4

പാ​ല​ക്കാ​ട്: പ്ര​തി​രോ​ധ​മ​ന്ത്രി രാ​ജ്നാ​ഥ് സിം​ഗി​നെ​തി​രാ​യ ക​ര​സേ​ന മു​ൻ മേ​ധാ​വി മ​നോ​ജ് മു​കു​ന്ദ് ന​ര​വ​നെ​യു​ടെ വെ​ളി​പ്പെ​ടു​ത്ത​ലു​ക​ൾ ഓ​രോ ഭാ​ര​തീ​യ​നെ​യും ആ​ശ​ങ്ക​യി​ലാ​ഴ്ത്തു​ന്ന​താ​ണെ​ന്ന് കോ​ൺ​ഗ്ര​സ് നേ​താ​വ് സ​ന്ദീ​പ് വാ​ര്യ​ർ. ചൈ​നീ​സ് ടാ​ങ്കു​ക​ൾ ക​ട​ന്നു​ക​യ​റി​യ​പ്പോ​ൾ പ്ര​തി​രോ​ധി​ക്കാ​ൻ ഇ​ന്ത്യ​ൻ സേ​ന​യ്ക്ക് രാ​ജ്നാ​ഥ് സിം​ഗ് അ​നു​മ​തി ന​ൽ​കി​യി​ല്ലെ​ന്ന വെ​ളി​പ്പെ​ടു​ത്ത​ൽ അ​തീ​വ ഗു​രു​ത​ര​മാ​ണെ​ന്നും സ​ന്ദീ​പ് ഫേസ്ബുക്കിൽ കു​റി​ച്ചു.

അ​തി​ർ​ത്തി​യി​ൽ ചൈ​നീ​സ് വെ​ല്ലു​വി​ളി നേ​രി​ടു​മ്പോ​ൾ, സൈ​ന്യ​ത്തി​ന്‍റെ ആ​ത്മ​വീ​ര്യം ത​ക​ർ​ക്കു​ന്ന നി​ല​പാ​ടു​ക​ൾ എ​ന്തി​ന് സ്വീ​ക​രി​ക്കു​ന്നു​വെ​ന്നും സ​ന്ദീപ് ചോ​ദി​ച്ചു. സ​ത്യം വി​ളി​ച്ചു​പ​റ​യു​ന്ന ഒ​രു സൈ​നി​ക​ന്റെ പു​സ്ത​കം ജ​ന​ങ്ങ​ളി​ലേ​ക്ക് എ​ത്താ​തി​രി​ക്കാ​ൻ സ​ർ​ക്കാ​ർ ഭ​യ​പ്പെ​ടു​ന്ന​ത് എ​ന്തി​നെ​യാ​ണെ​ന്നും സ​ന്ദീ​പ് കു​റി​പ്പി​ലൂ​ടെ ചോ​ദി​ച്ചു.

"ന​മ്മു​ടെ രാ​ജ്യം സു​ര​ക്ഷി​ത​മാ​യി​രി​ക്കു​ന്ന​ത് അ​തി​ർ​ത്തി​യി​ൽ ഉ​റ​ക്ക​മൊ​ഴി​ച്ച് കാ​വ​ൽ നി​ൽ​ക്കു​ന്ന ധീ​ര​രാ​യ സൈ​നി​ക​രു​ടെ ക​രു​ത്തി​ലാ​ണ്. രാ​ജ്യ​ത്തെ സേ​വി​ക്കാ​ൻ സ​ന്ന​ദ്ധ​രാ​യി വ​രു​ന്ന യു​വാ​ക്ക​ളു​ടെ ആ​വേ​ശം കെ​ടു​ത്തു​ന്ന 'അ​ഗ്നി​പ​ഥ്' പോ​ലു​ള്ള പ​ദ്ധ​തി​ക​ൾ സൈ​നി​ക നേ​തൃ​ത്വ​ത്തെ​പ്പോ​ലും ഇ​രു​ട്ടി​ൽ നി​ർ​ത്തി​ക്കൊ​ണ്ട് ന​ട​പ്പി​ലാ​ക്കി എ​ന്ന​ത് വി​ശ്വ​സി​ക്കാ​ൻ പ്ര​യാ​സ​മാ​ണ്. സൈ​ന്യ​ത്തി​ന്റെ അ​ന്ത​സ്സും പ്രൊ​ഫ​ഷ​ണ​ലി​സ​വും ത​ക​ർ​ക്കു​ന്ന തീ​രു​മാ​ന​ങ്ങ​ൾ രാ​ഷ്ട്രീ​യ താ​ൽ​പ്പ​ര്യ​ങ്ങ​ൾ​ക്കാ​യി എ​ടു​ക്കു​ന്ന​ത് ഒ​രു ജ​നാ​ധി​പ​ത്യ രാ​ജ്യ​ത്തി​ന് ചേ​ർ​ന്ന​ത​ല്ല.'-​സ​ന്ദീ​പ് കു​റി​ച്ചു.

സൈ​നി​ക മേ​ധാ​വി​ക​ളു​ടെ അ​ഭി​പ്രാ​യ​ങ്ങ​ളെ മ​റി​ക​ട​ന്നാ​ണോ സു​പ്ര​ധാ​ന​മാ​യ പ്ര​തി​രോ​ധ തീ​രു​മാ​ന​ങ്ങ​ൾ എ​ടു​ക്കു​ന്ന​തെ​ന്നും സ​ന്ദീ​പ് ചോ​ദി​ച്ചു. ദേ​ശ​സ്നേ​ഹം എ​ന്ന​ത് വെ​റും മു​ദ്രാ​വാ​ക്യ​ങ്ങ​ള​ല്ലെ​ന്നും അ​ത് ന​മ്മു​ടെ സൈ​ന്യ​ത്തോ​ടും അ​വ​രു​ടെ ഭ​ര​ണ​ഘ​ട​നാ​പ​ര​മാ​യ സ്വ​യം​ഭ​ര​ണ​ത്തോ​ടും കാ​ണി​ക്കു​ന്ന ബ​ഹു​മാ​നം കൂ​ടി​യാ​ണെ​ന്നും സ​ന്ദീ​പ് കൂ​ട്ടി​ച്ചേ​ർ​ത്തു.

രാ​ജ്യ​സു​ര​ക്ഷ​യു​ടെ കാ​ര്യ​ത്തി​ൽ സു​താ​ര്യ​ത​യും ഉ​ത്ത​ര​വാ​ദി​ത്ത​വും ഉ​റ​പ്പാ​ക്കാ​ൻ കേ​ന്ദ്ര സ​ർ​ക്കാ​ർ ബാ​ധ്യ​സ്ഥ​രാ​ണെ​ന്നും വി​ഷ​യ​ത്തി​ൽ സ​ത്യം പു​റ​ത്തു​വ​ന്നേ തീ​രൂ​വെ​ന്നും സ​ന്ദീ​പ് കു​റി​ച്ചു.

2020ൽ ​ല​ഡാ​ക്കി​ലേ​യ്ക്ക് ചൈ​നീ​സ് ടാ​ങ്കു​ക​ൾ ക​ട​ന്നു​ക​യ​റി​യ​പ്പോ​ൾ പ്ര​തി​രോ​ധി​ക്കാ​ൻ ഇ​ന്ത്യ​ൻ സേ​ന​യ്ക്ക് രാ​ജ്നാ​ഥ് സിം​ഗ് അ​നു​മ​തി ന​ൽ​കി​യി​ല്ലെ​ന്ന ഗു​രു​ത​ര ആ​രോ​പ​ണ​മാ​ണ് ന​ര​വ​നെ ഉ​ന്ന​യി​ച്ചി​രി​ക്കു​ന്ന​ത്. ഇ​തു​വ​രെ പ്ര​സി​ദ്ധീ​ക്ക​രി​ക്കാ​ത്ത "ഫോ​ർ സ്റ്റാ​ർ​സ് ഓ​ഫ് ഡെ​സ്റ്റി​നി' എ​ന്ന ഓ​ർ​മ​ക്കു​റി​പ്പി​ലാ​ണ് ആ​രോ​പ​ണ​മു​ള്ള​ത്.