പരപ്പനങ്ങാടി (മലപ്പുറം): ഭാഗ്യം വീട്ടുമുറ്റത്തെ ത്തി. തൊഴിലാളി കോടീശ്വരനായി.
സംസ്ഥാന സർക്കാരിന്റെ സമ്മർ ബംപർ ലോട്ടറിയുടെ ഒന്നാം സമ്മാനമായ 10 കോടി രൂപയ്ക്ക് അർഹനായത് മലപ്പുറം ജില്ലയിലെ പരപ്പനങ്ങാടി സ്വദേശി. നെടുവ ചക്യാട്ട് റോഡിൽ നടുവീട്ടിൽ പത്മനാഭൻ (51) ആണ് ഈ വലിയ ഭാഗ്യത്തിന് ഉടമയായത്.
പാലക്കാട്ടുനിന്നെടുത്ത എസ്ബി 517026 എന്ന നന്പറിലുള്ള ടിക്കറ്റാണ് പത്മനാഭന്റെ തലവര മാറ്റിവരച്ചത്.കോയന്പത്തൂരിൽ ക്ഷേത്രദർശനം കഴിഞ്ഞ് മടങ്ങിവരുന്നതിനിടെ പാലക്കാട്ടുനിന്നാണ് ഇദ്ദേഹം ടിക്കറ്റ് എടുത്തത്.
ലോട്ടറി എടുക്കുന്ന ശീലമുള്ളയാളല്ല പത്മനാഭൻ. ബംബർ ആയതിനാൽ മാത്രം ടിക്കറ്റ് എടുക്കുകയായിരുന്നുവെന്ന് ഇദ്ദേഹം പറഞ്ഞു.
കഴിഞ്ഞ എട്ട് വർഷമായി കോട്ടയ്ക്കൽ കോഴിച്ചെനയിലെ സൂപ്പർ മാർക്കറ്റിൽ ജോലി ചെയ്തുവരികയായിരുന്നു ഇദ്ദേഹം. ബംബർ ടിക്കറ്റ് എസ്ബിഐ പരപ്പനങ്ങാടി ശാഖാ മാനേജർക്ക് കൈമാറി.
Deepika
E-paper LOGIN
LOGIN