എംജി സര്‍വകലാശാല ഡിപ്പാര്‍ട്ട്‌മെന്റ് ഓഫ് ലൈഫ് ലോംഗ് ലേണിംഗ് ആന്‍ഡ് എക്സ്റ്റന്‍ഷന്‍ നടത്തുന്ന വിവിധ സര്‍ട്ടിഫിക്കറ്റ് പ്രോഗ്രാമുകളിലെ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. ബേസിക് ഫസ്റ്റ് എയ്ഡ്, മ്യൂസിക് (ലെവല്‍-1) എന്നീ കോഴ്‌സുകളിലാണ് അവസരം. ബേസിക് ഫസ്റ്റ് എയ്ഡ് കോഴ്‌സിന് പ്ലസ്ടു അല്ലെങ്കില്‍ പ്രീ-ഡിഗ്രിയാണ് വിദ്യാഭ്യാസ യോഗ്യത. 10 ഞായറാഴ്ചകളിലായി നടത്തുന്ന ഈ കോഴ്‌സിന് 3200 രൂപയാണ് ഫീസ്. മ്യൂസിക് കോഴ്‌സിന് മലയാളം എഴുതാനും വായിക്കാനും അറിയുന്ന 18 വയസ് തികഞ്ഞവര്‍ക്ക് അപേക്ഷിക്കാം. 20 ഞായറാഴ്ചകളിലായി നടത്തുന്ന ഈ കോഴ്‌സിന് 5200 രൂപയാണ് ഫീസ്. താത്പര്യമുള്ളവര്‍ യോഗ്യതാ രേഖകളുടെ അസലും പകര്‍പ്പുകളും രണ്ട് പാസ്‌പോര്‍ട്ട് സൈസ് ഫോട്ടോകളുമായി ജൂണ്‍ നാലിന് വകുപ്പില്‍ എത്തണം. -0481-2733399, 08301000560

വെറ്ററിനേറിയന്‍: വാക്-ഇന്‍-ഇന്റര്‍വ്യൂ

സ്‌കൂള്‍ ഓഫ് ബയോ സയന്‍സസില്‍ വെറ്ററിനേറിയന്‍ തസ്തികയിലെ ഒരു ഒഴിവിലേക്ക് പ്രതിമാസം 35,000 രൂപ വേതനത്തില്‍ മൂന്ന് മാസത്തേക്ക് കരാര്‍ അടിസ്ഥാനത്തില്‍ താത്കാലിക നിയമനത്തിന് വാക്-ഇന്‍-ഇന്റര്‍വ്യൂ നടത്തും. താത്പര്യമുള്ളവര്‍ ബന്ധപ്പെട്ട സര്‍ട്ടിഫിക്കറ്റുകളുടെ അസലും പകര്‍പ്പുകളും സഹിതം ജൂണ്‍ മൂന്നിന് രാവിലെ 11നു വകുപ്പ് മേധാവി, സ്‌കൂള്‍ ഓഫ് ബയോ സയന്‍സസ്, എംജി യൂണിവേഴ്‌സിറ്റി, കോട്ടയം മുന്‍പാകെ ഹാജരാകണം. (ഇന്റര്‍വ്യൂ അന്നേ ദിവസം ഉച്ചകഴിഞ്ഞു രണ്ടിനു നടത്തും).
വെറ്ററിനറി സയന്‍സസില്‍ ബിരുദവും, കേരള വെറ്ററിനറി കൗണ്‍സിലിന്റെ അംഗീകാരവുമുള്ള ഡോക്ടര്‍മാര്‍ക്കും, റിട്ടയര്‍ ചെയ്ത വെറ്ററിനറി ഡോക്ടര്‍മാര്‍ക്കും അപേക്ഷിക്കാം. 0481 2733373, 9447505690, 9645414812 വിശദ വിവരങ്ങള്‍ സര്‍വകലാശാലാ വെബ്‌സൈറ്റില്‍.

പരീക്ഷാ തീയതി

രണ്ടാം സെമസ്റ്റര്‍ ബിഎഡ് സ്‌പെഷല്‍ എജ്യുക്കേഷന്‍ -ലേണിംഗ് ഡിസെബിലിറ്റി, ഇന്റലക്ച്വല്‍ ഡിസെബിലിറ്റി (സിഎസ്എസ്) (2025 അഡ്മിഷന്‍ റെഗുലര്‍, 2023, 2024 അഡ്മിഷനുകള്‍ സപ്ലിമെന്ററി, 2022 അഡ്മിഷന്‍ ആദ്യ മേഴ്‌സി ചാന്‍സ്, 2021 അഡ്മിഷന്‍ രണ്ടാം മേഴ്‌സി ചാന്‍സ്, 2020 അഡ്മിഷന്‍ അവസാന മേഴ്‌സി ചാന്‍സ്) മേയ് 2026 പരീക്ഷകള്‍ ജൂണ്‍ അഞ്ചു മുതല്‍ നടക്കും.

നാലാം സെമസ്റ്റര്‍ എംബിഎ (2024 അഡ്മിഷന്‍ റെഗുലര്‍, 2022, 2023 അഡ്മിഷനുകള്‍ സപ്ലിമെന്ററി, 2021 അഡ്മിഷന്‍ ആദ്യ മേഴ്‌സി ചാന്‍സ്, 2020 അഡ്മിഷന്‍ രണ്ടാം മേഴ്‌സി ചാന‍സ്, 2019 അഡ്മിഷന്‍ അവസാന മേഴ്‌സി ചാന്‍സ്) പരീക്ഷകള്‍ ജൂണ്‍ 11 മുതല്‍ നടക്കും.

പരീക്ഷയ്ക്ക് അപേക്ഷിക്കാം

രണ്ടാം സെമസ്റ്റര്‍ എംഎഡ് (സ്‌പെഷല്‍ എജ്യുക്കേഷന്‍ -ഇന്റലക്ച്വല്‍ ഡിസെബിലിറ്റി പരീക്ഷകള്‍ ജൂണ്‍ 15 മുതല്‍ നടക്കും. പരീക്ഷകള്‍ക്ക് 30 വരെ ഫീസ് അടച്ച് അപേക്ഷിക്കാം. ഫൈനോടെ ജൂണ്‍ ഒന്നു വരെയും സൂപ്പര്‍ ഫൈനോടെ രണ്ടു വരെയും അപേക്ഷ സ്വീകരിക്കും.

പ്രാക്ടിക്കല്‍

രണ്ടാം സെമസ്റ്റര്‍ എംഎഡ് (സ്‌പെഷല്‍ എജ്യുക്കേഷന്‍ -ഇന്റലക്ച്വല്‍ ഡിസെബിലിറ്റി (2025 അഡ്മിഷന്‍ റെഗുലര്‍) മേയ് 2026 പരീക്ഷയുടെ പ്രാക്ടിക്കല്‍ പരീക്ഷകള്‍ ് 26 ന് മൂവാറ്റുപുഴ നിര്‍മല സദന്‍ ട്രെയിനിംഗ് കോളജ് ഫോര്‍ സ്‌പെഷല്‍ എഡ്യുക്കേഷനില്‍ നടക്കും. ടൈം ടേബിള്‍ വെബ്‌സൈറ്റില്‍.