ബിരുദധാരികൾക്കു യൂണിയൻ ബാങ്കിൽ അപ്രന്റിസ് ആകാം. കേരളത്തിൽ ഉൾപ്പെടെ 1,865 ഒഴിവ്. മേയ് 19 വരെ ഓൺലൈനായി അപേക്ഷിക്കാം. അപ്രന്റിസ് ആക്ട് 1961 പ്രകാരം ഒരു വർഷമാണു പരിശീലനം. കേരളത്തിൽ 39 ഒഴിവാണുള്ളത്.
യോഗ്യത: ഏതെങ്കിലും വിഷയത്തിൽ ബിരുദം. 2022 ഏപ്രിൽ ഒന്നിനു ശേഷം ബിരുദം ജയി ച്ചവരാകണം. അപേക്ഷിക്കുന്ന സംസ്ഥാനത്തെ ഔദ്യോഗിക/പ്രാദേശികഭാഷയിൽ പ്രാവീണ്യം വേണം.
പ്രായം: 20 - 28 പട്ടികവിഭാഗത്തിന് അഞ്ചും മറ്റു പിന്നാക്കവിഭാഗക്കാർക്കു മൂന്നും ഭിന്നശേഷിക്കാർക്കു പത്തും വർഷം ഇളവ്. യോഗ്യതയും പ്രായവും 2026 ഏപ്രിൽ 1 അടിസ്ഥാനമാക്കിയാണു കണക്കാക്കുക.
തെരഞ്ഞെടുപ്പ്: ഓൺലൈൻ പരീക്ഷ, പ്രാദേശികഭാഷാ പരീക്ഷ എന്നിവയുടെ അടിസ്ഥാന ത്തിൽ. മേയ്/ജൂണിലാകും ഓൺലൈൻ പരീക്ഷ. ഒരു മണിക്കൂർ ദൈർഘ്യമുള്ള ഓൺലൈൻ പരീക്ഷയിൽ ഒബ്ജക്ടീവ് മാതൃകയിലുള്ള ചോദ്യങ്ങളാണ്.
ജനറൽ/ഫിനാൻഷൽ അവെയർനെസ് (20 ചോദ്യം 20 മാർക്ക്), ജനറൽ ഇംഗ്ലീഷ് (20 /20 2), ക്വാണ്ടിറ്റേറ്റീവ് ആൻഡ് റീസണിംഗ് ആപ്റ്റിറ്റ്യൂഡ് (20 ചോദ്യം 20 മാർക്ക്), കംപ്യൂട്ടർ അല്ലെങ്കിൽ സബ്ജക്ട് നോളജ് (20) 10/20 ) യൂണിയൻ ബാങ്ക് ഓഫ് ഇന്ത്യ പ്രൊഡക്ട്സ് ആൻഡ് സർവീസസ് (20 ചോദ്യം 20 മാർക്ക്) എന്നിവ ഉൾപ്പെടുന്നതാണു പരീക്ഷ.
പത്ത് അല്ലെങ്കിൽ 12-ാം ക്ലാസ് വരെ പ്രാദേശിക ഭാഷ പഠിച്ചതിന്റെ രേഖ (മാർക്ക് ഷീറ്റ്, സർട്ടിഫിക്കറ്റ്) ഹാജരാക്കുന്നവർക്കു ലോക്കൽ ലാംഗ്വേജ് ടെസ്റ്റ് ബാധകമല്ല. സ്റ്റൈപൻഡ്: റൂറൽ/സെമി അർബൻ: -15,000, അർബൻ-18,000, മെട്രോ-20,000.
അപേക്ഷാഫീസ്: 800 രൂപ (വനിതകൾക്ക് 600 രൂപ, പട്ടികവിഭാഗത്തിനും ഭിന്നശേഷിക്കാർക്കും ട്രാൻസ്ജെൻഡർ വിഭാഗത്തിനും 200 രൂപ). ഓൺലൈനായി ഫീസ് അടയ്ക്കാം.
അപേക്ഷിക്കേണ്ട വിധം: ബിഎഫ്എസ്ഐ സെക്ടർ സ്കിൽ കൗൺസിൽ ഓഫ് ഇന്ത്യ (BFSI SSC) വെബ്സൈറ്റ് വഴിയാണ് അപ്രന്റിസ്ഷിപ് പരിശീലനത്തിന് അപേക്ഷിക്കേണ്ടത്.
യൂണിയൻ ബാങ്ക് ഓഫ് ഇന്ത്യയുടെ വെബ്സൈറ്റിലെ www.unionbankofindia. bank.in/recruitment aspx എന്ന ലിങ്ക് വഴിയോ ബിഎഫ്എസ്ഐയുടെ https:// beep.bfsissc.com/candidate_register/mkt എന്ന ലിങ്ക് വഴിയോ ഓൺലൈനായി അപേക്ഷിക്കാം.
അപേക്ഷകർ എൻഎടിഎസ് പോർട്ടലിൽ (https://nats.education. gov.in/student type.php) രജിസ്റ്റർ ചെയ്തശേഷം അപേക്ഷിക്കുക. വിജ്ഞാപനം സംബന്ധിച്ച വിശദവിവരങ്ങൾ www.unionbankofindia.bank.in എന്ന വെബ്സൈറ്റിൽ ലഭിക്കും.
E-paper LOGIN
LOGIN
