ബാഗൽകോട്ട്: കർണാടകയിലെ ബാഗൽകോട്ടിൽ ശിവാജി ജയന്തി ഘോഷയാത്രയ്ക്കിടെയുണ്ടായ കല്ലേറിനെത്തുടർന്ന് എട്ടുപേരേ പോലീസ് അറസ്റ്റ് ചെയ്തു. 24 വരെ പ്രദേശത്ത് നിരോധനാജ്ഞ പ്രഖ്യാപിച്ചിരിക്കുകയാണെന്നും സ്ഥിതിഗതികൾ നിയന്ത്രണവിധേയമാണെന്നും പോലീസ് അറിയിച്ചു.
വ്യാഴാഴ്ച രാത്രി 9.30 ഓടെ നവനഗർ പ്രദേശത്തെ കിലാ ഒനിയിലെ മുസ്ലിം പള്ളിക്കു സമീപത്തുനിന്നാണ് കല്ലേറുണ്ടായത്.
സംഭവസ്ഥലത്തുണ്ടായിരുന്ന പോലീസുകാരുടെ ദേഹത്തും കല്ല് പതിച്ചതായും വീഡിയോ ദൃശ്യങ്ങൾ പരിശോധിച്ച് നടപടിയെടുത്തതായും പോലീസ് ഉദ്യോഗസ്ഥർ അറിയിച്ചു. പിന്നീട് പോലീസ് ഇടപെട്ട് ഹിന്ദു-മുസ്ലിം സമുദായ നേതാക്കളുമായി ചർച്ചനടത്തി. ശേഷം ഘോഷയാത്ര സമാധാനപരമായി തുടർന്നു. അതേസമയം, ഹിന്ദു ആഘോഷ പരിപാടികൾക്കെതിയി കോണ്ഗ്രസ് സർക്കാർ പ്രീണന രാഷ്ട്രീയം കളിക്കുകയാണെന്ന് കർണാടക ബിജെപി എംപി പി.സി. മോഹൻ കുറ്റപ്പെടുത്തി.