29.05.2026 ന് ആരംഭിക്കുന്ന ഒന്നാം സെമസ്റ്റർ പിജിഡിഎൽഡി (റെഗുലർ/സപ്ലിമെന്‍ററി ) നവംബർ2025 പരീക്ഷകൾക്ക് 07.05.2026 മുതൽ 12.05.2026 വരെ പിഴയില്ലാതെയും14.05.2026 വരെ പിഴയോടുകൂടിയും അപേക്ഷിക്കാം. പരീക്ഷാ വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ്.

കണ്ണൂർ സർവകലാശാല പഠനവകുപ്പുകളിൽ 18.05.2026 മുതൽ നടത്താൻ നിശ്ചയിച്ചിരുന്ന രണ്ടാം സെമസ്റ്റർ പിജി (റെഗുലർ/സപ്ലിമെന്‍ററി ) മേയ് 2026 പരീക്ഷകൾ 16.06.2026ന് ആരംഭിക്കുന്ന വിധത്തിൽ പുന:ക്രമീകരിച്ചിട്ടുണ്ട് . പുതുക്കിയ പരീക്ഷ വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ്

പരീക്ഷാ പുനർവിജ്ഞാപനം

 കണ്ണൂർ സർവകലാശാല പഠന വകുപ്പുകളിൽ 07.05.2026 മുതൽ നടത്താൻ നിശ്ചയിച്ചിരുന്ന രണ്ടാം സെമസ്റ്റർ ഫൈവ് ഇയർ ഇന്‍റഗ്രേറ്റഡ് മാസ്റ്റേഴ്സ് പ്രോഗ്രാം(സിബിസിഎസ്എസ് -റെഗുലർ/ 2025അഡ്മിഷൻ/ഇംപ്രൂവ്മെന്‍റ്/സപ്ലിമെന്‍ററി-2024അഡ്മിഷൻ), മേയ് 2026 പരീക്ഷകൾ 2026 ജൂൺ 17 മുതൽ ആരംഭിക്കുന്ന വിധത്തിൽ പുനഃ ക്രമീകരിച്ചിട്ടുണ്ട്. പുതുക്കിയ പരീക്ഷാ വിജ്ഞാപനം സർവകലാശാല വെബ്സൈറ്റിൽ ലഭ്യമാണ്..

 ഹാൾ ടിക്കറ്റ്

അഫിലിയേറ്റഡ് കോളജുകളിൽ 11 ന് ആരംഭിക്കുന്ന രണ്ടാം സെമസ്റ്റർ എംഎസ്‌സി കംപ്യൂട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷ്യൽ ഇന്‍റലിജൻസ് (റെഗുലർ/ ഇപ്രൂവ്മെന്‍റ്/ സപ്ലിമെന്‍ററി) ഏപ്രിൽ 2026 പരീക്ഷകളുടെ ഹാൾടിക്കറ്റുകളും നോമിനൽ റോളുകളും വെബ്സൈറ്റിൽ നിന്ന് ഡൗൺലോഡ് ചെയ്യാവുന്നതാണ് (www.kannuruniversity.ac.in). ഹാൾ ടിക്കറ്റുകൾ ലഭിക്കാത്ത വിദ്യാർഥികൾ സർവകലാശാലയുമായി ബന്ധപ്പെടേണ്ടതാണ്. പരീക്ഷകൾ രാവിലെ 10 നും വെള്ളിയാഴ്ചകളിൽ രാവിലെ 9.30 നും ആരംഭിക്കും.

എംഎ എക്കണോമിക്‌സ്

കണ്ണൂർ സർവകലാശാല പഠന വകുപ്പിലെ സാമ്പത്തിക ശാസ്ത്ര വിഭാഗത്തിൽ എംഎ എക്കണോ മിക്സ് കോഴ്സിന് അപേക്ഷ ക്ഷണിച്ചു. വിശദ വിവരങ്ങൾ സർവകലാശാല വെബ്‌സൈറ്റിൽ ലഭ്യമാണ്.

ഓപ്പൺ ഡിഫൻസ്13 ന്

കണ്ണൂർ സർവകലാശാലയിൽ കൊമേഴ്‌സ് വിഷയത്തിൽ ഗവേഷണം നടത്തുന്ന കെ. നിഷ എന്ന ഗവേഷണ വിദ്യാർഥിനി തന്‍റെ പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തി ന്മേലുള്ള ഓപ്പൺ ഡിഫൻസ് 13ന് രാവിലെ 10.30 ന് വീഡിയോ കോൺഫറൻസിംഗിലൂടെ നടത്തുന്നതാണെന്ന് റിസർച്ച് ഡയറക്ടർ അറിയിച്ചു. പ്രസ്തുത പ്രബന്ധം ഓപ്പൺ ഡിഫൻസിന് മൂന്നു ദിവസം മുൻപ് മുതൽ കണ്ണൂർ ശ്രീനാരായണ കോളജ് ലൈബ്രറിയിൽ പരിശോധനയ്ക്ക് ലഭ്യമായിരിക്കും

ഫിസിക്സ് വിഷയത്തിൽ ഗവേഷണം നടത്തുന്ന സി.ടി. ഇല്യാസ് എന്ന വിദ്യാർഥി തന്‍റെ പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിൻമേലുള്ള ഓപ്പൺ ഡിഫൻസ് 12 ന് രാവിലെ 11 ന് വീഡിയോ കോൺഫറൻസിംഗിലൂടെ നടത്തുന്നതാണെന്ന് റിസർച്ച് ഡയറക്ടർ അറിയിച്ചു. പ്രസ്തുത പ്രബന്ധം ഓപ്പൺ ഡിഫെൻസ് സെമിനാറിന് മൂന്നു ദിവസം മുന്പ് മുതൽ പയ്യന്നൂർ കോളജ് ലൈബ്രറിയിൽ പരിശോധനയ്ക്ക് ലഭ്യമായിരിക്കും.

 പരീക്ഷാ സമയത്തിൽ മാറ്റം

അഫിലിയേറ്റഡ് കോളജുകളിൽ 06.05.2026 മുതൽ ആരംഭിക്കുന്ന നാലാം സെമസ്റ്റർ എഫ്‌‌വൈയുജിപി (റെഗുലർ-2024 അഡ്മിഷൻ ) ഏപ്രിൽ 2026, നാലാം സെമസ്റ്റർ ബിരുദം (സപ്ലിമെന്‍ററി/ഇംപ്രൂവ്മെന്‍റ് 2020-2023 അഡ്മിഷൻ ) ഏപ്രിൽ 2026, നാലാം സെമസ്റ്റർ ബിരുദാനന്തര ബിരുദം (റെഗുലർ / സപ്ലിമെന്‍ററി/ ഇംപ്രൂവ്മെന്‍റ് ) ഏപ്രിൽ 2026, 11.05.2026 ന് ആരംഭിക്കുന്ന രണ്ടാം സെമസ്റ്റർ എഫ്‌വൈയു ജിപി (റെഗുലർ/സപ്ലിമെന്‍ററി/ഇംപ്രൂവ്മെന്‍റ് -2024 ആൻഡ് 2025 അഡ്മിഷൻ ) ഏപ്രിൽ 2026, രണ്ടാം സെമസ്റ്റർ ബിരുദം (സപ്ലിമെന്‍ററി 2020-2023 അഡ്മിഷൻ) ഏപ്രിൽ 2026 , രണ്ടാം സെമസ്റ്റർ ഇന്‍റഗ്രേറ്റഡ് എംഎസ്‌സി ഇൻ കംപ്യൂട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷ്യൽ ഇന്‍റലി ജൻസ് ആൻഡ് മെഷീൻ ലേണിംഗ്(റെഗുലർ/സപ്ലിമെന്‍ററി /ഇംപ്രൂവ്മെന്‍റ് ) ഏപ്രിൽ 2026 എന്നീ പരീക്ഷകൾ രാവിലെ 10 നും വെള്ളിയാഴ്ചകളിൽ രാവിലെ 9.30 നും ആരംഭിക്കുന്ന രീതിയിൽ സമയം പുനഃ ക്രമീകരിച്ചു. പുതുക്കിയ ടൈം ടേബിൾ സർവകലാശാല വെബ്‌സൈറ്റിൽ പ്രസിദ്ധീകരിച്ചു.