ചേര്ത്തല: താലൂക്ക് ആശുപത്രി ജംഗ്ഷനില് വാഹനാപകടങ്ങള് പതിവാകുന്നു. തിരക്കേറിയ ജംഗ്ഷനില് നിത്യേന നിരവധി അപകടങ്ങളാണ് സംഭവിക്കുന്നത്. ചൊവാഴ്ച രാവിലെ എട്ടോടെ ഒട്ടോറിക്ഷയും മിനിവാനും കൂട്ടിയിടിച്ച് ഓട്ടോറിക്ഷ ഡ്രൈവര്ക്ക് ഗുരുതരമായി പരിക്കേറ്റു. അപകടത്തില് ഓട്ടോറിക്ഷയില് യാത്ര ചെയ്യുകയായിരുന്ന മൂന്നു യാത്രക്കാര്ക്കും പരിക്കേറ്റിട്ടുണ്ട്.
താലൂക്ക് ആശുപത്രിയില്നിന്നും യാത്രക്കാരെയും കൊണ്ടുപോയ ഓട്ടോറിക്ഷയാണ് അപകടത്തില്പ്പെട്ടത്. അപകടങ്ങള് പതിവായതോടെ ജംഗ്ഷനില് വാഹനങ്ങളുടെ വേഗത നിയന്ത്രിക്കുന്നതിനുള്ള ഡിവൈഡറുകള് റോഡുകളില് സ്ഥാപിക്കണമെന്നാവശ്യം ശക്തമാണ്.