ന്യൂഡൽഹി: സൗത്ത് ഡൽഹിയിലുള്ള ഓഖ്ലയിലെ ഇൻഡസ്ട്രിയൽ എസ്റ്റേറ്റ് ഫേസ് ഒന്നിൽ ഫെഡറൽ ബാങ്കിന്റെ പുതിയ ബ്രാഞ്ച് പ്രവർത്തനമാരംഭിച്ചു. ഓഖ്ല ഇൻഡസ്ട്രീസ് അസോസിയേഷൻ പ്രസിഡന്റ് സുനിൽ മൽഹോത്രയാണ് ബ്രാഞ്ച് ഉദ്ഘാടനം ചെയ്തത്.
ആധുനിക സാങ്കേതികവിദ്യയുടെ സഹായത്തോടെയുള്ള നൂതന ബാങ്കിംഗ് സേവനങ്ങൾ വിപുലീകരിക്കുന്നതിന്റെ ഭാഗമായാണു ബ്രാഞ്ച് ആരംഭിച്ചത്. ഫെഡറൽ ബാങ്ക് ഡൽഹി സോണൽ മേധാവിയും വൈസ് പ്രസിഡന്റുമായ ആർ. വിനോദ് കുമാർ അധ്യക്ഷത വഹിച്ചു.
ഡൽഹി ഓഖ്ല പ്രിന്റിംഗ് പ്രസ് അസോസിയേഷൻ പ്രസിഡന്റ് വിനയ് ബവേജ സ്ട്രോംഗ് റൂമിന്റെയും ഓഖ്ല ഇൻഡസ്ട്രീസ് അസോസിയേഷൻ ജനറൽ സെക്രട്ടറി വൈ.സി. ജെയിൻ എടിഎം കം സിഡിഎമ്മിന്റെയും ഉദ്ഘാടനം നിർവഹിച്ചു.
ഉദ്ഘാടനച്ചടങ്ങിൽ ഓഖ്ല ഇൻഡസ്ട്രീസ് അസോസിയേഷൻ സീനിയർ വൈസ് പ്രസിഡന്റ് ഹർഷ്പാൽ എസ്. സാഹ്നി, ഓർഗനൈസിംഗ് സെക്രട്ടറി ജുഗേഷ് അറോറ, കണ്സോൾ ഇൻഡസ്ട്രീസ് എംഡി അഗസ്റ്റിൻ അന്പാട്ട് ജോസഫ്, ഫെഡറൽ ബാങ്ക് ഡൽഹി റീജണൽ മേധാവിയും ഡെപ്യൂട്ടി വൈസ് പ്രസിഡന്റുമായ സണ്ണി ദഹൂജ തുടങ്ങിയവരുൾപ്പെടെ നിരവധി പേർ പങ്കെടുത്തു.
Deepika
E-paper LOGIN
LOGIN
