.
വിശദാംശങ്ങൾക്ക്: ടെലിഫോൺ: 0731-2439739
ഇ-മെയിൽ: [email protected]
വെബ്സൈറ്റ്: https://iimidr.ac.in/
ലിങ്ക്: https://iimidr.ac.in/programmes/executive-programm es/long-duration-online-progr ammes/executive-progra mme-in-healthcare-manage ment-ephm/
Education
തിരുവനന്തപുരം: പ്ലസ് വൺ രണ്ടാം സപ്ലിമെന്‍ററി അലോട്ട്മെന്‍റിനു ശേഷമുള്ള വേക്കൻസി ജില്ല / ജില്ലാന്തര സ്കൂൾ കോമ്പിനേഷൻ ട്രാൻസ്‌ഫർ അലോട്ട്‌മെന്‍റിനായി ഇന്നു പ്രസിദ്ധീകരിക്കും.
ജില്ലയ്ക്കകത്തോ മറ്റ് ജില്ലയിലേക്കോ സ്കൂൾ മാറ്റത്തിനോ, കോമ്പിനേഷൻ മാറ്റത്തോടെയുള്ള സ്കൂൾ മാറ്റത്തിനോ, അതേ സ്‌കൂളിലെ മറ്റൊരു കോമ്പിനേഷനിലേക്കു മാറുന്നതിനോ കാൻഡിഡേറ്റ് ലോഗിനിലെ ‘Apply for School/Combination Transfer ലിങ്കിലൂടെ ഓൺലൈനായി നാളെ വൈകുന്നേരം നാലുവരെ അപേക്ഷ സമർപ്പിക്കാം. വിശദവിവരങ്ങൾ വെബ്സൈറ്റിൽ ലഭ്യമാകും.
Education
കൊച്ചി: നാക് എ പ്ലസ് അംഗീകാരമുള്ള മംഗളൂരു യെനപോയ ഡീംഡ് യൂണിവേഴ്സിറ്റിയിൽ ബിഎസ്‌സി നഴ്സിംഗ്, ബിഫാം, ഹോമിയോപ്പതി (ബിഎച്ച്എംഎസ്) കോഴ്സുകളിലേക്ക് 20 വരെ സ്പോട്ട് അഡ്മിഷൻ നടത്തും.
1500 കിടക്കകളോടുകൂടിയുള്ള മെഡിക്കൽ കോളജും നൂറ് ഏക്കറിൽ അഞ്ചു കാന്പസുകളിലായി 40,000ത്തിൽ അധികം വിദ്യാർഥികൾ പഠിക്കുന്ന ഇന്ത്യയിലെ തന്നെ പ്രമുഖ ഡീംഡ് യൂണിവേഴ്സിറ്റിയാണ് യെനപോയ.
രാജ്യത്തെ പ്രഥമ അനാറ്റമേജ് ടേബിൾ, അത്യാധുനികമായ സിമുലേഷൻ ലാബ് എന്നിവയുൾപ്പെടെയുള്ള യെനപോയ യൂണിവേഴ്സിറ്റിയിൽ ആയുർവേദം, ഡെന്‍റൽ, നാച്ചുറോപ്പതി കോഴ്‌സുകളിലേക്കും ഇപ്പോൾ പ്രവേശനം നേടാൻ അവസരമുണ്ട്.
മെഡിക്കൽ ലബോറട്ടറി സയൻസ്, ഓപ്റ്റോമെട്രി, സൈക്കോളജി, ന്യൂട്രിഷൻ ആൻഡ് ഡയറ്ററ്റിക്സ്, ബിഎസ്‌സി മൈക്രോബയോളജി, ഡെന്‍റൽ ടെക്നോളജി, എംഎസ്‌സി സൈക്കോളജി, ഹോസ്പിറ്റൽ അഡ്മിനിസ്ട്രേഷൻ, ഫോറൻസിക് സയൻസ് തുടങ്ങി 150ലധികം യുജി, പിജി പ്രോഗ്രാമുകളാണ് മംഗളൂരു കാന്പസിലുള്ളത്.
യെനപോയ ബംഗളൂരു കാന്പസിൽ ബിബിഎ, ബിസിഎ, അനസ്‌തേഷ്യ ആൻഡ് ഓപ്പറേഷൻ തിയറ്റർ ടെക്നോളജി, കാർഡിയോ വാസ്‌കുലർ ടെക്നോളജി, എംസിഎ, എംബിഎ, ന്യൂട്രിഷൻ ആൻഡ് ഡയറ്ററ്റിക്സ്, ഫുഡ് ടെക്നോളജി, സൈക്കോളജി ഉൾപ്പെടെയുള്ള കോഴ്‌സുകളിലും പ്രവേശനം നേടാൻ ഇപ്പോൾ അവസരമുണ്ട്.
വിശദ വിവരങ്ങൾക്ക് yenepoya.edu.in എന്ന വെബ്സൈറ്റ് സന്ദർശിക്കുക. ഫോൺ: 91 6364 929 214, 91 6364 929 213.
District News
കാഞ്ഞിരപ്പള്ളി: എംജി സര്‍വകലാശാലാ നാഷണല്‍ സര്‍വീസ് സ്‌കീമിന്‍റെയും എന്‍എസ്എസ് റീജണല് ഡയറക്ടറേറ്റിന്‍റെയും സംയുക്താഭിമുഖ്യത്തില്‍ സ്വച്ഛത ആക്‌ഷന്‍ പ്ലാനിന്‍റെ ഭാഗമായി സംഘടിപ്പിച്ച സംസ്ഥാനതല പ്ലാസ്റ്റിക് മാലിന്യശേഖരണ ചലഞ്ച് 2026ന്‍റെ അവാര്‍ഡുദാന ചടങ്ങും അഞ്ചു ദിവസത്തെ എന്‍എസ്എസ് വോളണ്ടിയര്‍ സെക്രട്ടറിമാരുടെ ലീഡര്‍ഷിപ്പ് ട്രെയിനിംഗ് ക്യാമ്പിന്‍റെ ഉദ്ഘാടനവും കാഞ്ഞിരപ്പള്ളി സെന്‍റ് ഡൊമിനിക്‌സ് കോളജ് ഓഡിറ്റോറിയത്തില്‍ നടത്തി.
ജലസേചന-ഭവനനിര്‍മാണ മന്ത്രി മോന്‍സ് ജോസഫ് അവാര്‍ഡുദാനവും ലീഡര്‍ഷിപ്പ് ക്യാമ്പ് ഉദ്ഘാടനവും നിര്‍വഹിച്ചു. എംജി സര്‍വകലാശാല വൈസ് ചാന്‍സലര്‍ പ്രഫ. ഡോ.ഡി. മാവൂതു അധ്യക്ഷത വഹിച്ചു. ഡിജിറ്റല്‍ വെല്‍നസ് പ്രോജക്ട് ഉദ്ഘാടനം സര്‍വകലാശാലാ സിന്‍ഡിക്കറ്റ് അംഗമായ പ്രഫ.ജി.എസ്. ഗിരീഷ് കുമാര്‍ നിര്‍വഹിച്ചു. എന്‍എസ്എസ് കേരള റീജണല് ഡയറക്ടര്‍ വൈ.എം. ഉപ്പിന്‍ മുഖ്യാതിഥിയായിരുന്നു.
സര്‍വകലാശാലാ എന്‍എസ്എസ് പ്രോഗ്രാം കോ-ഓര്‍ഡിനേറ്റര്‍ ഡോ. ഇ.എന്‍. ശിവദാസന്‍, സിന്‍ഡിക്കറ്റംഗം ഡോ. ജോബിന്‍ ജോസ്, യൂത്ത് ഓഫീസര്‍ പീയൂഷ് പരാഞ്ജപെ, സെന്‍റ് ഡൊമിനിക്‌സ് കോളജ് മാനേജര്‍ ഫാ. ഡോ. കുര്യന്‍ താമരശേരി, പ്രിന്‍സിപ്പല്‍ ഡോ. ബിനോ പി. ജോസ്, ബര്‍സാര്‍ ഫാ.ഡോ. മനോജ് പാലക്കുടി, എന്‍എസ്എസ് പ്രോഗ്രാം ഓഫീസര്‍ ഡോ. ജിനു എലിസബത്ത് സെബാസ്റ്റ്യന്‍ എന്നിവര്‍ പ്രസംഗിച്ചു.
Education
കാലടി: ശ്രീശങ്കരാചാര്യ സംസ്‌കൃത സർവകലാശാലയുടെ കാലടി മുഖ്യകാമ്പസിലെ വിവിധ നാലുവര്‍ഷ ബിരുദ പ്രോഗ്രാമുകളില്‍ ഒഴിവുകളുണ്ട്.
ബിഎ ഭരതനാട്യം, ബിഎ മോഹിനിയാട്ടം എന്നീ പ്രോഗ്രാമുകളില്‍ എസ്ടി വിഭാഗത്തിലുള്ള ഒഴിവുകളിലേക്ക് നാളെ രാവിലെ 10.30ന് സ്പോട്ട് അഡ്മിഷന്‍ നടത്തും.
ബിഎ മ്യൂസിക് പ്രോഗ്രാമില്‍ എസ്‌സി, എസ്ടി, ഇഡബ്ല്യുഎസ് സംവരണ സീറ്റുകള്‍ ഉള്‍പ്പെടെയുള്ള ഒഴിവുകളിലേക്ക് ഓഗസ്റ്റ് മൂന്നിനു രാവിലെ 10.30നാണ് സ്പോട്ട് അഡ്മിഷന്‍. ഇംഗ്ലീഷ്, മലയാളം, ഹിന്ദി എന്നീ ബിഎ പ്രോഗ്രാമുകളില്‍ സംവരണ സീറ്റുകള്‍ ഉള്‍പ്പെടെയുള്ള ഒഴിവുകളിലേക്ക് ഓഗസ്റ്റ് മൂന്ന്, നാല് തീയതികളില്‍ രാവിലെ പത്തിന് സ്പോട്ട് അഡ്മിഷന്‍ നടക്കും. ഒഴിവുകള്‍ സംബന്ധിച്ച വിശദാംശങ്ങള്‍ക്ക് www.ssus.ac.in സന്ദര്‍ശിക്കുക.
Education
കാലടി: ശ്രീശങ്കരാചാര്യ സംസ്‌കൃത സർവകലാശാലയുടെ കാലടി മുഖ്യ കാമ്പസിലും വിവിധ പ്രാദേശിക കാമ്പസുകളിലുമുള്ള പിജി / പിജി ഡിപ്ലോമ പ്രോഗ്രാമുകളിലെ എസ്‌സി/ എസ്ടി വിഭാഗങ്ങള്‍ ഉള്‍പ്പെടെയുള്ള ഒഴിവുകളിലേക്ക് ഇന്നു രാവിലെ 10.30ന് സ്പോട്ട് അഡ്മിഷന്‍ നടത്തുന്നു. വെബ്സൈറ്റ്: www.ssus.ac.in
Business
കൊച്ചി: പ്രത്യേക വിഭാഗം ആളുകളില്‍ മാത്രം ഒതുങ്ങുന്നതല്ല നേതൃത്വമെന്നും ഓരോരുത്തരും സ്വയം വളര്‍ത്തിയെടുക്കേണ്ട ഗുണമാണ് അതെന്നും എസ്‌വിപിആര്‍ ആൻഡ് പാര്‍ട്ണേഴ്സ് മാനേജിംഗ് പാര്‍ട്ണർ അഡ്വ. എന്‍. സുന്ദരവടിവേലു പറഞ്ഞു.
കേരള മാനേജ്മെന്റ് അസോസിയേഷന്‍ ഇന്‍സ്പെയര്‍ സീരീസില്‍ പ്രചോദനാത്മകമായ നേതൃത്വത്തിനുള്ള ഘടകങ്ങള്‍ എന്ന വിഷയത്തില്‍ സംസാരിക്കുകയായിരുന്നു അദ്ദേഹം.
ആളുകള്‍ നമ്മെക്കുറിച്ചു പറയുന്ന വിജയങ്ങളല്ല, സ്വയം വിലയിരുത്തലുകളാണു വിജയത്തെ അളക്കുന്നതെന്നും സുന്ദരവടിവേലു കൂട്ടിച്ചേർത്തു. കെഎംഎ പ്രസിഡന്റ് അല്‍ജിയേഴ്സ് ഖാലിദ് അധ്യക്ഷനായി.
Education
തിരുവനന്തപുരം: 2026-27 അധ്യയന വർഷത്തെ ബിടെക് ലാറ്ററൽ എൻട്രി (റെഗുലർ) കോഴ്സിലേക്ക് ഒഴിവുള്ള സീറ്റുകളിലേക്കുള്ള സ്പെഷൽ അലോട്ട്‌മെന്‍റിനുവേണ്ടി ബിടെക് ലാറ്ററൽ എൻട്രി പ്രവേശന പരീക്ഷയിൽ യോഗ്യത നേടിയ, ഇതുവരെ അലോട്ട്മെന്റ് ലഭിച്ചതും ലഭിക്കാത്തതുമായ എല്ലാപേർക്കും ഓൺലൈൻ ഓപ്ഷൻ സമർപ്പണം www.lbscentre. kerala.gov.in വഴി 2026 ജൂലൈ 24 വരെ ചെയ്യാം.
Education
കളമശേരി: കൊച്ചി ശാസ്ത്ര-സാങ്കേതിക സര്‍വകലാശാലയുടെ (കുസാറ്റ്) 2026-27 അധ്യയനവര്‍ഷത്തിലെ ബിടെക് പ്രോഗ്രാമുകളിലേക്കുള്ള റിയല്‍ ടൈം അഡ്മിഷനുവേണ്ടിയുള്ള രജിസ്ട്രേഷന്‍ ഇന്നും നാളെയുമായി ഓണ്‍ലൈനായി ചെയ്യാം.
ക്യാറ്റ് 2026 റാങ്ക്‌ലിസ്റ്റില്‍ ഉള്‍പ്പെട്ടിട്ടുള്ള എല്ലാവര്‍ക്കും ഫീസടച്ച് രജിസ്റ്റര്‍ ചെയ്യാം. ഫോണ്‍: 9778783191, 8848912606.
Education
തിരുവനന്തപുരം: 2026-27 അധ്യയന വർഷത്തെ പിജി (എംഎസ്‌സി) നഴ്സിംഗ് കോഴ്സിലേക്കുള്ള പ്രവേശന പരീക്ഷയ്ക്ക് ഓൺലൈനായി അപേക്ഷ സമർപ്പിച്ച വിദ്യാർഥികൾക്ക് അവരുടെ പ്രൊഫൈലിലെ ഫോട്ടോ, ഒപ്പ് എന്നിവ പരിശോധിക്കാം.
അപേക്ഷയിൽ ന്യൂനതകളുണ്ടെങ്കിൽ പരിഹരിക്കുന്നതിനുമുള്ള അവസരം 23ന് ഉച്ചകഴിഞ്ഞ് മൂന്നുവരെ www.cee.kerala.gov.in ൽ ലഭ്യമാണ്. വിശദവിവരങ്ങൾക്ക്: www.cee.kerala.gov.in, 0471-2332120.
Education
തിരുവനന്തപുരം: സംസ്ഥാനത്തെ സർക്കാർ/സ്വാശ്രയ നഴ്സിംഗ് കോളജുകളിലേക്ക് 2026-27 വർഷത്തെ പോസ്റ്റ് ബേസിക് ബിഎസ്‌സി നഴ്സിംഗ് ഡിഗ്രി കോഴ്സിലേക്കുള്ള പ്രവേശനത്തിന് അപേക്ഷ ക്ഷണിച്ചു. www.lbscentre. kerala.gov.in വഴി ഓൺലൈനായി 27 വരെ അപേക്ഷിക്കാം.
അപേക്ഷാഫീസ് പൊതുവിഭാഗത്തിന് 1000 രൂപയും പട്ടികജാതി/പട്ടികവർഗ വിഭാഗത്തിന് 500 രൂപയുമാണ്. അപേക്ഷകർക്ക് ഓൺലൈൻ മുഖേനയോ അല്ലെങ്കിൽ വെബ്സൈറ്റിൽ നിന്നും ഡൗൺലോഡ് ചെയ്ത ചെലാൻ ഉപയോഗിച്ച് ഫെഡറൽ ബാങ്കിന്‍റെ ഏതെങ്കിലും ശാഖ വഴിയോ 25 വരെ ഫീസ് അടയ്ക്കാം. ബന്ധപ്പെട്ട രേഖകൾ ഓൺലൈൻ അപേക്ഷ സമർപ്പിക്കുന്ന അവസരത്തിൽ അപ്‌ലോഡ് ചെയ്യണം.
അപേക്ഷകർ, ഫിസിക്‌സ്, കെമസ്ട്രി, ബയോളജി ഐശ്ചിക വിഷയമായി എടുത്ത് പ്ലസ് ടു പാസായിരിക്കണം കൂടാതെ 50 ശതമാനം മാർക്കോടെ ഇന്ത്യൻ നഴ്സിംഗ് കൗൺസിലും ബന്ധപ്പെട്ട സ്റ്റേറ്റ് കൗൺസിലും അംഗീകരിച്ച ജിഎൻഎം കോഴ്സ് പാസായിരിക്കണം. അപേക്ഷകർ അക്കാദമിക വിവരങ്ങൾ സമർപ്പിക്കുന്ന സമയത്തുതന്നെ നിശ്ചിത വിദ്യാഭ്യാസ യോഗ്യത നേടിയിരിക്കണം.
അപേക്ഷാർഥികൾക്ക് ഉയർന്ന പ്രായപരിധി ബാധകമല്ല. സർവീസ് ക്വാട്ടയിലേക്കുള്ള അപേക്ഷാർഥികൾക്ക് 49 വയസാണ്. കൂടുതൽ വിവരങ്ങൾക്ക്: 04712560361, 362, 363.
District News
ആര്യങ്കാവ്: ആര്യങ്കാവ് സെന്‍റ് മേരീസ് പള്ളിയുടെ പ്ലാറ്റിനം ജൂബിലിയുടെ ഭാഗമായുള്ള നേതൃസംഗമം സെന്‍റ് മേരീസ് പാരിഷ് ഹാളില്‍ നടന്നു.നേതൃസംഗമം ചങ്ങനാശേരി അതിരൂപത മുഖ്യവികാരി ജനറാള്‍ മോണ്‍ ആന്‍റണി എത്തക്കാട് ഉദ്ഘാടനം ചെയ്തു.
വികാരി ഫാ. സോണി പള്ളിച്ചിറയില്‍ അധ്യക്ഷത വഹിച്ച സമ്മേളനത്തില്‍ പാരീഷ് കൗണ്‍സില്‍ അംഗം റോയി വടാന സ്വാഗതവും ഡീക്കന്‍ ജിത്തു കടന്തോട് നന്ദിയും പറഞ്ഞു.
പ്ലാറ്റിനം ജൂബിലി ലോഗോ കൈക്കാരന്മാരായ ബിനോയി ചൂരക്കുന്നേല്‍, മാത്യു ആര്‍പ്പൂക്കര എന്നിവര്‍ക്ക് നല്‍കിക്കൊണ്ട് മോണ്‍ ആന്‍റണി എത്തക്കാട് പ്രകാശനം ചെയ്തു.പ്ലാറ്റിനം ജൂബിലി സ്മാരകമായി നവീകരികരിച്ച പാരീഷ് ഹാളിന്‍റെ നവീകരണ പ്രവര്‍ത്തനങ്ങളുടെ ഉദ്ഘാടനവും അദ്ദേഹം നിര്‍വഹിച്ചു.
Kerala
കോട്ടയം: കേരള കോണ്‍ഗ്രസ് സംസ്ഥാന നേതൃക്യാന്പ് 24, 25 തീയതികളില്‍ ചരല്‍ക്കു ന്നിൽ നടക്കും.
24നു രാവിലെ 11നു വര്‍ക്കിംഗ് ചെയര്‍മാന്‍ പി.സി. തോമസ് അധ്യക്ഷത വഹിക്കുന്ന യോഗത്തില്‍ പാര്‍ട്ടി ചെയര്‍മാന്‍ പി.ജെ. ജോസഫ് ക്യാമ്പ് ഉദ്ഘാടനം ചെയ്യും.
എക്‌സിക്യൂട്ടീവ് ചെയര്‍മാന്‍ മന്ത്രി മോന്‍സ് ജോസഫ്, സെക്രട്ടറി ജനറല്‍ ജോയി ഏബ്രഹാം, ഡെപ്യൂട്ടി ചെയര്‍മാന്‍മാരായ ഫ്രാന്‍സിസ് ജോര്‍ജ് എംപി, തോമസ് ഉണ്ണിയാടന്‍, പാര്‍ട്ടി സ്റ്റേറ്റ് കോ-ഓര്‍ഡിനേറ്റര്‍ അപു ജോണ്‍ ജോസഫ്, ട്രഷറര്‍ ഏബ്രഹാം കലമണ്ണില്‍, എംഎല്‍എമാരായ ഷിബു തെക്കുംപുറം, വര്‍ഗീസ് മാമ്മന്‍, റെജി ചെറിയാന്‍, വിനു ജോബ് തുടങ്ങിയവര്‍ പ്രസംഗിക്കും. ആനുകാലിക രാഷ്ട്രീയ വിഷയങ്ങളും അടുത്ത വര്‍ഷത്തേക്കുള്ള പാര്‍ട്ടി പ്രവര്‍ത്തന പരിപാടികളും ക്യാമ്പില്‍ ചര്‍ച്ച ചെയ്യും.
Education
കാലടി: ശ്രീശങ്കരാചാര്യ സംസ്‌കൃത സർവകലാശാലയുടെ കാലടി മുഖ്യകാമ്പസിലും വിവിധ പ്രാദേശിക കാമ്പസുകളിലും നടത്തുന്ന പിജി/ പിജി ഡിപ്ലോമ പ്രോഗ്രാമുകളിലെ എസ്‌സി/ എസ്ടി കാറ്റഗറിയില്‍ ഉള്‍പ്പെടെയുള്ള ഒഴിവുകളിലേക്ക് സ്പോട്ട് അഡ്മിഷന്‍ നടത്തുന്നു. പ്രവേശന പരീക്ഷയുടെ അടിസ്ഥാനത്തില്‍ തയാറാക്കപ്പെടുന്ന റാങ്ക് ലിസ്റ്റില്‍നിന്നാണു പ്രവേശനം നടത്തുക.
17ന് രാവിലെ പത്തിന് അതത് പഠന വകുപ്പുകളില്‍/ പ്രാദേശിക കാമ്പസുകളിലാണ് പ്രവേശന പരീക്ഷ. യോഗ്യരായവര്‍ അസല്‍ സര്‍ട്ടിഫിക്കറ്റുകള്‍ സഹിതം അതത് പ്രാദേശിക കേന്ദ്രം മേധാവി/പഠനവകുപ്പ് മേധാവി മുമ്പാകെ ഹാജരാകണം. വിവരങ്ങള്‍ക്ക് www. ssus.ac.in സന്ദർശിക്കുക.
Education
തിരുവനന്തപുരം: 2026-27 അധ്യയന വർഷത്തിൽ എ.പി.ജെ. അബ്ദുൾ കലാം സാങ്കേതിക സർവകലാശാലയുടെ കീഴിലുള്ള കോളജുകളിലെ ബിബിഎ, ബിസിഎ കോഴ്‌സുകളിലേക്കുള്ള പ്രവേശനത്തിനായി അപേക്ഷ സമർപ്പിക്കാനുള്ള അവസാന തീയതി 16വരെ നീട്ടി. പ്രവേശന പരീക്ഷ 25ന് സംസ്ഥാനത്തെ തെരഞ്ഞെടുക്കപ്പെട്ട പരീക്ഷാകേന്ദ്രങ്ങളിൽ നടത്തും. കൂടുതൽ വിവരങ്ങൾക്ക്: 0471-2324396,
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN