2026-27 അധ്യയന വർഷത്തിലെ കണ്ണൂർ സർവകലാശാലയ്ക്ക് കീഴിലുള്ള അഫിലിയേറ്റഡ് കോളജുകളിലെയും, ബിഎഡ് സെന്‍ററുകളിലെയും ബിഎഡ് പ്രോഗ്രാമുകളിലേക്കുള്ള പ്രവേശനത്തിന്‍റെ റാങ്ക് ലിസ്റ്റ് വെബ്‌സൈറ്റിൽ (admissions.kannuruniversity.ac.in) പ്രസിദ്ധീകരിച്ചു.

സീറ്റ് ഒഴിവ് 

കണ്ണൂർ സർവകലാശാല മങ്ങാട്ടുപറമ്പ കാമ്പസിലെ സ്റ്റാറ്റിസ്റ്റിക്കൽ സയൻസസ് പഠന വകുപ്പിൽ എംഎസ്‌സി സ്റ്റാറ്റിസ്റ്റിക്സ് പ്രോഗാമിൽ എസ്‌സി, എസ്ടി, ഒബിഎച്ച്, ഒബിഎക്സ്, ഇഡബ്ല്യുഎസ്, ഇടിബി വിഭാഗങ്ങളിൽ സീറ്റ് ഒഴിവുണ്ട്. യോഗ്യത ഉള്ള വിദ്യാർഥികൾ അസൽ സർട്ടിഫിക്കറ്റുകൾ സഹിതം മങ്ങാട്ടുപറമ്പ കാമ്പസിലെ സ്റ്റാറ്റിസ്റ്റിക്കൽ സയൻസസ് പഠന വകുപ്പിൽ13 ന് രാവിലെ10 ന് ഹാജരാവണം. ഫോൺ: 9048342009.

എംഎസ്‌സി പ്ലാന്‍റ് സയൻസ്

കണ്ണൂർ സർവകലാശാല മാനന്തവാടി കാമ്പസിൽ , ബോട്ടണി പഠനവകുപ്പിലെ എംഎസ്‌സി പ്ലാന്‍റ് സയൻസ് പ്രോഗ്രാമിൽ എസ്‌സി സംവരണ സീറ്റ് ഒഴിവുണ്ട്. യോഗ്യരായവർ 13 ന് രാവിലെ11 ന് അസൽ സർട്ടിഫിക്കറ്റുകളുമായി മാനന്തവാടി കാമ്പസിൽ ഹാജരാകണം.

എംഎസ്‌സി കെമിസ്ട്രി (മെറ്റീരിയൽ സയൻസ്)

കണ്ണൂർ സർവകലാശാല പയ്യന്നൂർ സ്വാമി ആനന്ദതീർഥ കാമ്പസിൽ എംഎസ്‌സി കെമിസ്ട്രി (മെറ്റീരിയൽ സയൻസ്) പ്രോഗ്രാമിൽ സീറ്റൊഴിവുണ്ട്. യോഗ്യരായവർ 13 ന് രാവിലെ 10.30 ന് പഠന വകുപ്പിൽ വകുപ്പുതലവൻ മുന്പാകെ എത്തിച്ചേരേണ്ടതാണ്. ഫോൺ: 9496372088,
04972806402.

 എംഎസ്‌സി എൻവിറോൺമെൻറൽ സയൻസ്

കണ്ണൂർ സർവകലാശാല മാങ്ങാട്ടുപറമ്പ കാമ്പസിലെ പരിസ്ഥിതി പഠന വകുപ്പിൽ എംഎസ്‌സി എൻവിറോൺമെൻറൽ സയൻസ് പ്രോഗ്രാമിന് എസ്‌സി/എസ്ടി/ഇഡബ്ല്യുഎസ്/എസ്ഇബിഎസ്, മുസ് ലിം/ എൻആർഐ സീറ്റുകൾ ഒഴിവുണ്ട്. താത്പര്യമുള്ളവർ അസൽ സർട്ടിഫിക്കറ്റുകൾ സഹിതം 14 ന് രാവിലെ 10.30ന് പഠന വകുപ്പിൽ ഹാജരാകണം. ഫോൺ: 9946349800, 9995950671 .

ഓൺലൈനായി പുതുതായി അപേക്ഷിക്കാം

2025-26 അധ്യയന വർഷത്തെ അഫിലിയേറ്റഡ് കോളജുകളിലെ പിജി കോഴ്സുകളിലെ ഒഴിവുള്ള എസ്‌സി /എസ്ടി/പിഡബ്ല്യൂബിഡി സീറ്റുകളിലേക്ക് ഇതുവരെ അപേക്ഷിക്കാത്തവർക്ക് വിഭാഗക്കാർക്ക് ഓൺലൈനായി ജൂലൈ 12 വരെ അപേക്ഷിക്കാം.
അഫിലിയേറ്റഡ് കോളജുകളിലെ പിജി പ്രോഗ്രാമുകളിലേക്ക് എസ്‌സി /എസ്ടി/പിഡബ്ല്യൂബിഡി വിഭാഗക്കാർക്ക് മാത്രമായി13 ന് സ്പെഷൽ അലോട്ട്മെന്‍റ് നടത്തുന്നതാണ്. അലോട്ട്മെന്‍റ് ലഭിക്കുന്ന വിദ്യാർഥികൾ അഡ്മിഷൻ ഫീസ് ഒടുക്കി അതാത് കോളജുകളിൽ 14 ന് പ്രവേശനം നേടേണ്ടതാണ്. കൂടുതൽ വിവരങ്ങൾക്ക് സർവകലാശാല വെബ്സൈറ്റ് (https://admissions.kannuruniversity.ac.in/) സന്ദർശിക്കുക

അപേക്ഷ തീയതി നീട്ടി

കണ്ണൂർ സർവകലാശാലയുടെ വുഡ് സയൻസ് ആൻഡ് ടെക്‌നോളജി പഠന വകുപ്പിൽ പുതുതായി ആരംഭിക്കുന്ന Apprenticeship Embedded Degree Programme in Wood and Bamboo Technology (3 Year Programme) പ്രോഗ്രാമിന് ഓൺലൈനായി അപേക്ഷിക്കാനുള്ള അവസാന തീയതി ജൂലൈ 24 ന് വൈകുന്നേരം അഞ്ചു വരെ നീട്ടി. പ്രോസ്പെക്ടസ് ഉൾപ്പെടെയുള്ള കൂടുതല്‍ വിവരങ്ങൾ www.admission.kannuruniversity.ac.in എന്ന വെബ്സൈറ്റിൽ ലഭ്യമാണ്. വിശദവിവരങ്ങൾക്ക് 0497-2766388, 2715227 എന്ന നമ്പറിലോ [email protected] എന്ന ഇ-മെയില്‍ മുഖാന്തിരമോ ബന്ധപ്പെടാം.

പിജി ഡിപ്ലോമ പ്രോഗ്രാമുകൾ, സർട്ടിഫിക്കറ്റ് പ്രോഗ്രാം, ‌അഫ്സൽ - ഉൽ - ഉലമ പ്രോഗ്രാം

കണ്ണൂർ സർവകലാശാല പഠന വകുപ്പുകളിലെ പിജി ഡിപ്ലോമ ഇൻ ജിയോഇൻഫോമാറ്റിക്സ് ഫോർ സ്‌പേഷൽ പ്ലാനിംഗ്, പിജി ഡിപ്ലോമ ഇൻ യോഗ എഡ്യൂക്കേഷൻ, സർട്ടിഫിക്കറ്റ് പ്രോഗ്രാം ഇൻ യോഗ എന്നീ പ്രോഗ്രാമുകളിലേക്കും സർവകലാശാലയ്ക്ക് കീഴിലുള്ള ഓറിയന്‍റൽ ടൈറ്റിൽ കോളജുകളിലെ അഫ്സൽ - ഉൽ - ഉലമ പ്രീലിമിനറി പ്രോഗ്രാമിലേക്കും അപേക്ഷ ക്ഷണിച്ചു.
പഠന വകുപ്പുകളിലെ ഡിപ്ലോമ പ്രോഗ്രാമുകളുടെയും സർട്ടിഫിക്കറ്റ് പ്രോഗ്രാമിന്‍റേയും പ്രവേശനത്തിന്, കണ്ണൂർ സർവകലാശാല വെബ്സൈറ്റ് മുഖേന ഓൺലൈനായി രജിസ്റ്റർ ചെയ്യാവുന്നതാണ്. ഓൺലൈൻ രജിസ്‌ട്രേഷൻ13 രാവിലെ10 ന് ആരംഭിക്കുന്നതും ജൂലൈ 20 ന് വൈകുന്നേരം അഞ്ചിന് അവസാനിക്കുന്നതുമാണ്.
ഓൺലൈൻ രജിസ്‌ട്രേഷൻ ഫീസ് ചുവടെ കൊടുത്തപ്രകാരം SBI e-pay വഴി ഒടുക്കേണ്ടതാണ്. പോസ്റ്റ് ഗ്രാജ്വേവേറ്റ് ഡിപ്ലോമ ഇൻ ജിയോ ഇൻഫോമാറ്റിക്സ് ഫോർ സ്പെഷൽ പ്ലാനിംഗിന് എസ്‌സി/എസ്ടി/പിഡബ്ല്യൂഡി വിഭാഗങ്ങൾക്ക് 525 രൂപയും മറ്റ് വിഭാഗങ്ങൾക്ക് 1050 രൂപയുമാണ്. എന്നാൽ യോഗാ കോഴ്സുകൾക്ക് എസ്‌സി/എസ്ടി/പിഡബ്ല്യൂഡി വിഭാഗങ്ങൾക്ക് 265 രൂപയും
മറ്റ് വിഭാഗങ്ങൾക്ക് 525 രൂപയുമാണ്.
കണ്ണൂർ സർവകലാശാലക്ക് കീഴിലുള്ള അഫിലിയേറ്റഡ് ഓറിയന്‍റഡ് കോളജുകളിൽ അഫ്സൽ - ഉൽ - ഉലമ പ്രോഗ്രാമിലേക്ക് ജൂലൈ 13 മുതൽ 20 വരെ അതാതു കോളജുകളിൽ അപേക്ഷ സമർപ്പിക്കാ വുന്നതാണ്. പ്രോസ്പെക്ട്സ് ഉൾപ്പെടെയുള്ള കൂടുതൽ വിവരങ്ങൾക്ക് www.admission.kannuruniversity.ac.in എന്ന വെബ്‌സൈറ്റിൽ ലഭ്യമാണ്. വിശദവിവരങ്ങൾക്കായി 0497-2766388, 7356948230 എന്ന ഫോൺ നമ്പരിലൊ [email protected] എന്ന ഇമെയിലിലോ ബന്ധപ്പെടാം.

ഓപ്പൺ ഡിഫൻസ് 20 ന്

കണ്ണൂർ സർവകലാശാലയിൽ മാത്തമാറ്റിക്സ് വിഷയത്തിൽ ഗവേഷണം നടത്തുന്ന പി.എം. ദിവ്യ എന്ന വിദ്യാർഥിനിയുടെ പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിൻമേലുള്ള ഓപ്പൺ ഡിഫൻസ് ജൂലൈ 20 ന് രാവിലെ 10.15 ന് വീഡിയോ കോൺഫറൻസിംഗിലൂടെ നടത്തുന്നതാണ്. പ്രസ്തുത പ്രബന്ധം ഓപ്പൺ ഡിഫെൻസ് സെമിനാറിന് മൂന്നു ദിവസം മുന്പ് മുതൽ കണ്ണൂർ സർവകലാശാലയുടെ മങ്ങാട്ടുപറമ്പ് കാന്പസ് ലൈബ്രറിയിൽ പരിശോധനയ്ക്ക് ലഭ്യമായിരിക്കും.