എംജി സര്‍വകലാശാലയില്‍ മൂന്നു മാസത്തെ ഡ്രോണ്‍ സര്‍ട്ടിഫിക്കറ്റ് കോഴ്സിന്റെ ഒക്ടോബര്‍ ബാച്ചിലേക്ക് അപേക്ഷ ക്ഷണിച്ചു. ഇന്‍ഡസ്ട്രി ഇന്റേണ്‍ഷിപ്പ് ഉള്‍പ്പെടുന്ന കോഴ്സ് വിജയകരമായി പൂര്‍ത്തിയാക്കുന്നവര്‍ക്ക് ഡിജിസിഎ സ്‌മോള്‍ ക്ലാസ് ഡ്രോണ്‍ പൈലറ്റ് ലൈസന്‍സ് ലഭിക്കും. 18-നും 60-നും മധ്യേ പ്രായമുള്ളവര്‍ക്ക് അപേക്ഷിക്കാം. ses.mgu.ac.in +91 6282448585.

പാലിയേറ്റീവ് പരിചരണം: ഡിപ്ലോമ കോഴ്‌സിന് അപേക്ഷിക്കാം
എംജി സര്‍വകലാശാലയില്‍ ആറുമാസത്തെ പാലിയേറ്റീവ് പരിചരണം ഡിപ്ലോമ കോഴ്സിലേക്ക് അപേക്ഷ ക്ഷണിച്ചു. പ്രീഡിഗ്രി അല്ലെങ്കില്‍ പ്ലസ് 2 യോഗ്യതയുള്ളവര്‍ക്ക് അപേക്ഷിക്കാം. ഉയര്‍ന്ന പ്രായപരിധിയില്ല. അവസാന തീയതി 22. iucds.mgu.ac.in.

 സ്‌പോട്ട് അഡ്മിഷന്‍

എംജി സര്‍വകലാശാലാ ക്യാമ്പസിലെ സ്‌കൂള്‍ ഓഫ് ബിഹേവിയറല്‍ സയന്‍സസില്‍ എംഎ സോഷ്യല്‍ വക്ക് ഇന്‍ ഡിസബിലിറ്റി സ്റ്റഡീസ് കോഴ്‌സില്‍ ഒരു സീറ്റിലേക്ക് നാളെ സ്‌പോട്ട് അഡ്മിഷന്‍ നടത്തും. ബിരുദമാണ് യോഗ്യത. താല്പര്യമുള്ളവര്‍ അസല്‍ സര്‍ട്ടിഫിക്കറ്റുകളുമായി അന്ന് രാവിലെ 10.30-ന് സര്‍വകലാശാലാ ക്യാമ്പസിലുള്ള ഓഫീസില്‍ എത്തണം.

എംജി സര്‍വകലാശാലാ ക്യാമ്പസിലെ സ്‌കൂള്‍ ഓഫ് ടൂറിസം സ്റ്റഡീസില്‍ മാസ്റ്റര്‍ ഓഫ് ടൂറിസം ആന്‍ഡ് ട്രാവല്‍ മാനേജ്മെന്റ് പ്രോഗ്രാമില്‍ ഒഴിവുള്ള ഏതാനും സീറ്റുകളിലേക്ക് സ്‌പോട്ട് അഡ്മിഷന്‍ നടത്തും. 50ശതമാനം മാര്‍ക്കോടെ ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. സംവരണ വിഭാഗങ്ങള്‍ക്ക് നിയമപരമായ ഇളവുണ്ട്. താല്പര്യമുള്ള വിദ്യാര്‍ഥികള്‍ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം 17നു ഉച്ചകഴിഞ്ഞു മൂന്നിനു മുന്‍പായി സര്‍വകലാശാലാ ക്യാമ്പസിലുള്ള സ്‌കൂള്‍ ഓഫ് ടൂറിസം സ്റ്റഡീസില്‍ നേരിട്ട് ഹാജരാകണം. 9496322062, 0481-2733374.

പ്രാക്ടിക്കല്‍

രണ്ടാം സെമസ്റ്റര്‍ എംഎസ്‌സി ബയോമെഡിക്കല്‍ ഇന്‍സ്ട്രുമെന്റേഷന്‍ (2025 അഡ്മിഷന്‍ റെഗുലര്‍, 2022-2024 അഡ്മിഷനുകള്‍ സപ്ലിമെന്ററി, 2021 അഡ്മിഷന്‍ ആദ്യ മേഴ്‌സി ചാന്‍സ്, 2020 അഡ്മിഷന്‍ രണ്ടാം മേഴ്‌സി ചാന്‍സ്, 2019 അഡ്മിഷന്‍ അവസാന മേഴ്‌സി ചാന്‍സ്) ഓഗസ്റ്റ് 2026 ന്റെ പ്രാക്ടിക്കല്‍ പരീക്ഷ ഒക്ടോബര്‍ ഏഴിന് നടക്കും. ടൈം ടേബിള്‍ വെബ്‌സൈറ്റില്‍.