സുരക്ഷയ്ക്ക് 250 പൊലിസുകാർ
ഗുരുവായൂർ: കഴിഞ്ഞ ഒരു മാസമായി നടന്നുവന്ന വിളക്കാഘോഷങ്ങൾക്ക് സമാപനമായി ഏകാദശി എത്തുന്നതോടെ നാടും നഗരവും പ്രഭാപൂരിതം.
ക്ഷേത്രവും പരിസരത്തെ സ്ഥാപനങ്ങളും വൈദ്യുത ദീപപ്രഭയിലാണ്. ഏകാദശി വരവറിയിച്ച് നഗരസഭയുടെ ക്ഷേത്ര പ്രവേശന സത്യഗ്രഹ സ്മാരക മൈതാനത്ത് കാർണിവലും എത്തി.
വിവിധ സംഘടനകളുടെ പരിപാടികളും ഏകാദശിക്ക് മിഴിവേകും. തിരക്ക് നിയന്ത്രിക്കുന്നതിനും സാമൂഹ്യവിരുദ്ധ ശല്യം തടയുന്നതിനുമായി ഗുരുവായൂർ എസിപി എം. സുരേന്ദ്രന്റെ നേതൃത്വത്തിൽ 250 പൊലിസുകാർ തുടർച്ചയായ 54 മണിക്കൂർ സേവനത്തിനുണ്ടാകും.
53 മണിക്കൂർ തുടർച്ചയായ ദർശനം
ഗുരുവായൂർ: ക്ഷേത്രത്തിൽ ദശമി ദിവസമായ നാളെ പുലർച്ചെ മൂന്നിന് തുറക്കുന്ന ക്ഷേത്രനട പിന്നീട് ദ്വാദശി ദിനമായ ഞായറാഴ്ച രാവിലെ എട്ടിനാണ് അടക്കുന്നത്. ഭക്തർക്ക് തുടർച്ചയായി 53 മണിക്കൂർ ദർശനം നടത്തുന്നതിനുള്ള സൗകര്യം ഉണ്ടാകും.