16

ചേ​ർ​പ്പ്: കൂ​ർ​ക്ക​ഞ്ചേ​രി മു​ത​ൽ കൊ​ടു​ങ്ങ​ല്ലൂ​ർ വ​രെ​യു​ള്ള കെ​എ​സ്ടി​പി റോ​ഡ് പ​ദ്ധ​തി​യി​ൽ ഉ​ൾ​പ്പെ​ട്ട പാ​ല​യ്ക്ക​ൽ മാ​ർ​ക്ക​റ്റ്- ക​ണി​മം​ഗ​ലം ഭാ​ഗ​ത്തെ റോ​ഡി​ന്‍റെ കോ​ൺ​ക്രീ​റ്റിം​ഗ് ജോ​ലി​ക​ൾ തു​ട​ങ്ങി. മൂ​ന്നു വ​ർ​ഷ​മാ​യി മു​ട​ങ്ങി​ക്കി​ട​ന്ന നി​ർ​മാ​ണ​മാ​ണ് ഇ​ന്ന​ലെ പു​ന​രാ​രം​ഭി​ച്ച​ത്.

റോ​ഡ് നി​ർ​മാ​ണം നി​ല​ച്ച​തോ​ടെ ഈ ​പ്ര​ദേ​ശ​ത്തു ഗ​താ​ഗ​ത​ക്കു​രു​ക്കും അ​പ​ക​ട​ങ്ങ​ളും പ​തി​വാ​യി​രു​ന്നു. മ​ഴ​യി​ൽ റോ​ഡി​ൽ കു​ഴി​ക​ൾ നി​റ​ഞ്ഞ് ദു​രി​തം ഇ​ര​ട്ടി​യാ​വു​ക​യും ചെ​യ്തു. പ​ല​ത​വ​ണ മ​ണ്ണി​ട്ടു കു​ഴി​ക​ൾ മൂ​ടി​യെ​ങ്കി​ലും ഒ​ന്നും ഫ​ല​വ​ത്താ​യി​രു​ന്നി​ല്ല. നി​ർ​മാ​ണം ഉ​ട​ൻ പൂ​ർ​ത്തി​യാ​ക്കാ​മെ​ന്നാ​യി​രു​ന്നു ജ​ന​പ്ര​തി​നി​ധി​ക​ൾ അ​ട​ക്ക​മു​ള്ള​വ​ർ​ക്കു കെ​എ​സ്ടി​പി ഉ​ദ്യോ​ഗ​സ്ഥ​ർ ന​ൽ​കി​യി​രു​ന്ന പ​തി​വു​മ​റു​പ​ടി.

ഈ ​സാ​ഹ​ച​ര്യ​ത്തി​ൽ അ​വി​ണി​ശേ​രി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് റോ​സി​ലി ജോ​യി​യു​ടെ നേ​തൃ​ത്വ​ത്തി​ൽ കെ​എ​സ്ടി​പി​യു​ടെ കു​റ്റി​പ്പു​റം ഓ​ഫീ​സി​ൽ ഉ​പ​രോ​ധ​സ​മ​രം ന​ട​ത്തി​യി​രു​ന്നു. തു​ട​ർ​ന്ന് ജി​ല്ലാ ക​ള​ക്ട​റു​ടെ അ​ധ്യ​ക്ഷ​ത​യി​ൽ ഗീ​ത ഗോ​പി എം​എ​ൽ​എ അ​ട​ക്ക​മു​ള്ള​വ​ർ പ​ങ്കെ​ടു​ത്ത സം​യു​ക്ത​യോ​ഗ​ത്തി​ലാ​ണ് റോ​ഡ് നി​ർ​മാ​ണം ഉ​ട​ൻ തു​ട​ങ്ങാ​ൻ തീ​രു​മാ​ന​മാ​യ​ത്.
ഇ​ന്ന​ലെ രാ​വി​ലെ പാ​ല​യ്ക്ക​ൽ മാ​ർ​ക്ക​റ്റ് ജം​ഗ്ഷ​നി​ൽ​നി​ന്ന് റോ​ഡി​ന്‍റെ പ​ണി​ക​ൾ​ക്കു തു​ട​ക്ക​മാ​യി. ജ​ന​പ്ര​തി​നി​ധി​ക​ൾ അ​ട​ക്ക​മു​ള്ള​വ​ർ സ്ഥ​ല​ത്തെ​ത്തി​യി​രു​ന്നു. തൃ​ശൂ​ർ ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ വ​ഴി​തി​രി​ച്ചു​വി​ട്ടി​ട്ടു​ണ്ട്. ബ​സു​ക​ൾ പൂ​ച്ചി​ന്നി​പ്പാ​ടം, ആ​ന​ക്ക​ല്ല്, ഒ​ല്ലൂ​ർ വ​ഴി​യാ​ണ് സ​ർ​വീ​സ് ന​ട​ത്തി​യ​ത്. അ​തേ​സ​മ​യം, കൊ​ടു​ങ്ങ​ല്ലൂ​ർ ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ ഇ​ന്ന​ലെ​യും ഈ ​ഭാ​ഗ​ത്ത് ഏ​റെ​നേ​രം കു​രു​ക്കി​ൽ​പ്പെ​ട്ടു.