ബംഗളുരു: മുഖ്യമന്ത്രിസ്ഥാനത്തിനായി ഇടഞ്ഞുനിൽക്കുന്ന ഉപമുഖ്യമന്ത്രി ഡി.കെ. ശിവകുമാറിന്റെയും സംഘത്തിന്റെയും ഫോൺചോർത്തിയെന്ന പ്രതിപക്ഷ ആരോപണം അടിസ്ഥാനരഹിതമാണെന്നു കർണാടക മുഖ്യമന്ത്രി സിദ്ധരാമയ്യ.
തേനും പാലും തമ്മിലുള്ള ബന്ധംപോലെയാണ് താനും ശിവകുമാറും തമ്മിലുള്ള ബന്ധമെന്നും സിദ്ധരാമയ്യ അഭിപ്രായപ്പെട്ടു. അതിശക്തമായ ഈ ബന്ധത്തെ തകർക്കാൻ പ്രതിപക്ഷ ആരോപണത്തിന് കഴിയില്ലെന്നും അദ്ദേഹം വ്യക്തമാക്കി.
മുഖ്യമന്ത്രിപദത്തെച്ചൊല്ലി ഇരുനേതാക്കളും കലഹിക്കുന്നതിനിടെയാണ് ബിജെപിയും ജനതാദളും (എസ്) മുഖ്യമന്ത്രിക്കെതിരേ ഫോൺ ചോർത്തൽ ആരോപണം ഉയർത്തിയത്.
ശിവകുമാറിന്റെയും സംഘത്തിന്റെയും നീക്കങ്ങൾ നിരീക്ഷിക്കാൻ രഹസ്യാന്വേഷണ വിഭാഗത്തെ മുഖ്യമന്ത്രി ഉപയോഗിച്ചതായും ആർ. അശോക ആരോപിച്ചിരുന്നു.
E-paper LOGIN
LOGIN
