കാലിക്കറ്റ് സര്‍വകലാശാല 2026 - 27 അധ്യയന വര്‍ഷത്തെ ബിഎഡ്, ബിഎഡ് സ്‌പെഷ്യല്‍ എജ്യുക്കേഷന്‍ പ്രവേശനത്തിനുള്ള ഓണ്‍ലൈന്‍ അപേക്ഷ ക്ഷണിച്ചു. അപേക്ഷ സമര്‍പ്പിക്കുന്നതിനുള്ള അവസാന തീയതി ജൂണ്‍ മൂന്ന്. അപേക്ഷാ ഫീസ് എസ്‌സി / എസ്ടി - 255 രൂപ, മറ്റുള്ളവര്‍ - 800 രൂപ. അപേക്ഷയുടെ പകര്‍പ്പ് സര്‍വകലാശാലയിലേക്കോ കോളജുകളിലേക്കോ അയക്കേണ്ടതില്ല. പ്രവേശനം ആഗ്രഹിക്കുന്ന എല്ലാ വിദ്യാര്‍ഥികളും (ജനറല്‍, മാനേജ്‌മെന്‍റ്, കമ്മ്യൂണിറ്റി, സ്‌പോര്‍ട്‌സ്, ഭിന്നശേഷി, വിവിധ സംവരണ വിഭാഗക്കാര്‍ ഉള്‍പ്പെടെ) ഓണ്‍ലൈനായി അപേക്ഷ സമര്‍പ്പിക്കേണ്ടതാണ്. ഭിന്നശേഷി, കമ്മ്യൂണിറ്റി, സ്‌പോര്‍ട്‌സ്, ഡിഫന്‍സ്, ടീച്ചേര്‍സ് എന്നീ സംവരണ വിഭാഗക്കാരുടെ പ്രവേശനത്തിന് ഓണ്‍ലൈന്‍ അലോട്ട്‌മെന്‍റ് ഉണ്ടായിരിക്കുന്നതല്ല. പ്രസ്തുത വിഭാഗത്തില്‍ രജിസ്റ്റര്‍ ചെയ്തവരുടെ റാങ്ക് ലിസ്റ്റ് അതാത് കോളജിലേക്ക് നല്‍കുന്നതും കോളജ് പ്രസ്തുത റാങ്ക് ലിസ്റ്റില്‍ നിന്നും പ്രവേശനം നടത്തുന്നതുമാണ്. സ്‌പോര്‍ട്‌സ് ക്വാട്ട പ്രവേശനത്തിനുള്ള റാങ്ക് ലിസ്റ്റ് തയാറാക്കുന്നത് തിരുവനന്തപുരത്തുള്ള കേരള സ്റ്റേറ്റ് സ്‌പോര്‍ട്ട്‌സ് കൗണ്‍സിലാണ്. സ്‌പോര്‍ട്‌സ് ക്വാട്ട റാങ്ക് ലിസ്റ്റില്‍ ഉള്‍പ്പെടുന്നതിന് കാലിക്കട്ട് സര്‍വകലാശാല 2026 ബിഎഡ് ഓണ്‍ലൈന്‍ അപേക്ഷയുടെ പകര്‍പ്പ്, യോഗ്യതാ സര്‍ട്ടിഫിക്കറ്റുകളുടെ പകര്‍പ്പ്, സ്‌പോര്‍ട്‌സ് പ്രാവീണ്യം തെളിയിക്കുന്നതിനുള്ള സര്‍ട്ടിഫിക്കറ്റുകളുടെ പകര്‍പ്പ് എന്നിവ സഹിതം സെക്രട്ടറി, കേരള സ്റ്റേറ്റ് സ്‌പോര്‍ട്ട്‌സ് കൗണ്‍സില്‍, തിരുവനന്തപുരം - 695001 എന്ന വിലാസത്തിലേക്ക് അയക്കേണ്ടതാണ്. മാനേജ്‌മെന്‍റ് ക്വാട്ടയില്‍ പ്രവേശനം ആഗ്രഹിക്കുന്നവര്‍ ഓണ്‍ലൈന്‍ അപേക്ഷക്ക് പുറമേ പ്രവേശനം ആഗ്രഹിക്കുന്ന കോളജുകളില്‍ അപേക്ഷ സമര്‍പ്പിക്കേണ്ടതാണ്. വിശദമായ വിജ്ഞാപനം പ്രവേശന വിഭാഗം വെബ്‌സൈറ്റില്‍ https://admission.uoc.ac.in/. ഫോണ്‍: 0494 2407017, 2407016, 2660600.

പരീക്ഷാഫലം

 എട്ടാം സെമസ്റ്റര്‍ ബിടെക് (2014 സ്‌കീം) (2014, 2015 പ്രവേശനം) ഏപ്രില്‍ 2022, (2016 പ്രവേശനം) നവംബര്‍ 2021, (2017 പ്രവേശനം) നവംബര്‍ 2022, (2018 പ്രവേശനം) നവംബര്‍ 2023 പരീക്ഷകളുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് ജൂണ്‍ ആറ് വരെ അപേക്ഷിക്കാം.

ഒമ്പതാം സെമസ്റ്റര്‍ ബിബിഎ എല്‍എല്‍ബി ഹോണേഴ്‌സ് റഗുലര്‍, സപ്ലിമെന്‍ററി നവംബര്‍ 2025, സപ്ലിമെന്‍ററി ഏപ്രില്‍ 2026 പരീക്ഷകളുടെ ഫലം പ്രഖ്യാപിച്ചു. പുനര്‍മൂല്യനിര്‍ണയത്തിന് ജൂണ്‍ അഞ്ച് വരെ അപേക്ഷിക്കാം.

ഒന്നാം സെമസ്റ്റര്‍ എംഎസ്‌സി കമ്പ്യൂട്ടര്‍ സയന്‍സ് നവംബര്‍ 2025 സപ്ലിമെന്‍ററി പരീക്ഷാഫലം പ്രസിദ്ധീകരിച്ചു.

സര്‍വകലാശാല എൻജിനീയറിംഗ് കോളജിലെ (ഐഇടി) ബിടെക് അഞ്ചാം സെമസ്റ്റര്‍ നവംബര്‍ 2024 സപ്ലിമെന്‍ററി പരീക്ഷാഫലം പ്രസിദ്ധീകരിച്ചു. പുനഃപരിശോധനക്ക് ജൂണ്‍ എട്ട് വരെ ഓണ്‍ലൈനായി അപേക്ഷിക്കാം.

വിദൂരവിഭാഗം ഒന്നാം സെമസ്റ്റര്‍ എംഎ ഇക്കണോമിക്‌സ് (2020 പ്രവേശനം) സെപ്റ്റംബര്‍ 2024 ഒറ്റത്തവണ റഗുലര്‍ സപ്ലിമെന്‍ററി പരീക്ഷാഫലം പ്രസിദ്ധീകരിച്ചു.

പുനര്‍മൂല്യനിര്‍ണയഫലം

മൂന്നാം സെമസ്റ്റര്‍ എംഎസ്‌സി - അക്വാകള്‍ച്ചര്‍ ആൻഡ് ഫിഷറി മൈക്രോബയോളജി, സ്റ്റാറ്റിസ്റ്റിക്സ്, എംഎ - സാന്‍സ്‌ക്രിറ്റ് സാഹിത്യ സ്പെഷ്യല്‍, ഡെവലപ്‌മെന്‍റ് ഇക്കണോമിക്‌സ് നവംബര്‍ 2025 പരീക്ഷകളുടെ പുനര്‍മൂല്യനിര്‍ണയഫലം പ്രസിദ്ധീകരിച്ചു.

മൂന്നാം സെമസ്റ്റര്‍ എംഎ ഇംഗ്ലീഷ്, പൊളിറ്റിക്കല്‍ സയന്‍സ്, ബിസിനസ് ഇക്കണോമിക്‌സ്, ഇക്കണോമെട്രിക്‌സ്, മലയാളം വിത് ജേണലിസം, പബ്ലിക് അഡ്മിനിസ്‌ട്രേഷന്‍, എംഎസ്‌സി ഫിസിക്‌സ്, എംഎസ്‌സി ബോട്ടണി നവംബര്‍ 2025 പരീക്ഷകളുടെ പുനര്‍മൂല്യനിര്‍ണയഫലം പ്രസിദ്ധീകരിച്ചു.