വടക്കാഞ്ചേരി: പുഴപ്പാലം നിർമാണം അപകടം ക്ഷണിച്ചുവരുത്തുമെന്ന് നാട്ടുകാർ. പഴയ പാലം പൊളിച്ചുനീക്കുകയും പുതിയ പാലത്തിന്റെ നിർമാണം ആരംഭിക്കുകയു ചെയ്ത സാഹചര്യത്തിലാണ് സമീപത്തെ സ്ഥാപനങ്ങൾക്ക് ഭീഷണിയായിമാറിയത്.
കടകളുടെ സമീപംവരെ ജെസിബി ഉപയോഗിച്ച് മണ്ണ് നീക്കംചെയ്തതോടെ ഏതു നിമിഷവും കടകൾ നിലംപൊത്തുന്ന അവസ്ഥയാണ്. പാലത്തിന്റെ നിർമാണമാണെങ്കിൽ ഒച്ചിന്റെ വേഗതയിലാണ് നീങ്ങുന്നത്. മഴ മാറിനിൽക്കുന്നതിനാൽ ഇപ്പോൾ പ്രതിസന്ധിയില്ലെങ്കിലും കാലവർഷം ശക്തമായാൽ ഏതുനിമിഷവും സമീപത്തെ സ്ഥാപനങ്ങൾ പുഴയിലേക്ക് ഇടിഞ്ഞുതാഴുമോയെന്ന ആശങ്കയും പ്രദേശവാസികൾക്കുണ്ട്. എത്രയുംപെട്ടന്ന് അധികൃതർ ഇടപെട്ട് വിഷയത്തിന് പരിഹാരം കാണണമെന്നാണ് നാട്ടുകാരുടെ ആവശ്യം.