ഗാസിയാബാദ്: സുരക്ഷാകേന്ദ്രങ്ങളുടെയും റെയില്വേയുടെയും ദൃശ്യങ്ങള് പകര്ത്തി വിദേശത്തേക്ക് അയച്ചുവെന്ന കേസില് ഗാസിയാബാദ് പോലീസ് പ്രായപൂര്ത്തിയാകാത്ത ഒന്പതുകുട്ടികളെ ചോദ്യംചെയ്തു.
സൗരോര്ജ്ജത്തില് പ്രവര്ത്തിക്കുന്ന സിം ഉപയോഗിച്ചു നിയന്ത്രിക്കുന്ന സിസിടിവി കാമറ ഘടിപ്പിക്കാന് വിദേശത്തുള്ള ഒരാള് ഇവര്ക്കു നിര്ദേശം നല്കിയതായി അന്വേഷണത്തില് കണ്ടെത്തിയെന്ന് പോലീസ് അറിയിച്ചു.
കഴിഞ്ഞ ശനിയാഴ്ച കൗസംബി പോലീസ് ആണ് ആറ് പേരെ അറസ്റ്റ്ചെയ്തത്. ഇതിനുപിന്നാലെ പ്രായപൂര്ത്തിയാകാത്ത ഒമ്പതുപേരെ പ്രത്യേക അന്വേഷണസംഘം ചോദ്യംചെയ്തു. ഇവരെ പിന്നീട് ജുവനൈല് ജസ്റ്റീസ് ഹോമിലേക്കു മാറ്റുകയായിരുന്നു. വിദേശത്തുനിന്നും ലഭിച്ച രണ്ട് കാമറകള് അന്വേഷണസംഘം പിടിച്ചെടുത്തു.
പണം ലഭിച്ചതുള്പ്പെടെ കാര്യങ്ങള് അന്വേഷിക്കുകയാണെന്ന് അന്വേഷണസംഘം പറഞ്ഞു.
Deepika
E-paper LOGIN
LOGIN
