13

ക​ല്‍​പ്പ​റ്റ: ഗ്രാ​മീ​ണ മേ​ഖ​ല​ക​ളി​ലെ കാ​യി​ക സൗ​ക​ര്യ​ങ്ങ​ള്‍ വി​ക​സി​പ്പി​ക്കേ​ണ്ട​ത് കാ​ല​ഘ​ട്ട​ത്തി​ന്‍റെ ആ​വ​ശ്യ​മാ​ണെ​ന്ന് കൃ​ഷി മ​ന്ത്രി ടി. ​സി​ദ്ദി​ഖ്. പൊ​ഴു​ത പ​ഞ്ചാ​യ​ത്ത് നി​ര്‍​മി​ച്ച ഇ​ന്‍​ഡോ​ര്‍​ഷ​ട്ടി​ല്‍ സ്റ്റേ​ഡി​യം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

ഫു​ട്‌​ബോ​ള്‍, ഷ​ട്ടി​ല്‍ ബാ​ഡ്മി​ന്‍റ​ണ്‍, വോ​ളി​ബോ​ള്‍, നീ​ന്ത​ല്‍ തു​ട​ങ്ങി​യ കാ​യി​ക ഇ​ന​ങ്ങ​ള്‍​ക്ക് കൂ​ടു​ത​ല്‍ സൗ​ക​ര്യ​ങ്ങ​ള്‍ ഒ​രു​ക്കാ​ന്‍ ത​ദ്ദേ​ശ സ്ഥാ​പ​ന​ങ്ങ​ള്‍ ത​യാ​റാ​ക​ണം. യു​വ​ത​ല​മു​റ​യെ കാ​യി​ക രം​ഗ​ത്തേ​ക്ക് ആ​ക​ര്‍​ഷി​ക്കു​ന്ന​തി​ലൂ​ടെ ല​ഹ​രി​ക്കെ​തി​രേ പ്ര​തി​രോ​ധം ശ​ക്തി​പ്പെ​ടു​ത്താ​ന്‍ സാ​ധി​ക്കു​മെ​ന്നും മ​ന്ത്രി പ​റ​ഞ്ഞു. പ​ഞ്ചാ​യ​ത്ത് പ്ര​സി​ഡ​ന്‍റ് അ​ബ്ദു​ല്‍ നാ​സ​ര്‍ കാ​തി​രി അ​ധ്യ​ക്ഷ​ത വ​ഹി​ച്ചു.
ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് ച​ന്ദ്രി​ക കൃ​ഷ്ണ​ന്‍, പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് സു​ധ അ​നി​ല്‍, സ്ഥി​രം​സ​മി​തി അ​ധ്യ​ക്ഷ​രാ​യ എ. ​രാ​ജേ​ന്ദ്ര​ന്‍, ആ​രി​ഫ സ​ലാം, ജി​ല്ലാ പ​ഞ്ചാ​യ​ത്ത് സെ​ക്ര​ട്ട​റി ബെ​ന്നി ജോ​സ​ഫ്, വാ​ര്‍​ഡ് അം​ഗം എ​ന്‍.​പി സാ​ബി​റ, പ​ഞ്ചാ​യ​ത്ത് സെ​ക്ര​ട്ട​റി അ​നീ​ഷ് പോ​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.

ഗ്രാ​മീ​ണ മേ​ഖ​ല​യി​ലെ കാ​യി​ക പ്ര​തി​ഭ​ക​ള്‍​ക്ക് മി​ക​ച്ച പ​രി​ശീ​ല​ന സൗ​ക​ര്യം ഒ​രു​ക്കു​ക​യെ​ന്ന ല​ക്ഷ്യ​ത്തോ​ടെ നി​ര്‍​മി​ച്ച​താ​ണ് സ്റ്റേ​ഡി​യം. 2019ല്‍ ​തു​ട​ക്ക​മി​ട്ട പ​ദ്ധ​തി​യാ​ണ് പ്ര​തി​സ​ന്ധി​ക​ള്‍ അ​തി​ജീ​വി​ച്ച് യാ​ഥാ​ര്‍​ഥ്യ​മാ​യ​ത്. സ്ഥ​ല ല​ഭ്യ​ത​യു​മാ​യി ബ​ന്ധ​പ്പെ​ട്ടും വി​വി​ധ വ​കു​പ്പു​ക​ളു​ടെ അ​നു​മ​തി​ക​ളും കെ​ട്ടി​ട​ത്തി​ന്‍റെ ഉ​യ​ര​വു​മാ​യി ബ​ന്ധ​പ്പെ​ട്ട സാ​ങ്കേ​തി​ക നി​യ​ന്ത്ര​ണ​ങ്ങ​ളും നി​ര്‍​മാ​ണ​ത്തി​ന് ത​ട​സ​മാ​യി​രു​ന്നു.

പൊ​ഴു​ത​ന പ​ഞ്ചാ​യ​ത്തി​ലെ കെ​ട്ടി​ട​ങ്ങ​ളു​ടെ ഉ​യ​ര​പ​രി​ധി​യി​ല്‍ പ്ര​ത്യേ​ക ഇ​ള​വ് ല​ഭി​ച്ച​തോ​ടെ​യാ​ണ് നി​ര്‍​മാ​ണം പൂ​ര്‍​ത്തി​യാ​ക്കാ​നാ​യ​ത്. 2018-19ലെ ​പ്ര​ള​യ​നി​ര​പ്പി​ല്‍​നി​ന്ന് ഉ​യ​ര്‍​ത്തി​യാ​ണ് കെ​ട്ടി​ട​ത്തി​ന് ത​റ നി​ര്‍​മി​ച്ച​ത്. 212 ച​തു​ര​ശ്ര മീ​റ്റ​ര്‍ വി​സ്തീ​ര്‍​ണ​വും 11 മീ​റ്റ​ര്‍ ഉ​യ​ര​വു​മു​ള്ള സ്റ്റേ​ഡി​യ​ത്തി​ല്‍ സി​ന്ത​റ്റി​ക് മാ​റ്റ് വി​രി​ച്ച ഷ​ട്ടി​ല്‍ കോ​ര്‍​ട്ടാ​ണ് ഒ​രു​ക്കി​യ​ത്. നി​കു​തി​യു​ള്‍​പ്പെ​ടെ 47.79 ല​ക്ഷം രൂ​പ​യാ​ണ് നി​ര്‍​മാ​ണ​ച്ചെ​ല​വ്.