എംജി സര്‍വകലാശാലയിലെ സ്റ്റാറ്റൂട്ടറി ഡിപ്പാര്‍ട്ട്‌മെന്റ്, ഇന്റ്ര് സ്‌കൂള്‍ സെന്റര്‍സ് പ്രോഗ്രാമുകളായ ബിബിഎ എല്‍എല്‍ബി (ഓണേഴ്‌സ്), എല്‍എല്‍എം, എംടെക്, എംഎഡ്, എംബിഎ, പിജി എന്നിവയിലേക്കുള്ള പ്രവേശന പരീക്ഷ കാറ്റ് 2026 അപേക്ഷ സമര്‍പ്പിക്കാനുള്ള അവസാന തീയതി 16 വരെ നീട്ടി വിശദവിവരങ്ങള്‍ക്ക് വെബ്‌സൈറ്റ്: www. cat.mgu.ac.in, 0481 2733595

 എംജിയില്‍ ജനറല്‍ ഡ്യൂട്ടി അസിസ്റ്റന്റ് കോഴ്‌സ്

എംജി സര്‍വകലാശാലയിലെ ഇന്റര്‍ യൂണിവേഴ്‌സിറ്റി സെന്റര്‍ ഫോര്‍ ഡിസെബിലിറ്റി സ്റ്റഡീസ് (ഐയുസിഡിഎസ്) നടത്തുന്ന ജനറല്‍ ഡ്യൂട്ടി അസിസ്റ്റന്റ് കോഴ്‌സില്‍ പ്രവേശനത്തിന് അപേക്ഷ ക്ഷണിച്ചു. നാട്ടിലും വിദേശത്തും ആശുപത്രികളില്‍ ഡോക്ടര്‍മാരെയും നഴ്‌സുമാരെയും സഹായിക്കുന്ന അസിസ്റ്റന്റ് നഴ്‌സ് തസ്തികയിലും കെയര്‍ ഹോമുകളില്‍ കെയര്‍ ഗിവറായും ജോലി ലഭിക്കുന്നതിന് ഉപകരിക്കും
പ്രായപരിധിയില്ല. ഓഫ് ലൈന്‍, ഓണ്‍ലൈന്‍ ക്ലാസുകളുണ്ടാകും. മൂന്ന് മാസം, ആറു മാസം, ഒരു വര്‍ഷം ദൈര്‍ഘ്യമുള്ള കോഴ്‌സില്‍ ആശുപത്രി പരിശീലനവും പ്ലേസ്‌മെന്റ് സഹായവും ലഭിക്കും. -9946299964, 8891391580 ഇമെയില്‍[email protected].

റിസര്‍ച്ച് അസോസിയേറ്റ് ഒഴിവ്: അവസാന തീയതി 10

എംജി സര്‍വകലാശാലയിലെ സോഫിസ്റ്റിക്കേറ്റഡ് അനലിറ്റിക്കല്‍ ഇന്‍സ്ട്രുമെന്റ് ഫെസിലിറ്റിയില്‍ റിസേര്‍ച്ച് അസോസിയേറ്റ് തസ്തികയിലേക്ക് അപേക്ഷിക്കാനുള്ള 10 വരെ നീട്ടി. യോഗ്യരായ ഉദ്യോഗാര്‍ഥികള്‍ നിശ്ചിത മാതൃകയിലുള്ള അപേക്ഷയും രേഖകളും സഹിതം [email protected] എന്ന ഇമെയില്‍ വിലാസത്തില്‍ 10-നകം അയയ്ക്കണം. വിവരങ്ങള്‍ സര്‍വകലാശാല വെബ്‌സൈറ്റില്‍.

പരീക്ഷാ ഫലം

എംഎസ്‌സി മാത്തമാറ്റിക്‌സ് അവസാന സ്‌പെഷല്‍ മേഴ്‌സി ചാന്‍സ് (2001 ന് മുമ്പുള്ള അഡ്മിഷനുകള്‍ റെഗുലര്‍ സ്റ്റഡി, 2002 ന് മുമ്പുള്ള അഡ്മിഷനുകള്‍ പ്രൈവറ്റ് സ്റ്റഡി) ജനുവരി 2025 പരീക്ഷയുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും 14 വരെ ഓണ്‍ലൈനില്‍ അപേക്ഷിക്കാം.

മൂന്നാം സെമസ്റ്റര്‍ എംടിടിഎം (സിഎസ്എസ്) (2024 അഡ്മിഷന്‍ റെഗുലര്‍) നവംബര്‍ 2025 പരീക്ഷയുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും 14 വരെ ഓണ്‍ലൈനില്‍ അപേക്ഷിക്കാം.

ഒന്നാം സെമസ്റ്റര്‍ (പിജിസിഎസ്എസ്) എംഎസ്‌സി സ്റ്റാറ്റിസ്റ്റിക്‌സ് (അപലൈഡ്) (2025 അഡ്മിഷന്‍ റെഗുലര്‍, 2024 അഡ്മിഷന്‍ ഇംപ്രൂവ്‌മെന്റ്, 2019 മുതല്‍ 2024 വരെ അഡ്മിഷനുകള്‍ റീ അപ്പിയറന്‍സ്) ഡിസംബര്‍ 2025 പരീക്ഷയുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും 16 വരെ ഓണ്‍ലൈനില്‍ അപേക്ഷിക്കാം.

നാലാം സെമസ്റ്റര്‍ എല്‍എല്‍എം (2023 അഡ്മിഷന്‍ റെഗുലര്‍, 2021, 2022 അഡ്മിഷനുകള്‍ സപ്ലിമെന്ററി, 2020 അഡ്മിഷന്‍ ആദ്യ മേഴ്‌സി ചാന്‍സ്, 2019 അഡ്മിഷന്‍ രണ്ടാം മേഴ്‌സി ചാന്‍സ്, 2018 അവസാന മേഴ്‌സി ചാന്‍സ്) നവംബര്‍ 2025 പരീക്ഷയുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും 16 വരെ ഓണ്‍ലൈനില്‍ അപേക്ഷിക്കാം.

ഒന്നു മുതല്‍ നാലു വരെ സെമസ്റ്ററുകള്‍ (പിജിസിഎസ്എസ്) എംഎ പൊളിറ്റിക്കല്‍ സയന്‍സ് (2012 മുതല്‍ 2014 വരെ അഡ്മിഷനുകള്‍ അവസാന മേഴ്‌സി ചാന്‍സ്) ജനുവരി 2025 പരീക്ഷയുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും 16 വരെ ഓണ്‍ലൈനില്‍ അപേക്ഷിക്കാം.

പരീക്ഷാ തീയതി

പത്താം സെമസ്റ്റര്‍ ഇന്റഗ്രേറ്റഡ് എംഎ ലാംഗ്വേജസ് -ഇംഗ്ലീഷ് (2021 അഡ്മിഷന്‍ റെഗുലര്‍, 2020 അഡ്മിഷന്‍ സപ്ലിമെന്ററി) ഏപ്രില്‍ 2026 പരീക്ഷകള് 22 മുതല്‍ നടക്കും.

പ്രാക്ടിക്കല്‍

ആറാം സെമസ്റ്റര്‍ സിബിസിഎസ് (പുതിയ സ്‌കീം- 2023 അഡ്മിഷന്‍ റെഗുലര്‍, 2019 മുതല്‍ 2022 വരെ അഡ്മിഷനുകള്‍ റീഅപ്പിയറന്‍സ്, 2018 അഡ്മിഷന്‍ ആദ്യ മേഴ്‌സി ചാന്‍സ്, 2017 അഡ്മിഷന്‍ രണ്ടാം മേഴ്‌സി ചാന്‍സ്) മാര്‍ച്ച് 2026 ബിഎ ഭരതനാട്യം, മോഹിനിയാട്ടം പ്രാക്ടിക്കല്‍ പരീക്ഷകള്‍ യഥാക്രമം നാല്, 20 എന്നീ തീയതികള്‍ മുതല്‍ തൃപ്പൂണിത്തുറ ആര്‍എല്‍വി കോളജ് ഓഫ് മ്യൂസിക് ആന്‍ഡ് ഫൈന്‍ ആര്‍ട്‌സില്‍ നടക്കും.