25

പാ​രീ​സ്: ക​ന​ത്ത അ​ക്ര​മ​ങ്ങ​ളും കൊ​ള്ളി​വയ്​പ്പു​ക​ളും അ​ര​ങ്ങേ​റി​യ ഫ്രാ​ൻ​സി​ൽ സ്ഥി​തി​ഗ​തി​ക​ൾ ശാ​ന്ത​മാ​ക്കു​ന്ന​തി​ന്‍റെ ഭാ​ഗ​മാ​യി അ​ന​ധി​കൃ​ത പ്ര​ക്ഷോ​ഭ​ങ്ങ​ൾ​ക്ക് വി​ല​ക്കേ​ർ​പ്പെ​ടു​ത്തി പ്ര​സി​ഡ​ന്‍റ് ഇ​മ്മാ​നു​വ​ൽ മാ​ക്രോ​ൺ. വ​രും ദി​വ​സ​ങ്ങ​ളി​ൽ ഔ​ദ്യോ​ഗി​ക അ​നു​മ​തി​യി​ല്ലാ​തെ ന​ട​ത്തു​ന്ന പ്ര​ക്ഷോ​ഭ​ങ്ങ​ൾ ക​ർ​ശ​ന​മാ​യി ത​ട​യു​മെ​ന്ന് എ​ലി​സി പാ​ല​സി​ൽ സു​ര​ക്ഷാ മേ​ധാ​വി​ക​ളു​മാ​യും മു​തി​ർ​ന്ന മ​ന്ത്രി​മാ​രു​മാ​യും ന​ട​ത്തി​യ പ്ര​ത്യേ​ക യോ​ഗ​ത്തി​ന് ശേ​ഷം അ​ദ്ദേ​ഹം വ്യ​ക്ത​മാ​ക്കി.

അ​ന​ധി​കൃ​ത സ​മ​ര​ങ്ങ​ൾ​ക്ക് വി​ല​ക്ക്: റി​പ്പ​ബ്ലി​ക് സം​വി​ധാ​ന​ത്തെ അ​ട്ടി​മ​റി​ക്കാ​ൻ ല​ക്ഷ്യ​മി​ട്ട് അ​തി​തീ​വ്ര ഇ​ട​ത് ഗ്രൂ​പ്പു​ക​ൾ ന​ട​ത്തു​ന്ന രാ​ഷ്ട്രീ​യ പ്രേ​രി​ത​വും അ​ക്ര​മ​ണോ​ത്സു​ക​വു​മാ​യ പ്ര​വൃ​ത്തി​ക​ളാ​ണ് ക​ഴി​ഞ്ഞ ശ​നി​യാ​ഴ്ച ക​ണ്ട​തെ​ന്ന് മാ​ക്രോ​ൺ കു​റ്റ​പ്പെ​ടു​ത്തി. ന​ഗ​ര കേ​ന്ദ്ര​ങ്ങ​ളും ബി​സി​ന​സ് സ്ഥാ​പ​ന​ങ്ങ​ളും പൊ​തു​വ​സ്തു​വ​ക​ക​ളും സം​ര​ക്ഷി​ക്കു​ന്ന​തി​നാ​ണ് പ്ര​ക്ഷോ​ഭ​ങ്ങ​ൾ​ക്ക് താ​ൽ​ക്കാ​ലി​ക വി​ല​ക്ക് ഏ​ർ​പ്പെ​ടു​ത്തി​യി​രി​ക്കു​ന്ന​ത്. ട്രേ​ഡ് യൂ​ണി​യ​നു​ക​ൾ നി​യ​മ​പ്ര​കാ​രം അ​നു​മ​തി തേ​ടി​യാ​ൽ പ്രീ​ഫ​ക്റ്റു​ക​ൾ അ​വ പ​രി​ശോ​ധി​ച്ച് ബ​ദ​ൽ മാ​ർ​ഗങ്ങ​ൾ നി​ർ​ദേശി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.

ക​ഴി​ഞ്ഞ വാ​ര​ത്തി​ലെ അ​ക്ര​മ​ങ്ങ​ളും അ​റ​സ്റ്റു​ക​ളും: സെ​പ്റ്റം​ബ​റി​ൽ സ്കൂ​ൾ ഫ​ണ്ടിം​ഗി​ലെ കു​റ​വു​ക​ൾ ചൂ​ണ്ടി​ക്കാ​ട്ടി ആ​രം​ഭി​ച്ച വി​ദ്യാ​ർ​ഥി സ​മ​ര​ങ്ങ​ൾ പി​ന്നീ​ട് ജീ​വി​ത​ച്ചെ​ല​വ് വ​ർ​ധ​ന​വി​നെ​തി​രെ​യു​ള്ള പൊ​തു​ജ​ന​രോ​ഷ​മാ​യി മാ​റു​ക​യാ​യി​രു​ന്നു. ഒ​ക്ടോ​ബ​ർ 17-ന് ​ന​ട​ന്ന വ്യാ​പ​ക സം​ഘ​ർ​ഷ​ങ്ങ​ളി​ൽ ലി​മോ​ഷ് (Limoges) ന​ഗ​ര​ത്തി​ലെ ച​രി​ത്ര​പ്ര​സി​ദ്ധ​മാ​യ സി​റ്റി ഹാ​ളി​ന് തീ​യി​ടു​ക​യും ഭാ​ഗി​ക​മാ​യി ത​ക​രു​ക​യും ചെ​യ്തു. രാ​ജ്യ​ത്തു​ട​നീ​ളം 2,700-ഓ​ളം പേ​രാ​ണ് ക​ഴി​ഞ്ഞ വാ​രാ​ന്ത്യ​ത്തി​ൽ അ​റ​സ്റ്റി​ലാ​യ​ത്. ഫാ​സ്റ്റ് ട്രാ​ക്ക് കോ​ട​തി​ക​ളി​ലൂ​ടെ 217 പേ​രെ ഇ​തി​ന​കം ജ​യി​ലി​ല​ട​ച്ച​താ​യി ജ​സ്റ്റി​സ് മി​നി​സ്റ്റ​ർ ജെ​റാ​ൾ​ഡ് ഡാ​ർ​മാ​ന​ൻ അ​റി​യി​ച്ചു.

തു​ട​രു​ന്ന പ്ര​തി​ഷേ​ധ​ങ്ങ​ളും യൂ​ണി​യ​നു​ക​ളു​ടെ നീ​ക്ക​ങ്ങ​ളും: സ​ർ​ക്കാ​ർ വി​ല​ക്കു​ക​ൾ നി​ല​നി​ൽ​ക്കെ​യും പാ​രീ​സ്, ലി​യോ​ൺ, ലി​ൽ, ഗ്രെ​നോ​ബി​ൾ തു​ട​ങ്ങി​യ ന​ഗ​ര​ങ്ങ​ളി​ൽ വി​ദ്യാ​ർ​ഥി യൂ​ണി​യ​നു​ക​ളും (UNEF) 'മ​ഞ്ഞ​ക്കു​പ്പാ​യ​ക്കാ​രു​ടെ​യും' നേ​തൃ​ത്വ​ത്തി​ൽ പു​തി​യ റാ​ലി​ക​ൾ​ക്കും പ്ര​ക്ഷോ​ഭ​ങ്ങ​ൾ​ക്കും ആ​ഹ്വാ​നം ചെ​യ്തി​ട്ടു​ണ്ട്. വാ​രാ​ന്ത്യ​ത്തി​ൽ വ​ലി​യ സു​ര​ക്ഷാ സ​ന്നാ​ഹ​ങ്ങ​ൾ ഏ​ർ​പ്പെ​ടു​ത്താ​നാ​ണ് അ​ധി​കാ​രി​ക​ളു​ടെ തീ​രു​മാ​നം.

ച​ർ​ച്ച​യ്ക്ക് ത​യ്യാ​റാ​യി സ​ർ​ക്കാ​ർ: സ​മ​ര​ക്കാ​രു​ടെ ന്യാ​യ​മാ​യ ആ​വ​ശ്യ​ങ്ങ​ളെ​ക്കു​റി​ച്ച് ച​ർ​ച്ച ചെ​യ്യാ​ൻ തി​ങ്ക​ളാ​ഴ്ച വി​ദ്യാ​ർ​ഥി സം​ഘ​ട​ന​ക​ൾ, യൂ​ണി​യ​നു​ക​ൾ, തൊ​ഴി​ലു​ട​മ​ക​ൾ എ​ന്നി​വ​രു​മാ​യി ച​ർ​ച്ച​ക​ൾ ന​ട​ത്തു​മെ​ന്ന് മാ​ക്രോ​ൺ അ​റി​യി​ച്ചു. അ​ടു​ത്ത വ​ർ​ഷം ന​ട​ക്കാ​നി​രി​ക്കു​ന്ന പ്ര​സി​ഡ​ന്‍റ് തെര​ഞ്ഞെ​ടു​പ്പി​ന് തൊ​ട്ടു​മു​മ്പു​ള്ള ഈ ​രാ​ഷ്ട്രീ​യ പ്ര​തി​സ​ന്ധി ഫ്ര​ഞ്ച് സ​ർ​ക്കാ​രി​ന് ക​ന​ത്ത ത​ല​വേ​ദ​ന​യാ​യി​രി​ക്കു​ക​യാ​ണ്.