എട്ടാം സെമസ്റ്റർ എംകോം (ഫൈവ് ഇയർ ഇന്‍റഗ്രേറ്റഡ്) ഡിഗ്രി (സിബിസിഎസ്എസ് - റെഗുലർ - 2022 അഡ്മിഷൻ, ലാറ്ററൽ എൻട്രി - 2025 അഡ്മിഷൻ ), മേയ് 2026 പരീക്ഷകളുടെ ഫലം സർവകലാശാല വെബ്സൈറ്റിൽ ലഭ്യമാണ്. ഉത്തര കടലാസുകളുടെ പുനഃപരിശോധന/സൂക്ഷ്മപരിശോധന/ ഫോട്ടോകോപ്പി എന്നിവയ്ക്ക് 23 ന് വൈകുന്നേരം അഞ്ചുവരെ അപേക്ഷിക്കാം.

ഇഫക്ടീവ് ഇംഗ്ലിഷ് കമ്യൂണിക്കേഷൻസ് സർട്ടിഫിക്കറ്റ് കോഴ്സ് 16 ന് ആരംഭിക്കും

കണ്ണൂർ: ഇംഗ്ലിഷിൽ മികച്ച ആശയവിനിമയ കഴിവ് ലക്ഷ്യമിടുന്നവർക്കായി കണ്ണൂർ സർവകലാശാല യുടെ സ്കൂൾ ഓഫ് ലൈഫ്‌ലോംഗ് ലേണിംഗ്, ഇംഗ്ലിഷ് പഠനവകുപ്പുമായി സഹകരിച്ച് താവക്കര കാമ്പസിൽ നടത്തുന്ന “ഇഫക്ടീവ് ഇംഗ്ലിഷ് കമ്യൂണിക്കേഷൻ (EEC)” എന്ന ഹ്രസ്വകാല സർട്ടിഫിക്കറ്റ് കോഴ്സിന്‍റെ നാലാം ബാച്ചിന്‍റെ ക്ലാസുകൾ 16ന് താവക്കര കാന്പസിലെ അമിനിറ്റി സെൻരറിൽ ആരംഭിക്കും. ഇനിയും പ്രവേശനം നേടാൻ താത്പര്യമുള്ളവർക്ക് 15 വരെ ഓൺലൈൻ ആയി അപേക്ഷിക്കാം. നിലവിൽ മറ്റു കോഴ്സുകൾ പഠിക്കുന്നവർക്കും അപേക്ഷിക്കാം. യോഗ്യത: ഹയർ സെക്കൻഡറി/പ്ലസ് ടു, ഫീസ്: 4,000 രൂപ, ക്ലാസുകൾ: രണ്ടാം ശനി ഒഴികെയുള്ള എല്ലാ ശനിയാഴ്ചകളിലും. വിശദവിവരങ്ങൾ വെബ്സൈറ്റിൽ www.kannuruniversity.ac.in → Academics → Centre for Lifelong Learning→Certificate Course ലിങ്കിൽ. രജിസ്റ്റർ ചെയ്ത മുഴുവൻ വിദ്യാർഥികളും അപേക്ഷയുടെ ഹാർഡ് കോപ്പി അനുബന്ധ രേഖകൾ സഹിതം 16 ന് സ്കൂൾ ഓഫ് ലൈഫ്‌ലോംഗ് ലേണിങ് ഡയറക്ടർക്ക് സമർപ്പിക്കണം. ഫോൺ: 0497 2715183.

ഫുട്ബോൾ; വേനൽക്കാല പരിശീലനം

കണ്ണൂർ: സർവകലാശാല കായിക വിദ്യാഭ്യാസ വിഭാഗത്തിന്‍റെ നേതൃത്വത്തിൽ 10 വയസ് മുതൽ 18 വയസുവരെയുള്ള ആണ്‍കുട്ടികൾക്കും പെൺകുട്ടികൾക്കും വേനൽക്കാല ഫുട്ബോൾ പരിശീലനം നൽകുന്നു. രജിസ്ട്രേഷൻ ഫീസ് 1000 രൂപ (ആയിരം രൂപ). സർവകലാശാലയുടെ മങ്ങാട്ടുപറമ്പ കാമ്പസിലുള്ള ഫുട്ബോൾ സ്റ്റേഡിയത്തിൽ രാവിലെ 6.30 മുതൽ 8.30 വരെയായിരിക്കും പരിശീലനം . താത്പര്യമുള്ള കായികതാരങ്ങൾ 15 ന് രാവിലെ 6.30 ന് ഫുട്ബോൾ കളിക്കുന്നതിനുള്ള കിറ്റ് സഹിതം റിപ്പോർട്ട് ചെയ്യുക. ഫോൺ: 04972784615, 9446296089.

ഗ്രേസ് മാർക്കിന് അപേക്ഷ ക്ഷണിച്ചു

കണ്ണൂർ സർവകലാശാല കലോത്സവത്തിലും, സോണൽ/നാഷണൽ തല കലോത്സവങ്ങളിലും വിജയിച്ച 2025 -26 അധ്യയന വർഷത്തിൽ ആർട്സ് ഗ്രേസ് മാർക്കിന് അർഹത നേടിയ അവസാന വർഷ ബിരുദ/ ബിരുദ ബിരുദാനന്തര ബിരുദ/ഇന്‍റഗ്രേറ്റഡ് പിജി വിദ്യാർഥികൾ ഒഴികെയുള്ളവരിൽ നിന്നും ആർട്സ് ഗ്രേസ് മാർക്കിനുള്ള അപേക്ഷകൾ ക്ഷണിച്ചുകൊള്ളുന്നു. ആർട്സ് ഗ്രേസ് മാർക്കിനുള്ള അപേക്ഷകൾ ഫൈൻ ആർട്സ് അഡ്വൈസർ/പ്രിൻസിപ്പൽ സാക്ഷ്യ പ്പെടുത്തിയ പ്രഫോർമ, മാർക്ക് ലിസ്റ്റിന്‍റേയും ഹാൾടിക്കറ്റിന്‍റേയും മെറിറ്റ് സർട്ടിഫിക്കറ്റിന്‍റേയും പ്രിൻസിപ്പൽ സാക്ഷ്യപ്പെടുത്തിയ പകർപ്പുകൾ എന്നിവ സഹിതം സർവകലാശാല താവക്കര ആസ്ഥാനത്തെ വിദ്യാർഥി ക്ഷേമ വിഭാഗം ഡയറക്ടറുടെ കാര്യാലയത്തിൽ (അമിനിറ്റി സെന്‍റർ) 2026 ജൂൺ എട്ടിന് വൈകുന്നേരം അഞ്ചിന് വരെ നേരിട്ട് സമർപ്പിക്കാവുന്നതാണ്. അപേക്ഷസമർപ്പണം സംബന്ധിച്ച നിർദേശങ്ങൾ, സർവകലാശാല വെബ്‌സൈറ്റിൽ ലഭ്യമാണ് പ്രഫോർമയുടെ സോഫ്റ്റ് കോപ്പി എക്സൽ ഫോർമാറ്റിൽ [email protected] എന്ന ഇമെയിൽ അഡ്രസിൽ നിർബന്ധമായും ലഭ്യമാക്കേണ്ടതാണ്.

എംഎസ്‌സി ഫിസിക്സ് പ്രവേശനം

പയ്യന്നൂർ കാമ്പസിലെ ഫിസിക്സ് പഠനവകുപ്പിൽ എംഎസ്‌സി ഫിസിക്സ് കോഴ്സിന് അപേക്ഷ ക്ഷണിച്ചു. യോഗ്യത: മാത്തമാറ്റിക്സ് ഒരു വിഷയമായി 50 ശതമാനം മാർക്കോടെ ഫിസിക്സ് ബിരുദം. അപേക്ഷിക്കാനുളള അവസാന തീയതി മേയ് 24. കൂടുതൽ വിവരങ്ങൾക്കു 9447649820, 04972806401. അഡ്മിഷൻ സംബന്ധിച്ച വിവരങ്ങൾ https://admissions.kannuruniversity.ac.in/ എന്ന വെബ്‌സൈറ്റിൽ. ഹാൾ ടിക്കറ്റ് അഫിലിയേറ്റഡ് കോളജുകളിൽ18ന് ആരംഭിക്കുന്ന രണ്ടാം സെമസ്റ്റർ എംഎസ്‌സി, എംഎ, എംടിടിഎം, എംകോം, എംഎസ്ഡബ്ല്യൂ. (റെഗുലർ/ സപ്ലിമെൻററി /ഇംപ്രൂവ്മെൻറ് - 2022 അഡ്മിഷൻ മുതൽ) ഏപ്രിൽ 2026 പരീക്ഷകളുടെ ഹാൾടിക്കറ്റുകളും നോമിനൽ റോളുകളും സർവകലാശാല വെബ്‌സൈറ്റിൽ നിന്ന് ഡൗൺലോഡ് ചെയ്യാവുന്നതാണ്. ഹാൾ ടിക്കറ്റുകൾ ലഭിക്കാത്ത വിദ്യാർഥികൾ സർവകലാശാലയുമായി ബന്ധപ്പെടേണ്ടതാണ്.