ഇന്നലെ നടത്താനിരുന്ന നാലാം സെമസ്റ്റർ ബിരുദ (പ്രൈവറ്റ് രജിസ്‌ട്രേഷൻ ) റെഗുലർ /സപ്ലിമെന്‍ററി /ഇംപ്രൂവ്മെന്‍റ് ഏപ്രിൽ 2026 പരീക്ഷകൾ 23 ലേക്ക് മാറ്റി. പരീക്ഷ സമയം ഉച്ചയ്ക്ക്1.30 മുതൽ 3.30 വരെ (സപ്ലിമെന്‍ററി /ഇംപ്രൂവ്മെന്‍റ് - 1.30 മുതൽ 4.30 വരെ )

പ്രൈവറ്റ് രജിസ്ട്രേഷൻ പരീക്ഷാ വിജ്ഞാപനം

1. 04.11.2026 ന് ആരംഭിക്കുന്ന പ്രൈവറ്റ് രജിസ്ട്രേഷൻ രണ്ടാം സെമസ്റ്റർ ബിരുദം (എഫ്‌വൈയുജിപി പാറ്റേൺ- 2025 അഡ്മിഷൻ - റെഗുലർ/ 2024 അഡ്മിഷൻ - സപ്ലിമെന്‍ററി /ഇംപ്രൂവ്മെന്‍റ്) ഏപ്രിൽ 2026 പരീക്ഷകളുടെ സ്റ്റുഡൻറ് രജിസ്ട്രേഷൻ 28 വരെയും, പരീക്ഷ രജിസ്ട്രേഷൻ 01.10.2026 മുതൽ 12.10.2026 വരെ പിഴയില്ലാതെയും 14.10.2026 വരെ പിഴയോടുകൂടിയും അപേക്ഷ സമർപ്പിക്കാം.

2. 04.11.2026 നു ആരംഭിക്കുന്ന പ്രൈവറ്റ് രജിസ്‌ട്രേഷൻ രണ്ടാം സെമസ്റ്റർ ബിഎ/ ബികോം/ബിബിഎ ബിരുദ സപ്ലിമെന്‍ററി/ഇംപ്രൂവ്മെന്‍റ് (2022-2023 അഡ്മിഷൻസ് ) ഏപ്രിൽ 2026 പരീക്ഷകളുടെ ഓൺലൈൻ രജിസ്‌ട്രേഷൻ 23 മുതൽ ഓക്ടോബർ അഞ്ചു വരെ പിഴയില്ലാതെയും, 08.10.2026 വരെ പിഴയോടുകൂടിയും അപേക്ഷ സമർപ്പിക്കാം. പരീക്ഷാ വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ് .

 രണ്ടാം സെമസ്റ്റർ ഡഫിഷ്യൻസി ക്രെഡിറ്റ് പരീക്ഷാഫലം

അഫിലിയേറ്റഡ് കോളജുകളിലെ എഫ്‌വൈ യുജി പ്രോഗ്രാമുകളുടെ രണ്ടാം സെമസ്റ്റർ ഡഫിഷ്യൻ സി ക്രെഡിറ്റ് പരീക്ഷ ഏപ്രിൽ 2026 പരീക്ഷാഫലം പ്രസിദ്ധീകരിച്ചു. പരീക്ഷാഫലം കെ -റീപ്പ് ലോഗിനിലും വിദ്യാർഥികളുടെ മൊബൈൽ ആപ്പിലും ലഭ്യമാണ് .
പുനഃ പരിശോധന /സൂക്ഷ്മപരിശോധന/ഫോട്ടോകോപ്പി എന്നിവയുടെ അപേക്ഷകൾ 01/10/2026 തീയതി വൈകുന്നേരം അഞ്ചുവരെ ഓൺലൈനായി സമർപ്പിക്കാവുന്നതാണ്.

ബിഎ എൽഎൽബി പരീക്ഷാഫലം

നാലാം സെമെസ്റ്റർ ഇന്‍റഗ്രേറ്റഡ് ബിഎ എൽഎൽബി റെഗുലർ 2024 അഡ്മിഷൻ, സപ്ലിമെന്‍ററി 2023 അഡ്മിഷൻ/ ബിഎ എൽഎൽബി സപ്ലിമെന്‍ററി - 2016 - 2022 അഡ്മിഷൻ മേയ് 2026 പരീക്ഷയുടെ ഫലം പ്രസിദ്ധീകരിച്ചു. പരീക്ഷാഫലം സർവകലാശാല വെബ്‌സൈറ്റിൽ ലഭ്യമാണ്.
ഉത്തരക്കടലാസിന്‍റെ പുനഃപരിശോധനയ്ക്കും സൂക്ഷ്മപരിശോധനയ്ക്കും ഫോട്ടോക്കോപ്പിക്കുമുള്ള അപേക്ഷകൾ 01/10/2026, വൈകുന്നേരം അഞ്ചു വരെ സർവകലാശാലയിൽ സ്വീകരിക്കും.

ഇന്‍റഗ്രേറ്റഡ് എംഎസ്‌സി പരീക്ഷാഫലം

ഇന്‍റഗ്രേറ്റഡ് എംഎസ്‌സി ഇൻ കംപ്യൂട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷ്യൽ ഇന്‍റലിജൻസ് ആൻഡ് മെഷീൻ ലേർണിംഗ് പ്രോഗ്രാമിന്‍റെ എട്ടാം സെമസ്റ്റർ ഏപ്രിൽ 2026 (റെഗുലർ /സപ്ലിമെന്‍ററി/ഇംപ്രൂവ്മെന്‍റ് ) പരീക്ഷകളുടെ ഫലം പ്രസിദ്ധീകരിച്ചു. പരീക്ഷാഫലം സർവകലാശാല വെബ്സൈറ്റിൽ ലഭ്യമാണ്. ഉത്തരക്കടലാസ് പുനർ മൂല്യനിർണയം/സൂക്ഷ്മ പരിശോധന/പകർപ്പ് ലഭ്യമാക്കൽ എന്നിവക്കുള്ള അപേക്ഷകൾ 01.10.2026 വൈകുന്നേരം അഞ്ചു ഓൺലൈൻ ആയി സ്വീകരിക്കുന്നതാണ്.

അഞ്ചുവർഷ ഇന്‍റഗ്രേറ്റ് കോഴ്സ് പ്രവേശനം

മങ്ങാട്ടുപറമ്പ് ഇക്കണോമിക്സ് ഡിപ്പാർട്ടമെന്‍റിൽ അഞ്ചുവർഷ ഇന്‍റഗ്രേറ്റ് ബിരുദാനന്തര ബിരുദ കോഴ്സിലേക്കുള്ള സ്പോട്ട് അഡ്മിഷൻ 23ന് നടക്കും. യോഗ്യരായ വിദ്യാർഥികൾ 23 നു രാവിലെ 10.30ന് അസൽ സർട്ടിഫിക്കറ്റുകളുമായി മാങ്ങാട്ടുപറമ്പ കാമ്പസിലെ സാമ്പത്തികശാസ്ത്ര പഠന വകുപ്പ് മേധാവിയുടെ മുന്നിൽ ഹാജരാകേണ്ടതാണ് കൂടുതൽ വിവരങ്ങൾക്ക് ഫോൺ: 9400337417

ഇലക്ട്രിഷ്യൻ ഒഴിവ്

കണ്ണൂർ: സർവകലാശാല പയ്യന്നൂർ സ്വാമി ആനന്ദ തീർഥ കാമ്പസിൽ ദിവസ വേതന അടിസ്ഥാന ത്തിൽ ഇലക്ട്രിഷ്യൻ തസ്തികയിലേക്ക് നിയമനം നടത്തുന്നതിന് 22 ന് രാവിലെ11 ന് കാമ്പസിൽ അഭിമുഖം നടത്തുന്നു.
യോഗ്യത: 1) എസ്എസ്എൽസി അഥവാ തത്തുല്യ യോഗ്യതയും എൻടിസി ഇലക്ട്രിക്കൽ / വയർമാൻ അല്ലെങ്കിൽ അഥവാ എസ്എസ്എൽസി തത്തുല്യ യോഗ്യതയും വയർമാൻ ലൈസൻസും 2). വയർമാൻ/ഇലക്ട്രിഷ്യൻ ആയി രണ്ടുവർഷത്തെ പ്രവൃത്തി പരിചയം. പ്രായം 18 നും 40 നും മധ്യേ നിയമാനുസൃതമായ വയസിളവ് അനുവദിക്കുന്നതാണ്. താത്പര്യമുള്ളവർ അസൽ യോഗ്യത സർട്ടിഫിക്കറ്റുകളുമായി ഹാജരാകുക. ഫോൺ : 9496372088

ജൂനിയർ റിസർച്ച് ഫെലോ ഒഴിവ്

കണ്ണൂർ: സർവകലാശാല ഭൗതികശാസ്ത്ര വിഭാഗത്തിലെ അസിസ്റ്റന്‍റ് പ്രഫ. ഡോ. വിജിത്തിന്‍റെ കീഴിൽ കേന്ദ്ര സർക്കാരിന്‍റെ PM-ECRG (ANRF) പദ്ധതിയുടെ ഭാഗമായി നടപ്പിലാക്കുന്ന ഗവേഷണ പ്രോജക്ടിൽ ജൂനിയർ റിസർച്ച് ഫെലോ (JRF) തസ്തികയിലേക്ക് 25 വരെ അപേക്ഷിക്കാം. ഭൗതികശാസ്ത്രത്തിൽ ബിരുദാനന്തര ബിരുദമുള്ള ഉദ്യോഗാർഥികൾക്ക് അപേക്ഷിക്കാം. NET/GATE യോഗ്യതയുള്ളവർക്ക് മുൻഗണന ലഭിക്കും. ഔദ്യോഗിക വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ് (https://www.kannuruniversity.ac.in/media/documents/JRF_appoinment_VK.pdf). കൂടുതൽ വിവരങ്ങൾക്ക് ബന്ധപ്പെടുക: 9497720572. അവസാന തീയതി സെപ്റ്റംബർ 25.

യുജി സ്പെഷൽ പരീക്ഷാ വിജ്ഞാപനം

പരീക്ഷാ സമയക്രമം മാറ്റിയതിനാൽ പരീക്ഷ എഴുതുവാൻ സാധിക്കാതിരുന്ന വിദ്യാർഥികൾക്കുള്ള നാല്, രണ്ട് സെമസ്റ്റർ ബിരുദ (സിബിസിഎസ്എസ് -ഒബിഇ - സപ്ലിമെന്‍ററി/ ഇംപ്രൂവ്മെന്‍റ് -2020 മുതൽ 2023 വരെ പ്രവേശനം ) സ്പെഷൽ പരീക്ഷ ഏപ്രിൽ 2026 ന്‍റെ വിജ്ഞാപനം പുറപ്പെടുവിച്ചു. നാലാം സെമസ്റ്റർ പരീക്ഷ 29 നും രണ്ടാം സെമസ്റ്റർ പരീക്ഷ സെപ്റ്റംബർ 30 നും നടക്കുന്നതാണ്. പരീക്ഷയ്ക്ക് പ്രത്യേകം രജിസ്റ്റർ ചെയ്യേണ്ടതില്ല. നേരത്തെ രജിസ്റ്റർ ചെയ്ത പേപ്പറുകളിൽ ആദ്യത്തെ പേപ്പറിന് മാത്രമാണ് അവസരം നൽകുന്നത്. ഹാൾ ടിക്കറ്റ് 24ന് അനുവദിക്കുന്നതാണ്. വിജ്ഞാപനം സർവകലാശാലയുടെ വെബ്‌സൈറ്റിൽ ലഭ്യമാണ് .