രണ്ടാംവര്‍ഷ ബിപിഎഡ് സപ്ലിമെന്‍ററി, രണ്ടാംവര്‍ഷ ബിപിഇഎസ് ഇന്‍റഗ്രേറ്റഡ് റഗുലര്‍, സപ്ലിമെന്‍ററി ഏപ്രില്‍ 2026 പരീക്ഷകള്‍ ജൂണ്‍ 19-ന് തുടങ്ങും. വിശദമായ സമയക്രമം വെബ്‌സൈറ്റില്‍.

 സൂക്ഷ്മപരിശോധനാഫലം മൂന്നാം സെമസ്റ്റര്‍ എംബിഎ (ഐഎഫ്) ജനുവരി 2026 പരീക്ഷയുടെ സൂക്ഷ്മപരിശോധനാഫലം പ്രസിദ്ധീകരിച്ചു.
യഥാക്രമം ഒന്ന്, രണ്ട് സെമസ്റ്റര്‍ ബികോം എല്‍എല്‍ബി ഹോണേഴ്‌സ് റഗുലര്‍, സപ്ലിമെന്‍ററി ഒക്ടോബര്‍ 2025, മാര്‍ച്ച് 2025 പരീക്ഷകളുടെ സൂക്ഷ്മപരിശോധനാഫലം പ്രസിദ്ധീകരിച്ചു.

 പരീക്ഷാഫലം

അഫ്‌സല്‍ ഉല്‍ ഉലമ പ്രിലിമിനറി രണ്ടാംവര്‍ഷ മാര്‍ച്ച് 2026 പരീക്ഷാഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് ജൂണ്‍ എട്ട് വരെ ഓണ്‍ലൈനായി അപേക്ഷിക്കാം.

 പുനര്‍മൂല്യനിര്‍ണയഫലം

വിദൂര വിദ്യാഭ്യാസം മൂന്നാം സെമസ്റ്റര്‍ ബിഎംഎംസി - സിയുസിബിസിഎസ്എസ് (2014, 2015, 2016 പ്രവേശന വര്‍ഷം) യുജി ഒറ്റത്തവണ റഗുലര്‍ സപ്ലിമെന്‍ററി സെപ്റ്റംബര്‍ 2022 പരീക്ഷകളുടെ പുനര്‍മൂല്യനിര്‍ണയഫലം പ്രസിദ്ധീകരിച്ചു.

വിദൂര വിദ്യാഭ്യാസം അഞ്ചാം സെമസ്റ്റര്‍ ബികോം/ബിബിഎ - (സിയുസിബിസിഎസ്എസ് യുജി) ഒറ്റത്തവണ റഗുലര്‍ സപ്ലിമെന്‍ററി സെപ്റ്റംബര്‍ 2022 പരീക്ഷകളുടെ പുനര്‍മൂല്യനിര്‍ണയഫലം പ്രസിദ്ധീകരിച്ചു.

അഞ്ചാം സെമസ്റ്റര്‍ ബിഎ/ബിഎ അഫ്സല്‍ ഉലമ/ബിഎസ്‌സി മാത്തമാറ്റിക്സ്/ബിഎസ്‌സി കൗണ്‍സലിംഗ് സൈക്കോളജി (സിയുസിബിസിഎസ്എസ് യുജി) ഒറ്റത്തവണ റഗുലര്‍ സപ്ലിമെന്‍ററി സെപ്റ്റംബര്‍ 2022 പരീക്ഷകളുടെ പുനര്‍മൂല്യനിര്‍ണയഫലം പ്രസിദ്ധീകരിച്ചു.

യുജിസി നെറ്റ് പരീക്ഷ സൗജന്യ പരിശീലനം

കാലിക്കട്ട് സര്‍വകലാശാല എംപ്ലോയ്‌മെന്‍റ് ഇന്‍ഫര്‍മേഷന്‍ ആൻഡ് ഗൈഡന്‍സ് ബ്യൂറോ യുജിസി നെറ്റ് പരീക്ഷക്ക് സൗജന്യപരിശീലനം നല്‍കുന്നു. 2026 ജൂണ്‍ പരീക്ഷയുടെ പേപ്പര്‍ ഒന്നിനാണ് 12 ദിവസത്തെ പരിശീലനം. മെയ് 29 മുതല്‍ ജൂണ്‍ 16 വരെ സര്‍വകലാശാല കാമ്പസിലെ ആര്യഭട്ടഹാളിലാണ് ക്ലാസ്. [email protected] എന്ന ഇമെയിലില്‍ രജിസ്റ്റര്‍ ചെയ്യാം.
ഫോണ്‍: 7012145413, 9544310611.

 ഐഇടി തൊഴില്‍മേള അവസരം നേടിയത് നൂറിലധികം പേര്‍

തേഞ്ഞിപ്പലം: കാലിക്കട്ട് സര്‍വകലാശാല എൻജിനീയറിംഗ് കോളജിലെ പ്ലേസ്മെന്‍റ് സെല്ലിന്‍റെ ആഭിമുഖ്യത്തില്‍ സംഘടിപ്പിച്ച തൊഴില്‍മേളയില്‍ ആദ്യഘട്ടം വിജയിച്ച് നൂറിലധികം പേര്‍. വിവിധ മേഖലകളില്‍ പ്രവര്‍ത്തിക്കുന്ന പ്രമുഖ കമ്പനികള്‍ പങ്കെടുത്ത മേളയില്‍ 150 ല്‍ പരം ഉദ്യോഗാര്‍ഥികള്‍ പങ്കാളികളായി. മൊത്തം പത്ത് പ്രമുഖ കമ്പനികള്‍ തൊഴില്‍ മേളയില്‍ പങ്കെടുത്തു. എൻജിനീയറിംഗ്, ഐടി, നിര്‍മാണം, സേവന മേഖലകള്‍ എന്നിവയുള്‍പ്പെടെ വിവിധ മേഖലകളിലായി നൂറിലധികം തൊഴില്‍ അവസരങ്ങള്‍ ഉദ്യോഗാര്‍ഥികള്‍ക്കായി ലഭ്യമാക്കി. വിവിധ ഘട്ടങ്ങളിലായി നടന്ന എഴുത്തുപരീക്ഷ, ഗ്രൂപ്പ് ഡിസ്‌കഷന്‍, വ്യക്തിഗത അഭിമുഖം എന്നിവക്ക് ശേഷമേ ജോലി ലഭിച്ചവരുടെ അന്തിമ കണക്കുകള്‍ ലഭ്യമാകൂ. കൂടുതല്‍ തൊഴില്‍ അവസരങ്ങള്‍ സൃഷ്ടിക്കുന്നതിനായി ഇത്തരം പരിപാടികള്‍ തുടര്‍ന്നും സംഘടിപ്പിക്കുമെന്ന് പ്ലേസ്മെന്‍റ് കമ്മിറ്റി അറിയിച്ചു.

 പിജി രജിസ്‌ട്രേഷന്‍ ജൂണ്‍ അഞ്ച് വരെ

2026-2027 അധ്യയന വര്‍ഷത്തെ ഏകജാലകം മുഖേനയുള്ള ബിരുദാനന്തര ബിരുദ പ്രവേശനത്തിനായുള്ള ഓണ്‍ലൈന്‍ രജിസ്ട്രേഷന് (ജഏഇഅജ 2026) അപേക്ഷിക്കാനുള്ള അവസാന തീയതി ജൂണ്‍ അഞ്ച് വരേക്ക് നീട്ടി. വിശദവിവരങ്ങള്‍ക്ക് പിജി ക്യാപ് 2026 പ്രോസ്പെക്ട്സ് പരിശോധിക്കുക. വെബ്സൈറ്റ്: admission.uoc.ac.in