മാനന്തവാടി: വയനാട് സോഷ്യല് സര്വീസ് സൊസൈറ്റി ഭാരതീയ സുഗന്ധവിള ഗവേഷണ കേന്ദ്രത്തിന്റെ സഹകരണത്തോടെ ആദിവാസി വിഭാഗത്തില്പ്പെടുന്ന 100 കര്ഷകര്ക്ക് അടയ്ക്ക, കറുവപ്പട്ട തൈകള് വിതരണം ചെയ്തു.
ഭാരതീയ സുഗന്ധവിള ഗവേഷണ കേന്ദ്രത്തിന്റെ ട്രൈബല് സബ് പ്ലാനില് ഉള്പ്പെടുത്തിയാണ് വിത്തുകള് വിതരണം ചെയ്തത്. തിരുനെല്ലി പഞ്ചായത്തിലെ മുള്ളന്കൊല്ലി നീരുറവ സംരക്ഷണ പ്രദേശത്തു നടന്ന വിതരണ ഉദ്ഘാടനം വയനാട് സോഷ്യല് സര്വീസ് സൊസൈറ്റി ജോയിന്റ് ഡയറക്ടര് ഫാ. ജോണി കുന്നത്ത് നിര്വഹിച്ചു. നൂല്പ്പുഴ പഞ്ചായത്തില് പഞ്ചായത്ത് പ്രസിഡന്റ് എം.കെ. ജയ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് എ.എന്. ഉസ്മാന് അധ്യക്ഷത വഹിച്ചു. ഡയറക്ടര് ഫാ. ജോണി മുഖ്യപ്രഭാഷണം നടത്തി.
സ്റ്റാന്ഡിംഗ് കമ്മിറ്റി ചെയര്മാന്മാര്, വാര്ഡ് അംഗങ്ങള് എന്നിവര് പങ്കെടുത്തു. വയനാട് സോഷ്യല് സര്വീസ് സൊസൈറ്റി ടീം അംഗങ്ങളായ ഒ.പി. ജയന, അഷ്ജാന് സണ്ണി, കെ.സി. ബിജു, നീരജ സുരേന്ദന്, നിമിഷ മോന്സി എന്നിവര് നേതൃത്വം നല്കി.
Deepika
E-paper LOGIN
LOGIN