Sun, 22 November 2026
Facebook X Instagram Youtube
Deepika
Deepika
E-Paper
ad

ADVERTISEMENT

Filter By Tag : Mickeysbirthday

'സ്റ്റീം​ബോ​ട്ട് വി​ല്ലി'​ക്ക് 98 വ​യ​സ്; ചൂ​ളം​വി​ളി​ച്ചെ​ത്തി ലോ​ക​ത്തി​ന്‍റെ ഹൃ​ദ​യം കീ​ഴ​ട​ക്കി​യ മി​ക്കി മൗ​സ്!

1928 ന​വം​ബ​ർ 18, ന്യൂ​യോ​ർ​ക്കി​ലെ പ്ര​ശ​സ്ത​മാ​യ ബ്രോ​ഡ്‌​വേ​യി​ലെ 'കോ​ള​നി തി​യ​റ്റ​റി​ലേ​ക്ക്' അ​ന്ന് വൈ​കു​ന്നേ​രം ക​ട​ന്നു​വ​ന്ന പ്രേ​ക്ഷ​ക​ർ തി​ര​ശീ​ല​യി​ൽ പ്ര​തീ​ക്ഷി​ച്ച​ത് 'ഗാം​ഗ് വാ​ർ' എ​ന്ന ക്രൈം ​ഡ്രാ​മ സി​നി​മ​യാ​യി​രു​ന്നു. എ​ന്നാ​ൽ, പ്ര​ധാ​ന സി​നി​മ​യ്ക്ക് മു​ന്നോ​ടി​യാ​യി പ്ര​ദ​ർ​ശി​പ്പി​ച്ച വെ​റും ഏ​ഴ് മി​നി​റ്റും 47 സെ​ക്ക​ൻ​ഡും മാ​ത്രം ദൈ​ർ​ഘ്യ​മു​ള്ള ഒ​രു ബ്ലാ​ക്ക് ആ​ൻ​ഡ് വൈ​റ്റ് കാ​ർ​ട്ടൂ​ൺ അ​വി​ടെ കൂ​ടി​യി​രു​ന്ന​വ​രു​ടെ മാ​ത്ര​മ​ല്ല, ലോ​ക സി​നി​മ​യു​ടെ ത​ന്നെ ച​രി​ത്രം തി​രു​ത്തി​ക്കു​റി​ച്ചു.

ഒ​രു ആ​വി​ക്ക​പ്പ​ലി​ന്‍റെ വ​ള​യം പി​ടി​ച്ച്, സ​ന്തോ​ഷ​ത്തോ​ടെ ചൂ​ളം​വി​ളി​ച്ചെ​ത്തി​യ ആ ​കു​ഞ്ഞ​ൻ എ​ലി മി​ക്കി മൗ​സ്, പ്രേ​ക്ഷ​ക​രെ അ​ക്ഷ​രാ​ർ​ഥ​ത്തി​ൽ വി​സ്മ​യി​പ്പി​ച്ചു. തി​ര​ശീ​ല​യി​ലെ ച​ല​ന​ങ്ങ​ൾ​ക്കൊ​ത്ത് കൃ​ത്യ​മാ​യി മു​ഴ​ങ്ങി​യ സം​ഗീ​ത​വും ശ​ബ്ദ​ങ്ങ​ളും ക​ണ്ടും കേ​ട്ടും തി​യ​റ്റ​ർ ഇ​ള​കി​മ​റി​ഞ്ഞു. ആ​നി​മേ​ഷ​ൻ ലോ​ക​ത്തെ നി​ശ​ബ്ദ​ത​യു​ടെ യു​ഗ​ത്തി​ന് അ​ന്ത്യം കു​റി​ച്ച 'സ്റ്റീം​ബോ​ട്ട് വി​ല്ലി' എ​ന്ന വി​പ്ല​വ​ത്തി​ന്‍റെ ഉ​ദ​യ​മാ​യി​രു​ന്നു അ​ത്.

ഇ​ന്ന് 98 വ​ർ​ഷ​ങ്ങ​ൾ​ക്കി​പ്പു​റ​വും, 1928 ന​വം​ബ​ർ 18 മി​ക്കി മൗ​സി​ന്‍റെ ഔ​ദ്യോ​ഗി​ക ജ​ന്മ​ദി​ന​മാ​യി ലോ​ക​മെ​മ്പാ​ടു​മു​ള്ള ആ​രാ​ധ​ക​ർ ആ​ഘോ​ഷി​ക്കു​ന്നു. ഒ​രു സാ​ധാ​ര​ണ​ക്കാ​ര​ന്‍റെ തോ​ൽ​ക്കാ​ൻ മ​ന​സ്സി​ല്ലാ​ത്ത പോ​രാ​ട്ട​വീ​ര്യ​ത്തി​ന്‍റെ​യും, സ​ർ​ഗ്ഗാ​ത്മ​ക​ത​യു​ടെ​യും എ​ക്കാ​ല​ത്തെ​യും വ​ലി​യ പ്ര​തീ​ക​മാ​യി 'സ്റ്റീം​ബോ​ട്ട് വി​ല്ലി' ഇ​ന്നും സി​നി​മ​യു​ടെ ച​രി​ത്ര​ത്തി​ൽ തി​ള​ങ്ങി​നി​ൽ​ക്കു​ന്നു.

ത​ക​ർ​ച്ച​യു​ടെ പ​ടു​കു​ഴി​യി​ൽ നി​ന്ന് പി​റ​ന്ന സ്വ​പ്നം

മി​ക്കി മൗ​സി​ന്‍റെ​യും 'സ്റ്റീം​ബോ​ട്ട് വി​ല്ലി'​യു​ടെ​യും പി​റ​വി​ക്ക് പി​ന്നി​ൽ വാ​ൾ​ട്ട് ഡി​സ്‌​നി എ​ന്ന 26-കാ​ര​ന്‍റെ ത​ള​രാ​ത്ത പോ​രാ​ട്ട​വീ​ര്യ​ത്തി​ന്‍റെ ക​ഥ​യു​ണ്ട്. 1928-ന്‍റെ തു​ട​ക്ക​ത്തി​ൽ വാ​ൾ​ട്ട് ഡി​സ്‌​നി ത​ന്‍റെ ക​രി​യ​റി​ലെ ഏ​റ്റ​വും വ​ലി​യ പ്ര​തി​സ​ന്ധി​യി​ലൂ​ടെ​യാ​യി​രു​ന്നു ക​ട​ന്നു​പോ​യി​രു​ന്ന​ത്. അ​ക്കാ​ല​ത്ത് അ​ദ്ദേ​ഹം സൃ​ഷ്ടി​ച്ച് വ​ലി​യ വി​ജ​യ​മാ​ക്കി മാ​റ്റി​യ 'ഓ​സ്‌​വാ​ൾ​ഡ് ദി ​ല​ക്കി റാ​ബി​റ്റ്' എ​ന്ന കാ​ർ​ട്ടൂ​ൺ ക​ഥാ​പാ​ത്ര​ത്തി​ന്‍റെ ഉ​ട​മ​സ്ഥാ​വ​കാ​ശം വി​ത​ര​ണ​ക്കാ​ര​നാ​യ ചാ​ൾ​സ് മി​ന്‍റ്സ് ത​ട്ടി​യെ​ടു​ത്തു. ഡി​സ്‌​നി​യു​ടെ സ്റ്റു​ഡി​യോ​യി​ലെ മി​ക്ക ആ​നി​മേ​റ്റ​ർ​മാ​രെ​യും മി​ന്‍റ്സ് ത​ന്‍റെ കൂ​ടെ കൂ​ട്ടി.

ക​യ്യി​ൽ പ​ണ​മി​ല്ല, സ്വ​ന്ത​മാ​യി ഒ​രു ക​ഥാ​പാ​ത്ര​മി​ല്ല, വി​ശ്വ​സി​ച്ച​വ​ർ പോ​ലും കൈ​വി​ട്ടു, എ​ല്ലാം ന​ഷ്ട​പ്പെ​ട്ട് ന്യൂ​യോ​ർ​ക്കി​ൽ നി​ന്ന് കാ​ലി​ഫോ​ർ​ണി​യ​യി​ലേ​ക്കു​ള്ള തീ​വ​ണ്ടി യാ​ത്ര​യി​ലി​രി​ക്കു​മ്പോ​ഴാ​ണ് വാ​ൾ​ട്ട് ഡി​സ്‌​നി​യു​ടെ മ​ന​സി​ൽ പു​തി​യൊ​രു രൂ​പം തെ​ളി​യു​ന്ന​ത്. വ​ലി​യ വ​ട്ട​ച്ചെ​വി​ക​ളും, നീ​ള​ൻ വാ​ലും, കു​റു​മ്പു​നി​റ​ഞ്ഞ ക​ണ്ണു​ക​ളു​മു​ള്ള ഒ​രു എ​ലി​ക്കു​ഞ്ഞ്! ആ​ദ്യം 'മോ​ർ​ട്ടി​മ​ർ' എ​ന്നാ​ണ് പേ​രി​ടാ​ൻ ഉ​ദ്ദേ​ശി​ച്ച​തെ​ങ്കി​ലും, ഭാ​ര്യ ലി​ലി​യ​ന്‍റെ നി​ർ​ദ്ദേ​ശ​പ്ര​കാ​രം ആ ​പേ​ര് മാ​റ്റി 'മി​ക്കി മൗ​സ്' എ​ന്നാ​ക്കി.

ര​ഹ​സ്യ​മു​റി​യി​ലെ രാ​ത്രി​കാ​ല പ​രീ​ക്ഷ​ണ​ങ്ങ​ൾ

ത​ന്നെ വി​ട്ടു​പോ​കാ​തെ കൂ​ടെ​നി​ന്ന ചീ​ഫ് ആ​നി​മേ​റ്റ​ർ ഉ​ബ് ഐ​വ​ർ​ക്സി​നൊ​പ്പം ചേ​ർ​ന്നാ​ണ് ഡി​സ്‌​നി മി​ക്കി മൗ​സി​ന് ജീ​വ​ൻ ന​ൽ​കി​യ​ത്. മ​റ്റു ജീ​വ​ന​ക്കാ​ർ അ​റി​യാ​തെ, രാ​ത്രി​കാ​ല​ങ്ങ​ളി​ൽ സ്റ്റു​ഡി​യോ​യു​ടെ ഒ​രു ര​ഹ​സ്യ മു​റി​യി​ലി​രു​ന്നാ​യി​രു​ന്നു ഇ​വ​രു​ടെ ജോ​ലി. ഉ​ബ് ഐ​വ​ർ​ക്സ് ഒ​രു ദി​വ​സം ഏ​ക​ദേ​ശം 700 ചി​ത്ര​ങ്ങ​ൾ വ​രെ വ​ര​ച്ചു​തീ​ർ​ത്തു.

ആ​ദ്യം 'പ്ലെ​യി​ൻ ക്ര​സി', 'ദി ​ഗാ​ലോ​പി​ൻ ഗൗ​ച്ചോ' എ​ന്നീ ര​ണ്ട് നി​ശ​ബ്ദ ചി​ത്ര​ങ്ങ​ളാ​ണ് ഇ​വ​ർ നി​ർ​മി​ച്ച​ത്. എ​ന്നാ​ൽ അ​വ​യ്ക്ക് വി​ത​ര​ണ​ക്കാ​രെ ല​ഭി​ച്ചി​ല്ല. 1927ൽ ​പു​റ​ത്തി​റ​ങ്ങി​യ 'ദി ​ജാ​സ് സിം​ഗ​ർ' എ​ന്ന ചി​ത്ര​ത്തി​ലൂ​ടെ സി​നി​മ​യി​ൽ ശ​ബ്ദ​വി​പ്ല​വം തു​ട​ങ്ങി​ക്ക​ഴി​ഞ്ഞി​രു​ന്നു. കാ​ർ​ട്ടൂ​ണു​ക​ളി​ലും ശ​ബ്ദം കൊ​ണ്ടു​വ​ന്നാ​ൽ എ​ങ്ങ​നെ​യു​ണ്ടാ​കും എ​ന്ന് ചി​ന്തി​ച്ച ഡി​സ്‌​നി, ത​ന്‍റെ മൂ​ന്നാ​മ​ത്തെ ചി​ത്ര​മാ​യ 'സ്റ്റീം​ബോ​ട്ട് വി​ല്ലി'​യി​ൽ അ​ത് പ​രീ​ക്ഷി​ക്കാ​ൻ ഉ​റ​പ്പി​ച്ചു.

ശ​ബ്ദ​വും ച​ല​ന​വും ഒ​ന്നി​ച്ച മാ​ന്ത്രി​ക​ത

അ​ക്കാ​ല​ത്ത് കാ​ർ​ട്ടൂ​ണു​ക​ളി​ൽ ശ​ബ്ദം കൃ​ത്യ​മാ​യി സ​മ​ന്വ​യി​പ്പി​ക്കു​ക എ​ന്ന​ത് അ​സാ​ധ്യ​മാ​യ കാ​ര്യ​മാ​യാ​ണ് സി​നി​മാ ലോ​കം ക​രു​തി​യി​രു​ന്ന​ത്. എ​ന്നാ​ൽ ഡി​സ്‌​നി​യും സം​ഘ​വും അ​തൊ​രു വെ​ല്ലു​വി​ളി​യാ​യി ഏ​റ്റെ​ടു​ത്തു. ഓ​ർ​ക്ക​സ്ട്ര​യു​ടെ താ​ള​ത്തി​നൊ​ത്ത് ചി​ത്ര​ങ്ങ​ൾ വ​ര​യ്ക്കാ​ൻ 'ക്ലി​ക്ക് ട്രാ​ക്ക്' എ​ന്ന നൂ​ത​ന വി​ദ്യ അ​വ​ർ ഉ​പ​യോ​ഗി​ച്ചു.

ന​ദി​യി​ലൂ​ടെ സ​ഞ്ച​രി​ക്കു​ന്ന 'സ്റ്റീം​ബോ​ട്ട് വി​ല്ലി' എ​ന്ന ക​പ്പ​ലി​ലെ ജോ​ലി​ക്കാ​ര​നാ​ണ് മി​ക്കി. ക്രൂ​ര​നാ​യ ക്യാ​പ്റ്റ​ൻ പീ​റ്റി​ന്‍റെ ന ​ക​ണ്ണ് വെ​ട്ടി​ച്ച് ക​പ്പ​ലി​ന്‍റെ വ​ള​യം തി​രി​ക്കു​ന്ന​തും, ക​പ്പ​ലി​ലേ​ക്ക് ഓ​ടി​ക്ക​യ​റു​ന്ന മി​ന്നി മൗ​സി​നെ സ​ന്തോ​ഷി​പ്പി​ക്കാ​ൻ ക​പ്പ​ലി​ലെ പാ​ത്ര​ങ്ങ​ളും, പ​ശു​വി​ന്‍റെ പ​ല്ലു​ക​ളും, താ​റാ​വു​ക​ളെ​യു​മെ​ല്ലാം സം​ഗീ​തോ​പ​ക​ര​ണ​ങ്ങ​ളാ​ക്കി പ്ര​ശ​സ്ത​മാ​യ 'ട​ർ​ക്കി ഇ​ൻ ദി ​സ്ട്രാ' എ​ന്ന നാ​ടോ​ടി സം​ഗീ​തം വാ​യി​ക്കു​ന്ന​തു​മാ​യി​രു​ന്നു ക​ഥ. മി​ക്കി മൗ​സി​ന്‍റെ ചൂ​ളം​വി​ളി​ക്കും, ഓ​രോ ച​ല​ന​ത്തി​നും കൃ​ത്യ​മാ​യി ശ​ബ്ദം ന​ൽ​കി​യ​ത് വാ​ൾ​ട്ട് ഡി​സ്‌​നി ത​ന്നെ​യാ​യി​രു​ന്നു.

ഒ​റ്റ​രാ​ത്രി​കൊ​ണ്ട് പി​റ​ന്ന ആ​ഗോ​ള താ​രം

1928 ന​വം​ബ​ർ 18ന് ​കോ​ള​നി തി​യ​റ്റ​റി​ൽ 'സ്റ്റീം​ബോ​ട്ട് വി​ല്ലി' പ്ര​ദ​ർ​ശി​പ്പി​ച്ച​പ്പോ​ൾ ഉ​ണ്ടാ​യ പ്ര​തി​ക​ര​ണം അ​വി​ശ്വ​സ​നീ​യ​മാ​യി​രു​ന്നു. തി​ര​ശീ​ല​യി​ൽ മി​ക്കി മൗ​സ് ചൂ​ളം വി​ളി​ച്ച​പ്പോ​ഴും, ഓ​രോ ച​ല​ന​ത്തി​നൊ​ത്ത് സം​ഗീ​തം മു​ഴ​ങ്ങി​യ​പ്പോ​ഴും പ്രേ​ക്ഷ​ക​ർ ആ​ർ​പ്പു​വി​ളി​ക്കു​ക​യും കൈ​യ്യ​ടി​ക്കു​ക​യും ചെ​യ്തു. പ്ര​ധാ​ന സി​നി​മ കാ​ണാ​ൻ വ​ന്ന​വ​ർ പോ​ലും മി​ക്കി മൗ​സി​ന്‍റെ പ്ര​ക​ട​നം ക​ണ്ട് അ​മ്പ​ര​ന്നു.

ഒ​റ്റ​രാ​ത്രി​കൊ​ണ്ട് മി​ക്കി മൗ​സ് ഒ​രു ആ​ഗോ​ള താ​ര​മാ​യി മാ​റി. ത​ക​ർ​ച്ച​യു​ടെ വ​ക്കി​ലാ​യി​രു​ന്ന വാ​ൾ​ട്ട് ഡി​സ്‌​നി സ്റ്റു​ഡി​യോ ലോ​ക​ത്തി​ലെ ഏ​റ്റ​വും വ​ലി​യ വി​നോ​ദ​സാ​മ്രാ​ജ്യ​മാ​യി വ​ള​ർ​ന്ന​തി​ന്‍റെ തു​ട​ക്കം അ​വി​ടെ​നി​ന്നാ​യി​രു​ന്നു. 2024 ജ​നു​വ​രി 1 മു​ത​ൽ 'സ്റ്റീം​ബോ​ട്ട് വി​ല്ലി'​യും അ​തി​ലെ ആ​ദ്യ​കാ​ല മി​ക്കി മൗ​സ് രൂ​പ​വും പ​ബ്ലി​ക് ഡൊ​മെ​യ്നി​ൽ ഉ​ൾ​പ്പെ​ടു​ത്ത​പ്പെ​ട്ട​തോ​ടെ, ആ ​ച​രി​ത്ര​സൃ​ഷ്ടി ഇ​പ്പോ​ൾ ലോ​ക​ത്തി​ന് മു​ഴു​വ​ൻ സ്വ​ന്ത​മാ​ണ്.

 

Latest News

Corehub Up