പാറശാല: വീടിനു സമീപത്ത് ഇടിഞ്ഞുവീണ കൂറ്റന് പാറയ്ക്കടിയിൽപ്പെട്ട വീട്ടമ്മ പരിക്കുകളോടെ രക്ഷപ്പെട്ടു. പളുകല് പുലക്കാവിളയ്ക്കു സമീപം കുഴിവിള വീട്ടില് മണിയന്റെ ഭാര്യ രാജകുമാരി (50)യാണ് പരിക്കുകളോടെ രക്ഷപ്പെട്ടത്.
ഇന്നലെ പുലര്ച്ചെ 5.30ന് ശുചിമുറിയില് കയറിയ സമയത്താണ് അപകടം. സമീപത്തുള്ള പാറ അടര്ന്നു മാറി ശുചി മുറിക്ക് മുകളിലേക്കു വീഴുകയായിരുന്നു. തകര്ന്ന ശുചിമുറിക്കും പാറയ്ക്കും അടിയില്പ്പെട്ട വീട്ടമ്മയെ പാറശാല അഗ്നിശമനവിഭാഗവും പോലീസും ചേര്ന്ന് പുറത്തെടുത്തു.
വീടിനു സമീപത്തെ മതില് പൊളിച്ചുമാറ്റി മണ്ണുമാന്തി യന്ത്രം ഉപയോഗിച്ചാണ് പാറ മാറ്റിയത്. വീട്ടമ്മയുടെ അരയ്ക്കു താഴെ പരിക്കേറ്റു. ഇവരെ കാരക്കോണം മെഡിക്കല്കോളജിലേക്കു മാറ്റി. പ്രദേശത്തെ കനത്ത മഴയാണ് അപകടത്തിനു വഴിവച്ചത്.
Deepika
E-paper LOGIN
LOGIN
