19

വി​ഴി​ഞ്ഞം: കോ​വ​ള​ത്തി​ലെ എ​ൽ​ഡി​എ​ഫ്, ബി​ജെ​പി സ്ഥാ​നാ​ർ​ഥിക​ൾ നാ​മ​നി​ർ​ദേശ​പ​ത്രിക സ​മ​ർ​പ്പ​ണ​ത്തി​ന്‍റെ തി​ര​ക്കി​ലാ​യ​പ്പോ​ൾ കോ​ൺ​ഗ്ര​സ് സ്ഥാ​നാ​ർ​ഥി അ​ഡ്വ എം. ​വി​ൻ​സന്‍റ് ക​ട​ലി​ന്‍റെ മ​ക്ക​ളോ​ട് വോ​ട്ട് ചോ​ദി​ക്കു​ന്ന തി​ര​ക്കി​ലാ​യി​രു​ന്നു.

ഇ​ന്ന​ലെ രാ​വി​ലെ മു​ത​ൽ അ​ടി​മ​ല​ത്തു​റ, പു​ല്ലു​വി​ള, ക​രിം​കു​ളം, പൂ​വാ​ർ ഉ​ൾ​പ്പെ​ടെ​യു​ള്ള ക​ട​ലോ​ര മേ​ഖ​ല​യി​ലെ മ​ത്സ്യ​മാ​ർ​ക്ക​റ്റു​ക​ളി​ലും, ച​ന്ത​ക​ളി​ലും, ജം​ഗ​ഷ​നു​ക​ളും ന​ട​ന്ന വോ​ട്ടു പി​ടി​ത്ത​ത്തി​നു ശേ​ഷം വീ​ടു​ക​ൾ ക​യ​റി വോ​ട്ട​ർ​മാ​രെ കാ​ണാ​നും വി​ൻ​സന്‍റ് സ​മ​യം ചി​ല​വ​ഴി​ച്ചു. നൂ​റു ക​ണ​ക്കി​ന് പ്ര​വ​ർ​ത്ത​ക​രെ പ​ങ്കെ​ടു​പ്പി​ച്ചു​ള്ള ബാ​ല​രാ​മ​പു​രം, കാ​ഞ്ഞി​രം​കു​ളം മ​ണ്ഡ​ലം ക​ൺ​വൻ​ഷ​നും ന​ട​ത്തി. നി​ര​വ​ധി നേ​താ​ക്ക​ളു​ടെ അ​ക​മ്പ​ടി​യി​ൽ എ​ത്തി​യ ഇ​ട​തു​പ​ക്ഷ​ത്തി​ന്‍റെ ഭ​ഗ​ത് റൂ​ഫ​സ് ജി​ല്ലാ പ്ലാ​നിം​ഗ് ഓ​ഫീ​സ​ർ​ക്ക് മു​ൻ​പാ​കെ നാ​മ​നി​ർ​ദേ​ശ​പ​ത്രി​ക സ​മ​ർ​പ്പി​ച്ചു.

പ്ര​മു​ഖ നേ​താ​ക്ക​ളെക്ക​ണ്ട് അ​നു​ഗ്ര​ഹം വാ​ങ്ങി​യശേ​ഷം അ​യ്യ​ൻ​കാ​ളി സ്മൃ​തിമ​ണ്ഡ​പം, ഗു​രു​മ​ന്ദി​രം, എ​ൻ​എ​സ്എസ് താ​ലൂ​ക്ക് യൂ​ണി​യ​ൻ ആ​സ്ഥാ​നം, കു​ഞ്ഞു​കൃ​ഷ്ണ​ൻ നാ​ടാ​ർ സ്മൃ​തി എ​ന്നി​വിടങ്ങൾ സ​ന്ദ​ർ​ശി​ച്ചശേ​ഷ​മാ​ണ് ബി​ജെ​പി സ്ഥാ​നാ​ർ​ഥി ടി.​എ​ൻ സു​രേ​ഷി​ന്‍റെ നാ​മ​നി​ർ​ദ്ദേ​ശ​പ​ത്രി​ക സ​മ​ർ​പ്പ​ണം.​ വൈ​കു​ന്നേ​രം പ്ര​ധാ​ന ജം​ഗ​്ഷ​നു​ക​ളി​ൽ എ​ത്തി വോ​ട്ട​ഭ്യ​ർഥന​യും ന​ട​ത്തി.