കണ്ണൂർ സർവകലാശാല അഫിലിയേറ്റഡ് കോളജുകളിലെയും സെന്‍ററുകളിലെയും മൂന്നാം സെമസ്റ്റർ എംസിഎ (റെഗുലർ/സപ്ലിമെന്‍ററി/ ഇംപ്രൂവ്മെന്‍റ്) - നവംബർ 2025 പരീക്ഷാഫലം കണ്ണൂർ സർവകലാശാല വെബ് സൈറ്റിൽ ലഭ്യമാണ്. പുനർ മൂല്യനിർണയത്തിന് ഓൺലൈനായി അപേക്ഷ സമർപ്പിക്കുന്നതിനുള്ള അവസാന തീയതി : 30 -05 -2026 ,

താത്കാലിക അധ്യാപക നിയമനം അപേക്ഷ ക്ഷണിച്ചു

കണ്ണൂർ സർവകലാശാലയ്ക്ക് കീഴിലെ വിവിധ പഠന വകുപ്പുകളിൽ ഒരു വർഷ കാലാവധി വ്യവസ്ഥ യിൽ ഗസ്റ്റ് ഫാക്കൽട്ടി, ഗസ്റ്റ് ഫാക്കൽട്ടി ഇൻ യോഗ, സ്പോർട്സ് ട്രെയിനർ തസ്തികയിലേക്ക് യോഗ്യരായവരിൽ നിന്നും അപേക്ഷ ക്ഷണിച്ചു. ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. അപേക്ഷ സമർപ്പിക്കാനുള്ള അവസാന തീയതി 25.05.2026. അപേക്ഷ ഫീസ് 500 രൂപ (SC/ST,PWBR വിഭാഗങ്ങൾക്ക് 250 രൂപ) . ഓണ്‍ലൈനായാണ് അപേക്ഷ ഫീസ് അടയ്ക്കേണ്ടത്. വിജ്ഞാപനം സംബന്ധിച്ച വിശദാംശങ്ങൾ സർവകലാശാല വെബ്സൈറ്റിൽ പ്രസിദ്ധീകരിച്ചിട്ടുണ്ട്.

ഡിജിറ്റൽ മാർക്കറ്റിംഗ് കോഴ്സ് സൗജന്യമായി

കണ്ണൂർ സർവകലാശാലയും എഎസ്എപി കേരളയും സംയുക്തമായി സൗജന്യ ഡിജിറ്റൽ മാർക്കറ്റിംഗ് കോഴ്സ് ആരംഭിക്കുന്നു. പിഎം ഉഷ സ്കീമിൽ ഉൾപ്പെടുത്തി ആരംഭിക്കുന്ന ഈ കോഴ്സ് 30 മണിക്കൂർ ദൈർഘ്യമുള്ളതാണ്. പൊതുജനങ്ങൾക്കും വിദ്യാർഥികൾക്കും സൗജന്യ കോഴ്സിൽ പ്രവേശനം ലഭിക്കും. മേയ് 28 നു സർവകലാശാലയുടെ മാങ്ങാട്ടുപറമ്പ് കാമ്പസിൽ കോഴ്സ് ആരംഭിക്കുന്നു. 18നും 35നും മധ്യേ പ്രായമുള്ളവർക്ക് അപേക്ഷിക്കാം. അപേക്ഷിക്കാനുള്ള ലിങ്ക് സർവകലാശാല വെബ് സൈറ്റിൽ ലഭ്യമാണ്. അപേക്ഷിക്കാനുള്ള അവസാന തിയതി 22.05.26. 
വിശദ വിവരങ്ങൾക്ക് 0497 2715243 & 7907828369 നമ്പറിൽ ബന്ധപ്പെടേണ്ടതാണ്.

ഓപ്പൺ ഡിഫൻസ് 25ന്

കണ്ണൂർ സർവകലാശാലയിൽ കൊമേഴ്‌സ് വിഷയത്തിൽ ഗവേഷണം നടത്തുന്ന ഇ. ഷിബില എന്ന ഗവേഷണ വിദ്യാർഥി തന്‍റെ പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിന്മേ ലുള്ള ഓപ്പൺ ഡിഫൻസ് 25ന് രാവിലെ10.30 ന് വീഡിയോ കോൺഫറൻസിംഗിലൂടെ നടത്തുന്നതാണ്. പ്രസ്തുത പ്രബന്ധം ഓപ്പൺ ഡിഫെൻസിന് മൂന്നു ദിവസം മുന്പ് മുതൽ ശ്രീനാരായണ കോളജ് കണ്ണൂർ, ലൈബ്രറിയിൽ പരിശോധനയ്ക്ക് ലഭ്യമായിരിക്കും.