22

മ​നു​ഷ്യ​ൻ ഭാ​ഷ ക​ണ്ടു​പി​ടി​ക്കു​ന്ന​തി​നും എ​ത്ര​യോ മു​മ്പേ സ്വ​ന്ത​മാ​ക്കി​യ ഒ​ന്നാ​ണ് ക​ഥ​പ​റ​ച്ചി​ൽ. ഇ​രു​ണ്ട ഗു​ഹ​ക​ളു​ടെ ക​രി​പി​ടി​ച്ച ചു​മ​രു​ക​ളി​ൽ വേ​ട്ട​യാ​ടി​പ്പി​ടി​ച്ച മൃ​ഗ​ങ്ങ​ളു​ടെ ചോ​ര​ച്ചു​വ​പ്പു​കൊ​ണ്ട് വ​ര​ച്ച ആ​ദ്യ​ത്തെ ചി​ത്ര​ത്തി​ൽ​നി​ന്നാ​ണ് മാ​ന​വ​സം​സ്കാ​ര​ത്തി​ന്‍റെ വി​ഷ്വ​ൽ ച​രി​ത്രം ആ​രം​ഭി​ക്കു​ന്ന​ത്. കാ​ല​ങ്ങ​ൾ ക​ട​ന്നു​പോ​യ​പ്പോ​ൾ കാ​ൻ​വാ​സു​ക​ളാ​യും ചി​ത്ര​ച്ചു​മ​രു​ക​ളാ​യും കോ​മി​ക് പു​സ്ത​ക​ങ്ങ​ളാ​യും ഒ​ടു​വി​ൽ വെ​ള്ളി​ത്തി​ര​യി​ലെ വ​ർ​ണ​ക്കാ​ഴ്ച​ക​ളാ​യും ആ ​ക​ഥ​പ​റ​ച്ചി​ൽ ശാ​ഖ​ക​ൾ വീ​ശി​പ്പ​ട​ർ​ന്നു. എ​ന്നാ​ൽ ‘ഉ​യ​ർ​ന്ന ക​ല'​യെ​ന്നും ‘സാ​ധാ​ര​ണ​ക്കാ​ര​ന്‍റെ ജ​ന​പ്രി​യ ക​ല'​യെ​ന്നും വേ​ർ​തി​രി​ക്ക​പ്പെ​ട്ടു​പോ​യ ക​ലാ​പ്ര​പ​ഞ്ച​ത്തെ ഒ​രു കു​ട​ക്കീ​ഴി​ൽ കോ​ർ​ത്തു​കെ​ട്ടു​ക​യാ​ണ് ഹോ​ളി​വു​ഡ് ക​ണ്ട മ​ഹാ​സ്ര​ഷ്‌​ടാ​വ് ജോ​ർ​ജ് ലൂ​ക്കാ​സ്.

‘സ്റ്റാ​ർ വാ​ർ​സ്’ എ​ന്ന ദൃ​ശ്യ​വി​സ്മ​യ​ത്തി​ലൂ​ടെ ലോ​ക​മെ​മ്പാ​ടു​മു​ള്ള സി​നി​മാ​പ്രേ​മി​ക​ളു​ടെ ഭാ​വ​ന​യെ വാ​നോ​ള​മു​യ​ർ​ത്തി​യ ലൂ​ക്കാ​സും വ്യ​വ​സാ​യ പ്ര​മു​ഖ​യാ​യ ഭാ​ര്യ മെ​ല​ഡി ഹോ​ബ്സ​ണും ചേ​ർ​ന്ന് പ​ടു​ത്തു​യ​ർ​ത്തി​യ ‘ലൂ​ക്കാ​സ് മ്യൂ​സി​യം ഓ​ഫ് ന​റേ​റ്റീ​വ് ആ​ർ​ട്ട്'​ഈ മാ​സം 22ന് ​ലോ​സ് ആ​ഞ്ച​ല​സി​ലെ എ​ക്സ്പോ​സി​ഷ​ൻ പാ​ർ​ക്കി​ൽ പൊ​തു​ജ​ന​ങ്ങ​ൾ​ക്കാ​യി തു​റ​ക്കു​ക​യാ​ണ്. പ​തി​നാ​റ് വ​ർ​ഷ​ത്തെ നീ​ണ്ട കാ​ത്തി​രി​പ്പി​നും ഏ​ക​ദേ​ശം 100 കോ​ടി ഡോ​ള​റി​ന്‍റെ (8,300 കോ​ടി​യി​ല​ധി​കം രൂ​പ) വ്യ​ക്തി​ഗ​ത നി​ക്ഷേ​പ​ത്തി​നും ശേ​ഷ​മാ​ണ് ഈ ​സാം​സ്കാ​രി​ക​കേ​ന്ദ്രം യാ​ഥാ​ർ​ഥ്യ​മാ​കു​ന്ന​ത്.

മേ​ഘ​ങ്ങ​ൾ നി​റ​ഞ്ഞ ബ​ഹി​രാ​കാ​ശ വി​സ്മ​യം

ലോ​സ് ആ​ഞ്ച​ല​സി​ലെ എ​ക്സ്പോ​സി​ഷ​ൻ പാ​ർ​ക്കി​ൽ ചെ​ല്ലു​ന്ന ഏ​തൊ​രാ​ളും ആ​ദ്യ​മൊ​ന്ന് അ​മ്പ​ര​ക്കും. ഭൂ​മി​യി​ലേ​ക്ക് ഇ​റ​ങ്ങി​നി​ൽ​ക്കു​ന്ന ഒ​രു കൂ​റ്റ​ൻ ബ​ഹി​രാ​കാ​ശ പേ​ട​കം​പോ​ലെ​യാ​ണ് മ്യൂ​സി​യം കെ​ട്ടി​ടം ത​ല​യു​യ​ർ​ത്തി നി​ൽ​ക്കു​ന്ന​ത്. പ്ര​ശ​സ്ത വാ​സ്തു​ശി​ല്പി​ക​ളാ​യ ‘മാ​ഡ് ആ​ർ​ക്കി​ടെ​ക്‌​ട്സ്' സ്ഥാ​പ​ക​ൻ മാ ​യാ​ൻ​സോം​ഗ്, സ്റ്റാ​ന്‍റ​ക് എ​ന്നി​വ​ർ ചേ​ർ​ന്ന് 3,00,000 ച​തു​ര​ശ്ര അ​ടി വി​സ്തീ​ർ​ണ​ത്തി​ലാ​ണ് അ​ഞ്ചു നി​ല​ക​ളി​ലാ​യു​ള്ള അ​ദ്ഭു​ത​സൗ​ധം രൂ​പ​ക​ല്പ​ന ചെ​യ്ത​ത്. പു​റ​ത്തു​നി​ന്ന് നോ​ക്കു​മ്പോ​ൾ സ​യ​ൻ​സ് ഫി​ക്‌​ഷ​ൻ സി​നി​മ​ക​ളി​ലെ പേ​ട​കം​പോ​ലെ തോ​ന്നി​ക്കു​മെ​ങ്കി​ലും അ​ന്ത​രീ​ക്ഷ​ത്തി​ലെ മേ​ഘ​ങ്ങ​ളു​ടെ​യും മ​ര​ങ്ങ​ളു​ടെ​യും സ്വാ​ഭാ​വി​ക​മാ​യ വ​ള​വു​ക​ളി​ൽ​നി​ന്നാ​ണ് ഇ​തി​ന്‍റെ രൂ​പ​ക​ല്പ​ന ഉ​ൾ​ക്കൊ​ണ്ട​തെ​ന്ന് ആ​ർ​ക്കി​ടെ​ക്‌​ട് മാ ​യാ​ൻ​സോം​ഗ് പ​റ​യു​ന്നു.

ഭൂ​ത​കാ​ല​ത്തെ ഭാ​വി​യു​മാ​യി ബ​ന്ധി​പ്പി​ക്കു​ന്ന സു​താ​ര്യ​മാ​യ ലി​ഫ്റ്റു​ക​ളും അ​ക​ത്ത​ള​ങ്ങ​ളി​ലെ വെ​ളി​ച്ച​ത്തി​ന്‍റെ വി​ന്യാ​സ​ങ്ങ​ളും കാ​ഴ്ച​ക്കാ​രെ പു​തി​യൊ​രു ഭാ​വ​നാ​ലോ​ക​ത്തേ​ക്ക് കൂ​ട്ടി​ക്കൊ​ണ്ടു​പോ​കും. മു​മ്പ് പാ​ർ​ക്കിം​ഗ് പ്ര​ദേ​ശ​മാ​യി​രു​ന്ന ഈ ​കെ​ട്ടി​ട​ത്തി​നു ചു​റ്റും 13 ഏ​ക്ക​റി​ല​ധി​കം പ​ര​ന്നു​കി​ട​ക്കു​ന്ന പ​ച്ച​പ്പും പാ​ർ​ക്കും പൂ​ന്തോ​ട്ട​ങ്ങ​ളും ഒ​രു​ക്കി. 300ല​ധി​കം പു​തി​യ മ​ര​ങ്ങ​ൾ, മ​ഴ​വെ​ള്ള സം​ഭ​ര​ണം, ത​ണു​പ്പ് നി​ല​നി​ർ​ത്താ​നു​ള്ള ജ​ല​ധാ​ര​ക​ൾ, ആം​ഫി തി​യ​റ്റ​ർ, ന​ട​പ്പാ​ത​ക​ളി​ലെ പ​ത്തു വ​ൻ​കി​ട ശി​ല്പ​ങ്ങ​ൾ, സോ​ളാ​ർ പാ​ന​ലു​ക​ൾ എ​ന്നി​വ​യ​ട​ക്കം പൂ​ർ​ണ​മാ​യും പ​രി​സ്ഥി​തി​സൗ​ഹൃ​ദ​മാ​യാ​ണ് പ്ര​ദേ​ശം രൂ​പ​ക​ല്പ​ന ചെ​യ്തി​രി​ക്കു​ന്ന​ത്.

ഗു​ഹാ​ചി​ത്ര​ങ്ങ​ൾ മു​ത​ൽ വെ​ള്ളി​ത്തി​ര വ​രെ

3,00,000 ച​തു​ര​ശ്ര അ​ടി വി​സ്തീ​ർ​ണ​മു​ള്ള കെ​ട്ടി​ട​ത്തി​ൽ 1,00,000 ച​തു​ര​ശ്ര അ​ടി​യോ​ളം വ​രു​ന്ന പ്ര​ദ​ർ​ശ​ന ഇ​ട​ങ്ങ​ളി​ലാ​യി 30ല​ധി​കം ഗാ​ല​റി​ക​ളി​ലാ​യി 1,300ല​ധി​കം അ​പൂ​ർ​വ ക​ലാ​സൃ​ഷ്‌​ടി​ക​ളാ​ണ് ഒ​രു​ക്കി​യി​രി​ക്കു​ന്ന​ത്. പ​ര​മ്പ​രാ​ഗ​ത ചി​ത്ര​ക​ല​യ്ക്കു ല​ഭി​ക്കു​ന്ന അ​തേ പ്രാ​ധാ​ന്യ​വും ആ​ദ​ര​വും ജ​ന​പ്രി​യ ക​ലാ​രൂ​പ​ങ്ങ​ൾ​ക്കും വാ​ണി​ജ്യ​പ​ര​മാ​യ ക​ഥ​പ​റ​ച്ചി​ൽ രീ​തി​ക​ൾ​ക്കും ന​ൽ​കു​ക എ​ന്ന​താ​ണ് മ്യൂ​സി​യ​ത്തി​ന്‍റെ പ്ര​ധാ​ന ല​ക്ഷ്യം.

വ​ത്തി​ക്കാ​നി​ലെ സി​സ്റ്റൈ​ൻ ചാ​പ്പ​ലി​ന്‍റെ മാ​തൃ​ക ഇ​വി​ടെ പു​ന​രാ​വി​ഷ്ക​രി​ച്ചി​ട്ടു​ണ്ട്. സി​സ്റ്റൈ​ൻ ചാ​പ്പ​ലി​ൽ വി​ശ്രു​ത ക​ലാ​കാ​ര​ൻ മൈ​ക്ക​ലാ​ഞ്ച​ലോ വ​ര​ച്ച ലോ​ക​പ്ര​ശ​സ്ത ചു​വ​ർ​ചി​ത്ര​ങ്ങ​ളാ​യ ‘ദി ​ലാ​സ്റ്റ് ജ​ഡ്ജ്‌​മെ​ന്‍റ്', ‘ദി ​ക്രി​യേ​ഷ​ൻ ഓ​ഫ് ആ​ദം', റ​ഫാ​യേ​ലി​ന്‍റെ ‘ ദി ​സ്കൂ​ൾ ഓ​ഫ് ആ​ഥ​ൻ​സ്'​എ​ന്ന ചി​ത്ര​വും റ്റു ​ഡി ലൈ​റ്റ് ബോ​ക്സു​ക​ളി​ലും ‘അ​പ്പോ​ളോ ബെ​ൽ​വെ​ഡെ​രെ', ‘ആ​ഗ​സ്റ്റ​സ് ഓ​ഫ് പ്രൈ​മ പോ​ർ​ട്ട' തു​ട​ങ്ങി​യ ക്ലാ​സി​ക്ക​ൽ റോ​മ​ൻ ശി​ല്പ​ങ്ങ​ൾ ത്രി​ഡി ഹോ​ളോ​ഗ്രാ​ഫി​ക് സാ​ങ്കേ​തി​ക​വി​ദ്യ​യി​ലും പു​ന​രാ​വി​ഷ്ക​രി​ച്ചി​ട്ടു​ണ്ട്. സ്പെ​യി​നി​ലെ അ​ൽ​താ​മി​റ ഗു​ഹാ​ചി​ത്ര​ങ്ങ​ളു​ടെ മാ​തൃ​ക​ക​ളും ഫ്രാ​ൻ​സി​ലെ ലൂ​വ്ര് മ്യൂ​സി​യ​ത്തി​ലെ അ​പൂ​ർ​വ​ശേ​ഖ​ര​ങ്ങ​ളും ഇ​വി​ടെ കാ​ണാം.

വി​ൻ​സെ​ന്‍റ് വാ​ൻ ഗോ​ഗ്, ഫ്രീ​ഡ കാ​ഹ്‌​ലോ, നോ​ർ​മ​ൻ റോ​ക്ക്‌​വെ​ൽ, ഡി​ഗോ റി​വേ​ര, ചാ​ൾ​സ് വൈ​റ്റ് തു​ട​ങ്ങി​യ വ​മ്പ​ന്മാ​രു​ടെ അ​പൂ​ർ​വ ചി​ത്ര​ങ്ങ​ൾ, ജ​ന​പ്രി​യ കോ​മി​ക്സു​ക​ൾ, ഗ്രാ​ഫി​ക് നോ​വ​ലു​ക​ൾ, ലോ​ക​പ്ര​ശ​സ്ത തെ​രു​വ് ചി​ത്ര​കാ​ര​നാ​യ ബ​ങ്ക്സി​യു​ടെ യ​ഥാ​ർ​ഥ ചു​മ​ർ​ചി​ത്ര​ങ്ങ​ൾ എ​ന്നി​വ​യും സ​ജ്ജ​മാ​ക്കി​യി​ട്ടു​ണ്ട്.

നോ​ർ​മ​ൻ റോ​ക്ക്‌​വെ​ൽ 1958ൽ ​വ​ര​ച്ച സൗ​ഹൃ​ദം പു​ല​ർ​ത്തു​ന്ന പൊ​ലി​സു​കാ​ര​ന്‍റെ ചി​ത്ര​ത്തി​ന് തൊ​ട്ട​ടു​ത്ത് 2014ൽ ‘​മാ​ഡ്' മാ​ഗ​സി​നി​ൽ റി​ച്ചാ​ർ​ഡ് വി​ല്യം​സ് വ​ര​ച്ച പൊ​ലി​സി​ന്‍റെ ക്രൂ​ര​ത​യെ കാ​ണി​ക്കു​ന്ന ആ​ക്ഷേ​പ​ഹാ​സ്യ ചി​ത്രം പ്ര​തി​ഷ്ഠി​ച്ചു​കൊ​ണ്ട് കൃ​ത്യ​മാ​യ സം​വാ​ദ​ങ്ങ​ൾ​ക്ക് ലൂ​ക്കാ​സ് വ​ഴി​യൊ​രു​ക്കു​ന്നു.
‘സ്റ്റാ​ർ വാ​ർ​സ്' ചി​ത്ര​ങ്ങ​ളി​ൽ ഉ​പ​യോ​ഗി​ച്ച യ​ഥാ​ർ​ഥ വ​സ്ത്ര​ങ്ങ​ൾ, ലൂ​ക്ക് സ്കൈ​വാ​ക്ക​റു​ടെ ലാ​ൻ​ഡ് സ്പീ​ഡ​ർ വാ​ഹ​നം, ഡാ​ർ​ത്ത് വേ​ഡ​റു​ടെ വ​സ്ത്രം എ​ന്നി​വ ഉ​ൾ​പ്പെ​ടു​ന്ന പ്ര​ത്യേ​ക ഗാ​ല​റി​യു​മു​ണ്ട്.

ഇ​തി​നു​പു​റ​മെ, മു​പ്പ​തി​നാ​യി​ര​ത്തി​ല​ധി​കം കോ​മി​ക് പു​സ്ത​ക​ങ്ങ​ളും ജോ​സ​ഫ് കാം​ബെ​ല്ലി​ന്‍റെ വ്യ​ക്തി​ഗ​ത ശേ​ഖ​ര​ങ്ങ​ളു​മു​ള്ള വ​ലി​യൊ​രു റി​സ​ർ​ച്ച് ലൈ​ബ്ര​റി​യും “റോ​ബ​ർ​ട്ട് ഫ്ലാ​ഹെ​ർ​ട്ടി', ‘സ്ലാ​വ്കോ വോ​ർ​കാ​പി​ച്ച്'​എ​ന്നീ ര​ണ്ട് അ​ത്യാ​ധു​നി​ക തി​യ​റ്റ​റു​ക​ളും ‘സ്കൈ​വാ​ക്ക​ർ ഗ്രി​ൽ' റ​സ്റ്റ​റ​ന്‍റും സ​ജ്ജീ​ക​രി​ച്ചി​ട്ടു​ണ്ട്.

പ്ര​തി​ബ​ന്ധ​ങ്ങ​ളെ അ​വ​ഗ​ണി​ച്ച ക​ലാ​കാ​ര​ൻ

2010ൽ ​ആ​ദ്യ​മാ​യി ഈ ​ആ​ശ​യം മു​ന്നോ​ട്ടു​വ​ച്ച ജോ​ർ​ജ് ലൂ​ക്കാ​സി​ന് സാ​ൻ ഫ്രാ​ൻ​സി​സ്കോ​യി​ലും ഷി​ക്കാ​ഗോ​യി​ലും ക​ടു​ത്ത എ​തി​ർ​പ്പു​ക​ളും നി​യ​മ​പോ​രാ​ട്ട​ങ്ങ​ളും നേ​രി​ടേ​ണ്ടി​വ​ന്നി​രു​ന്നു. അ​വി​ടെ​യെ​ല്ലാം പ​ദ്ധ​തി ഉ​പേ​ക്ഷി​ക്കേ​ണ്ടി​വ​ന്നി​ട്ടും തോ​റ്റു​കൊ​ടു​ക്കാ​ൻ അ​ദ്ദേ​ഹം ത​യാ​റാ​യി​ല്ല. ചി​ല വി​മ​ർ​ശ​ക​ർ ഇ​തി​നെ "വി​കാ​ര​ജീ​വി മ്യൂ​സി​യം" എ​ന്നു പ​രി​ഹ​സി​ച്ച​പ്പോ​ഴും സ്വ​ന്തം നി​ല​പാ​ടു​ക​ളി​ൽ ഉ​റ​ച്ചു​നി​ന്ന ലൂ​ക്കാ​സ്, 2025ൽ ​മ്യൂ​സി​യ​ത്തി​ന്‍റെ ആ​ദ്യ സി​ഇ​ഒ പ​ടി​യി​റ​ങ്ങി​യ​പ്പോ​ൾ ക്യൂ​റേ​റ്റ​ർ ചു​മ​ത​ല പോ​ലു​മേ​റ്റെ​ടു​ത്ത് സ​ർ​ഗാ​ത്മ​ക നി​യ​ന്ത്ര​ണം പൂ​ർ​ണ​മാ​യും കൈ​യി​ലെ​ടു​ക്കു​ക​യാ​യി​രു​ന്നു.

സാ​ധാ​ര​ണ​ക്കാ​ർ​ക്കു പ്രാ​പ്യ​മ​ല്ലാ​ത്ത പ​ല ക​ലാ​രൂ​പ​ങ്ങ​ളെ​യും ജ​ന​ങ്ങ​ളി​ലേ​ക്ക് എ​ത്തി​ക്കാ​നു​ള്ള ഒ​രു ജ​ന​കീ​യ ക​ലാ​ക്ഷേ​ത്ര​മാ​യാ​ണ് ജോ​ർ​ജ് ലൂ​ക്കാ​സ് ത​ന്‍റെ സ്വ​പ്ന​സൗ​ധ​ത്തെ വി​ശേ​ഷി​പ്പി​ക്കു​ന്ന​ത്. ചി​ത്രം വ​ര​യ്ക്കു​ന്ന കു​ട്ടി​ക്കും കോ​മി​ക്സ് വാ​യി​ക്കു​ന്ന കൗ​മാ​ര​ക്കാ​ര​നും ക്ലാ​സി​ക് സി​നി​മ​ക​ൾ നെ​ഞ്ചി​ലേ​റ്റു​ന്ന മു​തി​ർ​ന്ന​വ​ർ​ക്കും ഒ​രു​പോ​ലെ ചെ​ന്നെ​ത്താ​വു​ന്ന ക​ഥ​പ​റ​ച്ചി​ലി​ന്‍റെ ലോ​കോ​ത്ത​ര സാം​സ്കാ​രി​ക കേ​ന്ദ്ര​മാ​യി ‘ലൂ​ക്കാ​സ് മ്യൂ​സി​യം ഓ​ഫ് ന​റേ​റ്റീ​വ് ആ​ർ​ട്ട്'​മാ​റു​മെ​ന്ന് ഉ​റ​പ്പാ​ണ്.