കണ്ണൂർ: സർവകലാശാലയുടെ രണ്ടാം സെമസ്റ്റർ പ്രൈവറ്റ് രജിസ്‌ട്രേഷൻ ബിഎ, ബിബിഎ, ബികോം സപ്ലിമെന്‍ററി /ഇപ്രൂവ്മെന്‍റ് (2020-2023 അഡ്മിഷൻ) ബിരുദ പരീക്ഷകളുടെ ഫലം 24/04/2026 ന് പ്രസിദ്ധീകരിച്ചു. പരീക്ഷാഫലം സർവകലാശാലാ വെബ്‌സൈറ്റിൽ (www.kannuruniversity.ac.in) ലഭ്യമാണ്. പുന പരിശോധന /സൂക്ഷ്മപരിശോധന/ഫോട്ടോകോപ്പി എന്നിവയ്ക്കുള്ള ഓൺലൈൻ അപേക്ഷകൾ സ്വീകരിക്കുന്ന അവസാന തീയതി :07/05/2026.

തീയതി നീട്ടി

കണ്ണൂർ: അഫിലിയേറ്റഡ് കോളജുകളിലെ നാലാം സെമസ്റ്റർ എഫ്‌വൈയുജിപി (ഏപ്രിൽ 2026) പരീക്ഷകളുടെ ഇന്‍റേണൽ മാർക്ക് സമർപ്പിക്കുന്നതിനുള്ള അവസാന തീയതി 28.05.2026 വരെ നീട്ടി.
രണ്ടാം സെമസ്റ്റർ ബിഎ എൽഎൽബി (മേയ് 2026 ) പരീക്ഷകളുടെ എപിസി, ഫീ സ്റ്റേറ്റ്മെന്‍റ് എന്നിവ പിഴയില്ലാതെ സമർപ്പിക്കുന്നതിനുള്ള അവസാന തീയതി ഇന്ന് വരെ നീട്ടി.

പ്രാക്ടിക്കൽ മാർക്ക് എൻട്രി

കണ്ണൂർ: അഫിലിയേറ്റഡ് കോളജുകളിലെ നാലാം സെമസ്റ്റർ എഫ്‌വൈയുജിപി പ്രാക്ടിക്കൽ / പ്രാക്റ്റിക്കം (ഏപ്രിൽ 2026 ) പരീക്ഷകളുടെ മാർക്ക് എൻട്രി ചെയ്യാനുള്ള ലിങ്ക് 07.05.2026 മുതൽ 28.05.2026 വരെ ലഭ്യമായിരിക്കും.

പ്രോജക്ട്/ വൈവ പരീക്ഷകൾ

കണ്ണൂർ: പത്താം സെമസ്റ്റർ ഇന്‍റഗ്രേറ്റഡ് എംഎസ്‌സി ഇൻ കംപൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്‍റലിജൻസ് ആൻഡ് മെഷീൻ ലേണിംഗ് (റഗുലർ/സപ്ലിമെന്‍റി), ഏപ്രിൽ 2026 പ്രോജക്ട്/ വൈവ പരീക്ഷകൾ ഇന്നും നാളെയുമായി കാഞ്ഞങ്ങാട് നെഹ്റു ആ൪ട്സ് ആൻഡ് സയൻസ് കോളജിൽ നടക്കും. ടൈം ടേബിൾ വെബ്സൈറ്റിൽ ലഭ്യമാണ്. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടുക.