എംജി സര്‍വകലാശാലാ ക്യാമ്പസിലെ സ്‌കൂള്‍ ഓഫ് എനര്‍ജി മെറ്റീരിയല്‍സില്‍ റിസേര്‍ച്ച് അസോസിയേറ്റ് തസ്തികയിലേക്ക് (ഇ/ബി/ടി റിസര്‍വേഷന്‍) താല്‍ക്കാലിക നിയമനത്തിന് അപേക്ഷ ക്ഷണിച്ചു. ഒരു വര്‍ഷത്തേക്കാണ് നിയമനമെങ്കിലും പരമാവധി മൂന്ന് വര്‍ഷം വരെ നീട്ടിയേക്കാം. പ്രതിമാസം 60,000 രൂപയാണ് പ്രതിഫലം. പ്രായപരിധി 50 വയസ്സ്. കെമിസ്ട്രി, പോളിമര്‍ സയന്‍സില്‍ എംഎസ്്‌സിയും, പോളിമര്‍ സയന്‍സ്, നാനോടെക്‌നോളജി, എനര്‍ജി മെറ്റീരിയല്‍സില്‍ പിഎച്ച്ഡിയും, ഉന്നത നിലവാരമുള്ള ഗവേഷണ പ്രസിദ്ധീകരണങ്ങളുമുള്ളവര്‍ക്ക് അപേക്ഷിക്കാം. അന്താരാഷ്ട്ര ലാബുകളിലെ പോസ്റ്റ് ഡോക്ടറല്‍ പ്രവൃത്തിപരിചയം ഉള്ളവര്‍ക്ക് മുന്‍ഗണന. താത്പര്യമുള്ളവര്‍ വിജ്ഞാപനത്തോടൊപ്പമുള്ള പ്രൊഫോര്‍മ പൂരിപ്പിച്ച്, ആവശ്യമായ എല്ലാ സര്‍ട്ടിഫിക്കറ്റുകളുടെയും പകര്‍പ്പുകള്‍ സഹിതം [email protected] എന്ന ഇമെയിലില്‍ അപേക്ഷിക്കുക. 25 വരെ അപേക്ഷിക്കാം. വിശദവിവരങ്ങള്‍ക്ക്: mgu.ac.in.

കൗണ്‍സിലിംഗ് ആന്‍ഡ് സൈക്കോതെറാപ്പിയില്‍ ഡിപ്ലോമ
എംജി സര്‍വകലാശാലയുടെ ഇന്റര്‍ യൂണിവേഴ്‌സിറ്റി സെന്റര്‍ ഫോര്‍ ഡിസെബിലിറ്റി സ്റ്റഡീസ് (ഐയുസിഡിഎസ്.) നടത്തുന്ന കൗണ്‍സിലിംഗ് ആന്‍ഡ് സൈക്കോതെറാപ്പി ഡിപ്ലോമ കോഴ്‌സിന്റെ അടുത്ത ബാച്ചിലേക്ക് അപേക്ഷ ക്ഷണിച്ചു. പ്രീഡിഗ്രി അല്ലെങ്കില്‍ പ്ലസ് ടു ആണ് അടിസ്ഥാന യോഗ്യത. പ്രായപരിധിയില്ല. ഓണ്‍ലൈനിലും ഓഫ്ലൈനിലുമായാണ് ക്ലാസുകള്‍ നടത്തുക. വിവിധ കേന്ദ്രങ്ങളില്‍ പ്രായോഗിക പരിശീലനവും നല്‍കും. ആറുമാസമാണ് കോഴ്‌സിന്റെ ദൈര്‍ഘ്യം. പരീക്ഷാ ഫീസ് ഉള്‍പ്പെടെ കോഴ്‌സിന്റെ മൊത്തം ഫീസ് 10,000 രൂപയാണ്. താല്‍പര്യമുള്ളവര്‍ ഇ-മെയില്‍ വഴി രജിസ്റ്റര്‍ ചെയ്യണം. 25ന് ക്ലാസുകള്‍ ആരംഭിക്കും. ഇ-മെയില്‍: [email protected]. 8547165178

 ഫാഷന്‍ ഡിസൈനിംഗ് കോഴ്‌സിന് അപേക്ഷ ക്ഷണിച്ചു

എംജി സര്‍വകലാശാലയുടെ ഇന്റര്‍ യൂണിവേഴ്‌സിറ്റി സെന്റര്‍ ഫോര്‍ ഡിസെബിലിറ്റി സ്റ്റഡീസില്‍ (ഐയുസിഡിഎസ്) ഡിപ്ലോമ ഇന്‍ ഫാഷന്‍ ഡിസൈനിംഗ് ആന്‍ഡ് ബ്യൂട്ടീഷ്യന്‍ കോഴ്‌സിന്റെ അടുത്ത ബാച്ചിലേക്ക് പ്രവേശനത്തിന് അപേക്ഷ ക്ഷണിച്ചു. ഗാര്‍മെന്റ്‌സ് ഇന്‍ഡസ്ട്രിയില്‍ ജോലി ലഭിക്കുന്നതിന് സഹായകരമായ രീതിയിലാണ് കോഴ്‌സ് നടത്തുന്നത്. ഇന്‍ഡസ്ട്രിയല്‍ ട്രെയിനിംഗും പ്ലേസ്മെന്റ് സഹായവും ലഭിക്കും. സര്‍വകലാശാലാ ക്യാമ്പസിലാണ് ഓഫ്ലൈന്‍ ക്ലാസുകള്‍ നടക്കുക. 16ന് ക്ലാസുകള്‍ ആരംഭിക്കും. പ്രായപരിധിയില്ല. 949641497, 8891391580. ഇ-മെയില്‍: [email protected]

 സ്‌പോട്ട് അഡ്മിഷന്‍

എംജി സര്‍വകലാശാലാ ക്യാമ്പസിലെ സ്‌കൂള്‍ ഓഫ് നാനോസയന്‍സ് ആന്‍ഡ് നാനോടെക്‌നോളജിയില്‍ 2026-27 അധ്യയന വര്‍ഷത്തെ എംഎസ്‌സി കോഴ്‌സുകളിലെ ഒഴിവുള്ള സീറ്റുകളിലേക്ക് 14-ന് സ്‌പോട്ട് അഡ്മിഷന്‍ നടത്തും. വിദ്യാര്‍ത്ഥികള്‍ അസല്‍ സര്‍ട്ടിഫിക്കറ്റുകളും പകര്‍പ്പുകളുമായി രാവിലെ 11ന് കണ്‍വര്‍ജന്‍സ് അക്കാഡമിയ കോംപ്ലക്‌സിലെ റൂം നമ്പര്‍ 302-ല്‍ നേരിട്ട് ഹാജരാകണം.

പരീക്ഷാ തീയതി

അഫിലിയേറ്റഡ് കോളജുകളിലെ എട്ടാം സെമസ്റ്റര്‍ എല്‍എല്‍ബി പരീക്ഷകള്‍ ഒക്ടോബര്‍ ഒന്നു മുതല്‍ നടക്കും. ടൈം ടേബിള്‍ വെബ്‌സൈറ്റില്‍.

 പരീക്ഷയ്ക്ക് അപേക്ഷിക്കാം

ബിഎ, ബിഎസ്‌സി, ബികോം, ബിഎഫ്എ റെഗുലര്‍ (ആനുവല്‍ സ്‌കീം 2008 വരെ അഡ്മിഷനുകള്‍) ബിഎ, ബികോം (പ്രൈവറ്റ് രജിസ്‌ട്രേഷന്‍ 2013 വരെ അഡ്മിഷനുകള്‍) അവസാന സ്‌പെഷല്‍ മേഴ്‌സി ചാന്‍സ് പരീക്ഷകള്‍ക്ക് ഒക്ടോബര്‍ 26 വരെ ഫീസ് അടച്ച് അപേക്ഷിക്കാം. ഫൈനോടെ 27 വരെയും സൂപ്പര്‍ ഫൈനോടെ 28 വരെയും അപേക്ഷ സ്വീകരിക്കും.