ഫാപ്പിൻസ് കമ്യുണിറ്റി കോളജ് ഓഫ് ബിഹേവിയറൽ മാനേജ്‌മെന്‍റ്, ഹൃദയാരാം കമ്യുണിറ്റി കോളജ് എന്നീ സ്ഥാപനങ്ങളിലെ ഒന്നാം സെമസ്റ്റർ പോസ്റ്റ് ഗ്രാജ്വേറ്റ് ഡിപ്ലോമ ഇൻ കൗൺസലിംഗ് സൈക്കൊളജി നവംബർ 2025 പരീക്ഷയുടെ ഫലം പ്രസിദ്ധീകരിച്ചു. പരീക്ഷാ ഫലം സർവകലാശാല വെബ്‌സൈറ്റിൽ ലഭ്യമാണ്. പുനർമൂല്യനിർണയം, സൂക്ഷ്മപരിശോധന, ഉത്തരക്കടലാസുകളുടെ പകർപ്പ് ലഭ്യമാക്കൽ എന്നിവയ്ക്ക് 2026 ഒക്ടോബർ ഏഴിന് വൈകുന്നേരം അഞ്ചു വരെ ഓൺ ലൈനായി അപേക്ഷിക്കാം.

ഡോക്ടർ, നഴ്സ് വാക് ഇൻ ഇന്‍റർവ്യു

കണ്ണൂർ സർവകലാശാല താവക്കര ആസ്ഥാനകാര്യാലയത്തിൽ ഡോക്ടർ, നഴ്സ് എന്നീ തസ്തികകളിൽ കരാർ അടിസ്ഥാനത്തിൽ താത്കാലിക നിയമനം നടത്തുന്നു. വാക്-ഇൻ ഇന്‍റർവ്യു വഴിയാണ് നിയമനം. നടത്തുന്നു. ഉദ്യോഗാർഥികൾ വയസ്, യോഗ്യത, പ്രവൃത്തി പരിചയം എന്നിവ തെളിയിക്കുന്ന അസൽ രേഖകൾ സഹിതം ഒക്ടോബർ ആറിന് രാവിലെ 9.30 ന് താവക്കര ആസ്ഥാനകാര്യാലയത്തിൽ നടക്കുന്ന അഭിമുഖത്തിന് ഹാജരാകണം. വിശദമായ വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ്. (www.kannuruniversity.ac.in)

യുജി സ്പെഷൽ പരീക്ഷ ടൈം ടേബിളുകൾ

സെപ്റ്റംബർ 29, 30 തീയതികളിൽ നടക്കുന്ന, അഫിലിയേറ്റഡ് കോളജുകളിലെ നാല്, രണ്ട് സെമസ്റ്റർ ബിരുദ (സിബിസിഎസ്എസ് -ഒബിഇ - സപ്ലിമെന്‍ററി / ഇംപ്രൂവ്മെന്‍റ് -2020 മുതൽ 2023 വരെ പ്രവേശനം ) സ്പെഷൽ പരീക്ഷ ഏപ്രിൽ 2026 ന്‍റെ ടൈം ടേബിളുകൾ സർവകലാശാല വെബ്‌സൈറ്റിൽ പ്രസിദ്ധീകരിച്ചു .

യുജി സ്പെഷൽ പരീക്ഷ പരീക്ഷ ഹാൾ ടിക്കറ്റ്

സെപ്റ്റംബർ 29 നും 30 നും നടക്കുന്ന, അഫിലിയേറ്റഡ് കോളജുകളിലെ നാലും രണ്ടും സെമസ്റ്റർ ബി എ, ബിഎസ് സി, ബികോം, ബിസിഎ, ബിബിഎ, ബിബിഎ ടിടിഎം, ബിടിടിഎം, ബിബിഎ (ഏഎച്ച്) ബിബിഎ (എഎഎം) ബിബിഎ (എച്ച്എ) ബിഎംസി, ബിഎ അഫ്സൽ ഉൽ ഉലമ, ബിഎസ് ഡബ്ലിയു (2019 മുതൽ 2023 അഡ്മിഷൻ വരെ), സപ്ലിമെന്‍ററി/ഇംപ്രൂവ്മെന്‍റ്) ഏപ്രിൽ 2026 സ്പെഷൽ പരീക്ഷകളുടെ ഹാൾടിക്കറ്റുകൾ സർകലാശാലാ വെബ് സൈറ്റിൽ ലഭ്യമാണ്.

ഇന്‍റഗ്രേറ്റഡ് എംഎസ്‌സി പരീക്ഷ വിജ്ഞാപനം

നവംബർ അഞ്ചിന് ആരംഭിക്കുന്ന അഫിലിയേറ്റഡ് കോളജിലെ മൂന്നാം സെമസ്റ്റർ ഇന്‍റഗ്രേറ്റഡ് എം എസ്‌സി ഇൻ കംപ്യൂട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷൽ ഇന്‍റലിജൻസ് ആൻഡ് മെഷീൻ ലേണിംഗ് (2025 അഡ്മിഷൻ -റഗുലർ /2020 & 2024 അഡ്മിഷൻസ് -സപ്ലിമെന്‍ററി /ഇംപ്രൂവ്മെന്‍റ്) എക്സാമിനേഷൻസ് ഒക്ടോബർ 2026 പരീക്ഷകൾക്ക് 2026 സെപ്റ്റംബർ 28 മുതൽ 2026 ഒക്ടോബർ മൂന്ന് വരെ പിഴയില്ലാതെയും 2026 ഒക്ടോബർ 06 വരെ പിഴയോടുകൂടിയും അപേക്ഷ സമർപ്പിക്കാം. പരീക്ഷ വിജ്ഞാപനം സർവകലാശാല വെബ് സൈറ്റിൽ ലഭ്യമാണ്.

ബിഎഡ് പരീക്ഷ വിജ്ഞാപനം

നവംബർ നാലിന് ആരംഭിക്കുന്ന അഫിലിയേറ്റഡ് കോളജുകളിലെയും സെന്‍ററുകളിലെയും മൂന്നാം സെമസ്റ്റർ ബിഎഡ് . (റഗുലർ / സപ്ലിമെന്‍ററി /ഇംപ്രൂവ്മെന്‍റ് )എക്സാമിനേഷൻസ്, നവംബർ 2026 പരീക്ഷകൾക്ക് 2026 സെപ്റ്റംബർ 29 മുതൽ 2026 ഒക്ടോബർ അഞ്ചു വരെ പിഴയില്ലാതെയും ഒക്ടോബർ ഏഴുവരെ പിഴയോടുകൂടിയും അപേക്ഷ സമർപ്പിക്കാം. പരീക്ഷ വിജ്ഞാപനം സർവകലാശാല വെബ് സൈറ്റിൽ ലഭ്യമാണ്.