17

കോഴിക്കോട്: നഗരത്തിലെ പല ഭാഗങ്ങളിലും വിൽപ്പനക്കായി സൂക്ഷിച്ച മാരക ലഹരിമരുന്നുകളുമായി ഒരു സംഘം യുവാക്കളെ പോലീസ് പിടികൂടി. കക്കോടി കിഴക്കുമുറി സ്വദേശി ലൂദ്ഫാൻ അലി(22), മലപ്പുറം അരീക്കോട് സ്വദേശി ജിഫ്രി അൽഹാസ്(22), കിരാലൂർ സ്വദേശി മുഹമ്മദ് റഷ്ദാൻ (22), സൗത്ത് ബീച്ച് പരപ്പിൽ സ്വദേശികളായ മുഹമ്മദ് (30), എം.കെ റോഡ് ഹന മഹലിൽ ദിയ മുഹമ്മദ് ബഹ് ബഹാനി (22), മുഹമ്മദ് നാസ് (24), കല്ലായി സ്വദേശി മുഹമ്മദ് ഷഹാദുൽ അഫം (25) നടക്കാവ് സ്വദേശി മുഹമ്മദ് അൻഷാദ് (26) എന്നിവരെയാണ് പന്തീരാങ്കാവ് പോലീസ് പിടികൂടിയത്.

വെള്ളിയാഴ്ച പന്തീരാങ്കാവ് പോലീസ് സ്റ്റേഷൻ സബ് ഇൻസ്പെക്ടറും സംഘവും നൈറ്റ് പട്രോളിംഗ് ഡ്യൂട്ടിക്കിടെ രഹസ്യ വിവരത്തെത്തുടർന്ന് സമീപത്തെ വാടകവീട്ടിൽ പരിശോധന നടത്തുകയായിരുന്നു. 

വീട്ടിൽ നടത്തിയ പരിശോധനയിൽ പ്രതികൾ വിൽപ്പനക്കായി സൂക്ഷിച്ച 93.300 ഗ്രാം ഹാഷിഷ് ഓയിലും 6.940 ഗ്രാം മെത്താഫിറ്റമിനും ഒൻപത് സിപ്പ് ലോക്ക് കവറുകളും, ചെറിയ ബോട്ടിലുകളും മൂന്ന് ബർണർ പൈപ്പുകളും പത്തോളം മൊബൈൽ ഫോണുകളും പോലീസ് കണ്ടെടുക്കുകയായിരുന്നു. ഇതിനോടൊപ്പം 88,000 രൂപയും പോലീസ് പിടിച്ചെടുത്തു.

പ്രതികൾ മയക്കുമരുന്ന് ഉപയോഗിക്കുകയും വിൽപ്പന നടത്താറുണ്ടെന്നും പോലീസ് കണ്ടെത്തി. പ്രതികളുടെ ബാങ്ക് അക്കൗണ്ടുകളും ഫോണും പരിശോധിച്ച് വരികയാണെന്ന് പോലീസ് അറിയിച്ചു. 

കല്‍പ്പറ്റ: എക്‌സൈസ് വകുപ്പ് സംസ്ഥാന വ്യാപകമായി നടത്തിവരുന്ന ഓപ്പറേഷന്‍ തണ്ടറിന്‍റെ ഭാഗമായി തോല്‍പ്പെട്ടി എക്‌സൈസ് ചെക്ക് പോസ്റ്റില്‍ നടത്തിയ പരിശോധനയില്‍ കാറില്‍ കടത്തികൊണ്ടുവന്ന 9.0424 ഗ്രാം മെത്താംഫിറ്റാംമിന്‍ പിടികൂടി.

ഇതുമായി ബന്ധപ്പെട്ട് പടിഞ്ഞാറത്തറ സ്വദേശികളായ മൊട്ടത്തില്‍ എ. ഷെഹീര്‍ (38), ചക്കാലകണ്ടിയില്‍ സി.കെ. മുസ്തഫ(46), തൃശൂര്‍ വടക്കാഞ്ചേരി ഇല്ലിക്കോട്ടില്‍ ഇ.എച്ച്. റിന്‍ഷാദ് (28), പാലക്കാട് പട്ടാമ്പി പൊന്നോത്തുവളപ്പില്‍ പി.വി. ജംഷീര്‍ (33) എന്നിവരെ അറസ്റ്റ് ചെയ്ത് റിമാന്‍ഡ് ചെയ്തു. ‌‌‌

പ്രതികള്‍ ഉപയോഗിച്ചിരുന്ന വാഹനവും കസ്റ്റഡിയില്‍ എടുത്തു. 10 വര്‍ഷം തടവും ഒരു ലക്ഷം രൂപ വരെ പിഴയും ലഭിക്കാവുന്ന കുറ്റമാണിത്. വയനാട് എക്‌സൈസ് എന്‍ഫോഴ്‌സ്‌മെന്‍റ് ആന്‍ഡ് അന്‍റി നര്‍കോട്ടിക് സ്‌പെഷല്‍ സ്‌ക്വാഡ് എക്‌സൈസ് ഇന്‍സ്‌പെക്ടര്‍ എം.ജെ. സജിന്‍റെയും കേരള മൊബൈല്‍ ഇന്‍റര്‍വെന്‍ഷന്‍ യൂണിറ്റ് എക്‌സൈസ് ഇന്‍സ്‌പെക്ടര്‍ ബിജു പി. ഏബ്രഹാമിന്‍റെയും നേതൃത്വത്തില്‍ എക്‌സൈസ് എന്‍ഫോഴ്‌സ്‌മെന്‍റ് ആന്‍ഡ് ആന്‍റി നാര്‍ക്കോട്ടിക്‌സ് സ്‌പെഷല്‍ സ്‌ക്വാഡും തോല്‍പ്പെട്ടി എക്‌സൈസ് ചെക്ക് പോസ്റ്റ് പാര്‍ട്ടിയും കേരള മൊബൈല്‍ ഇന്‍റര്‍വെന്‍ഷന്‍ യൂണിറ്റും ചേര്‍ന്ന് നടത്തിയ പരിശോധനയിലാണ് പ്രതികള്‍ പിടിയിലായത്.

 പരിശോധനയില്‍ വയനാട് എക്‌സൈസ് എന്‍ഫോഴ്‌സ്‌മെന്‍റ് ആന്‍ഡ് അന്‍റീ നാര്‍കോട്ടിക് സ്‌പെഷല്‍ സ്‌ക്വാഡിലെ സിവില്‍ എക്‌സൈസ് ഓഫീസര്‍മാരായ എം. സുരേഷ്, ബി. സുദീപ്, സിവില്‍ എക്‌സൈസ് ഓഫീസര്‍ ഡ്രൈവര്‍ കെ. പ്രസാദ്, തോല്‍പ്പെട്ടി എക്‌സൈസ് ചെക്ക് പോസ്റ്റിലെ പ്രിവെന്‍റീവ് ഓഫീസര്‍ കെ.ഇ. ചാള്‍സ്‌കുട്ടി, സിവില്‍ എക്‌സൈസ് ഓഫീസര്‍മാരായ പി.സി. സജിത്ത്, എം.ജി. രാജേഷ്, കേരള മൊബൈല്‍ ഇന്‍റര്‍വെന്‍ഷന്‍ യുണിറ്റിലെ അസി. എക്‌സൈസ് ഇന്‍സ്‌പെക്ടര്‍ ഗ്രേഡ് എ.സി. ചന്ദ്രന്‍, സിവില്‍ എക്‌സൈസ് ഓഫീസര്‍ വി.എസ്. സുമേഷ്, സിവില്‍ എക്‌സൈസ് ഓഫീസര്‍ ഡ്രൈവര്‍ എം.എസ്. ജെനീഷ് എന്നിവര്‍ പങ്കെടുത്തു.

മ​ല​പ്പു​റം: കൊ​ണ്ടോ​ട്ടി, പാ​ണ്ടി​ക്കാ​ട് ഭാ​ഗ​ങ്ങ​ളി​ൽ എ​ക്‌​സൈ​സ് ന​ട​ത്തി​യ പ​രി​ശോ​ധ​ന​യി​ൽ മെ​ത്താം​ഫി​റ്റ​മി​നു​മാ​യി യു​വാ​വ് അ​റ​സ്റ്റി​ൽ. പു​ളി​ക്ക​ൽ ആ​ല​ക്ക​പ്പ​റ​മ്പ് സ്വ​ദേ​ശി കു​ടു​ക്കി​ൽ പു​റ്റാ​നി​ക്കാ​ട് മു​ഹ​മ്മ​ദ് മു​സ്ത​ഫ​യാ​ണ് (33) അ​റ​സ്റ്റി​ലാ​യ​ത്.

വി​ല്പ​ന​യ്ക്കാ​യി സൂ​ക്ഷി​ച്ചി​രു​ന്ന 5.539 ഗ്രാം ​മെ​ത്താം​ഫി​റ്റ​മി​ൻ, 4800 രൂ​പ, മൊ​ബൈ​ൽ ഫോ​ൺ എ​ന്നി​വ ഇ​യാ​ളി​ൽ നി​ന്ന് എ​ക്‌​സൈ​സ് സം​ഘം ക​ണ്ടെ​ടു​ത്തു. കൊ​ണ്ടോ​ട്ടി, ക​രി​പ്പൂ​ർ വി​മാ​ന​ത്താ​വ​ള പ​രി​സ​രം, എ​ട​വ​ണ്ണ​പ്പാ​റ എ​ന്നി​വി​ട​ങ്ങ​ളി​ലെ യു​വാ​ക്ക​ളെ കേ​ന്ദ്രീ​ക​രി​ച്ച് രാ​സ​ല​ഹ​രി വി​ത​ര​ണം ചെ​യ്യു​ന്ന സം​ഘ​ത്തി​ലെ പ്ര​ധാ​നി​യാ​ണ് മു​സ്ത​ഫ​യെ​ന്ന് എ​ക്‌​സൈ​സ് ഉ​ദ്യോ​ഗ​സ്ഥ​ർ വ്യ​ക്ത​മാ​ക്കി.

മു​സ്ത​ഫ​യു​ടെ വി​ശ്വ​സ്ത​രാ​യ കൂ​ട്ടാ​ളി​ക​ളെ​ക്കു​റി​ച്ച് കൃ​ത്യ​മാ​യ വി​വ​ര​ങ്ങ​ൾ ല​ഭി​ച്ചി​ട്ടു​ണ്ടെ​ന്നും ഇ​വ​രെ ഉ​ട​ൻ പി​ടി​കൂ​ടു​മെ​ന്നും എ​ക്‌​സൈ​സ് അ​റി​യി​ച്ചു. പി​ടി​യി​ലാ​യ പ്ര​തി​യെ മ​ല​പ്പു​റം ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്‌​ട്രേ​റ്റ് കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. അ​സി​സ്റ്റ​ന്‍റ് എ​ക്‌​സൈ​സ് ഇ​ൻ​സ്‌​പെ​ക്ട​ർ​മാ​രാ​യ ടി. ​ദി​നേ​ശ​ൻ, ടി. ​സ​ന്തോ​ഷ്, ഇ​ന്‍റ​ലി​ജ​ൻ​സ് പ്രി​വ​ന്‍റീ​വ് ഓ​ഫീ​സ​ർ പ്ര​മോ​ദ് ദാ​സ് എ​ന്നി​വ​ര​ട​ങ്ങു​ന്ന സം​ഘ​മാ​ണ് ഈ ​ല​ഹ​രി​വേ​ട്ട​യ്ക്ക് നേ​തൃ​ത്വം ന​ൽ​കി​യ​ത്.

സുല്‍ത്താന്‍ ബത്തേരി: 63.957 ഗ്രാം മെത്താംഫിറ്റാമിനുമായി യുവാവ് പിടിയില്‍. കാസര്‍ഗോഡ് മഞ്ചേശ്വരം ഇടനാട് സീത്താന്‍ഗോളി വികാസ് നഗര്‍ മുഹമ്മദ് സുമൈറിനെയാണ്(28)എക്‌സൈസ് ഉദ്യോഗസ്ഥര്‍ അറസ്റ്റുചെയ്തത്.

കഴിഞ്ഞ ദിവസം പൊന്‍കുഴിയില്‍ വാഹന പരിശോധനയിലാണ് ലഹരിവസ്തു കണ്ടെത്തിയത്. ചെന്നൈയില്‍നിന്നു കോഴിക്കോട്ടേക്ക് വരികയായിരുന്ന സ്വകാര്യ ബസിലെ യാത്രക്കാരനായിരുന്നു മുഹമ്മദ് സുമൈര്‍.

എക്‌സൈസ് ഇന്‍സ്‌പെക്ടര്‍ കെ. വൈശാഖ്, അസി. ഇന്‍സ്‌പെക്ടര്‍മാരായ(ഗ്രേഡ്) സുരേഷ് വെങ്ങാലിക്കുന്നേല്‍, സി.വി. ഹരിദാസ്, പ്രിവന്‍റീവ് ഓഫീസര്‍മാരായ പി. കൃഷ്ണന്‍കുട്ടി, എ.എസ്. അനീഷ്, പി.ആര്‍. വിനോദ്, ടി.ഇ. ചാള്‍സ്‌കുട്ടി, സിവില്‍ എക്‌സൈസ് ഓഫീസര്‍മാരായ കെ.ആര്‍. ധന്വന്ത്, കെ.യു. മുഹമ്മദ് നിഷാദ്, എസ്. ആദിത്യന്‍, വനിതാ സിവില്‍ എക്‌സൈസ് ഓഫീസര്‍ വി.കെ. അശ്വതി, സിവില്‍ എക്‌സൈസ് ഓഫീസര്‍ ഡ്രൈവര്‍ അനു പ്രസാദ് എന്നിവരടങ്ങുന്ന സംഘമാണ് ബസ് പരിശോധിച്ചത്.

ബംഗളൂരുവില്‍നിന്നു എറണാകുളം ഭാഗത്തേക്ക് മയക്കുമരുന്ന് കടത്തുന്ന സംഘത്തിലെ കണ്ണിയാണ് പിടിയിലായതെന്ന് എക്‌സൈസ് ഇന്‍സ്‌പെക്ടര്‍ പറഞ്ഞു. പിടിച്ചെടുത്ത മയക്കുമരുന്നിനു രഹസ്യ വിപണിയില്‍ നാലുലക്ഷം രൂപ വില മതിക്കും. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

കൊല്ലം: ശാ​സ്താം​കോ​ട്ട​യി​ൽ ക​ഞ്ചാ​വും മെ​ത്താം​ഫെറ്റ​മി​നു​മാ​യി മൂ​ന്ന് പേ​രെ അ​റ​സ്റ്റ് ചെ​യ്തു. മു​ൻ കാ​പ്പ കേ​സി​ലെ പ്ര​തി കൂ​ടി ആ​യ റ​മീ​സ്, ഇ​യാ​ളു​ടെ കൂ​ട്ടാ​ളി​ക​ളാ​യ അ​ജ്മ​ൽ ഷാ, ​ബി​ലാ​ൽ എ​ന്നി​വ​രാ​ണ് അറസ്റ്റിലായത്.

ശാ​സ്താം​കോ​ട്ട എ​ക്സൈ​സ് റേ​ഞ്ച് ഇ​ൻ​സ്പെ​ക്ട​ർ അ​ബ്ദു​ൾ വ​ഹാ​ബും സം​ഘ​വും ന​ട​ത്തി​യ പ​രി​ശോ​ധ​ന​യി​ലാ​ണ് ക​ഞ്ചാ​വും മെ​ത്താം​ഫെറ്റ​മി​നും കണ്ടെത്തിയത്. അഞ്ച് ഗ്രാം മെത്താംഫെറ്റമിനും 45 ഗ്രാം ​ക​ഞ്ചാ​വും ആയാണ് പ്ര​തി​ക​ൾ പി​ടി​യി​ലാ​യ​ത്.

പ്രി​വ​ന്‍റീവ് ഓ​ഫീ​സ​ർ​മാ​രാ​യ ടി.എസ്. അനീഷ്, സന്തോഷ്, പ്രി​വ​ന്‍റീവ് ഓ​ഫീ​സ​ർ(​ഗ്രേ​ഡ്) വി​ജു, സി​വി​ൽ എ​ക്സൈ​സ് ഓ​ഫീ​സ​ർ​മാ​രാ​യ സു​ജി​ത് കു​മാ​ർ, നി​ഷാ​ദ്, വി​ഷ്ണു, അ​തു​ൽ, ജി​യോ, വ​നി​ത സി​വി​ൽ എ​ക്സൈ​സ് ഓ​ഫീ​സ​ർ ഷി​ബി എ​ന്നി​വരാണ് പരിശോധനാ സംഘത്തിലുണ്ടായിരുന്നത്.

കോ​ഴി​ക്കോ​ട്: ബം​ഗ​ളൂ​രു​വി​ൽ നി​ന്ന് ല​ഹ​രി മ​രു​ന്നു​ക​ളു​മാ​യെ​ത്തി​യ ര​ണ്ട് യു​വാ​ക്ക​ൾ ഡാ​ൻ​സാ​ഫ് സം​ഘ​ത്തി​ന്‍റെ പി​ടി​യി​ൽ. കോ​ഴി​ക്കോ​ട് കു​ണ്ടു​ങ്ങ​ല്‍ സ്വ​ദേ​ശി മു​ഹ​മ്മ​ദ് സ​ഹ​ദ്, തി​രു​വ​ണ്ണൂ​ര്‍ സ്വ​ദേ​ശി ഇ​ര്‍​ഫാ​ന്‍ എ​ന്നി​വ​രാ​ണ് പി​ടി​യി​ലാ​യ​ത്.

പ്ര​തി​ക​ളി​ൽ‌ നി​ന്ന് വാ​ട്ട​ർ ഹീ​റ്റ​റി​ൽ‌ ഒ​ളി​പ്പി​ച്ച നി​ല​യി​ൽ 250 ഗ്രാം ​എം​ഡി​എം​എ, 99 എ​ല്‍​എ​സ്ഡി സ്റ്റാ​മ്പ്, 44ഗ്രാം ​എ​ക്സ്റ്റ​സി ടാ​ബ്ല​റ്റ് എ​ന്നി​വ പി​ടി​ച്ചെ​ടു​ത്തു. ബം​ഗ​ളൂ​രു-​കോ​ഴി​ക്കോ​ട് സ​ർ​വീ​സ് ന​ട​ത്തു​ന്ന ടൂ​റി​സ്റ്റ് ബ​സി​ലാ​ണ് പ്ര​തി​ക​ൾ ല​ഹ​രി വ​സ്തു​ക്ക​ളു​മാ​യെ​ത്തി​യ​ത്.

ഹീ​റ്റ​റി​ന്‍റെ സ്റ്റീ​ല്‍ ടാ​ങ്കി​നു​ള്ളി​ല്‍ ഇ​ന്‍​സു​ലേ​ഷ​ന്‍ ടേ​പ്പ് ചു​റ്റി ഒ​ളി​പ്പി​ച്ച നി​ല​യി​ല്‍ ല​ഹ​രി മ​രു​ന്ന്. ബം​ഗ​ളൂ​രു​വി​ല്‍ നി​ന്നും വ​ലി​യ തോ​തി​ല്‍ ല​ഹ​രി മ​രു​ന്നെ​ത്തി​ച്ച് വി​ത​ര​ണം ചെ​യ്യു​ന്ന​താ​ണ് പ്ര​തി​ക​ളു​ടെ രീ​തി. സം​ഭ​വ​ത്തി​ൽ വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ടെ​ന്ന് പോ​ലീ​സ് അ​റി​യി​ച്ചു.