ഭോപ്പാൽ: മധ്യപ്രദേശിൽ വിനോദസഞ്ചാര ബോട്ട് മുങ്ങി നാലുപേർ മരിച്ചു. ജബൽപുർ ജില്ലയിലെ ബാർഗി അണക്കെട്ടിലാണ് അപകടമുണ്ടായത്.
അണക്കെട്ടിൽ വിനോദസഞ്ചാരത്തിനെത്തിയ 31 അംഗസംഘമാണ് ബോട്ടിലുണ്ടായിരുന്നത്. 15 പേരെ രക്ഷപെടുത്തി.
അമിതഭാരമാണ് അപകടത്തിന് കാരണമെന്നാണ് പ്രാഥമിക നിഗമനം. സ്ഥലത്ത് രക്ഷാപ്രവർത്തന പ്രവർത്തനങ്ങൾ പുരോഗമിക്കുകയാണ്.
പോലീസിന്റെയും ദുരന്തനിവാരണ സേനയുടെയും നേതൃത്വത്തിലാണ് രക്ഷാപ്രവർത്തനങ്ങൾ നടക്കുന്നത്. കൂടുതൽ വിവരങ്ങൾ പുറത്തുവന്നിട്ടില്ല.