4

നാ​ദാ​പു​രം: പ​ട്ടാ​പ്പ​ക​ല്‍ നാ​ട്ടു​കാ​രെ ഭീ​തി​യി​ലാ​ഴ്ത്തി കൃ​ഷി​യി​ട​ത്തി​ലൂ​ടെ പാ​ഞ്ഞ കാ​ട്ടു​പ​ന്നി​ക്കൂ​ട്ടം കി​ണ​റ്റി​ല്‍ വീ​ണു. പ​ന്നി​ക​ളെ പി​ന്നീ​ട് വെ​ടി​വ​ച്ചു​കൊ​ന്നു. പു​റ​മേ​രി എ​സ്‌​വി​എ​ല്‍​പി സ്‌​കൂ​ളി​ന് സ​മീ​പം പ​ര​പ്പി​ല്‍ സ​ഫി​യ​യു​ടെ വീ​ട്ടു​പ​റ​മ്പി​ലെ ആ​ള്‍​മ​റ​യി​ല്ലാ​ത്ത കി​ണ​റ്റി​ലാ​ണ് കാ​ട്ടു​പ​ന്നി​ക്കൂ​ട്ടം വീ​ണ​ത്.

ചൊ​വ്വാ​ഴ്ച്ച ഉ​ച്ച​യോ​ടെ​യാ​ണ് പ​റ​മ്പി​ലൂ​ടെ കാ​ട്ടു​പ​ന്നി​ക്കൂ​ട്ടം ഓ​ടി​യ​ത്. പി​ന്നീ​ട് ശ​ബ്ദം കേ​ട്ട് നോ​ക്കി​യ​പ്പോ​ഴാ​ണ് പ​ന്നി​ക​ള്‍ കി​ണ​റ്റി​ല്‍ വീ​ണ​ത് ശ്ര​ദ്ധ​യി​ല്‍​പ്പെ​ട്ട​ത്. നാ​ല് വ​ലി​യ പ​ന്നി​ക​ളും മൂ​ന്ന് ചെ​റി​യ പ​ന്നി​ക​ളു​മാ​ണ് കി​ണ​റ്റി​ല്‍ ഉ​ണ്ടാ​യി​രു​ന്ന​ത്.

നാ​ട്ടു​കാ​ര്‍ വി​വ​രം അ​റി​യി​ച്ച​തി​നെ തു​ട​ര്‍​ന്ന് അ​ഗ്നി​ര​ക്ഷാ​സേ​ന​യും വ​നം​വ​കു​പ്പി​ന്‍റെ എം​പാ​ന​ല്‍ ഷൂ​ട്ട​ര്‍ പ്ര​ദീ​പ്കു​മാ​ര്‍ അ​രൂ​രും സ​ഹാ​യി​ക​ളാ​യ സ്‌​നി​ഷി​ല്‍ ലാ​ല്‍, വി.​ടി. ബി​നീ​ഷ് എ​ന്നി​വ​രും സ്ഥ​ല​ത്തെ​ത്തി. കി​ണ​റ്റി​ല്‍ വ​ച്ചു ത​ന്നെ പ​ന്നി​ക​ളെ വെ​ടി​വ​ച്ചു കൊ​ന്നു. പു​റ​മേ​രി പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ല്‍ അ​ടു​ത്തി​ടെ​യാ​യി കാ​ട്ടു​പ​ന്നി ശ​ല്യം രൂ​ക്ഷ​മാ​ണ്.